الافضل فى التسارع السيراتو ام الجيتا؟؟

[abo samra]

الموضوع باختصار انى مش عارف ازاى السيراتو اقل فى التسارع من الجيتا خصوصا ان الجيتا اثقل فى الوزن وموتورها 102 حصان فقط
الموضوع انى كنت راجع من الساحل انا واصحابى بعربيتين واحده سيراتو خليجى جنط 17 وكان فيها 4 اشخاص وجيتا خليجى جنط 17 وكان فيها 3 اشخاص وانا كنت راكب فيها واللى لاحظته ان طول الطريق السيراتو مقاربه للجيتا لحد 160 وبعد 160 الجيتا بتتفوق بشده والسيراتو اخرها كان 185 ومش بتذيد عن كدا فى حين ان الجيتا كانت قبل ال 200 بحاجه بسيطه مع العلم ان معظم الشد كان بيبدأ بعد ال 100
نفسى اعرف ده عيب تصميم جيربوكس ولا ضعف موتور ولا ايه بالظبط اصل الالنترا جرايه قوى عن السيراتو!!!
تحياتى

[NoRmAl]

هى الجيتا تجميعها بيبقى بطيء على السرعات القليله
حالها حال الالمانى عامةً
عكس السيراتو الى تسارعها هيبقى أفضل من الجيتا على السرعات المنخفضه دى
يعنى قبل ال100 الجيتا متطلعش من السيراتو
على السرعات العاليه الجيتا هتتفوق لكن أتصور مش بشكل ملحوظ ولا فرق كبير
بخصوص التجربه نفسها السيراتو أخرها مش 185 طبعا دى by the book
إنما هى بتجيب أعلى من كدا وبتكسر ال200 كمان
ممكن يكون المتور بتاع السيراتو مكنش متفتح كويس ودا الى خلاه مش عارف يجيب أكتر من كدا
الموضوع دا هيبقى ضرب نار على فكره :))

[Nour_Peugeot]

في برده عوامل تانيه الكواتش مثلا نسبه احتكاكه باغلارض دي ليها عامل الايرديناميك ليه عامل

تاني حاجه ممكن تكون الجيتا العزم بتاعها عند rpm قريب يعني 3.5 rpm

في حين ان السيراتو عند 4.2 rpm

دي حاجه تاني حاجه محدش يصدق البيتقال ان السيراتو 124 حصان اعتقد ان اقصي خرج للموتور هو 124 بدون انظمه الجر

فبالتالي العربيه و هي وقفه ممكن بكبرها قوي تجيب 105 حصان

[Eslam.Elrefaey]

العربيات الكورى واليبانى الهورس الباور بتاعها بيتقاس قبل ما يركب المتور على العربية على عكس الالمانى علشان كده هتلاقى الاثنين نفس الهورس بور تقريبا مع اختلاف التصميم والفتيس وعوامل كتير تانية

[NoRmAl]

مفيش عربيه مدينه فى الدنيا بيتقاس قدره وعزم محركها وهى راكبه على العربيه لا ألمانى ولا مريخى حتى

[Eslam.Elrefaey]

مفيش عربيه مدينه فى الدنيا بيتقاس قدره وعزم محركها وهى راكبه على العربيه لا ألمانى ولا مريخى حتى

والله الكلام ده مش من عندى الى اعرفه ان الالمانى بيتقاس قوة المحرك وهوا راكب على العربية والكورى واليبانى وهوا لسا مركبش مع العلم انى معايا لانسر ودايو مش المانى يعنى

[bishoy02010]

مفيش عربيه مدينه فى الدنيا بيتقاس قدره وعزم محركها وهى راكبه على العربيه لا ألمانى ولا مريخى حتى

+1111111

[NoRmAl]

والله الكلام ده مش من عندى الى اعرفه ان الالمانى بيتقاس قوة المحرك وهوا راكب على العربية والكورى واليبانى وهوا لسا مركبش مع العلم انى معايا لانسر ودايو مش المانى يعنى

مهو الكلام دا للأسف غلط :)
عربيات السباق فقط هى الى بتقيس الويل هورس باور
مفيش أى داعى لشركه أى كانت بتصنع سياره مدينه أنها تعلن عن الويل هورس باور
لو الشركه بتصنع سيارات مدينه وسيارات سباق زى مرسيدس و bmw و هوندا و أى شركه أخرى
بردو هتعلن ويل للسباق ونت للمدينه!!
عايز تتأكد من الكلام دا
أمسك العربيات الالمانى الى بيتقال دى بتعلن بعد ما المحرك يتحط فى العربيه
أسمع...

الليون والجولف والجيتا والاوكتافيا وغيرهم

نفس الموتور بنفس الحصان 102 ونفس العزم 148 مع اختلاف الاوزان والاحجام

معنى كدا أن المحرك بيتقاس خارج السيارات ولذلك أُعلن عن نفس القدره والعزم رغم أختلاف الاوزان و الفتيس والايروداينمكس
لذا من جديد مفيش عربيه مدينه فى الدنيا الهورس باور المعلن لها ويل....مستحيل لأنه ملوش لازمه فى عربيه مدينه

[M.Osman]

مهو الكلام دا للأسف غلط :)
عربيات السباق فقط هى الى بتقيس الويل هورس باور
مفيش أى داعى لشركه أى كانت بتصنع سياره مدينه أنها تعلن عن الويل هورس باور
لو الشركه بتصنع سيارات مدينه وسيارات سباق زى مرسيدس و bmw و هوندا و أى شركه أخرى
بردو هتعلن ويل للسباق ونت للمدينه!!
عايز تتأكد من الكلام دا
أمسك العربيات الالمانى الى بيتقال دى بتعلن بعد ما المحرك يتحط فى العربيه
أسمع...



معنى كدا أن المحرك بيتقاس خارج السيارات ولذلك أُعلن عن نفس القدره والعزم رغم أختلاف الاوزان و الفتيس والايروداينمكس
لذا من جديد مفيش عربيه مدينه فى الدنيا الهورس باور المعلن لها ويل....مستحيل لأنه ملوش لازمه فى عربيه مدينه

عجبتني اوي الحتة دي... برافو!!

و الدليل لو هنتكلم على الكوري:
الماتركس = الجيتز = إلانترا 2006 =الفيرنا = 106hp

[Rsarabia]

فى الطلعة سيراتو لكن مع الوقت الجيتا هتجيبها
الكلام دا لو عربيتين ستوك مش تجيب سيراتو 2010 و جيتا 2006 و تجرى بيهم

[Hosam_Optrawy]

أولا ازيك يا استاذ ابو سمره بقالك فتره مختفى :)

انت كاتب فى عنوان الموضوع الافضل فى التسارع

ولما دخلت الموضوع لقيتك كاتب ان السيراتو مش عارفه تعدى 185

طيب لو فى سيراتو موتورها متفتح وبتعدى 200

مين بقى اللى هايسبق التانى ؟

فاهم قصدى ؟

اقصد ان لو عربيه 150 حصان حتى واخرها 185 هاتيجى الجيتا ال 102 حصان تسبقها برضه لانها هاتوصل 200

انت ربط بين التسارع والتوب سبيد

واكيد مش الطبيعى بتاع السيراتو انها ماتعديش 185 دى بتختلف بقى من حالة عربيه للتانيه

وعلى فكره الجيتا مش اتقل من السيراتو

السيراتو 1326 الجيتا 1307

وكمان السيراتو راكب فيها شخص زياده

وفى برضه حاجه مهمه بتفرق

الجيتا فتيسها اوتوماتيك عادى ولا dsg ؟

لان ال dsg حسن اداء الجيتا بصوره ملحوظه ودى برضه نقطه لصالح الجيتا

بالفتيس القديم كان التسارع 0 - 100 فى 13.3 ثانيه

بال dsg التسارع بقى 12.2 ثانيه :)

وبالنسبه للالنترا فهى جرايه عن السيراتو وبتعدى ال 200 ودا لسببين

اولهم الوزن الالنترا اخف من السيراتو بشويه حلوين

ثانيا الالنترا جنطها 15

____________________________

وتسلم ايدك يانورمال :)

[NoRmAl]

وتسلم ايدك يانورمال :)

تلميذك والله يا كبير

[ahmedbibo]

بص الهيونداى بكل انواعها على الطرق المفتوحه و المستقيمه و بسيارات قليله تتفوق على عربيات كتير جدا جدا وبدون ملفات

لكن وحط تحت لكن ديه 10 الف خط لايوجد عوامل امان

لا يوجد ثبات

لا يوجد اتزان

لا يوجد فرامل

ياعنى مثلا المازدا 3 اصحابها بيقولو اخرها 190 تقريبا و الانترا تقفل العداد بس ديه ممكن لو لاقيت عربيه قدامك هتقدر تتفادها وتاخد ملفات وغرز على السريع بس بالى بتقفل عداد وسريعه وتشرخ الطريق وتفتح فتحه ملهاش اخر بس لو لاقيت ملف ولا عربيه نقل ولا اى حاجه انسسسسسسى

انا عندى اشترى 128 مثلا مثلا برده مثلا اجيب بيها 120 ومتقلبش احسن من 10000000 عربيه تجيب 120 وتتقلب زى حاجه كده فى دماغى

[Eslam.Elrefaey]

مهو الكلام دا للأسف غلط :)
عربيات السباق فقط هى الى بتقيس الويل هورس باور
مفيش أى داعى لشركه أى كانت بتصنع سياره مدينه أنها تعلن عن الويل هورس باور
لو الشركه بتصنع سيارات مدينه وسيارات سباق زى مرسيدس و bmw و هوندا و أى شركه أخرى
بردو هتعلن ويل للسباق ونت للمدينه!!
عايز تتأكد من الكلام دا
أمسك العربيات الالمانى الى بيتقال دى بتعلن بعد ما المحرك يتحط فى العربيه
أسمع...



معنى كدا أن المحرك بيتقاس خارج السيارات ولذلك أُعلن عن نفس القدره والعزم رغم أختلاف الاوزان و الفتيس والايروداينمكس
لذا من جديد مفيش عربيه مدينه فى الدنيا الهورس باور المعلن لها ويل....مستحيل لأنه ملوش لازمه فى عربيه مدينه

شكرا لرد حضرتك بس مش عارف مش مصدقه لسببين بس قبل ماولهم حضرتك متزعلش مثلا علشان مش مصدقك بالعكس انا بحترم راى حضرتك جدا السببين هما انى الى قال المعلومه دى ناس انا بثق فى معلوماتهم جدا جدا واكيد حضرتك عارف بعضهم هنا فى المنتدى بس بدون ذكر اسماء ثانيا مادام الجيتا 102 حصان والسيراتو 124 تقريبا يبقى ايه الفرق:-
الوزن:السيراتو اخف صح
الايروداينمكس انا شايف الى مصمم السيراتو عامل فى كميه خطوط وايرودينمكس معلش احسن بمراحل من الجيتا والفتيس باعتبار ان الاتنين ستيب ترونيك 6 سرعات
يبقى ليه فى النهاية مع اختلاف اكتر من20 حصان السيراتو متجيبش الجيتا جايز مثلا علشان مواتير الفولكس احسن من السيراتو مش عارف
فى النهايه احب اوضح لحضرتك حاجة انى مش فاهم اوى فى الميكانيكا بس عايز اتعلم ومسكت ورقه قلم اهو وفى الاخر طلع معايا المفروض السيراتو تشد كويس جدا وتعدى الجيتا طيب ليه معدتهاش مع انهم كانو على نفس الطريق ارجو التوضيح علشان انا اتلخبط

[Eslam.Elrefaey]

أولا ازيك يا استاذ ابو سمره بقالك فتره مختفى :)

انت كاتب فى عنوان الموضوع الافضل فى التسارع

ولما دخلت الموضوع لقيتك كاتب ان السيراتو مش عارفه تعدى 185

طيب لو فى سيراتو موتورها متفتح وبتعدى 200

مين بقى اللى هايسبق التانى ؟

فاهم قصدى ؟

اقصد ان لو عربيه 150 حصان حتى واخرها 185 هاتيجى الجيتا ال 102 حصان تسبقها برضه لانها هاتوصل 200

انت ربط بين التسارع والتوب سبيد

واكيد مش الطبيعى بتاع السيراتو انها ماتعديش 185 دى بتختلف بقى من حالة عربيه للتانيه

وعلى فكره الجيتا مش اتقل من السيراتو

السيراتو 1326 الجيتا 1307

وكمان السيراتو راكب فيها شخص زياده

وفى برضه حاجه مهمه بتفرق

الجيتا فتيسها اوتوماتيك عادى ولا dsg ؟

لان ال dsg حسن اداء الجيتا بصوره ملحوظه ودى برضه نقطه لصالح الجيتا

بالفتيس القديم كان التسارع 0 - 100 فى 13.3 ثانيه

بال dsg التسارع بقى 12.2 ثانيه :)

وبالنسبه للالنترا فهى جرايه عن السيراتو وبتعدى ال 200 ودا لسببين

اولهم الوزن الالنترا اخف من السيراتو بشويه حلوين

ثانيا الالنترا جنطها 15

____________________________

وتسلم ايدك يانورمال :)

هوا ده الكلام وبعد كلامك يا كبير مفيش كلام