اشترى ايه فى حدود من 10 الى 13 الف جنيه

[memo823000]

اشترى ايه فى حدود من 10 الى 13 الف جنيه

رمضان كريم ياجماعه هوا صديقى لسه بيتعلم سواقه وعايز يجيب حاجه يكسر فيها وتكون سهلة التصليح وقطع غيار متوافره ورخيصه وياريت تدلونى على الاماكن اللى اشترى منها

هوا ساكن فى روض الفرج وانا ممكن اساعده انا ساكن فى 6 اكتوبر

هوا فى دمغنا فيات 127 او نوع فيات هاتش باك برده بس مشفاكر اسمه

ياريت تساعدونا

والسلام عليكم

[د.محمود صلاح]

128 أو 127

بس ال 127 عشان تكون كويسه لازم هتبقى أغلي من المبلغ ده حبتين

128 ممكن تلاقي اواخر السبعينات واوائل الثمنينات بالسعر ده

[hugan]

ممكن 27 توب 2 باب

[MaZaGAngeE]

فولكس بيتلز أفضل بكتير من فيات

[dr.hazem]

سوزوكي ماروتي موديل من 94 ل 97

[memo823000]

والله ياجماعه انا مش عارف اشكركو ازاى
بس بصراحه العربيه لواحده قريبتى وانتو عارفين البنات فرفير وهيا كمان كلية صيدله
يعنى عايزه عربيه تكون شكلها مقبول ومريحه بقى مش كل يوم تشدها من على الكوبرى وانتو فاهمين
فانا شايف فيه عربيات 127 كتير حالتها مقبوله وبيتركبلها جنوط وبيعدل فى العافشه وفرش جلد بصراحه بتبقى شكلها مقبول
ومش فارق بابن او اربعه المهم تكون حالتها كويسه مش ماشيه ملخلخه
فايريت برده تنصحونى عشان ملبسهاش فى الحيط وبعدين العيله تعيرنى وتقولى انت دبست البونيه وكمان انا معنديش اى خبره فى شراء السيارات المستعمل
يعنى كونتاكت كار مليان عربيات مستعمله ايه رايكو دى طريقه كويسه ولا اروح سوق مدينه نصر
ملحوظه انا كدا كدا هاخد ميكانيكى شاطر عشان يبقى واقف معايا وانا برفع العربيه ان شاء الله

بالله عليكو النصيحه ضرورى عشان انا خايف ولا اخلع من الموضوع

[amrseba]

127 توب افضل حاجه بجد ماتور 1050 سى سى جراي جدا و عربيه جميله و ممكن تعدلها و تغير شكلهاو بيليق عليها التعديل اوى

[thunder155]

فيات 128

[MaZaGAngeE]

فيات 128

دي تبعد عنها خالص
عربية كلها مشاكل و محتاجة ميكانيكي كل شوية
مش مناسبة للسفر أو المشاوير الطويلة
عمرك ما تشوفها ماشية عدلة دايما بالورب و سمعت ان ده عيب صناعة في الشاسيه مش عارف مدى صحة المعلومة دي
بس ميزتها قطع غيارها رخيصة جدا و أي عيل يعرف يشتغل فيها و أوسع من 127 و الفولكس و يمكن أوسع عربية في حدود المبلغ ده
بس حول تقارن بين كل العربيات اللي الأعضاء قالوا عليها و انت هتلاقي البيتلز أفضل اختيار

[kempel]

البيتلز ثم البيتلز ثم البيتلز عن تجربة جبتها للمدام تتعلم عليها السواقة وأنا بعلمها عليها طلعنا بيها فوق رصيف عالى طلعت على السمكرى ولا الهوا حتى ماظبتش زوايا عربية حديدة واتعلمت عليها زى الفل وباعتها علشان تجيب أحدث وكنت حزين وهى بتتباع بس وانت بتشترى خلى بالك من الموتور لازم يكون سليم وكذلك الرقبة اللى هى شاسيه العربية و خد معاك ميكانيكى ثقة وفاهم لانه أغلى حاجة فى عمرته وكل قطع غيارها متوفرة ورخيصة وشكلها احلى من الفيات وتستحمل اى بهدلة الكلام ده من سنة 2008 وربنا يوفقك

[kempel]

البيتلز ثم البيتلز ثم البيتلز عن تجربة جبتها للمدام تتعلم عليها السواقة وأنا بعلمها عليها طلعنا بيها فوق رصيف عالى طلعت على السمكرى ولا الهوا حتى ماظبتش زوايا عربية حديدة واتعلمت عليها زى الفل وباعتها علشان تجيب أحدث وكنت حزين وهى بتتباع بس وانت بتشترى خلى بالك من الموتور لازم يكون سليم وكذلك الرقبة اللى هى شاسيه العربية و خد معاك ميكانيكى ثقة وفاهم لانه أغلى حاجة فى العربية ديه عمرة موتورها وكل قطع غيارها متوفرة ورخيصة وشكلها احلى من الفيات وتستحمل اى بهدلة الكلام ده من سنة 2008 وربنا يوفقك

[raedegypt]

128-127 او توك توك

[dr.hazem]

والله بكررلك تاني
الماروتي ممتازه جدا وناعمة للبنت والموديل هيبقى حديث يعني مهما كان هترتاح من هم الحاجات القديمه
ومن ثم استهلاك بنزين قليل جدا وقطع متوفره وبتراب الفلوس
ابن خالتي اتعلم عليها وانا معايا حاليا وبعلم مراتي عليها

تحياتي

[MaZaGAngeE]

البيتلز ثم البيتلز ثم البيتلز عن تجربة جبتها للمدام تتعلم عليها السواقة وأنا بعلمها عليها طلعنا بيها فوق رصيف عالى طلعت على السمكرى ولا الهوا حتى ماظبتش زوايا عربية حديدة واتعلمت عليها زى الفل وباعتها علشان تجيب أحدث وكنت حزين وهى بتتباع بس وانت بتشترى خلى بالك من الموتور لازم يكون سليم وكذلك الرقبة اللى هى شاسيه العربية و خد معاك ميكانيكى ثقة وفاهم لانه أغلى حاجة فى عمرته وكل قطع غيارها متوفرة ورخيصة وشكلها احلى من الفيات وتستحمل اى بهدلة الكلام ده من سنة 2008 وربنا يوفقك

حبيبي يا كمبل
كلامك زي مايكون بتوصفني أنا عملت كده برضه بش لسه ما بعتش

[abo_mahmud]

أجيب الماروتى منين بالسعر ده .
يعنى معايا عشر تلاف . وكمان هتحتاج مصاريف ولا لأ .
لأننى مش معايا مصاريف غير كدة . وتبقى عربية لتعليم السواقة لوالدى وللمدام ولأولاد أختى العشر بنات .