برجاء النصيحه سيراتو ولا كروز

[ahmedteam]

السلام عليكم و رحمه الله و بركاته

ياريت خبراء المنتدى يساعدونى فى الاختيار بين السيراتو و الكروز من حيث الثبات فى السرعات و قوة الاداء و توافر قطع الغيار و اسعارها

متابع باهتمام

[nouranwar]

بالنسبة لي اشتري الكروز علطول علشان قرأت مقالات كثيرة عن عيوب السيراتو و الاخوة هنا هيساعدوك في الاختيار الامثل ان شاء الله علشان عندهم الخبرة اكثر مني
و من وجهة نظري الكروز تكسب في الشكل و الفخامة اكثر من السيراتو و مش منتشرة الانتشار البشع بتاع السيراتو

[amrseba]

بص الكروز احسن فى الامان و فى الثبات و فى الراحه وفى شكل التابلوه و الشكل الخارجى

وبص نصيحه منى ليك

اشترى الدايو لاسيتى بماتور الاوبل استرا احسن من الشيفورليه وهتبعد عن توكيل منصور

[ahmedteam]

اعتقد ان الدايو لاسيتى مفيش منها جديد و احب اعرف راى الاعضاء فى توكيل منصور علشان سمعت شكاوى كتير منه

[amrseba]

لا فيه جديد فى بورسعيد يا باشا

[MaZaGAngeE]

لا فيه جديد فى بورسعيد يا باشا

و الصيانة و قطع الغيار منين ؟

[bayantt]

اللاسيتى فى بورسعيد ب 152000

و نصيحة من لا تقارن السيراتو بال كروز
و لو يهمك ال safety فى القام الاول يبقى كروز

[M.Akef]

حضرتك فرق السعر بيتكلم اعلي فئه في سيراتو ارخص من اقل فئه في الكورز
طبعا كروز افضل

[ahmedteam]

بس انا لاحظت ان السيراتو 124 حصان و الكروز 107 تقريبا و اكيد ده معناه ان السيراتو موتورها اقوى و احسن يا ترى ده بيأثر على الثبات ولا ايه

[M.Akef]

تمام حضرتك انا مش هقدر افتي في الحته دي لاني معرفشي الكروز الموتور الي فيها فاضي ولا متركب عموما هي كيا بتقيس الموتور و هو فاضي من اي سيرو و عشان كدا بتسمع منها ارقام كبيره لانها عوزه تعمل نفسها حاجه اما كل الشركات المحترمه بتقيس و هو متركب فيه كل حاجه بيفرق حوالي 15 حصان اقل عن الفاضي
و فعلا الكروز اتقل بكتير من السياراتو فدا بيقلل ادائها لكن السياراتو جرايه و هذا مقابل انعدام الثبات بالنسبه للكروز و انت راكب الكروز اكنك راكب عربيه الماني و راجع التقارير عن العربيتين و هتلاحظ ان كل الي بيحكي عن الكروز يقول طلعتها تقيله بس بعد ال100 بتفتح جامد و ثباتها و عزلها خرافي اما السياراتو تسارعها في 10 ثواني و خفيفه بعد ال120

[ahmedteam]

شكرا جزيلا على المعلومه القيمه و ياريت الافاده من حيث التوكيل و قطع الغيار فى السيارتين

[M.Akef]

كيا في مشاكل في الوكيل مش بيقبل الخليجي لكن بيقولو ان في توكيل فتح للخيلجي يعني في شويت مشاكل و اسعار قطع الغيار بدئت تنزل و تقدير عام للصيانه مقبول
اما كورز فوكيلها منصور و هو حرامي شويه لكن ايضا مقبول
بس كلها العربيتين ملهمشي قطع غيار في السوق دولقتي لكن سيارتو بدئت يظر لها قطع غيار لنتشارها

[arakysolom]

انفد بنفسك و ابعد عن منصور السيارة بلسان واحد قابلته في التوكيل بيقول عربية تقيلة جدا و مبتستجبش بسهولة للتسارع الماني ايه اللي يتقارن بيها الموتور بتاعها هو هو موتور الاوبترا و العربية دي بلسان المهندس بالتوكيل محتاجة الموتور الايكو تك 1800 عشان تبقي معقوله
عموما بصرف النظر عن اوبترا او كروز ابعد عن منصور و اوعي تغنيله دي نصيحة مجرب
لو حضرتك معاك تمن الكروز فكر في اللانسر او المازدا 3 عليها عرض تخفيض 7000 جنيه و عربية بسم الله ماشاء الله
وعليك بالاستخارة

[M.Akef]

حضرتك شوف وزن الجتا بموتور 105 حصان و هتلاقي انالكروز هوا بالنسبه لها1
الكوروز انا قلت ابل ال100 تقيله لكن بعد كدا طياره و ده من لسان ناس بتشد و جريت معاها كتير
عموما فعلا الشارك او المزدا 3 هيكونو افضل و بالزات مزدا 3 الجديده جميله جدا او لو حضرتك زوت شويه و جبت هندا سفك او اوكتفيا فنتزيا افضل من ده كله

[zezmograby]

المبلغ اللي حضرتك حطة تجيب بية مازدا 3 الشكل الجديد تحفة