ممكن مساعدة فى شراء سيارة

[mohamed]

يا ريت يا جماعة تفيدونى برايكم انا ان شاء الله مقبل على شراء سيارة بس احب وانتم بتقترحولى تاخدوا بالكم من الحاجات دى:-
1- يكون رينج السعر حتى 90000جم( جديد او مستعمل مش هتفرق وان كنت افضل زيرو )
2- يكون فيها عوامل امان مثل الabs & airbag دا اهم شىء
3- تكون بشنطة واعتمادية
4- تكون قطع الغيار متوفرة واستهلاك البنزين معقول
اسف ع الاطالة وشكرا

[RAMYALI_1982]

والله اخى الكريم الكلام دة موجود فى :

1- نيسان صنى فل اوبشن مانيوال
2-الجين 2
3البريسونا
4-رينو اسكالا
5-رينو لوجان بس من غير abs
6-الانترا فل اوبشن مانيوال بس مش عرف فيها اير باج ولا لا

دة اللى انا متذكرة دلوقتى لو افتكرت حاجة تانى هاقولك

[أبومعاذ]

هات بيرسونا فيها كل اللي انت عايزه و أحسن قيمة مقابل السعر بس بالنسبة للنقطة رقم 4 قطع الغيار حاليا في مرحلة الانتشار عند التجار بس مش منتشرة أوي زي الكوري مثلا بس هتلاقي في شارع دمشق وفي الحرفيين كذا تاجر بيشتغلو في قطع غيار بروتون وفي برضو في فيصل وفي مدينة نصر يعني زي ما بقلك قطع الغيار بدات تنتشر بس لسة شوية عشان تقول منتشرة الحاجة التانية البيرسونا زي أي عربية 1600 تحرق بنزين وعايز تشد وتجري هتاكل معاك بنزين ومش هتعجبك هتسوق بالعقل و من غير حرق وتسقيط غيارات هتلاقي استهلاك البنزين هايل
في النهاية ربنا يوفقك للي فيه الخير واستخير وإن شاء الله مش هتندم

[mohamedrabia]

انا شايف بالسعر ده تجيب نيسان صني فيها ايرباجز واي بي اس شنطة واسعة شكل مثالي واعتقد ان سعر اعادة البيع ليها موخرا اتغير كتير او هات سيراتو الشكل القديم 2008 فيه منها جديد عربية بصراحة اكتر من ممتازة البيرسونا كويسة جدااااا بس قطع الغيار وسعر اعادة البيع اعتقد مش عملي

[jisso82]

طبعا الزيرو أفضل من وجهة نظرى مهما كان نوع أو حالة المستعمل و هنا أقوللك هات البرسونا اللى زيادة عن اللى انت طالبه ثبات رهيب ماشاء الله و صاج محترم مقارنة بعربيات اليومين دول عموما و موتور قوى يعنى كأساسيات أعتقد فارقة عن عربيات كتيرة.
أما بالنسبة لقطع الغيار فهى أسعارها بره التوكيل معقولة و عموما هى فى رينج الكيا تقريبا و سعر إعادة البيع أولا المفروض إنه ما يكونش أوبشن و انت بتختار عربية جديدة و ثانيا ربنا يبارك ماشاء الله بيزيد بشكل ملحوظ مع انتشار العربية و انتشار قطع غيارها بره.

[M.almaghraby]

انا ارشحلك الجين 2

[eng_ahmedryad]

1. هيونداي ألنترا (فيها كل اللي أنت عاوزه عدا عوامل الأمان)
2. نيسان صني فول أوتوماتيك ( أضيق من الألنترا وازيد في استهلاك البزين شوية وقطع الغيار اغلى شويه)
3. بروتون بيرسونا فول أوتوماتيك ( قطع الغيار أقل توافر )

[Ayman_52]

طبعا الزيرو أفضل من وجهة نظرى مهما كان نوع أو حالة المستعمل و هنا أقوللك هات البرسونا اللى زيادة عن اللى انت طالبه ثبات رهيب ماشاء الله و صاج محترم مقارنة بعربيات اليومين دول عموما و موتور قوى يعنى كأساسيات أعتقد فارقة عن عربيات كتيرة.
أما بالنسبة لقطع الغيار فهى أسعارها بره التوكيل معقولة و عموما هى فى رينج الكيا تقريبا و سعر إعادة البيع أولا المفروض إنه ما يكونش أوبشن و انت بتختار عربية جديدة و ثانيا ربنا يبارك ماشاء الله بيزيد بشكل ملحوظ مع انتشار العربية و انتشار قطع غيارها بره.

+11



للتعرف على المزيد من امكانيـات العربيه , بروشور البيرسونــا

PROTON PERSONA



DOWNLOAD FULL BROCHURE



وربنا يوفقك للاختيــار الخير -ان شاء الله-

تحيــــــــــــاتـــى

[Abo.Mayyam]

بيرسونا وإستخير

[ahmedbibo]

نيسان صنى هيا الاختيار الامثل او الرينو سكالا الاتنين واحد

الانترا لامفهاش ثبات ولا عوامل امان ولا فرامل abs غير تقريبا فى اعلى فئه و فى الخليجى