إذا سمحتـو فيـرنا ولا افيـو ؟؟

[boamengo]

السلام عليكم ورحمه الله وبركاته

انا كنت عايز اسال حضراتكو انا قدامي الفيرنا والافيو مانيوال زيـرو

والافيـو سالت عليها تقفيل كوري كاملة مانيوال 76 ونص

الفيرنا لسة معرفش

ياريت لو اعرف انهي فيهم احسن من التانية

من حيث تكيف واستحمال والقوة و الثبات

واشكركم

[ahmedbibo]

الاتنين اوحش من بعض يا باشا فكر فى النيو اكسنت او الكيا ريو او الجاك b15 او فيات بونتو كلاسيك

هيونداى و الشيفورليه

توكيلين بسم الله مشاء الله ربنا يحفظهم لبعض

[kamatsho]

الفيرنا عربيه بتستحمل واقتصاديه ومش بتستهلك بنزين كتير وقطع غيارها رخصيه ومتوافره واعاده البيع كويس جدا
التكييف بتاعها تلااااااااااجه انا بشغله على 1 والله وبسقع فى عز الحر
من ناحيه الثبات بعد ال 100 العربيه مش بتبقى ثابته كويس .. والفرامل بتاعتها مش اوى
بس المشكلتين دول ليهم حل معظم الفيرناويه عاملاه
تركيب جنوط مقاس 15 وكاوتش نضيف واتفرج على الثبات والفرامل 100 100

التوكيل فعلا مش حلو بس انا معايا فيرنا 2008 وعمرى ما فكرت اروح التوكيل وبعمل اى حاجه عايزها والصيانه عند ميكانيكى وبنص تمن الصيانه فى التوكيل او ارخص كمان

بالتوفيق ان شاء الله