ضروري يا رجالة نازل بعد ساعة .. احسن هاتشباك في حدود 120 الف بالكتير

[zsecsqxsw]

السلام عليكم ورحمة الله وبركاته

كل سنة وانتم طيبين

معلش كنت مستعجل جدااااا .. انا نازل كمان شوية المنصورة وكمان طنطا بأذن الله

وكنا هنشوف معارض العربيات اللى هنالك

فأنا كنت عايز احسن عربية هاتشباك لأختى * في حدود 120 الف كحد اقصى

وانا رشحتلها الفيات الجراند بونتو اوتوماتيك هاي لاين وهي كانت محتارة بينها وبين التيريوس الفئة اللى ب 116000

فأيه هي مواصفات الفيات الهاي لاين الجراند بونتو .. والتيريوس ولو فيه حاجة تانية يريت بعد اذنكم اعرفها في نفس الفئة

طبعا اوتوماتيك

ولكم منى جزيل الشكر والعرفان .. وكل عام وانتم طيبين

....هو توكيل فيات فين ....

[hatchy]

نصيحة حسب رائى الشخصى
هات التيريوس احسن ليها سوق كويس من كل حاجة عكس الفيات الجديد وكفاية انها يابانى

[zsecsqxsw]

بس المشكلة في الامكانيات وكده ..؟ ولا ايه يعني الاوبشنز اللى في التيريوس ايه اللى ب 116000

[ghost1900]

حضرتك كمان التيدا الهاتش باك عربية ممتازة ومناسبة.

[Ahmed Mubarak]

سيات ابيزا وب 115 على ما اعتقد

[amrseba]

بص يا باشا التريوس عربيه و الجراند بونتو عربيه

الجراند بونتو عربيه هاتش شبابيه ثابته و بالمبلغ ده لو تزود شويه صغنين تجيب الكوبيه 120 حصان التربو ده لو عايزه تجرى ياعنى بس يبقى انت مطمن عشان ثباتها عالى و الاوبشن بتاعها جااااامد جدا كل الى تطلبه ماعدا فتحه السقف و الشاشات الخلفيه بتاعت الدفيدى على ما اعتقد موجود فى فى التريوس
بس عندك بقىblue & me وده ياعنى حاجه روعه و بلوتوث و نظام صوتى رائع التريوس عاليه واسعه عائليه منظر الجيب
الجراند بونتو شبابيه ثابته جميله سريعه و قويه و الاوبشن بتاعها عالى و برده لو عايز حاجه حلوه ارشحلك النيسان تيدا هاتش باك و ارشحلك برده فورد فيستا جميله جدا بس لو عايز الفيات جراند بونتو او بونتو ايفو هتكون مناسبه ليها جدا لبنت واه السيات ابيزا و الباشا التريوس ليها سوقها بس سعر اعاده البيع قليل جدا و الفيات كفايه انها ايطالى والسيات ابيزا برده ممتازه

[zsecsqxsw]

بس المشكلة انه التيريوس اللى هاتجيبها مش اعلى فئة والجراند بونتو الفئة اللى ب 109000

والنيسان التيدا برده مش الفل اوبشنز انا قصدي على ال ب 120000

الابيزا تعتبر فاضية

يريت لو فيه شوية تفوق في الاوبشنز في عربية عن اخري

[K!ShO]

سكودا -فابيا
أوبل -كورسا
سوزوكي -سويفت
سيات -أبيزا
فورد -فيستا
فيات -500

[zsecsqxsw]

عربيات كتير جدااااااااا . . يا رجالة حيرتوني والله

طيب انا هقارن بين الابيزا والتيدا والجراند بونتو

[amrseba]

يبقى البونتو ايفو مناسبه جدا جدا و الابيزا هيا اصلا ياعنى مفهاش اووبشن ولا عشان السعر السعر يجبهالك فول اوبشن تقريبا

[zsecsqxsw]

عربيات كتير جدااااااااا . . يا رجالة حيرتوني والله

طيب انا هقارن بين الابيزا والتيدا والجراند بونتو

[romiobek2000]

طالما بنت يبقي التريوس و تركب دفندرات

[amrnagy]

بص بصراحة الجراند بونتو رائعة بس ليها عيبين الاول توكيلها اسعاره في قطع الغيار رهيبة عاليه جدا وملهاش قطع غيار برة التوكيل غير نادر جدا جدا
ثانيا صعبة جدا في اعادة البيع
لكن كمواصفات السيارة رائعة لاقصي حد

[zsecsqxsw]

طيب ومواصفات التيريوس اللي ب 1.5 2wd a/t

116000 ايه

[Alios]

التريوس اللي ب 116 الف على ما اعتقد من غير فوانيس شبورة و لا شاشات دي في دي و لا فرامل abs ولا اير باج .....

تعتبر فاضية ....

لو تزود لك كمان 10 آلاف او 9 آلاف ..... تجيب التريوس الفئة الأعلى منها ( كل حاجة ما عدا فرامل abs و اير باج ) ....

و لو زودت لك كمان 20 ألف تجيب اعلى فئة في التريوس ( كل حاجة بالإضافة الى الدفع الرباعي ) .....

-----

لو هاتشباك في حدود 120 ألف .....

ارشح لك التيدا ..... اعتمادية و جميلة و ياباني 100 % ....... يعيبها بس شكلها الخارجي , لكن في المجمل عربية ممتازة ....

- الفيات الجراند بونتو عربية ميختلفش عليها اتنين ... بس اسعار قطع الغيار بتاعة الفيات عموماً ولعة نااااار و ملهاش قطع غيار برا الا اللي بقى متخصصين فيات ( جديد مش قديم ) :)


----

ارشح لك التيدا بكل قوة ........

و لو زودت يبقى ارشح لك التريوس ........ عالية عن الأرض و ثابتة جداً جداً و توكيل محترم .....

و كل سنة و انتا طيب :)