من فضلك:مقارنة بين هيونداى سوناتا,هوندا سيفيك و سكودا أوكتافيا A5

[crazylambada]

[رضه يا استاذ لوئ
اقولك حاجة لو معاك تجيب عربية بورش تجيبها و تسوقها في مصر
ما انتا متجيبش عربية وتقعد تتحسر لما تمشي في حتة متكسرة و قلبك يبقى متقطع
عارفين بقى مين اللي احسن من ده كله
سيات ليون
بامانة لكن مشكلتها سعراعادة البيع

[som3aa]

انا والله العظيم مش قصدي تريقة يا استاذ سمعة

و لا يهمك و أنا مبسوط جدا من ردود حضرتك لتوضيح قوة الاوكتافيا للناس

السيفيك تكسبببببب
معلش يعني بس الاسكودا و الهيونداي طالعين امتى؟!

هوندا طلعت سنة 1948
هيونداى طلعت 1967
سكودا اقدمهم فتحت 1895 و بدأوا انتاج العربيات من 1905

يل ريت يا جماعة اللى يقول حاجة يبقى متاكد منها مش معنى انك سمعت عن عربية من زمان تبقى هى الاحسن و السوق المصرى للعربيات و لا يسوى اى حاجة فى السوق العالمى علشان جماركنا غالية و معظم توكيلاتنا ضرايب التهليب اغلى و كمان البلد ضعيفة اقتصاديا فالى بينزل مصر بيبقى على اد مصر

[Ahmed Anwer]

علي مهلك يا أخ سمعة ،،

كون السوناتا افضل من كل تلك السيارات ،،

فذلك شئ غير قابل للجدال ،،

كفاية المقارنة دي من اكبر مجلة سيارات امريكية لها وزنها ،، كار اند درايف ،،

http://www.caranddriver.com/reviews/comparison_test/sedans/the_buzzard_and_baloney_brigade_comparison_test

يعني حكاية انها منافسة للأكورد و الكامري مش خيال علمي ،،

دول ماخترانها افضل من الكامري كمان ،،

العبرة كلها في التجميع المحلي ،،

و احنا مبنكلمش علي عربية بسبعين الف أو حتي تسعين الف ،،

بصراحة ابعد عنه في المستوي السعري ده

إذا كان الناس بتتكلم علي التجميع المحلي للبي ام و المرسيدس !!!!!!

[SEATLOVER]

[
عارفين بقى مين اللي احسن من ده كله
سيات ليون
بامانة لكن مشكلتها سعراعادة البيع

يا crazy الليون موضوع تانى خالص مش عشان هى فى نفس رانج السعر تدخل فى الفئة دى ..
سعر اعادة البيع لة عوامل
-العربيات دى مش بتاعة ( تقليب ) يعنى مفروض تجيبها و تنسى بس طبعاً محدش ضامن الظروف
-سعر اعادة البيع لكل اللى فوق المائة الف كدة لأنك بتبيع كاش لسوق معتمد على القسط مش لعيب فى العربيات دى ولا حاجة
-نمط الاستهلاك عندنا متدنى و مع عربية حاجاتها غالية المشترى بيبقى عايز يخلى نفسة فى المضمون و يقلل السعر جامد تحسباً لأى مفاجات يلاقيها فى العربية .
-التكنولوجى العالية عنصر غامض فى تحديد ثمن العربية الكسر زيرو
كل ما كان سعر اعادة البيع يجيب عربيات تانية زيرو كل ما كان البيع اصعب (ثقافة عامة صعب تغيرها)




بالنسبة للمقارنة موضوع الحوار المفتوح فى الفئة دى انا مع (السوناتا ) لأسباب كتير اوى .

[nadersam]

ارجو المقارنة من حيث اسعار قطع الغيار و شكرا

[som3aa]

ارجو المقارنة من حيث اسعار قطع الغيار و شكرا

من الناحية دى اعتقد كلهم هينافسوا على مين أغلى من التانى
نصيحة منى دا رقم غبور فرع ابو رواش 0235390760 أتصل و قولهم مبيعات قطع الغيار و اسال على كل اللى نفسك فيه (تيل الفرامل الحاجة الوحيدة اللى اعرفها 1000 جنيه شاملة الضرايب(ضريبة مبيعات - رسوم تقليب - مصنعية) .
اتصل بالدليل و أسالهم على رقم توكيل سكودا و كلهم اسال بنفسك و قارن الأسعار علشان تبقى فى السليم و ياريت تبقى تقولنا بعدها علشان الكل يستفيد.

بصراحة ابعد عنه في المستوي السعري ده
إذا كان الناس بتتكلم علي التجميع المحلي للبي ام و المرسيدس !!!!!!

ليه ابعد عنه فى المستوى السعرى دا؟
أزاكان الs-500 ب 1379000 يعنى قريب من المليون و نصف و متجمعة فى مصر , يبقى نبعد عن عربية ب 150000-185000؟
ردا على موضوع التجميع فى مصر أقرا ردودى هنا

http://www.nilemotors.net/Nile/showthread.php?t=15575&page=2

و هنا

http://www.nilemotors.net/Nile/showthread.php?t=12956&page=3

و يكفى أقولك أن مصنع مرسيدس و مصنع bmw فى مصر هما الوحيدين بره ألمانيا اللى بيجمعوا ال s-class و ال7series و دا علشان الجمارك فى مصر غالية.

التجميع دا بيبقى تركيب قطع بس , معتقدش اننا وصلنا لدرجة مش عارفين نركب قطع فى بعض.

[volkeswagin]

دا موضوع ازواق و كل واحد و زوقه ممكن انت تعجبك الcivic و هو يعجبه الِِA5 و أنا تعجبنى السوناتا

ليه تخسر؟؟
أنا رايى الِA5 خسر علشان هى أضعفهم , الcivic 140 حصان و السوناتا 144 حصان اما الA5 105 حصان يعنى تخسر.

صحيح كوى و يابانى و تشيكى المانى بس التشيك لسه حتى منضمتش للأتحاد الأوروبى
و كمان يا جماعة العربيات مش بالبلد ماعدا الصينى
يعنى مينفعش أقارن الماروتى ب الHyundai genesis و أقول الماروتى تكسب علشان يابانى المقارنة بين العربيات نفسها يعنى الopel زى المرسيدس؟؟؟؟؟؟؟
و لا الهيونداى السانتا فى زى ال اللانوس؟؟؟
المقارنة بين السوناتا و السيفيك و A5
و طبعا منغير ماحتاج اقول حتى السوناتا تكسب وش.
السوناتا بتنافس ال Accord يعنى عيب نقارن السوناتا بالسيفيك !!!!!!!
أما الِA5 دى بتنافس نفسها يعنى بره خالص (منتنزلش أمريكا اساسا بره خالص)
معظم الwebsites االى بنقرأ عليها reviews عن العربيات بتبقى أمريكية .

أقرأ ردى هنا

[URL]http://www.nilemotors.net/Nile/showthread.php?t=17014&page=3[/URL]

سمعه واضح جداااااااااا انك متعصب لسوناتاالعربيه لو عايز تعملها مقارنه عادله بيبقى باحصائيات كامله بجداول التصارع والتصادم والامان وكل كل شى تتخيلهحتى حجم المقصوره باللتر المكعبوالشنطه وعرض الكوتشومينفعش تقول ان السوناتا بتنافس الاكورد تبقى خلاص هى كده عدت الدنيا كلهاما ممكن تكون بتتكلم ان العربيات التانيه معديه الاكورد لو ده مقياس للمنافسهما الجولفات بتقطع البى امات كلهااااااوبتوع البى ام مش بيخافوا الا من الجولفات فى الشد يبقى كده ينفع تقارن عربه هاتش باك بعربيه صالون؟السوناتا فيها عيوب كتير الا انى معرفش عيوبها التصنعيه لانى لسه معرفش عنها كتير بس العربيه بتاريخها كمانيعنى مينفعش تهمل تاريخ العربيه يعنى مش تقارن تاريخ السوناتا بتاريخ الجيتا او تاريخ الاوكتافيا او تاريخ البى ام صح ولا انا غلطان؟اعتقد ان الجيتا معديه السوناتا بكتيييييييييييييير وخاصه فى عامل الامانفى حاجه كمان عايز اقول عليها لو تلاحظ هتلاقى ان عدد الحصان فى المواتير الالمانى اقل بكتير من المواتير اليابانى والكورى والامريكىدى ملحوظه مع انك لو جريت العربيتين جنب بعض الالمانى يسبق فى التسارع بكتير طبعا لو السى سى قريب من بعضهولله اعلم انا كنت سمعتها ان المقياس فى الهورس بور فى المانيا مختلف عن الدول التانيه (بس مش متاكد من المعلومه دى)بس انا سامعها من واحد مهندس وبيسافر المانيا بياخد دورات فى شركات السيارات اللى هناك بس مش استفسرت عن الحكايه دى بالظبطارجوا انك مش تتعصب قوى للعربيه دى لان العربيه مش بتبان فى اولها بتبان جودتها بعد متعيش شويه وانا اعرف انك معاك واحده فا ربنا يباركلك فيها ويديك خيرها ويكفيك شرهاملحوظهانا سافرت بجيتا اسكندريه وكنا لسه مستلمنها قبلها بيوم يعنى مليناش زى مهو معتاد فى الشعب المصرىوكنا معانا سواق بنقوله شد شويه عشان نوصل قلنا احنا مشين فوق ال 200 كيلو مش صدقنا الا لما بصينا على العدادوبعد كده ادركنا الثبات على الارض عامل اازاى فى عربيه محترمه

[mido_smsm]

wallhi 7aran elly bey7asl da
bet2ol gayab 3arbia ebmar7 we gebt beha tany yom 200 we feen el taliin ll3arbia b2a
we ba3deen jetta a5erha aslan 185 we malhash fe shad wla 7aga we acceleration very bad ya3ny verna 1600 te3lam 3aliha
7aram ya gam3a wallhi ashof nas kteer bet2oool 7agat mesh wa23ia bl impossibe

[qwertyqwerty]

هناك سيارة سكودا تشبه الباسات القديمة(اختها) موجودة فى اوروبا

هل نزلت مصر

[NaderNabil]

هناك سيارة سكودا تشبه الباسات القديمة(اختها) موجودة فى اوروبا

هل نزلت مصر

اسمها سكودا سوبيرب Superb....و مانزلتش و مش هاتنزل مصر عشان اقل موتور فيها 1800سيسي

[م. تيمور]

اسمحولي يا شباب اشارك بمعلومه
انا متحيز للسيفيك اولا شكلها خطير خصوصا السوداااء .. وعلى فكره انا عندي واحده
ثانيا السيفيك انا على طريق مارينا مقطع بيها السوناتا والله وبي أم .. ومازدا 3 .. و لانسر نيو شيب .. يعني موتور وتسااارع غير طبيعي ونعومه في النقل
عيبها آه معاكم واطيه على الارض وده اللي خلاني عاوز ابيعها واشتري تيريوس فل اوبشن ..
تحيتي لاجمل ناااس ..

[som3aa]

اسمحولي يا شباب اشارك بمعلومه
انا متحيز للسيفيك اولا شكلها خطير خصوصا السوداااء .. وعلى فكره انا عندي واحده
ثانيا السيفيك انا على طريق مارينا مقطع بيها السوناتا والله وبي أم .. ومازدا 3 .. و لانسر نيو شيب .. يعني موتور وتسااارع غير طبيعي ونعومه في النقل
عيبها آه معاكم واطيه على الارض وده اللي خلاني عاوز ابيعها واشتري تيريوس فل اوبشن ..
تحيتي لاجمل ناااس ..

أبا برده بحب السيفيك جدا و هى فعلا عربية ممتازة بس صاحب الموضوع بيتكلم فى range تناى من حيث السعر يعنى عايز فى حدود ال180000 مثلا و دا اعلى من السيفيك.

انا على طريق مارينا مقطع بيها السوناتا والله وبي أم .. ومازدا 3 .. و لانسر نيو شيب

تلاقيك انت بس اللى بتسوق كويس اوى , فى ناس ملهاش فيها و الشد مش مقياس علشان بيعتمد على قدرات السواق نفسه اما مواصفات الموتور الفنية هى دى اللى تبين.

[rabbat5]

الأخ صاحب السوناتا ممكن لو تكرمت تعرفنا أسعار كل قطع الغيار الخاصة بسوناتا اللى تعرفها لأني أرغب فى شراء سوناتا 2007 / 2400 سي سي عاجلا لو سمحت.

[bero0o0o0]

تلاقيك انت بس اللى بتسوق كويس اوى , فى ناس ملهاش فيها و الشد مش مقياس علشان بيعتمد على قدرات السواق نفسه اما مواصفات الموتور الفنية هى دى اللى تبين.

لا يا باشا هو فعلا بالورقة و القلم و بالتجربة السيفيك كموتور و تسارع ماتقلش عنهم خالص
مع تثبيت مهارة السواق طبعا