كورولا - مازدا 3 - كروز

[LeperMessiah]

مقارنه سريعه كده و عايز اراء الناس اللى جربت العربيات ديه بنفسها مش ابن عم واحد صاحبه كان له خال بنت جوز اخنه عنده العربيه و بيقول وحشه

العربيات موديل 2011 كالتالى

1- تويوتا كورولا اعلى فئه وكيل
2- مازدا 3 اعلى فئه وكيل
3- شيفروليه كروز اعلى فئه وكيل


طبعا انتوا فهمتوا انا ليه بتكلم عن الفئات ديه للأنها كلها سيدان و عائليه و مريحه و فى نفس السعر


عايز ارائكم لو سمحتوا

و كل سنه و انتوا طيبين

[raedegypt]

ماذدا 3 بصراحه فى السعوديه تحفه فى شكلها برة وجوة واشيك من الكرولا

[amrseba]

الكورولا و المازدا 3 افضلهم و على رأى المثل "شيفورليه كروز ميدفعش فيها فلوس " و ابعد عن ايد امينه خامات الكورولا و المازدا افضل 100 مره من الكروز معلش يا باشا العربيه الكروز متستحقش المنافسه بينهم و خامات التابلوه سيئه

[LeperMessiah]

شكرا لردكم بس ماننساش ان المازدا سعر البيع بتاعها وحش قوى و الكروز احسن فى اعاده البيع

اعتقد الكورولا مش بتخسر كتير و لا ايه؟

[Gabrial]

شكرا لردكم بس ماننساش ان المازدا سعر البيع بتاعها وحش قوى و الكروز احسن فى اعاده البيع

اعتقد الكورولا مش بتخسر كتير و لا ايه؟

الكورلا بعد ما نزلت بفيتس اوتو عادي مكان mmt أعتقد مش هيكون في مشاكل في سعر اعاده البيع إلا لو جد جديد و ظهرت مشاكل تاني في تويوتا ،أنا شايف إن الحكم على سعر إعادة بيع المازدا و الكروز صعب التكهن به دلوقتي الكروز تعتبر لسة جديدة في السوق إلى حد ما بس لو وضعنا في الاعتبار إن سعر إعادة البيع عامة للكوري كويس ومثلاً اوبترا ماسكة سعرها فده مؤشر كويس .، مازدا 3 بعد ما غبور مسكها ممكن تعمل سوق كويس و غبور أستاذ في التسويق.
وجهة نظري مازدا ٣ .

[blazer]

كورولا اوتو عادى افضل اختيار
ماتور اقوى
اوسع من المازدا

[yarisawi]

الكورولا اكيد واسعة ناعمة قوية يابانى وسهلة البيع وبتجيب سعر وبرضو الماذا 3 جميلة لكن الكروز سعرها مبالغ فيه جدا

[LeperMessiah]

يعنى كده ممكن احصر الاختيار بين المازدا 3 و الكورولا؟


بالنسبه للاوبشن اعتقد الكورولا اعلى و لا هى هى؟ و الوسع الداخلى انهى اوسع؟


الاخ Blazer انت بتقول ان الكورولا اوسع فهل عندك ارقام؟ لو عندك ياريت ماتبخلش على بيها

[amrseba]

بص لو حضرتك عايز تشترى عربيه عشان اعاده بيع الفيرنا اسرع اعاده بيع و هتبقى مناسبه

يا باشا انت بتشترى عربيه ياعنى عايز حاجه نضيفه ومتخدش على كلام التجار الجهله وطبعا لا يوجدمقارنه بين الكروز و الكورولا و المازدا عشان انا ركبت الكروز و ركبت الكورولا و سعرها المفروض اقل من كده بس منصور كان عايز يطلعها من المنافسه بين السيراتو و الانترا

[dramir1]

حضرتك ما فكرتش ليه في الفانتازيا
لو ظروفك ما تسمحش خليك في الكرولا

[ahmedbeirut123]

2- مازدا 3 اعلى فئه وكيل
3- شيفروليه كروز اعلى فئه وكيل

the 2 cars are very good

choose between them

[yoko]

نصيحة إبعد عن الكروز وخليك في الكورولا أو المازدا بس المازدا سيبك من غبور عشان قطع الغيار عنده أكتر من ضعف تمنها بره!!!!!!!!! التيل قدام معدي ال1000 جنيه أغلى من المرسيدس!!

[mohamed1979]

نصيحة إبعد عن الكروز وخليك في الكورولا أو المازدا بس المازدا سيبك من غبور عشان قطع الغيار عنده أكتر من ضعف تمنها بره!!!!!!!!! التيل قدام معدي ال1000 جنيه أغلى من المرسيدس!!

اعلان فى اخبار السيارت عن سعر التيل الأمامى للمازدا 3 كان ب 550 داخل توكيل غبور

[raedegypt]

حبيبى ال يشترى العربيات دة شريحه صفوة المجتمع .. لاتتكلم عن سعر بيع وقطع دة عربيات رفاهيه وخاصآ الماذدا زووم 2011 دة عربيه تحفه برة وجوة ولا تقارن بالكرولا ولا الكورى كله

[LeperMessiah]

بص لو حضرتك عايز تشترى عربيه عشان اعاده بيع الفيرنا اسرع اعاده بيع و هتبقى مناسبه

يا باشا انت بتشترى عربيه ياعنى عايز حاجه نضيفه ومتخدش على كلام التجار الجهله وطبعا لا يوجدمقارنه بين الكروز و الكورولا و المازدا عشان انا ركبت الكروز و ركبت الكورولا و سعرها المفروض اقل من كده بس منصور كان عايز يطلعها من المنافسه بين السيراتو و الانترا

يا استاذى الفاضل مش معنى انى عايز عربيه سعر اعاده البيع بتاعتها عاليه يبقى لازم تكون فيرنا... انا ممكن اغير بعد 5 -7 سنين و اعاده البيع اعتقد انها هاتفرق بعد المده ديه مش زى الاخوه اللى راكبين اوبل فيكترا موديل 2008 و بيخسروا من 60-80 الف بدون ذنب مع ان العربيه تحفه بس مظلزمه من الناس و التوكيل

حضرتك ما فكرتش ليه في الفانتازيا

لو ظروفك ما تسمحش خليك في الكرولا

و الله ربنا اللى عالم انا ممكن اجيب ديه او ديه ازاى و هابقى مزنووووووووووق فا هو ده اخرى فعلا

نصيحة إبعد عن الكروز وخليك في الكورولا أو المازدا بس المازدا سيبك من غبور عشان قطع الغيار عنده أكتر من ضعف تمنها بره!!!!!!!!! التيل قدام معدي ال1000 جنيه أغلى من المرسيدس!!

سؤال: حضرتك معاك كازدا او تعرف اسعار قطع الغيار؟ لو عندك معلومات اكتر يا ريت توضح

اعلان فى اخبار السيارت عن سعر التيل الأمامى للمازدا 3 كان ب 550 داخل توكيل غبور:_alshmokh08[1]:

انا لسه كنت هابص فى الجرنال بعد التعليق اللى فوق ده... انا شايف ان تيل ب550 مش كتير بالنسبه لسعر الهربيه انا كنت بغير تيل اللانسر ب 350 توكيل و العربيه ب 102 الف

حبيبى ال يشترى العربيات دة شريحه صفوة المجتمع .. لاتتكلم عن سعر بيع وقطع دة عربيات رفاهيه وخاصآ الماذدا زووم 2011 دة عربيه تحفه برة وجوة ولا تقارن بالكرولا ولا الكورى كله

انا مش عارف بصراحه انت بتشكر فيا و لا بتزم عموما متشكرين فى الحالتين

بس انا رأى ان صفوة المجتمع مش هم الاغبياء اللى معاهم فلوس و بيشتروا اى حاجه من غير تفكير.... الصفوه هم اللى بيشغلوا دماغهم و يفكروا فى كل صغيره و كبيره قبل ما يدفعوا مليم طالما تعبانين فى الفلوس حتى لو معاهم مال قارون