محتار بين البيجو 407 وسكودا فانتازيا 2010

[nice_manz]

يا جماعة افيدوني
انا مختار بين البيجو 407 وسكودا فانتازيا 2010
وانا مش بيهمني قوي اعادة البيع انا عايز اركب عربية محترمة

[rabso]

البيجو 407 عربية مش هتركب احسن منها تانى ، الكلام عن تجربة فعدت معايا سنتين ونص فى دبى

[icon]

SKODA
لو معايا ثمنها مش هتردد لحظة
انا مش هتكلم كتير انا هخليك انت ترد عليا وتقوللي اقتنعت

سكودا أوكتافيا

÷ مميزاتها :
1. تشيكي ( تصنيع ألماني ) مكونات إنتاج شركة فولكس فاجن الألمانية .
2. معمرة .
3. موتور قوي جدا ، نوعه tsi نفس الموتور اللي بيركب في الجولف الحديثة .
4. شاسيه قوي جدا وطويل من إنتاج شركة فولكس .
5. صاج قوي جدا جدا جدا جدا ( أقوي صاج يصنع حاليا بين جميع السيارات )
6. سيارة عالية ( حوالي 15 – 20 سم ) .
7. خامات الصالون ممتازة ( نمرة واحد ) التابلوه ، والفرش والمقاعد .
8. الشنطة واسعة جدا ( واحد يدخل ينام جوة ) .
9. ثبات بمعني الكلمة ، ثبات ما بعده ثبات ، ثبات إلي مالا نهاية .
10. عفشة قوية جدا وتستحمل أي شغل شاق ( ماتحسش انك راكب حاجة ) .
11. سيارة ناعمة نعومة زي الحرير وسحبها أقوي من أي سيارة .
12. السيارة واسعة من الداخل وفيها ثلاجة صغيرة .
÷ عيوبها :
1. قطع غيار غالية جدا ( حالها حال جميع السيارات الألمانية )
القطعة غالية ولكنها معمرة ( تركبها وتنساها ) .
هذا هو العيب الوحيد في سكودا أوكتافيا ( سيارة بها 12 ميزة وبها عيب واحد ) .

أليست هذه السيارة جديرة بالاحترام وتستحق كل التقدير .

[blazer]

البيجو طبعا
فئه اعلى
اوسع
متميزه اكتر
اشيك
ماتور اقوى تربو ديزل
اوبشنز كتييييير
ثبات وهمى
عيبها الوحيد بلنسبه لبعض الناس انها مانيوال و قطع الغيار الاغلى من الفنتازيا

[abdo_kmal]

أكيد البيجو بدون تفكير .... أصلا اوكتفيا مش فئة البيجو 407 .... البيجو فئة أعلى زي الباسات كده .... اسمع مني و الكلام ده عن تجربة ... موتور رهيب تربو ديزل سحب خرافي وعزم وهمي .... العربية كلها monitored و computrized بمعنى الكلمة يعني كل فتفوتة وجزء فيها مراقب على كمبيوتر العربية .... كهربتها fiber مش أي حاجة يعني reliability ممتازة .... ثبات رائع جدا على الطريق بسبب الجنط 17 و ال ESP وعرضها ... مواصفات أمان ممتازة وغير كده كتيير ....وطبعا مش حتكلم عن الشكل الشيك اللي أنا بعتبره تحفة ..... ولا الخامات ولا الصاج ولا الشاسيه عشان عيب دحنا بنتكلم عن بيجو ...هي بس مشكلتها في سعر قطع الغيار العالي كعادة الفرنساوي ... بإختصار عربية تحفة ل ادق التفاصيل فيها و-آسف يعني - ماينفعش تقارن بيها الاوكتفيا عشان كده حتظلمها

[medo_2060]

العربيتين مش فئه واحده.... 407 اعلى اكيد.

[rabso]

يعم انت تقارن الاوكتافيا بال 307 لكن ال 407 دى حاجة تانية خالص

[hazemezzz]

البيجو افضل وفئتها اعلى من الفانتازيا

[dr_mim81]

طيب يا حماعة بعد اذنكم 407 ولا باسات؟
الهاي لاين والاوتوماتيك في الاتنين قصدي

[Elsarrawy]

طيب يا حماعة بعد اذنكم 407 ولا باسات؟
الهاي لاين والاوتوماتيك في الاتنين قصدي

باســـــــــــــــــــــــات