اخر نداء قبل الشراء

[dramir1]

انا رأيي تشتري نيسان صني 2008 اتوماتيك افضل من الكلام ده ولو عايز زيرو ادفهم مقدمة صني اتوماتيك زيرو ب90 الف جنيه

[uubaby2000]

فيه عربية جااااااااااااااامدة بريليانس frv هاتش باك بس جميلة فعلا وب70 الف وفيه الفيات بونتو جميلة برضو و1400 سىسى بس مانيوال الاتنين والاتنين تقريبا بنفس السعر .. انا عنيا زاغت عليهم .. ايه هنعمل ايه

[mido_soliman]

على فكرة يباشا انا من رائى تبعد عن الشر اقصد الصينى وتغنيلة وبعدين انا مش عارف مالها الساجا يعنى ومالها اللوجان مع احترامى لباقى العربيات اللى انت حاططهم بس هما فى وادى واللوجان والساجا فى وادى تانى انا برجح الساجا لانى مجرب بروتون وعارف الناس دى بتعمل اية وبردوا ياريت تدخل تشوف العربية شكلها اية على النت حتى لو مش لاقيها فى الشوارع وعلى فكرة هية ملهاش علاقة بالجين فى الشكل لانك بتقول انا شفت الجين وهية حلوة مش وحشة :) الجين تعتبر من اجمل عربيات فئتها اذا كان لاى حد راى تانى :) عموما الساجا فيها من الافيو بس على احلى كتير تحياتى

[Hegazio]

بوجهة نظر حيادية .. الاوتوماتيك يفرق كتير عن غيره فبالتالي بروتون ساجا
غير كده ممكن اللوجان
غير كده ممكن تشوف ال byd و ال frv و سيبك من كلام ابعد عن الصيني و الكلام ده .. كلام سمعه اخويا عن الكوري من 15 سنة و ابويا عن الياباني من 30 سنة .. جرب بنفسك

[zawahry]

كل عام وانتم بخير

[emaksoud]

اللوجان افضل (توكيل افضل واكثر متانه فى العفشة والبودى صاج اقوى ليس بها عيوب تقفيل مثل التى ظهرت بالساجا اكثر ارتفاعا عن الارض ولا تتاثر بالمطبات)

[Dr.Islam]

من رأيي المتواضع,, قارن بين اللوجان و الساجا,,, لو اوتوماتيك خليك في الساجا طبعاً,, لو منوال,, اتفرج على الأثنين و اختر الي ترتاح لها.
اللوجان انا كنت هاجيبها خلاص بس لقيت الساجا نزلت و اراء الناس في الأثنين ممتازة و مشاكلهم لا تقارن بمشاكل مثيلاتهما.

مع احترمي لآراء كل الناس بس انا شايف كمية فتي,, يا ريت يا جماعة محدش يشكر او يشتم بدون علم.
الساجا مش بتاكل بنزين و مفيهاش عيوب تقفيل و عالية عن الأرض, العيب الوحيد في علبة الدركسيون و مش عند كل الناس و بتتغير في التوكيل ,,, اللوجان, كفاية الي مكتوب في قسمها.

نصيحة الى المشتري, انظر في اقسام العربيات الي بتقارن بينها احسن ما تسمع الفتي

[mostafashokry]

السلام عليكم أنا لو رشحت لحضرتك حاجة بعينها هبقى من الفتايين و لكن هنوه لحضرتك محتاج أبه فى عربيتك أو تركز على أبه فى العربية ألى هتجبها أول حاجة اى عربيه زيرو هتكون قليلة الأعطال فده مش هذكرو ه لك مع أنه أهم حاجة بس هحظرك من واحده زكاها الفتاييين و أنا بشوف بعينى ما حدش بيقولى واقفة و عطلانه و فتحيين الكبوت طبعا الكل عرفها
تانى اهم حاجة الثبات وده مهم جدا لأنك بتسافر كتير .
ارجوا تركز على النقطتين المهمين دول و بعد كده الباقى سهل بمعنى التوكيل - حضرتك مش حتحتاجة كتير غير بعد ال 60 أو ال70 ألف كم
و عن العمر الإفتراضى كله محصل بعضةومعلومه كده على الماشى من أفصل السيارات عمر أفتراضى هى اليابانى بشكل عام - و عن توفبر البنزين فى واحد ة كلنا طبعا عارفنها موفرة و لكن مشكلتها الثبات - وعن القيمه السوقيه عند البيع ألى عيبناها فى ثباتها تكسب.
وده حد معلوماتى ألى متأكد منها . و السلام عليكم

[mostafashokry]

اللوجان افضل (توكيل افضل واكثر متانه فى العفشة والبودى صاج اقوى ليس بها عيوب تقفيل مثل التى ظهرت بالساجا اكثر ارتفاعا عن الارض ولا تتاثر بالمطبات)

السلام عليكم . استأذن حضرتك فى معلومة إن الارتفاع عن الأرض ليست ميزة بل بالعكس العربية العاليه عن الأرض بتكون أقل ثبات فى السرعات العاليه, أيه رأى حضرتك فى السينا عاليه عن الأرض ولكن!!!!!!!!!!!!! عشان بس ماحدش يزعل منى
كل العربية ما تكون ارتفاعها قليل تكون أكثر ثباتاً و العكس صحيح و المشطلة ألى بتقابل مصممين السيارات التوفيق بين العملية (الأرتفاع) و المثاليه (الثبات). والسلام عليكم

[ahmedbeirut123]

بروتون ساجا 1300 سي سي اوتوماتيك

[mmffor]

انا سمعت طلبك في العربيهاللوجان قطع غيارها غاليه نسبيا و ثباتها قليل, الساجا نفس الكلام و البيكانتو فعلا متنفعش سفر علشان مفيهاش شنطه! ايه رأيك في الفيات بونتو كلاسيك؟ كانت ب 73000 و عملوا عليها عرض ب 65500 دلوقتي بس ! عربيه 1400 صناعه ايطالي بالكامل ثبات عالي و استهلاك بنزين قليل 2 ايرباج و فل اوبشن و قطع غيارها في كل حته للصيانه لأنها في مصر من 16 سنه!! يا دوب الشكل بتاع الفوانيس و اخرك تأمن عليها و خلاص و فعلا سيبك من الصيني. اللي بيشتري الصيني بيضحك على نفسه لانه بقى بسعر الياباني. و ييجي يقولك العربيه زي الفل بس العجله بتصفر و المقبض بتاع الباب ضعيف و الازاز بيزيق و تقيل و النور بيعلق و العفشة ناشفه و الكماليات بتبوظ بعد كام شهر و التكييف ضعيف بس ما عدا كده العربيه زي الفل و مريحاني! يعني العربيه الصيني بتبقى زيرو و تروح بيها للتوكيل خمسين مره يصلحوا و يظبطوا فيها على تبقى بحالة ياباني او كوري شغال بقالوا 5 او 6 سنين

[mohamed9999]

متابع عشان عندى نفس الحيره

[zkralla]

اللوجان ثم الساجا
فى بعض الكلام مش مظبوط
زى اللوجان ثباتها وحش وده كلام واحد لا عمره ركب لوجان ولا حتى دخل قسم لوجان عشان يسمع ملاكها بيقولوا أيه
مفيش حد بيكره اللوجان يتكلم على ثباتها

[zkralla]

السلام عليكم . استأذن حضرتك فى معلومة إن الارتفاع عن الأرض ليست ميزة بل بالعكس العربية العاليه عن الأرض بتكون أقل ثبات فى السرعات العاليه, أيه رأى حضرتك فى السينا عاليه عن الأرض ولكن!!!!!!!!!!!!! عشان بس ماحدش يزعل منى
كل العربية ما تكون ارتفاعها قليل تكون أكثر ثباتاً و العكس صحيح و المشطلة ألى بتقابل مصممين السيارات التوفيق بين العملية (الأرتفاع) و المثاليه (الثبات). والسلام عليكم

طبعا كلام حضرتك اختصار مخل
يعنى الارتفاع عامل من العوامل الى بتأثر على الثبات بس مش هو كل العوامل (زى نظام التعليق وقاعده العجلات ووزن العربيه )
لو كلامك صح لكانت الفيرنا الاكثر ثباتا فى مصر
ثبات اللوجان بالمقارنه بنفس الفئه ممتاز

[mostafashokry]

طبعا كلام حضرتك اختصار مخل
يعنى الارتفاع عامل من العوامل الى بتأثر على الثبات بس مش هو كل العوامل (زى نظام التعليق وقاعده العجلات ووزن العربيه )
لو كلامك صح لكانت الفيرنا الاكثر ثباتا فى مصر
ثبات اللوجان بالمقارنه بنفس الفئه ممتاز