سيارة فى حدود 150 الف

[dr_mim81]

سلام عليكم
انا كان لي استفسار عندكم وكنت عايز حد يرد علي باقصي سرعة
انا عايز اشتري عربية في حدوح 150 الف جنية
وكنت عايز اعرف اية احسن عربية في فئة السعر دي وياريت لو مستعمل
بس ممكن اعرف اجيب جيب ولو ينفع اية افضل الانواع في الجيب بالسعر دة؟ممكن اجيب مثلا تيجوان او اكس تيرل؟
ولو سيدان اية برضة افضل الانواع بالسعر دة ؟وهل ممكن اعرف اجيب باسات 2008 مثلا بالسعر دة او bmw الفئة التالتة الشكل الجديد او اسكودا فنتازيا ؟
وها اختيارتي دي كويسة ولا فية افضل منهم
ياريت تردوا علي انا محتار اوي
وكمان هل ميعاد الشراء دلوقتي كويس ولا استني شوية؟

[esam_comm]

كان في اكس تريل علي كونتاكت بحوالي 148 بس شكلها نظيف وربنا يوفقق للي فيه الخير

[Eng_Mostafa_89]

الفنتزيا الزيرو اقل فئة ب 156 تقريبا
حضرتك يكون افضل لو عملت موضوع فى قسم المقارانات هتلاقى الافادة هناك اكتر من هنا

وربنا يوفقك حضرتك للى فية الخير

[Alios]

انا من وجهة نظري ....... حرام 150 ألف جنيه يضيعوا في مستعمل حتى لو نضيف ......

قدامك اختيارات كتيير قوي :

لو بتدور على جيب ..... عندك دايهاتسو تريوس تعتبر نسخة مصغرة من الجيب و على ياباني .
اعلى فئة فيها ب 146 الف و اسمها Daihatsu Terios Platinum VXR. ( تكييف قوي - ياباني 100% - عالية عن الأرض - دفع رباعي - صالون واسع جداً - شكل مميز ) .

لو بتدور على سيدان عندك :

- سوبارو امبريزا .
- مازدا 3 .
- هوندا سيفيك .

و لو زودت شوية ... ممكن تجيب فيات برافو - فولكس جولف او جيتا اول فئة - فورد فوكاس ( و لو اني مش هاضمها - أذواق - ) - سكودا اوكتافيا فانتازيا . و ممكن تسأل عن نيسان سيلفي و عندك سيات ألتيا .

عندك اختيارات كتييير قوي ...... :)

انا عن نفسي : افضل اختيار للسيدان هو ( سوبارو امبريزا ) بعتبرها عربية ألماني في هيئة الياباني بالنسبة للتكنولوجيا اللي فيها .... و بعتبرها اللادا بتاعت الياباني بالنسبة لثباتها و قوتها ( ودا عن تجربة شخصية ) .
و افضل اختيار للجيب مفيش غير التريوس ( خمسة راكب طبعاً ) .

ربنا يوفقك في العربية الجديدة ان شاء الله :)

[blazer]

لو مستعمل قدامك كتييييير
جيتا - اوكتافيا - باسات - بيجو 407
لو جديد ممكن رينو فلونس

[ahmedbeirut123]

grand terios 7 seats

[dr_mim81]

انا من وجهة نظري ....... حرام 150 ألف جنيه يضيعوا في مستعمل حتى لو نضيف ......

قدامك اختيارات كتيير قوي :

لو بتدور على جيب ..... عندك دايهاتسو تريوس تعتبر نسخة مصغرة من الجيب و على ياباني .
اعلى فئة فيها ب 146 الف و اسمها daihatsu terios platinum vxr. ( تكييف قوي - ياباني 100% - عالية عن الأرض - دفع رباعي - صالون واسع جداً - شكل مميز ) .
)

ربنا يخليك ويكرمك علي الرد
بس انا كنت عايز اعرف وجهة نظرك اية في اني مجيبش زيرو دة في ناس كتير اوي نصحوني اني مجيبش زيرو قالولي حرام تجيب زيرو واول ما تحط النمر مثلا تنزلك ياجي 15000 جنية مرة واحدة وقالولي هات كسر زيرو يعني حاجة كدة موديل 2009 وتكون استعمال كويس؟فراي حضرتك اية؟
وهل حقيقي ممكن اجيب باسات الهاي لاين كسر زيرو في حدود 160000 الف فعلا عشان ناس قالولي كدة؟
بالنسبة للتريوس انا كنت سمعت بس الكلام دة كان الشكل القديم انها مش ثابتة خالص وبتقلب في الملفات الكلام دة حقيقي؟
انا اسف جدا للاطالة علي حضرتك

[dr_mim81]

طيب يا جماعة لو عملنا مقارنة ما بين باسات ونبسان اكس تريل من حيث كل حاجة حتي من حيث تكاليف التشغيل والضريبة والاداء ومستوي الرفاهية فانهي الافضل؟
ياريت تفيدوني بعد اذنكم انا ماكنتش متخيل الحيرة دي
انا برضة المشكلة الرئيسية عندي اني مش عارف اختار ما بين الجيب والسيدان؟
ياريت ارائكم
ناس قالولي الجيب هيبة ووضع وعربية وحش هو الواحد فين وفين لما يشوف جيب مقلوبة وريح بالك من عك سواقيين الميكروبص والخابطات

وناس تانية قالولي جيب لا دي مش ثابتة اوي عشان عربية عالية اخرك فيها 140 وبعد كدة مش ثابتة والرافاهية فيها اقل من السيدان بكتير وخصوصا اني هاحاول اجيب باسات الشكل الجديد وان الجيب دي عربية كانت موضة وبدات تقل زي الهاتش باك ما كان موضة من كام سنة و دلوقتي قل اوي وان السيدان هو الاساس والجيب عربية عفشتها ناشفة وبترزع
صراحة انا مش عارف اقرر جيب ولا سيدان؟جديد ولا مستعمل كسر زيرو 2009 كدة مثلا او 2010؟باسات الشكل الجديد لو نفع بالسعر دة ولا اكس تريل ؟
انا هاتجنن
ياريت ارائكم يا جماعة وخبراء المنتدي العظيم

[blazer]

بلاش الجيب
مش هتستفيد الاستفاده اللى انت فاكرها
والعربيات دى مش مريحه زى السيدان وماباللك براحه الباسات و لا ثابته زى الباسات
وولا شيك و فيها اوبشنز زى الباسات
انا رأى كسر زيرو او مستعمل نضيف جدا موديل فوق 2008 وتكون سيدات
قدامك بقى باسات
بيجو 407
جيتااوكتافيا هاى لاين كسر زيرو
لو جديد يبقى رينو فلونس عربيه محترمه جدا جدا جدا

[dr_mim81]

بلاش الجيب
مش هتستفيد الاستفاده اللى انت فاكرها
والعربيات دى مش مريحه زى السيدان وماباللك براحه الباسات و لا ثابته زى الباسات
وولا شيك و فيها اوبشنز زى الباسات
انا رأى كسر زيرو او مستعمل نضيف جدا موديل فوق 2008 وتكون سيدات
قدامك بقى باسات
بيجو 407
جيتااوكتافيا هاى لاين كسر زيرو
لو جديد يبقى رينو فلونس عربيه محترمه جدا جدا جدا

والله العظيم حضرتك اللي محترم فعلا
انا برضة اميل للراي دة
بس انا كنت عايز اعرف ممكن الاقي باسات كسر زيرو ب 150 الف وتكون اوتوماتيك وهاي لاين؟
وربنا يكرمك ان شاء الله

[د.محمود صلاح]

العربيات الفخمة ضع في الإعتبار مصاريف الصيانة والتشغيل وتكاليف الإصلاح في حال حدوث خبطات لا قدر الله ..

من ضمن الخيارات الموفرة والمناسبة للاجواء المصرية نيسان صني , وده رأيي

[mohamedkandel]

grand terios 7 seats

+1111111111111111111

[Elsarrawy]

لو مافيش عندك مشكلة في المانوال يبقى رينو داستر
http://www.nilemotors.net/Nile/165254-a.html

[medo_2060]

لو وقع فى ايدك باسات 2008 او 2009 حاله ممتازه خلص فيها علطول

[dr_mim81]

لو وقع فى ايدك باسات 2008 او 2009 حاله ممتازه خلص فيها علطول

ربنا يخليك ويكرمك ان شاء الله

طب هو حضرتك ما تعرفش سعره هايكون في حدود كام وحالة ممتازة؟