محتااار بين الاوتو والمانيوال

[zawahry]

السلام عليكم الاول
انا لسة مشترتش اي عربية ومش بعرف اسوق (الصراحة حلوة ) ههههههههههههههههههههه
اصدقائنا في المنتدي بتاعى المقارنات قالولي احسن حاجة في المانيوال اللوجان والاوتو بروتون ساجا
مع العلم ان انا كل شغلي سفر
انا اصلا شغال في الساحل واقامتي هناك وبنزل اسكندرية كل اسبوع 150 كيلو وبنزل القاهرة كل شهر تقريبا 350 كيلو
اشتري مانيوال (لوجان ) ولا اوتو ( ساجا )
الميزانية بتاعتي حتي 70.000
واللي يقترح عليا عربية تانية ممكن يقولي انا اصلا كنت بفكر في البيكانتو قالولي 1100 سي سي واللوجان 1600 والساجا 1300 انما البيكانتو والله شكلها عاجبني موت
انا حاسس ان اللوجان وقار شوية هي وال ساجا عن البيكانتو وانا اصلا كنت عايز الهاتشباك
علي فكرة انا مش حاطط في دماغي موضوع اعادة البيع اهم حاجة عندي قطع ىالغيار
والسلاه عليكم

[Hosam_Optrawy]

مادام بتسافر كتير يبقى بلاش العربيات الصغيره زى البيكانتو

خليك فى لوجان او ساجا

اهم حاجة عندي قطع الغيار

اهم حاجه تبقى منتشره ولا تبقى رخيصه ولا ايه ؟

عموما النقطه دى تتفوق فيها اللوجان شويه لانها منتشره اكتر

لكن معنديش فكره الاسعار كام بالظبط

[blazer]

انا شايف اللوجان افضل

[bokleisha]

فى حدود ميزانيتك أعتقد تبقى بريليانس fsv

[ahmedbeirut123]

لانوس زيرو

عربية سيدان يعنى هتحتاج الشنطة فالسفر

استهلاك بنزين معقول

[Mohtofy]

لو بدور على عربية محترمة ومتورها أكثر من محترم بس قطع غيارها لسة مش منتشرة بس متوفرة فى التوكيل تبقى الساجا

[mohamed2341976]

انا رأيى سعادتك لازم تجيب عربية على قد احتياجاتك بالضبط كالتالى:
بتسافر كتير .... يبقى ماينفعش موتور صغير زى البيكانتو اللى تقريبا 1100سى سى
يبقى فاضل اللوجان والساجا
من ناحية تكنولوجيا الموتور فموتور الساجا متطور اكتر (1300 سى سى بيولد 94 حصان) ومتصنع بتكنولوجيا كامبرو الإنجليزية بينما موتور اللوجان قديم شوية بتاع الميجان 1 وهو 1600 سى سى بيولد 90 حصان بس
من ناحية الأمان الإتنين كويسين وفيهم ايرباج
من ناحية راحة السواقة انا شايف الساجا احسن لأنها اوتوماتيك ومفيش نسخ اوتوماتيك فى اللوجان غير فى ال 7 راكب بحوالى 100000ج
من ناحية الوسع الإتنين مريحين جدا من قدام ومن ورا والإتنين سيدان يعنى عندك شنطة محترمة وخاصة فى اللوجان حوالى 510 لتر
من ناحية الأوبشنز انا شايف الساجا احسن فيها سنسور بارك
من ناحية توفر قطع الغيار اللوجان تكسب لأنها بدأت تنتشر مع انى بتوقع ان الساجا هتنتشر برضه قريب

استخير ربنا وتوكل على الله بس انا برشحلك الساجا لأنها اسهل فى السواقة

[Ayman_52]

انا ركبت الساجا اكتر من مره الصراحه عاجبتنى جدا , واللوجان باردوا عربيه محترمه بس الى الان ماجربتهاش

لو محتاج تعرف اكتر عن الساجــا , اتفضــل - -

وربنا يوفقك للاختيــار الخير -ان شاء الله-

تحيــــــــــــــاتـــى

[mo7hamedemad]

انا شايف ان الساجا هى العربية الى فعلا من مندمتش انى دفعت فيها جنية عربية ممتازة عن حق وفعلا انا مش هقدر اقول اى حاجة تتوصف العربية دى غير انها فعلا هتبقى فى غضون ايام رقم واحد فى مصر

وزى مقال ايمن خش ع التوبيك دة وفعلا فى كل تجارب ملاكها

[afr80]

أنا كنت ناوي اشتري اللوجان فى شهر 10 اللي فات، و قعدت سألت هنا و هناك، الميكانيكي و الكهربائي و بعض االناس اللي شغالة فى المستعمل، و كان الرد و الكلمة اللي بتتكرر بأستمرار بلاش الفرنساوي، طب ليه اللي يقولي سفاح بوجهات و اللي يقولي معقد فى تصليحه و ما بيمشيش فى مصر واللي يقولي بيخسر جامد في بيعه، و اللي يقولي قطع غيااره غالية و التوكيل بتاعه وحش و حجات كتير قفلت نفسي من العربية، غير اني قرأة على النت و لقيت ان موتورها معمول بتكولوجا قديمة و 8 صباب، و الكاملة بتعتها مش اوتوماتك.

و بعدين فى اول السنة نزلت حبيبتي الساجا كانت المانيوال بنفس سعر اللوجان النص كمليات و كمان زياده عليها الباركيجن سينسورز و الجنوط الأسبور، و رحت سألت و اللي قالي قطع الغيلر غالية و مبالغ فيها، التوكيل زفت، و مشكله سعر اعاده البيع.

بس كان هنا فيه فرق ان الجن تو حبيبتي برده( عربية تحفة) كانت انتشرت لوحدها من غير اعلانات ولا دعايا بمجهودها الزاتي و قطع غيرها انتشرت، و باقى في ناس بتفهم فيها بره التوكيل، و غير التكنولجا الحديثة اللي هي قائمة عليها و خصوصا ان البروتون هجين من التكنولوجا الياباني و الأنجليزي.

و فى الحالة ديه كانت الكففة فى صالح الساجا: كمليات اكتر بنفس السعر، تكنولوجا احدث بنفس السعر، مستقبل باهر انشاء الله(لو العربية الساجا بتنزل بنفس كميات اللوجان هتلاقيها انتشرت زي الجينا).

أنا معايا ساجا 2010 اوتو عربية جمده التنين احسن وحده فى الفئة السعرية ديه، و انا ممكن احطها مع النيو اكسنت و الافيو و صدقني مش هتحس انك راكب عربية 1300cc، العربية بدأت تتنتشر فى اسكندرية، و انا عندي 2 زميلي فى الشغل اشتروها و بنت عمتي كمان بعد ما اتفرجو على بتعتي، شوف كمان سنة العربية دي هتغزو السوق ازاي.

و اخياراً صلي استخارة و توكل على الله، و اسف على الاطالة بس العربية دي الواحد بيحب يتكلم عليها بحق الله

[د.محمود صلاح]

قطع غيار منتشرة في كل مكان وفي الأقاليم يبقى فيرنا - لانوس

[memo_p910]

التحفه الماليزيه ساجا تتفوق في كل شئ تقريبا