مساعدة لوجه الله

[amostafa76]

كل سنة و انتم طيبين مش عاوز حد يفهمنى غلط انا مش طالب مساعدة مالية..... الحمد لله على اى حال

انا طالب اعرف رأيكم ادام الله فضلكم

انا بجيب عربية اليومين دووول و محتار اوى أوىىىىى

عجبانى البريليانس سيدان أوتوماتيك ام 82000
شكلا تحفة
أوبشنز حدث ولا حرج فرامل EBD - ABS - فوجات - 4 ايرباجز - CD multi options وحاجات تانية كتييير يعنى من الاخر جردل أوبشنز.

النيو أكسنت بعد منزل سعرها تانى بقى 86500
وطبعا مفيهاش كل الاوبشنز اللى فوق بس عربية عريقة و كورى بس للاسف صالونها ضيق و فقير عن البريليانس بكتييير. البريليانس صالونها واسع اوى و شيك موت عن الاكسنت.

أعمل اية عاوز رايكم و ياريت اللى يحكم يحط فى اعتبارة الخمس حاجات ديه:
1- الماركة و عراقتها و سابق خبرتها
2- الاوبشنز
3- سعر اعادة البيع
4- الصيانة و اسعارها والوكيل
5- فرق السعر بين الاتنين 4500

شكرامقدما....... وكل سنة وانتم طيبين

[amostafa76]

مساعدة لوجه الله

سنة و انتم طيبين مش عاوز حد يفهمنى غلط انا مش طالب مساعدة مالية..... الحمد لله على اى حال

انا طالب اعرف رأيكم ادام الله فضلكم

انا بجيب عربية اليومين دووول و محتار اوى أوىىىىى

عجبانى البريليانس سيدان أوتوماتيك ام 82000
شكلا تحفة
أوبشنز حدث ولا حرج فرامل EBD - ABS - فوجات - 4 ايرباجز - CD multi options وحاجات تانية كتييير يعنى من الاخر جردل أوبشنز.

النيو أكسنت بعد منزل سعرها تانى بقى 86500
وطبعا مفيهاش كل الاوبشنز اللى فوق بس عربية عريقة و كورى بس للاسف صالونها ضيق و فقير عن البريليانس بكتييير. البريليانس صالونها واسع اوى و شيك موت عن الاكسنت.

أعمل اية عاوز رايكم و ياريت اللى يحكم يحط فى اعتبارة الخمس حاجات ديه:
1- الماركة و عراقتها و سابق خبرتها
2- الاوبشنز
3- سعر اعادة البيع
4- الصيانة و اسعارها والوكيل
5- فرق السعر بين الاتنين 4500

شكرامقدما....... وكل سنة وانتم طيبين

[yahiahelaly]

YouTube - ‪Brilliance BS6 Chinese Car Crash Test Disaster‬‎

[yahiahelaly]

اخبط دييييي

[OilMan]

الماركة والخبرة - اكسنت
الاوبشنز - بريليانس ويمكن حاجات تانية كمان اكتر بس هل استعمالك للاوبشنز يساوى المخاطرة بسيارة قليلة الخبرة وديه حاجه ترجعلك
- الصيانة كخبرة طبعا هيونداى ومش حقدر افيدك فى الاسعار
- الفرق مش يستاهل ابدا انك تخاطر ومع احترامى للعربية اللى نزلت حوالى 20000 الف جنية فى المعرض تفتكر ليه

ربنا يوفقك

[fawzyyyy]

بص مش حقولك غير ان عندنا عربيتين بريليانس 2009 موجودين في الشارع و كل اما اشوفهم مبحسش ان هما 2009 خالص ........!!!

متعرفش خاماتها رديئة ولا عشان هي صيني ولا عشان ايه؟؟؟
بس اكيد نيو اكسنت احسن ....توكل علي الله
و ربنا يوفقك في اختيارك

[madamada2070]

اعتقد حضرتك حطيت المقارنه لوحدك

هوا الاكسنت تتفوق على البريليانس في الماتور ال 1600 2 كامه cvvt و سعر اعادة البيع طبعا

غير كده معتقدتش ان في اي تفوق للأكسنت

[amostafa76]

3 نيو أكسنت - صفر بريليانس

[ahmad_samy]

انا كنت في نفس موقفك وحيرتك بالضبط مع نفس الاختيارات لكن في النهاية رجحت كفة البريليانس وحاجزها ومنتظر بقالي 25 يوم
توكل على الله واستنى البريليانس

[akramesg]

2 ايرباجز بس للتوضيح
بس اكيد بريليانس فى كل حاجة معادا اعادة البيع بس الفرق مش كبير عشان اى زيرو هتخسر فيه كتير

[hugan]

اعتقد حضرتك حطيت المقارنه لوحدك

هوا الاكسنت تتفوق على البريليانس في الماتور ال 1600 2 كامه cvvt و سعر اعادة البيع طبعا

غير كده معتقدتش ان في اي تفوق للأكسنت

تمامممممممممممم

[mshmshm3]

اوعي اوعي تجيب عربية صيني هاتندم العربية الصيني فيها اوبشن وهمي وسعرها مش يساوى الاوبشن اللى فيها ولما تيجي تبيعها محدش هايشتريها منك ولو حد اشترها هايخفس بيها الارض وسيبك من اللى يقولك موتور الماني وهندي يمكن يكون الكلام صح بس الموتور مش كل حاجة الاكسنت برقبة كل العربيات الصيني يكفي انها كورى و يوم ما تفكر تبيعها مش هاتتعب وثمنها مش هايقل كتير البريليانس تكسب في الاوبشن بس هاتعمل ايه ب اوبشن في عربية تعبانة عفشة والات جر وتقفيل وخامات وقوة تحمل وسرعة تداول وقطع غيار ومراكز خدمة

[M.Osman]

يا باشا متضدقش الأوبشنز الكتير اللي فيالعربيات الصيني ... مفيش abs و ebd في الأكسنت لأن تكلفتهم كبيرة و هيغلوا العربية ... ازاي عايز تقتنعني ان abs محترم هيكون تكلفته بسيطة كدا زي الصيني ..؟؟؟

[Hmatchy]

انا رأييى تسأل الناس اللى ركبت العربية
علشان نفس الكلام اتقال على الكورى اول ما نزل
واتقال على اليبانى من قبلوا
و يا جماعة الناس اللى بتقول صينى وعمره قصير انا معايا صاحبى معاه frv موديل 2009 والعربية عامله 60000 كيلو ومشاء الله عليها زى ما هى بلاش لو سمحتوا هجوم اعمى من غير تجربة اركب وجرب وبعد كدة قول حلوة ولا وحشة
وبالنسبة لسعر اعادة البيع اى عربية غير اللانوس و الفيرنا هتخسر كتير لما تجبها زيرو وتبعها
و اللى بيقول التوكيل انتو بتتكلموا عن بافريان و أظن دا افضل توكيل فى البلد
fsv عربية تحفة اللى عاوز يجبها يسئل الناس اللى معاها العربية ويشوف بنفسوا
و معلش لو كلامى زعل حد مننى

[engaass]

أعمل اية عاوز رايكم و ياريت اللى يحكم يحط فى اعتبارة الخمس حاجات ديه:
1- الماركة و عراقتها و سابق خبرتها نيو اكسنت
2- الاوبشنز بريليانس
3- سعر اعادة البيع نيو اكسنت
4- الصيانة و اسعارها والوكيل مش هيفرقو كتير عن بعض
5- فرق السعر بين الاتنين 4500

شكرامقدما....... وكل سنة وانتم طيبين

بس الصينى انت وحظك
لكن النيواكسنت احتمال ان العربية يكون فيها مشاكل اقل بكتير من الصينى