ارجوا الافادة بخصوص التمبرا

[mmme]

ان شاء الله انا مقبل على شراء سيارة ودي اول سيارة لي بس انا محتار بين التمبرا و الهيونداي اكسيل يا ريت حد يفدني و يقولي ايه مميزات و عيوب كل عربية منهم و لكم جزيل الشكر

[amrseba]

تمبرا و هيونداى اكسييييييل ينهار اسود ده مفيش وجه مقارنه يا باشا انا معايا صاحبى معاه اكسيل و فيات اونو و انا معايا تمبرا

يا باشا الاكسيل ديه بعد سرعه 100 مراجيح المولد ثبتها اوحش من الفيرنا ولو حبيت تاخد بيها غرزه على 100 ولا عدت من جمبك عربيه نقل على سرعه هتلاقى نفسك مش متحكم فى العربيه

بتجيب فتيس على طول ومشاكلها كتير انا صاحبى ده بيقول ان الفيات اونو احسن منها يبقى التمبرا مش احسن

وعلى فكره هتقولى ازاى سعرهم واحد فى السوق اولا سعرهم مش واحد عشان كل الى بيتباع ب 29 ده خربان خربان

هتجيب تمبرا نضيفه مش اقل من 35 عشان تعرف بس ولو فبريكه بره وجوه ممكن تعمل من 37 الى 42

التمبرا ثباتها لاغيت 200 حلو او اكتر زى ما بقولك ان مجبتش 200 بس عارف عشان العربيه ديه كانت بينزل منها فى اوروبا مواتير تربو 2000 سى سى 5 سلندر 20 صباب 180 حصان

فاستحاله ياعنى بيركب فيها ماتور زى ده وثبتها وحش انا جبت بيها 170 كانت زى الفل الحمدلله

الفرق بين الاتنين الاكسيل قطع غيارها متوفره وارخص من التمبرا شويه بس مش فرق كبير ياعنى

التمبرا فيها كماليات كتير زى عداد ديجيتال و تكييف وازاز كهربا و باور
بس لو سعر اعاده البيع بيخلى العربيه حلوه كان زمان الاكسنت احسن من الافا روميو ولا الانوس احسن من رينو ميجان هكذا وهكذا سعر التمبرا قليل فى السوق عشان العربيه قطع غيارها قليله شويه بس بتلاقيها بسهوله ورخيصه بس فى اماكن معينه زى عزبه شلبى و الوكاله و الكيلانى وفيه ناس كتير

[mmme]

يا باشا كتر الف خيرك على الرد السريع بس يا ريت تعرفني اكتر بالتمبرا و تعرفني ايه مواصفات التمبرا اللي اشتريها يعني مثلا موديل سنة كام و كمالياتها ايه و كمان هل صالتمبرا ال 1400 cc نفس امكانيات ال 1600

[M.ABDEEN]

التمبرا افضل بكتير من الاكسيل قوة ومتانة ووسع وثبات