جين 2 عاده ام نيو اكسنت سبورت عاده ام افيو اوتوماتيك

[beanos]

يا ريت يا جماعه المقارنه من حيث السياره الاكثر عمليه فى الطرق المصريه والافضل فى سعر اعاده البيع و قطع الغيار و التوكيل... بس انا عارف انه من حيث الرفاهيه الجين 2 تكسب بمراحل

[أبومعاذ]

هي الجين 2 العادة سبورت بكتير عن الاكسنت اللي غبور بيشتغل الناس ويقولهم سبورت
عموما أحب أفكرك بالحكمة الخالدة...... هيونداي تغووووووووووووووور من وش غبور

[jisso82]

طيب جميل إنك بادىء بالجملة دى إن من حيث الرفاهية الجين أعلى و أضيف ليها الشكل كمان و لو إنى مش هحجر على ذوقك
من وجهة نظرى العربية الأكثر عملية فى مصر مش بس مقارنة بالنيو أكسنت هى الجين خاصة لو بتتكلم فى الطرق الجميلة بتاعتنا هتلاقى العربية ماشاء الله عالية عن الأرض مش بتحك نهائى فى المطبات حتى لو محملة و عفشة تستحمل طرقنا المكسرة الجميلة و ثبات خرافى ماشاء الله مقارنة بعربيات كتير.
أما بالنسبة لقطع الغيار فهى بأمانة طبعا أكثر انتشارا و أرخص بكتير فى هيونداى و ده راجع لقلة انتشار الماركتين مقارنة ببعض مش العربييتين دول بالذات و ده برده اللى مأثر على إعادة البيع طبعا لحد دلوقتى و على الرغم من التحسن النسبى للجين فى السوق إلا إنها و بأمانة لسه ما تتقارنش بهيونداى فى النقطة دى.
أما التوكيل فأكيد لو دخلت منتدى بروتون هتلاقى شكاوى كتير تعتقد من خلالها إنه التوكيل الأسوأ بس من خلال تعاملى معاه توكيل متوسط المستوى من حيث الأداء و الخدمة و بصراحة مريحنى أما غبور فبشهادة الهيونداوية نفسهم واحد من أسوأ التوكيلات اللى مصر.
نيجى بقى لنقطة ممكن تفرق فى المقارنة على الرغم إنك ما ذكرتهاش و هى عوامل الأمان الجين فيها abs و epd و وسائد هوائية و تكنولوجى مش متذكر اسمها موجودة فى الكتالوج ليها علاقة بشد الحزام تقريبا أثناء الحوادث بس اعذرنى لأنى ما قرأتش فى الموضوع كويس فمش هعرف أشرحهولك.
هى دى كل النقط اللى أعرفها و أتمنى أكون قدرت أفيدك و تقدر تختار إن شاء الله و ربنا يوفقك

[memo_p910]

الفرق شاسع بين العربيتين الجين تو أكييييييد

[M.ABDEEN]

الجين 2 طبعا واستبعد الافيو خالص

[A. Ibrahim]

اكيد الجين 2
\لعربيات التانيه لا تقارن نهائيا بالجين 2
الامكانيات
الموتور
الشكل
الامان
الثبات

[XXXMEMOXXX]

الجين 2 افضل اختيار مابين الـ 3
الافيو مستبعده لان في فرق كبيير مابينها وبين الجين 2,, مجرب الاتنين ,,
بالاضافه للمشاكل اللي اجمع عليها ملاكها ..
ولو حضرتك حابب اوتوماتك ,, ممكن تشوف الساجا وسعرها منافس جدا
بالنسبه للاكسنت الاسبور ,, المشكله ان سعرها مش متناسب مع امكانيتها بالعكس مع الجين 2 ,, من غير الدخول في تفاصيلها لكن من اول مابتعرف مواصفاتها وسعرها بتحس انك اخذت مقابل فلوسك ,, ( ممكن حضرتك تشوف مواضيع كتيرفي قسم بروتون وتتعرف على المواصفات والكماليات )
بالاضافه للنقطه اللي اشار ليها ابو مريم انها سبورت اسم فقط

بس لو حضرتك عايز تقارن النقط اللي اشارت ليها في موضوعك

الاعتماديه على الطرق ,, انا شايف ان الجين 2 عاليه عن الطريق والحمد لله عمرها ماحكت في مطب ,, وبتستحمل طرقنا الجميله ,, والاكسنت كويسه في النقطه دي

قطع الغيار ,, لو في التوكيل بتلاقى قطع الغيار قريبه من بعض ,,لكن بره اكيد الهايونداي تكسب طبعا ,, بروتون اتحسنت في نقطه قطع الغيار اللي بره لكن مش لمستوى هايونداي ,,

سعر اعادة البيع ,, الاكسنت افضل

التوكيل ,, بروتون انا شايفه متوسط مش سيئ للدرجه ,, هايونداي الله اعلم ماتعاملتش معاهم

الفكره ان لوحضرتك مهتم بنقطه من النقط اللي اشارت ليها بيعنها لسبب عندك ,, يعني هتبيع قريب او كده يبقى ,, تهتم فعلا مين اللي احسن في النقطه دي فقط ,,
لكن لو في المجمل هتلاقي ان الجين 2 كسبت بمراحل ومش تندم على اختيارها ان شاء الله
اسف على الاطاله
وربنا يوفقك للاختيار الافضل

[beanos]

متشكر جدا على فكره انا نفسى اجيب البروتون بصراحه بس كل اللى حواليا خوفونى من قطع الغيار واللى يقولى حساسه و مش هاتتحمل وانا من كلام اهل الخبره فى المنتدى بصراحه هيا الجين 2.... يعنى انا لو جبت 2010 بروتون ممكن ابيع بعد سنتين او 3 مثلا بكام ؟ معلش انا بتعبكوا معايا

[kokkino]

Gen 2 or Brilliance FSV

[ezzatfox]

اللى فهمتة انك عايز عربية عملية يعنى مشاكلها قليلة و قطع غيارها متوفرة و مراكز صيانة كتيرة و اعتمادية عالية و سهولة اعادة البيع .
و كل دة موجود فى النيو اكسنت اللى انا شايف انها اكتر عربية فيها المواصفات دى و بعكس الجين اللى دايما بشوف مشاكل فى تقفيلها سواء مكن الزجاج او العزل خلافة من المشاكل المعروفة .
دة غير قطع الغيار و عمرها الافتراضى و مدى توافرها و فى النقطة دى الاكسنت تكتسح بجدارة كفاية تيل الفرامل الاصلى للاكسنت ب 200 جنية و عامل معايا 29000 كيلو بدون تغيير او شكوى - و فى المقابل بشوف تيل الجين الاصلى ب 1300 جنية و فى حالات كتير بيخلص على 10 و 15 الف كيلو .
بالنسبة للرفاهية انا مش شايف فرق بين الجين و الاكسنت بخلاف الجين شكلها احلى من وجهة نظرى و المالتى فانكشن .
لكن فعلا الاكسنت الاسبورت ان شايف ان سعرها كتير عليها خليك فى العادية احسن .

[أبومعاذ]

اللى فهمتة انك عايز عربية عملية يعنى مشاكلها قليلة و قطع غيارها متوفرة و مراكز صيانة كتيرة و اعتمادية عالية و سهولة اعادة البيع .
و كل دة موجود فى النيو اكسنت اللى انا شايف انها اكتر عربية فيها المواصفات دى و بعكس الجين اللى دايما بشوف مشاكل فى تقفيلها سواء مكن الزجاج او العزل خلافة من المشاكل المعروفة .
دة غير قطع الغيار و عمرها الافتراضى و مدى توافرها و فى النقطة دى الاكسنت تكتسح بجدارة كفاية تيل الفرامل الاصلى للاكسنت ب 200 جنية و عامل معايا 29000 كيلو بدون تغيير او شكوى - و فى المقابل بشوف تيل الجين الاصلى ب 1300 جنية و فى حالات كتير بيخلص على 10 و 15 الف كيلو .
بالنسبة للرفاهية انا مش شايف فرق بين الجين و الاكسنت بخلاف الجين شكلها احلى من وجهة نظرى و المالتى فانكشن .
لكن فعلا الاكسنت الاسبورت ان شايف ان سعرها كتير عليها خليك فى العادية احسن .

بالنسبة لانتشار قطع الغيار طبعا الاكسنت اكثر انتشارا وارخص والجين 2 حاليا في مرحلة الانتشار وبقى في كذا محل في شارع دمشق والحرفيين والجيزة وفيصل ومدينة نصر يعني برضو قطع الغيار متوافرة برا التوكيل الى حد ما ومنها التيل اللي حضرتك بتتكلم عليه موجود منه نوع اسباني اسمه ريمسا سعره 180ج تقريبا وبيقعد كتير والحمد لله الجين مفيهاش أي مشاكل في أي اساسيات العيوب اللي ممكن تظهر في التقفيل وبتتعالج في التوكيل بينما فيها امكانيات زي ال ABS دا ممكن ينقذ حياة بني ادم وانا اعرف اتنين معاهم نيو اكسنت كل واحد فيهم عمل حادثة لو كان في ABS يمكن كان ربنا جعله سبب في ان الحادثة متحصلش دا كفاية قوي
صحيح هو سعر تيل النيو اكسنت (200ج) في التوكيل؟ أصلي كنت شايف عضو هنا كان كاتب انه ب 396ج

بالنسبة للفروق
2 اير باج موجودة في الجين ومش موجودة في النيو اكسنت (اماكنها موجودة عشان العربية دي بتنزل ب 6 اير باجز برا بس طبعا غبور منفض العربية)
ABS,EBD موجودين في الجين ومش موجودين في النيو اكسنت
باركينج سينسور في الجين بس
فوج لايتس في الجين بس(حتى الفوج لايت غبور شايله :)
جنوط سبور 15 بتساعد على ثبات العربية وبتديها شكل احلي وطبعا في الجين بس
سبويلر موجود في الجين وموجود في اللي غبور بيقول عليها سبورت اكسنت
strut bar للحفاظ على ثبات العربية في الملفات مع مختلف السرعات وطبعا موجود في الجين بسسس
كونصول في النص بين الكرسيين اللي قدام لحفظ الاوراق وما شابه موجود في الجين بس وفي الاكسنت موجود دراع كدا تسند ايدك عليه بس تحس انه معمول مش بتاع العربية
كرسي السواق بيعلى ويوطى في الجين 2 بس
مفتاح الجين 2 ايمبوليزر يعني حتى لو حد عمل نسخة من المفتاح ميقدرش يسرق العربية وبرضو دي في الجين بسسس
والمالتي فنكشن الي الاستاذ عزت شايف انه الرفاهية الوحيدة اللي في الجين2 :)
هي دي الفروق اللي فاكرها دلوقتي وانا شايف انها فروق مهمة وفي حاجات كتير منها لا يمكن الاستغناء عنها

[أبومعاذ]

دي المشاركة اللي واحد زميلنا هنا كان كاتب فيها ان التيل ب 396 من غير ضريبة (على فكرة التيل العادي بتاع الجين مش البوش ب 280ج بالضريبة)

http://www.nilemotors.net/Nile/3872318382-post8.html

بصراحة الاسعار بتاعة قطع الغيار برا التوكيل تحفة بس جوا التوكيل غالية زي اي توكيل

[beckeryahia]

الاكسنت طبعا وبجداره

[K3A]

نصيحة لوجه الله ... جرب سواقة الاثنين بنفسك ... كل واحد بيحكم من خلال تجربته الشخصية مع سيارته ولم يجرب السيارة الاخرى ... جرب بنفسك خير دليل ... وطبعا متنساش صلاة الاستخارة ... اما المنتديات فمش حتعرفك غير العيوب و المميزات ..مش المقارنات و الفروق

[ezzatfox]

بالنسبة لانتشار قطع الغيار طبعا الاكسنت اكثر انتشارا وارخص والجين 2 حاليا في مرحلة الانتشار وبقى في كذا محل في شارع دمشق والحرفيين والجيزة وفيصل ومدينة نصر يعني برضو قطع الغيار متوافرة برا التوكيل الى حد ما ومنها التيل اللي حضرتك بتتكلم عليه موجود منه نوع اسباني اسمه ريمسا سعره 180ج تقريبا وبيقعد كتير والحمد لله الجين مفيهاش أي مشاكل في أي اساسيات العيوب اللي ممكن تظهر في التقفيل وبتتعالج في التوكيل بينما فيها امكانيات زي ال ABS دا ممكن ينقذ حياة بني ادم وانا اعرف اتنين معاهم نيو اكسنت كل واحد فيهم عمل حادثة لو كان في ABS يمكن كان ربنا جعله سبب في ان الحادثة متحصلش دا كفاية قوي
صحيح هو سعر تيل النيو اكسنت (200ج) في التوكيل؟ أصلي كنت شايف عضو هنا كان كاتب انه ب 396ج

بالنسبة للفروق
2 اير باج موجودة في الجين ومش موجودة في النيو اكسنت (اماكنها موجودة عشان العربية دي بتنزل ب 6 اير باجز برا بس طبعا غبور منفض العربية)
ABS,EBD موجودين في الجين ومش موجودين في النيو اكسنت
باركينج سينسور في الجين بس
فوج لايتس في الجين بس(حتى الفوج لايت غبور شايله :)
جنوط سبور 15 بتساعد على ثبات العربية وبتديها شكل احلي وطبعا في الجين بس
سبويلر موجود في الجين وموجود في اللي غبور بيقول عليها سبورت اكسنت
strut bar للحفاظ على ثبات العربية في الملفات مع مختلف السرعات وطبعا موجود في الجين بسسس
كونصول في النص بين الكرسيين اللي قدام لحفظ الاوراق وما شابه موجود في الجين بس وفي الاكسنت موجود دراع كدا تسند ايدك عليه بس تحس انه معمول مش بتاع العربية
كرسي السواق بيعلى ويوطى في الجين 2 بس
مفتاح الجين 2 ايمبوليزر يعني حتى لو حد عمل نسخة من المفتاح ميقدرش يسرق العربية وبرضو دي في الجين بسسس
والمالتي فنكشن الي الاستاذ عزت شايف انه الرفاهية الوحيدة اللي في الجين2 :)
هي دي الفروق اللي فاكرها دلوقتي وانا شايف انها فروق مهمة وفي حاجات كتير منها لا يمكن الاستغناء عنها

لا سعر التيل دلوقتى 210 من التوكيل نفسة
بالنسبة لعوامل الامان طبعا ميزة مهمة وموجودة فى الجين و مش موجودة فى الاكسنت بس انا شخصيا بهتم بالكواليتى و مدى الكفاءة و الفعالية اكتر من العدد .
يعنى لو قارنت الجين بالاسبيرانزا طبعا الجين هتكتسح مع ان الاتنين فيهم عوامل الامان و الاوبشنز تقريبا واحد و الاسبيرانزا ثباتها حلو بردة ............. بس الكواليتى بتاعة الجين اعلى من الاسبيرانزا .
انا شفت كذا موضوع عن فرامل الجين و اختلفت الاراء البعض بيشتكى ان الفرامل كفائتها مش عالية اوى و اللى بيقول ان ال abs فى حاجة غريبة و واحد عامل موضوع ان الفرامل هربت على سرعة 20 كيلو و عمل حادثة و الاعضاء بتشرحلة ازاى يدوس فرامل بطريقة متخليش ال abs يشتغل - مع ان اللى اعرفة انة المفروض ميشتغلش غير على السرعات العالية .
الخلاصة ان الموضوع مش بكتر الاوبشنز و عوامل الامان .. المهم ابقى واثق و مطمن ان احتمالية حدوث اى مشكلة فى العربية احتمال قليل حتى لو كانت المشكلة هايفة او فى الكماليات او ان التوكيل هيحلها لانى بشترى زيرو عشان استريح مش عشان احل مشاكل عربية لسة زيرو .