معاي 80 الف

[down4me]

بسم الله الرحمن الرحيم

معاي 80 الف يا حماعة و عايز اجيب عربية زيرو يا ريت حد يرشحلي عربية في الحدود دي و يقولي اي نام قطع الغيار و الكلام ده لان العربية اللى معاي دلوقتي شاهين و انتم عارفين طبعا ان ماكنش عندي اي مشكلة في التصليح و قطع الغيار كل حاجة رخيصة جدا فيهاز بس ناوي ابيعها و اكمل عليها و اجيب حاجة في حدود ال 80 الف يا ريت تساعدوني و لكم جزيل الشكر

[eng.m7md.ali]

اعتقد البيرسونا مانوال فول اوبشن ب 82000 او حاجة زي كدة
انا قولت اقولك على اللي انا مجربو بس ياريت تبعد عن الافيو عن تجربة

[Hossam_Hassan]

دبر 4 - 6 الاف كمان و هات اوبترا.

[onz]

كيا ريو مانيوال 78 الف 1400 cc
ادخل قسم كيا و شوف مميزاتها و وعيوبها

هيواندي اكسنت تبدا من 76 الف 1600cc

[blazer]

بيرسونا
لوجان
انا شايفهم افضل من عربيات تانيه كتير

خصوصا البيرسونا
ايرباجز وabs

[alwla3]

نيسان صنى جميله جدا وواسعه وثبات كويس وبعدين يابانى افضل من الكورى

[down4me]

في البداية شكرا يا جماعة على ردودكم و تعاونكم معاي

انا احترت و الله في الموضوع ده كل ما اسال على حاجة تطلع فيها بلاوي يا اما في العربية نفسها يا اما في الصيانة و الواحد مش عارف يعمل ايه

يعني مثلا فكرت في الافيو لقيت شكاوي كتير من الناس من العربية هنا سواء مشاكل في العربية نفسها او من منصور

فكرت في الرينو سيمبول و كانت عاجباني جدا لقيت ان سعر اعادة البيع بتاعها وحش جدا يعني لو جيت بعد 5 سنسن ابيعها و لا حاجة مش هاتجيب خالص

اما بالنسبة للفيرنا و الاكسنت مش عاجبني شكلهم خالص

بفرك حاليا في البيرسونا بس مش عارف ايه نظام الصيانة و قطع الغيار و الكلام ده

الصني طبعا عربية جامدة و ياباني افضل من الكوري بس مانيوال فول اوبشن ب 87 الف اغلى شوية من الميزانية اللى كنت عاملها

[mememsaid]

ابعد عن الافيو كل الناس بتقول كدا
اللوجان بيشكرو فيها اوي ولو عايز اوتوماتيك يبقي الاكسنت في حدود المبلغ اللي معاك بس هتزود 2000

[Symbolic]

ربنا يوفقك!

في البداية شكرا يا جماعة على ردودكم و تعاونكم معاي

انا احترت و الله في الموضوع ده كل ما اسال على حاجة تطلع فيها بلاوي يا اما في العربية نفسها يا اما في الصيانة و الواحد مش عارف يعمل ايه

يعني مثلا فكرت في الافيو لقيت شكاوي كتير من الناس من العربية هنا سواء مشاكل في العربية نفسها او من منصور

فكرت في الرينو سيمبول و كانت عاجباني جدا لقيت ان سعر اعادة البيع بتاعها وحش جدا يعني لو جيت بعد 5 سنسن ابيعها و لا حاجة مش هاتجيب خالص

اما بالنسبة للفيرنا و الاكسنت مش عاجبني شكلهم خالص

بفرك حاليا في البيرسونا بس مش عارف ايه نظام الصيانة و قطع الغيار و الكلام ده

الصني طبعا عربية جامدة و ياباني افضل من الكوري بس مانيوال فول اوبشن ب 87 الف اغلى شوية من الميزانية اللى كنت عاملها

أخى الكريم: دايما السيارة إللى مش منتشرة حيكون سعر إعادة بيعها أقل من السيارة الاكثر إنتشارا. السيمبول و الكيا ريو (1400 cc)سيارات جيدة فى كل شى بس سعر إعادة بيعها أقل و قطع الغيار و الصيانة فى التوكيل . عن تجربة : إمكاناتهم عالية فى التشغيل و الكماليات و الثبات على الطريق على سرعات عالية (أكتر من 150) و إستهلاك البنزين أقل بكثير من ال1600.
ليس لدى خبرة شخصية مع البيرسونا، أعتقد ان سعر إعادة بيعها ايضا قليل.
لو يهمك أكتر سعر قطع الغيار و الصيانة و سعر إعادة اليبع خليك في هيونداى
لو يهمك أكتر الشكل و الكماليات و الجودة يبقى السيمبول و الكيا ريو زز و لك حرية الإختيار.

[pharonicking]

خليك فى الهيونداى عربية عملية ومنتشرة"

[zidaneelwaly]

و الله الافيو مظلمه يا جدعان في ناس بتشكر فيها و ناس عندها مشاكل
بس انا لو مكانك ادور علي الياريس وممكن استني شويه و لو ملاقيتهاشي يبقي اوبترااااااااااااااااااااااا ان شالا مانيوال

[ahmedbeirut123]

دبر 4 - 6 الاف كمان و هات اوبترا.

+111111111