If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
أولا الاخ الفاضل ميدوكيف
حضرتك راجع مشاركة الأخ الفاضل السراوي وهاتلي كلمة صاج فيها
لأن حضرتك شككتني في نفسي اني مقراتش مشاركته كويسه ولما راجعتها ملقتش كلمة صاج خالص في المشاركة ولكن قال (( صلابة ولا اداء ماتور ))
وعلى اد فهمي وسماعي كما ذكر الأخ الفاضل ان كلمة صلابة لها معاني كتير وبما انه كان بيقارن باداء ماتور ولا صلابة فالمفهوم من الكلام الامان يعني
وبما ان العربيات الحديثة لا يعنيني فيها خامة حديدها اد ما يعنيني فيها درجة امانها
وده اللي معروف دلوقتي لأي واحد بيسمع عن العربيات زي حالاتي فضلا ان يكون بيفهم في العربيات
يعني حديد تقيل بدون امان = صفر
وحديد خفيف بأمان = يبقى كل حاجه
فبالتالي مسألة اني اقارن عربية بقوة صاجها ولا يتم أخذ في عين الأعتبار درجة امانها فدي مسألة لا يوجد لها مكان في عالم السيارات الآن ولا يأخذ بها لأن ده كلام غير علمي وكلام يعتمد على اعتقادات قديمة تم الغائها في العالم الحديث والتكنولوجيا الحديثة في عالم السيارات وده كله على اد سماعي برضه
وتقبلوا تحياتي
الأخ الاستاذ أبو عبد الله حضرتك لو رجعت لكلام صاحب الموضوع هاتلاقيه بيتكلم عن القوة
والقوة الي احنا نعرفها حاجة من اثنين إما قوة اداء او صلابة لكن ما فيش حاجه اسمها قوة أمان
وإلا كان ساعتها هايقول انهي عربيه آآمن السيفيك ولا الاسكودا A5 لكن صاحب الموضوع كاتب القوة وليس الأمان ومالهاش معنى غير الاثنين دول (صلابة أو قوة موتور) متهيلي واضحة جداً
نقطة أخيرة في عربيات كتير جداً واخدة درجة مرتفعة في اختبارات الأمان لكن مش معنى كده ان الناس في مصر بتحبها في ناس تفكيرها ان العربية لما تكون صلبة تكون افضل علشان تستحمل العيال الي بتقد على الكبوت والي بتلعب الكوره في الشارع واحتكاكات السيارت ببعضها وكده
وفي برده ناس كتير جداً في مصر ماتعرفش يعني ايه عربيه واخده 5 نجوم في اختبارت الأمان وبيشتروا العربيه علشان تستحمل الحاجات الي ذكرتها وخلاص
وفي ناس تانيه بتبقى العربيه عندها اغلى من نفسها (زي معظم سواقين الميكوباصات والتاكسيات مثلاً معظمهم بيبقوا عاوزين عربيه تستحمل البهدلة والف طول النهار في الشارع ومش مهم العربيه دي بتديله اد ايه امان لأنه ببساطه عارف انه لو عمل حادثة بالعربية واتعور او دراعة أو احد ضلوعه اتكسر هايعالجه ارخص منمثلاً لما يرجع AirBag فتح منه في العربيه زي ماكان الأول (وهي دي بلدنا)
وبعدين العربيه بالنسبلهم اكل عيش يعني ممكن لو حصله حاجه يجيب حد يشتغل عليها واهو بياكل ويشرب
عامة الاتنين في الأمان مايتعيبوش وحضرتك هتلاقي في قسم المقارنات كلام كتير عن سيفيك ولا جيتا أعتقد فيه الخلاصة عشان الفانتازيا هي جيتا متقفلة في الشيك بنفس الموتور والعفشه, فرق كماليات وتقفيل و فتيس و أداء لصالح الجيتا وبالتالي فرق فالسعر.
وبعدين العربيه بالنسبلهم اكل عيش يعني ممكن لو حصله حاجه يجيب حد يشتغل عليها واهو بياكل ويشرب
يعني حضرتك شايف ان احنا هنا في المنتدى اي واحد بيسال عن اوكتافيا او هوندا سيفيك من نوعية اللي بياكل عيش بالعربيه علشان تحول الكلام للمنطق ده
متهيألي ان هنا اللي بيسأل خصوصا في الفئة دي مش من النوعيه دي
وده رايي
وتقبل تحياتي
[SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
[COLOR="Olive"]قال رسول الله صلى الله عليه وسلم :[/COLOR]
[COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]
يعني حضرتك شايف ان احنا هنا في المنتدى اي واحد بيسال عن اوكتافيا او هوندا سيفيك من نوعية اللي بياكل عيش بالعربيه علشان تحول الكلام للمنطق ده
متهيألي ان هنا اللي بيسأل خصوصا في الفئة دي مش من النوعيه دي
وده رايي
وتقبل تحياتي
يعني حضرتك سيبت الكلام كله وعلقت على دي وبس عموماً ماحدش جاب سيرة الأمان خالص الي فتح موضوع الامان انت مش احنا ولما جيت اوضحلك دخلتنا في موضوع فرعي ثالث (انا ما قولتش الي معاه هوندا بياكل بيها عيش انت بتقولني كلام انا مقولتش خالص)
انا كنت بعرفك ان في ناس تفكيرها كده مايعرفوش حاجه عن الامان وبضرب مثال على الناس دي مش اكثر
وعموماً انا الي غلطان علشان دخلت معاك في مواضيع فرعية ياريت صاحب الموضوع يوضح وجهة نظره من القوة المقصوده ايه علشان تتضح الأمور
ومتاسف مش هاقدر ارد علي مشاركاتك تاني لانك بتعلق على الاجزاء الي انت عاوزها فقط وبتسيب جوهر الموضوع
عامة الاتنين في الأمان مايتعيبوش وحضرتك هتلاقي في قسم المقارنات كلام كتير عن سيفيك ولا جيتا أعتقد فيه الخلاصة عشان الفانتازيا هي جيتا متقفلة في الشيك بنفس الموتور والعفشه, فرق كماليات وتقفيل و فتيس و أداء لصالح الجيتا وبالتالي فرق فالسعر.
طيب بس الموتور والعفشة و الفتيس الماني صح ؟؟؟ معلشي علي الاستفسار؟؟؟؟؟؟؟؟؟؟
[B][COLOR=Green][/COLOR][/B]
[B][COLOR=Green]من وجد الله ماذا فقد و من فقد الله ماذا وجد
طيب بس الموتور والعفشة و الفتيس الماني صح ؟؟؟ معلشي علي الاستفسار؟؟؟؟؟؟؟؟؟؟
الموتور فولكس مفيهوش كلام الماني من بلده والفتيس برده.
الشاسيه تصميم فولكس وبيتنفذ في كذا مصنع ( سيات في اسبانيا, سكودا في تشيك, فولكس شخصيا ليها مصانع في كذا بلد ) بس كلهم نفس الشاسيه ونفس نظام التعليق ( ممكن يكون بيتصنع في مصنع مختلف ).
المساعدين مثلا والميزان والبارت والحاجات ديه ممكن تكون بتتصنع في تشيك بس هي هي بتاعت الجيتا. بنفس الخامات ونفس مكن المصنع وهتلاقي أي قطعة غيار سكودا مكتوب عليها فولكس واجن جروب: VW, Audi, Seat, Skoda. أي تيل أي سير أي حاجة هتلاقي عليها نفس الكلام.
يعني نفس قطعة الغيار تركب في أي عربية من دول. ياباشا أنا فتحت موتور الFabia ال1600 والRoomster نسخة من موتوري أنا حسيت إني فتحت الكابوت عندي. والLeon والGolf نسخة كاربون مع فرق غطا بلاستيك فوق المحرك.
متقلقش من الموضوع ده. اللي قال Skoda و Seat الماني مش بيبالغ هما بس فرق شكل, كماليات, خامات, تقفيل. و Skoda مش شركة صغيرة ديه من أكبر شركات أروبا في مجال صناعة العربيات حتى قبل مافولكس تشتريها.
السلام عليكم جميعا
في رأيي الشخصي ان نقطة تفوق الإسكودا "الوحيده" هي إرتفاعها عن الأرض نظرا لطبيعة الطرق المصرية
غير كده السيفيك تكسب في كل حاجة
وجهة نظر حضرتك لفت انتباهى وخصوصا ان حضرتك راكب باسات واكيد عارف ان الالمانى بصفه عامه ركوبه تانيه!!!
يعنى موضوع ارتفاع السكودا عن الارض مش نقطة تفوق كل السكودا لان الخليجى واطيه وبتحك فى المطبات!
ان شايف ان نقاط تفوق الاوكتافيا هى كالتالى
1- الشكل :فخامه واناقه تتمتاز بها الاوكتافيا وخصوصا لو اليجانس
2- الثبات : فعلا الهوندا ثابته بكل المقاييس بس السكودا راكزه فى الارض اكثر والاحساس بالامان والتحكم اعلى (ثبات الالمانى بتوقيع فولكس فاجن)
3- العفشه : الهوندا مزعجه وصوتها عالى وفى السفر اصوات العفشه بتخبط فى الكابينه كلها على عكس الاوكتافيا افضل كثير فى الموضوع ده ده غير ان الاوكتافيا فى الاجزاء العاليه والواطيه فى الطريق افضل!
4- قوة الفرامل: الاوكتافيا اقوى بطريقه ملحوظه وده عند الفرمله بطريقه مفاجئه العربيه لا تخون توقعاتك
5- العزل : السكودا على السرعات العاليه افضل وخصوصا عزل العربيه عن الارض وعزل الهواء واحساس السرعه اقل بكتير
6- الجوده فعلا السكودا افضل بشكل واضح فى التقفيل وجوده الخامات وجلد طبيعى يغطى الابواب والفتيس والدريكسيون وجلد الكراسى من اجود انواع الجلود (الكانترا) والصاج اقوى بكتير !
6- الكماليات : السكودا تتفوق عن الهوندا vti فى بخاخات لغسل الفوانيس وسينسور ركن خلفى كاسيت تاتش سكرين و gps وثلاجه وبلوتوث ده غير الكمبيوتر اللى فى شاشه العدادات اللى بيوضح كل شىء فى العربيه بالكامل والهوندا مفهياش حتى حاجه توضح البنزين يكفى العربيه تمشى كام كم!!!!!
نقاط تفوق الهوندا
1- الموتور : وطبعا لان الهوندا اقل فى الوزن ب 140 كجم مع قوة الموتور بيخلى سحب الهوندا افضل!!
2- فيها vsa ولكن السكودا asr فقط
نقطه اخيره
السكودا تشيكى كتقفيل وكعربيه تعتير المانى للتالى
1- شاسيه فولكس فاجن موجود فى جيتا وجولف واودى a3
2- موتور فولكس فاجن
3- عفشه فولكس فاجن
4- نفس الكاسيت التاتش موجود فى الجيتا والباسات والباسات وكل عربيات فولكس تقريبا
5- نفس التكييف التاتش بتاع فولكس برده
وانا اقصد بالكلام ده ان العربيه مش بس الاساسيات المانى من شاسيه وعفشه وموتور ولكن كمان الكماليات المانى مما يعنى التشيكى فى الموضوع هو التقفيل وطبعا كلنا عارفين مدى دقه وجوده خامات سكودا اللى بتستعين بفولكس فى الموضوع ده ودى كمان شهادة توب جير
تحياتى ورمضان كريم
عامة الاتنين في الأمان مايتعيبوش وحضرتك هتلاقي في قسم المقارنات كلام كتير عن سيفيك ولا جيتا أعتقد فيه الخلاصة عشان الفانتازيا هي جيتا متقفلة في الشيك بنفس الموتور والعفشه, فرق كماليات وتقفيل و فتيس و أداء لصالح الجيتا وبالتالي فرق فالسعر.
تعديلي في نقطه واحده و هي الاداء فالاوكتفيا ادائها اعلي بكثر من الجتا الجتا اتقل من الاوكتفيا بكتير و انا بعدي منها بلانسر 1.3 اوتو اما الاوكتفيا فبتربيني
الأخ الاستاذ أبو عبد الله حضرتك لو رجعت لكلام صاحب الموضوع هاتلاقيه بيتكلم عن القوة
والقوة الي احنا نعرفها حاجة من اثنين إما قوة اداء او صلابة لكن ما فيش حاجه اسمها قوة أمان
وإلا كان ساعتها هايقول انهي عربيه آآمن السيفيك ولا الاسكودا A5 لكن صاحب الموضوع كاتب القوة وليس الأمان ومالهاش معنى غير الاثنين دول (صلابة أو قوة موتور) متهيلي واضحة جداً
نقطة أخيرة في عربيات كتير جداً واخدة درجة مرتفعة في اختبارات الأمان لكن مش معنى كده ان الناس في مصر بتحبها في ناس تفكيرها ان العربية لما تكون صلبة تكون افضل علشان تستحمل العيال الي بتقد على الكبوت والي بتلعب الكوره في الشارع واحتكاكات السيارت ببعضها وكده
وفي برده ناس كتير جداً في مصر ماتعرفش يعني ايه عربيه واخده 5 نجوم في اختبارت الأمان وبيشتروا العربيه علشان تستحمل الحاجات الي ذكرتها وخلاص
وفي ناس تانيه بتبقى العربيه عندها اغلى من نفسها (زي معظم سواقين الميكوباصات والتاكسيات مثلاً معظمهم بيبقوا عاوزين عربيه تستحمل البهدلة والف طول النهار في الشارع ومش مهم العربيه دي بتديله اد ايه امان لأنه ببساطه عارف انه لو عمل حادثة بالعربية واتعور او دراعة أو احد ضلوعه اتكسر هايعالجه ارخص منمثلاً لما يرجع AirBag فتح منه في العربيه زي ماكان الأول (وهي دي بلدنا)
وبعدين العربيه بالنسبلهم اكل عيش يعني ممكن لو حصله حاجه يجيب حد يشتغل عليها واهو بياكل ويشرب
وبعتذر لو خرجت شويه بره الموضوع بس للتوضيح
بعد كلام حضرتك معتشي في كلام الف شكر للرد الوفي و الكامل
سبحان الله و الحمد لله و لله اكبر
https://www.facebook.com/medo.akef
يعني حضرتك سيبت الكلام كله وعلقت على دي وبس عموماً ماحدش جاب سيرة الأمان خالص الي فتح موضوع الامان انت مش احنا ولما جيت اوضحلك دخلتنا في موضوع فرعي ثالث (انا ما قولتش الي معاه هوندا بياكل بيها عيش انت بتقولني كلام انا مقولتش خالص)
انا كنت بعرفك ان في ناس تفكيرها كده مايعرفوش حاجه عن الامان وبضرب مثال على الناس دي مش اكثر
وعموماً انا الي غلطان علشان دخلت معاك في مواضيع فرعية ياريت صاحب الموضوع يوضح وجهة نظره من القوة المقصوده ايه علشان تتضح الأمور
ومتاسف مش هاقدر ارد علي مشاركاتك تاني لانك بتعلق على الاجزاء الي انت عاوزها فقط وبتسيب جوهر الموضوع
سبحان الله
انا اللي سيبت جوهر الموضوع وطلعت بتفريعات برضه
هو انا اللي حطيت احتمال وبنيت عليه كلام كتير
حضرتك صاحب الموضوع قال انهي اقوى انت حولت الكلام الى صلابة وكمان الى الصاج فقط بدون الامان
يا أخي الفاضل انا كلامي واضح مش محتاج تقويل من حضرتك
حضرتك قولت تعليقا على صاحب الموضوع انه بيسأل عن الصلابة مع انه كان بيقول اقوى
انا اخدت الكلام على الأمان ودي حرية راي ليا
وانت اخدته انه قوة صاج بعيدا عن درجات امان العربيه اللي هيا بتعبر برضه عن قوة الصاج وخامته
وبعدين معجبكشي الكلام وبتعلق على الأخ الفاضل اللي رد عليا وبتقول ده كلام الناس اللي بتفهم مش مجرد سمع
وده كلام ليا بطريق غير مباشر
وده ان دل فبيدل ان حضرتك معترض على راي مخالف لك او ليس كرأيك وده شئ انت حر فيه
ولكن لست حر في انك تتهم كل من يعارضك في الراي انه بيسمع وبيتكلم عن سمع وتنفي الفهم عنه
وياريت يكون الحوار افضل من كده لأن دول عربيتين ومش عارف ايه اللي زعلك من الأول
وعالعموم برضه الهوندا صاجها كويس جدا
وفي اختلاف اني اخبط على صاج عربيه واروح اخبط على صاج الأخري فده ليس مقياس لأسباب كتير وده لو حضرتك سمعت زي ما انا سمعت
وتقبل تحياتي
[SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
[COLOR="Olive"]قال رسول الله صلى الله عليه وسلم :[/COLOR]
[COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]
Comment