سيات ابيزا ولا بروتون ويرا ولا .... ؟؟

[MiDo_RoMa]

بصراحه بدور علي عربيه في حدود ال30 الف , محتار بين الابيزا و الويرا.

الابيزا عاجبني شكلها وانها مكونات الماني.

الويرا الناس بتقول فيها كلام محترم جدا وشكلها كويس برضه.

بغض النظر عن مين سيدان ومين هاتشباك , انا محتاج حد يساعدني يقوللي دي افضل من دي في كذا وكذا وتنقص عنها في مذا وكذا.

انا لو جبت الابيزا هجيب ان شاء الله ابيزا 94 1300 سي سي ولو هجيب الويرا ان شاء الله برضه هجيب ال 1300.

ان واخد بالي من فرق الكربراتير في الابيزا 94 و الانجكش في الويرا 2000 وانت طالع.

الصراحه محتار ومحتاج مساعده.

لو فيه عربيات تانيه تستاهل توضع في مقارنه مع ال2 دول في نفس الفئه السعريه , ياريت الناس تتفضل تعرضهم علما باني استبعدت التمبرا او التيبو و الفورد ايسكورت.

بجد الواحد بيستفيد بخبرات ممتازه من الناس هنا ولولا المنتدي بعد فضل ربنا كان الواحد لبس في حاجه اي كلام من زمان.

[MiDo_RoMa]

ياريت برضه أعرف رأيكم في البونتو

[amrseba]

يا باشا الويرا احسنهم عربيه جميله جدا جدا ميتسوبيشى من ال أ الى ى ومع تغيير فى الفوانيس الخلفيه فقط عربيه ممتازه فعلا

بس فى حدود 30 الف مش هينفع تجيب ولا ويرا و لا حتى تمبرا و لا فورد ايسكروت اقل حاله عدله مش اقل من 36 الف جنيه سواء فى التمبرا او ايسكروت و الويرا هتبقى بقى موديل 2000 برده مش اقل من 35 ده اقل حاله نضيفه

30 الف يا باشا يجيبوا بونتو 94 او سيات ابيزا او هيونداى اكسيل او كيا برايد عصفوره او اونو بس العربيات الى انت مختارها من 35 الف الى 45

[MiDo_RoMa]

يا باشا الويرا احسنهم عربيه جميله جدا جدا ميتسوبيشى من ال أ الى ى ومع تغيير فى الفوانيس الخلفيه فقط عربيه ممتازه فعلا

بس فى حدود 30 الف مش هينفع تجيب ولا ويرا و لا حتى تمبرا و لا فورد ايسكروت اقل حاله عدله مش اقل من 36 الف جنيه سواء فى التمبرا او ايسكروت و الويرا هتبقى بقى موديل 2000 برده مش اقل من 35 ده اقل حاله نضيفه

30 الف يا باشا يجيبوا بونتو 94 او سيات ابيزا او هيونداى اكسيل او كيا برايد عصفوره او اونو بس العربيات الى انت مختارها من 35 الف الى 45

35-45 !!!

بصراحه اتصدمت :)

بس انت متأكد من الاسعار دي !!

لأن كان قدامي ايسكورت بحالة الزيرو مرفوعه 5 سنين علي 33 من غير ما اتكلم

وكان قدامي تمبرا معقوله ب 30 ونظيفه اوي ب 34 برضه من غير ما نتكلم

الويرا بصراحه معرفش سوقها شكله ايه

بس محتاج رأيك في البونتو ال94 بما انك شكلك غاوي بونتو وكاتبها علي رأس القائمه :)

[amrseba]

ايوه يا باشا ممكن الايسكروت عشان سوقها ميت امال التمبرا معايا اهيه عشان تجيب حاجه نضيفه و ماتورها كويس و عفشه كويسه و اوبشن مش اقل من 35 الف جنيه و معلش العربيه ام 30 الف جنيه هتلاقى فيها حاجه برومه ماتور جاب اخره و مهلوكه و عفشه على الارض و احتمال تلاققيها راشه حتت دواخل و التمبرا مخصوص لو جبتها حالتها وحشه هتتعبك جدا و هتكرهك فى العربيات ولو حاجه حلوه و ممتازه بجد هتحس انك راكب مرسيدس و ربنا يوفققك يا باشا و البونتو 94 كويسه و جميله و محندقه و بالسعر ده تجيب حاجه كويسه بس انا مش خبره اوى فيها ومعرفش عنها كتير لو عايز اى استفسار عن فيات خش قسم فيات و اسأل هتلاقى الاجابات بتعتك

[MiDo_RoMa]

شكرا جدا جدا

غالبا هتبقي ابيزا ان شاء الله