نيسان صني vs سيراتو

[raedegypt]

عيوب الكيا ... عربيه مربوطه بالتوكيل والتوكيل محتكر الصيانه وقطع الغيار وحاجتها غاليه وكآنك بتشترى غيار مرسيدس مبالغ فيه ومش معمرة يعنى واحد هنا زكر انه محتاج مساعد بعد 60000 كيلو ودة كلام فاضى فما بالك الباقى . النيسان حلو بس مش فى عربيه صنى ولا تيدا ولكن فى العربيات الاعلى زى التيما وماكسيما ودول مش عندك فى مصر خليك فى اللانسر افضل عربيه 10 على 10

[SAMEH_FOUAD]

للاسف اى مقارنة بين العربيتين من شخص ماركبش نفس العربيتين هتبقى مش متزنة و مش منطقية لان معظم الناس اللى ردت ركبوا عربية واحدة منهم و التانية بيتكلموا بناءا عن السمع ...... لكن المشكلة الحقيقية فى التعميم ....ناس من اللى ردوا اجابتهم ان النيسان يابانى (يبقى اكيد هتعيش و تعمر ) و السيراتو كورى (يبقى هتفك من بعضها بعد 3 او 4 سنين) !!!!!!! طيب يا جماعة هو مفيش عربية يابانى كانت اقل من المستوى او فيها مشاكل؟؟؟ّ!!! طيب سؤال تانى مفيش عربية كورى اثبتت كفاءة و تحمل و اتحملت سنين زى اليابانى؟؟؟؟
طيب ممكن حد يجاوبنى بقى يا ترى ايه رايكوا فى اللانوس وان (97-2000) التقفيل الكورى ؟؟؟
- ايه رايكوا فى الجوليت الكورى ؟؟؟
- ايه رايكوا فى الالنترا من اول 2000 لحد دلوقتى؟؟؟
- ايه رايكوا فى السيفيا ؟؟؟
- ايه رايكوا فى الشوما؟؟؟
- ايه رايكوا حتى فى البرايد (الكورى)؟؟؟
مش ملاحظين ان كل العربيات دى اثبتت اعتمادية واضحة فى عمر قطع الغيار و التحمل و لغاية دلوقتى السوق بتاعهم فى المستعمل كويس جدا و الناس بتقبل عليهم!!!!!! سعر اللانوس الكورى زى سعر اللانوس المصرى اللى موديلها بعديها ب 4 و 5 سنين ... ده غير سعر الجوليت اللى ماسك نفسه لحد دلوقتى....
طيب ما المفاجاة ان العربيات دى كلها كورى و كلها معدية ال 10 سنين و مفيش حاجة فكت من بعضها يعنى!!!!
طيب ممكن مجموعة اسئلة تانية؟؟؟
- ايه رايكوا فى الكورولا موديل 1999؟؟؟
- ايه رايكوا فى الهوندا السيتى اول موديل ؟؟؟؟
- ايه رايكوا فى الكورولا الجديد اللى فيه عيوب فى الجير بوكس؟؟
- ايه رايكوا فى التيريوس (اول موديل) و خصوصا ثباتها؟؟
متهيالى بردو ان العربيات دى يابانى كلها و شركات مختلفة و موديلات مختلفة يعنى مفيش شركة كل موديلاتها مثالية فى المطلق او وحشة فى المطلق ... لازم نقيم كل موديل على حدة مش تقيم الشركة نفسها بالاسم ده يابانى يبقى عليه السلام و ده كورى يبقى يع و ده ماليزى يبقى اللى جابه هنا اصلا و ده اوروبى يبقى نقف انتباه.......
اما بالنسبة للاستاذ صاحب الموضوع فمتهيالى انه هو الوحيد اللى هيقدر يقدر هو عايز ايه خصوصا ان فيه فروق واضحة فى السعر و الشكل و الكماليات لكن الباقى فانا و عن تجربة اقول راييى ان باقى الفروض مش كبيرة و يمكن حتى مش محسوسة خصوصا للى هيسوق فى المدينة... بردو مع العلم ان فيه ناس بتتكلم عن الصنى موديلات 2004 و 2005 و دى يابانى بالكامل اما الموديل الجديد فيه نسبة من 40-50% مكون مصرى ( الرداياتير - البطارية - فرش العربية - تقفيل الصالون و التابلوه- الكاسيت ) و ده اللى عامل فرق السعر لانى بصراحة شايف ان الصنى فقيرة جدا من جوه و تقفيلها مصرى جدا....ول فعلا هتقارن يبقى تقارن بقى بالتيدا لانها يابانى بالكامل و شوف الفارق فى تقفيل الصالون بينها و بين الصنى .... عموما ربنا يهديك للى فيها خير ليك و يحميك من شرها و يديك خيرها ...و اسف على التطويل

حضرت بتقول ان الكورى كويس ومحافظ على سعرة

طيب كويس جدا ناخد الامثلة اللى حضرتك جايبها

اولا السيارات الكورية :
1: اللانوس سيارة بتسخن جدا لو بتشد , بتتقلب سيات مع تشغيل التكييف , قطع غيار غير اعتمادية والدليل اكتر سيارة بتجيب رشاشات وفتيس وعلبة دركسيون سعرها دلوقتى كورى 2002 32 الف جنية

2 : الجولييت نفس معاملة اللانوس بالظبط

3: الالنترا : سيارة كويسة محدش قال حاجة وثباتها معقول ومش هقدر اقول عليها غير كدة لانى ماعرفش مدى جودتها

4: السيفيا : سوقتها كانت مع صديق ليا العربية كويسة بس عايزة قطع غيار كل فترة ومعاملة حنينة

5: الشوما : انت مع ابن خالتى طلعت عينة كات شوما 1 كان كل مايعمل يلاقى حاجة وكانت لسة ماكملتش 50000 الف كيلو وكان جايبها ب75 الف جنية كسر زيرو وقعدت معاة اربع سنين وفى الاخر طلع صارف عليها 10000 جنية دة غير انة باعها ب50000 الف جنية من سنتين بلاش اقول تجربتى ليها

6: البرايد ماعرفش عنها حاجة من حيث الاعتمادية لكن كعربية كويسة وتسارعها معقول لكن كثبات مانصحش بيها

نيجى بقى لليابانى :

1: الكورولا موديل 1999 او زى مابيقولوا علية العيون : متهيالى افشل موديل نزل من تويوتا واتشال فورا بعد سنتين بس

2: الهوندا سيتى : معلش السيارة دية جميلة جدا من حيث النعومة والاداء والتكييف والرحابة والاعتمادية

عيبها حاجتين : شكلها مش حلو + قطع غيارها غالية جدا

3: الكورولا كسيارة جميلة جدا بس عايز تركبها اركبها مانيوال / اتوماتيك عادى منعا للمشاكل

4: التيرويس : معلش الدايهاتسوا بحس انة مش قوى اوى فى العربيات زى بقية السيارات اليابانية


وفى الاخر لو عايز مقارنة مابين الصنى والسيراتو تجربة لاكثر من 5 سنين للصنى و8 شهور للسيراتو

الصنى تكسب السيراتو : فى الاعتمادية , وقوة التكييف , والسرعة ( ايوة السرعة ) , الاعتمادية بس فية عيوب فى عفشة الصنى , الراحة

السيراتو تكسب الصنى فى : الشكل , الوسع , التجهيزات , اكبر

الاتنين قريبين جدا من بعض فى الثبات يكاد لا يكون واضح بس كانت المقارنة بجنط 15 للاتنين

عفشة السيراتو مرهقة جداااااااااااااااااااااااااااااااااااااااااااااااا اااااااااااااا للصبح

[تامر.محمد]

سلام عليكم , انا يمكن ماليش جمل ولا ناقة في الحوار الدائر , لكن عذرا كواحد راكب عربية اتذكرت هنا احب اوضح نقطة معينة عندي اعتراضات عليها

1: اللانوس سيارة (1)بتسخن جدا لو بتشد , (2)بتتقلب سيات مع تشغيل التكييف , (3)قطع غيار غير اعتمادية والدليل (4)اكتر سيارة بتجيب رشاشات (5)وفتيس وعلبة دركسيون (6)سعرها دلوقتى كورى 2002 32 الف جنية

نمسكهم نقطة نقطة , علما بأني راكب لانوس 1 موديل 99 مصري , اللي هي اقدم موديل مصري في اللانوس
(1) بتسخن جدا لو بتشد : مش هاقول اني مشيت بيها على 180 قبل كده , بس اكتر من مرة مشيت بيها على 140 و 150 و ما حصلش حاجة خالص , طول ما دورة التبريد سليمة العربية مش بتسخن خالص الحمد لله

(2) بتتقلب سيات مع التكييف , تسارعها بالتأكيد بيقل ( زي اي عربية اقل من 1600 ) , لكن لو عايز تجيب بيها سرعات عالية بتجيب عادي جدا , بس هي بصفة عامة موتورها لا يقارن خالص بالمواتير ال1600 خصوصا كتسارع

(3) قطع غيار غير اعتمادية , قطع غيارها الأصلية اعتمادية جدا , لكن سبب الاعتقاد ده انتشار قطع الغيار المضروبة و اللي ناس كتير بتسترخص و تجيبها ( و بالطبع طرمبة البنزين الأصلية اللي 500 جنيه مش ممكن هاتكون زي الصيني ام 150 جنيه و الموبينة الأصلي اللي ب400 جنيه مش هاتكون زي الصيني ام 140 جنيه )

(4) اكتر سيارة بتجيب رشاشات , العيب ده كان موجود في موديلات 2003 و ما قبلها , و حلها الناس قالته بتتبدل برشاشات اكسنت او bmw و خلاص بتنساهم , اما ما بعد 2003 فمافيهاش العيب ده

(5) فتيس و علبة دركسيون, خش قسم الدايو مش هاتلاقي شكوى عامة من الفتيس ولا علبة الدركسيون

(6)سعرها دلوقتى كورى 2002 32 الف جنية , عربيتي موديل 99 مصري جالي فيها من شهر بالظبط 40 ألف و ما وافقتش ( بس عربيتي حالتها كويسة جدا الحمد لله , يعني العادية هاتقل حاجة بسيطة , بس 32 ألف دي واقعة خالص و اكيد فيها بلاوي ما تتعدش

[ahmad--ezzat]

حضرت بتقول ان الكورى كويس ومحافظ على سعرة

طيب كويس جدا ناخد الامثلة اللى حضرتك جايبها

اولا السيارات الكورية :
1: اللانوس سيارة بتسخن جدا لو بتشد , بتتقلب سيات مع تشغيل التكييف , قطع غيار غير اعتمادية والدليل اكتر سيارة بتجيب رشاشات وفتيس وعلبة دركسيون سعرها دلوقتى كورى 2002 32 الف جنية

2 : الجولييت نفس معاملة اللانوس بالظبط

3: الالنترا : سيارة كويسة محدش قال حاجة وثباتها معقول ومش هقدر اقول عليها غير كدة لانى ماعرفش مدى جودتها

4: السيفيا : سوقتها كانت مع صديق ليا العربية كويسة بس عايزة قطع غيار كل فترة ومعاملة حنينة

5: الشوما : انت مع ابن خالتى طلعت عينة كات شوما 1 كان كل مايعمل يلاقى حاجة وكانت لسة ماكملتش 50000 الف كيلو وكان جايبها ب75 الف جنية كسر زيرو وقعدت معاة اربع سنين وفى الاخر طلع صارف عليها 10000 جنية دة غير انة باعها ب50000 الف جنية من سنتين بلاش اقول تجربتى ليها

6: البرايد ماعرفش عنها حاجة من حيث الاعتمادية لكن كعربية كويسة وتسارعها معقول لكن كثبات مانصحش بيها

نيجى بقى لليابانى :

1: الكورولا موديل 1999 او زى مابيقولوا علية العيون : متهيالى افشل موديل نزل من تويوتا واتشال فورا بعد سنتين بس

2: الهوندا سيتى : معلش السيارة دية جميلة جدا من حيث النعومة والاداء والتكييف والرحابة والاعتمادية

عيبها حاجتين : شكلها مش حلو + قطع غيارها غالية جدا

3: الكورولا كسيارة جميلة جدا بس عايز تركبها اركبها مانيوال / اتوماتيك عادى منعا للمشاكل

4: التيرويس : معلش الدايهاتسوا بحس انة مش قوى اوى فى العربيات زى بقية السيارات اليابانية


وفى الاخر لو عايز مقارنة مابين الصنى والسيراتو تجربة لاكثر من 5 سنين للصنى و8 شهور للسيراتو

الصنى تكسب السيراتو : فى الاعتمادية , وقوة التكييف , والسرعة ( ايوة السرعة ) , الاعتمادية بس فية عيوب فى عفشة الصنى , الراحة

السيراتو تكسب الصنى فى : الشكل , الوسع , التجهيزات , اكبر

الاتنين قريبين جدا من بعض فى الثبات يكاد لا يكون واضح بس كانت المقارنة بجنط 15 للاتنين

عفشة السيراتو مرهقة جداااااااااااااااااااااااااااااااااااااااااااااااا اااااااااااااا للصبح

كلام معقول جدا

[hany_mohamed]

سؤال صغير بس... الصني افضل من السيراتو في ايه (عملياً)..؟؟؟

محمد باشا غازى بنفسة
اخبارك ايه يا استاذ محمد كل سنة وانت طيب
هو اهم حاجة ان الصنى بتتهاجم كتير اوى زى السيراتو وده بيأكد انها بقت منتشرة

[SAMEH_FOUAD]

سلام عليكم , انا يمكن ماليش جمل ولا ناقة في الحوار الدائر , لكن عذرا كواحد راكب عربية اتذكرت هنا احب اوضح نقطة معينة عندي اعتراضات عليها




نمسكهم نقطة نقطة , علما بأني راكب لانوس 1 موديل 99 مصري , اللي هي اقدم موديل مصري في اللانوس
(1) بتسخن جدا لو بتشد : مش هاقول اني مشيت بيها على 180 قبل كده , بس اكتر من مرة مشيت بيها على 140 و 150 و ما حصلش حاجة خالص , طول ما دورة التبريد سليمة العربية مش بتسخن خالص الحمد لله

(2) بتتقلب سيات مع التكييف , تسارعها بالتأكيد بيقل ( زي اي عربية اقل من 1600 ) , لكن لو عايز تجيب بيها سرعات عالية بتجيب عادي جدا , بس هي بصفة عامة موتورها لا يقارن خالص بالمواتير ال1600 خصوصا كتسارع

(3) قطع غيار غير اعتمادية , قطع غيارها الأصلية اعتمادية جدا , لكن سبب الاعتقاد ده انتشار قطع الغيار المضروبة و اللي ناس كتير بتسترخص و تجيبها ( و بالطبع طرمبة البنزين الأصلية اللي 500 جنيه مش ممكن هاتكون زي الصيني ام 150 جنيه و الموبينة الأصلي اللي ب400 جنيه مش هاتكون زي الصيني ام 140 جنيه )

(4) اكتر سيارة بتجيب رشاشات , العيب ده كان موجود في موديلات 2003 و ما قبلها , و حلها الناس قالته بتتبدل برشاشات اكسنت او bmw و خلاص بتنساهم , اما ما بعد 2003 فمافيهاش العيب ده

(5) فتيس و علبة دركسيون, خش قسم الدايو مش هاتلاقي شكوى عامة من الفتيس ولا علبة الدركسيون

(6)سعرها دلوقتى كورى 2002 32 الف جنية , عربيتي موديل 99 مصري جالي فيها من شهر بالظبط 40 ألف و ما وافقتش ( بس عربيتي حالتها كويسة جدا الحمد لله , يعني العادية هاتقل حاجة بسيطة , بس 32 ألف دي واقعة خالص و اكيد فيها بلاوي ما تتعدش

على فكرة صاحبى معروض علية سيارة لانوس 2 على 32 الف جنية حالة كويسة جدا

واحد صاحبى معاة لانوس فقالى تعالى بس اما اشد بللانوس قدامك قولتلة تعالى انا ماجيبتش غير الثالث بس

وببص فى المرايا لقيتة وقف رجعتلة لقيت مؤشر الحرارة قبل الhigh والعربية على فكرة انت لسة ماكملتش 30000 الف كيلو وكورى

معلش ياباشا بس عايز اقول لحضرتك حاجة جوز كبالن الدايو من التوكيل ب240 جنية تقريبا جوز كبالن الهوندا ب5000 جنية من التوكيل وب1000 جنية استيراد
ازاى يعنى هتكون معمرة اة بس مش زى اليابانى وفرق كبير اوى كمان

ماشى تفسر باية انى اكون راكب دايو واركبلها رشاشات بى ام او هيونداى

اصحابى معاهم العربية اسرع حاجة بتجيبهم وخصوصا الفتيس ومش لوحدك الكورى كلة دة

انا شايف ماتريكس 2009 منزلة الفتيس بيتصلح , والنترا 2006 , اوبترا 2008 , نوبيرا اتوماتيك بع اول 3 شهور والتوكيل قالة 8000 جنية راح عملها برة ب2500 جنية وباعها

وفى الاخر احب اقولك اللانوس عموما مش وحشة وانا عن نفسى بفضلها عن الفيرنا , من حيث كل حاجة ماعدا التكييف والسحب بس غير كدة اللانوس تكسب وفعلا عربية عائلية بس مش بتاعة بهدلة واثبتت كفاءة وكل حاجة على قد سعرها , وربنا يباركلك فيها ويحفظهالك

[ahmad--ezzat]

اللانوس تكسب وفعلا عربية عائلية بس مش بتاعة بهدلة

الانوس بتاعت كل حاجه...تستحمل اى حاجه فى اى حته...الدايو كده ودى ميزته

[تامر.محمد]

على فكرة صاحبى معروض علية سيارة لانوس 2 على 32 الف جنية حالة كويسة جدا

ثق ان حالتها مش كويسة غالبا, انا باكلمك من واقع تجربتي . بلاش تجربتي انا , لسه واحد صاحبي شاري قريب لانوس 2003 ب42 ألف ... يا اما العربية فيها حاجة و هاتبان لا قدر الله , يا اما لقطة بقى و مبروك عليه
:)


واحد صاحبى معاة لانوس فقالى تعالى بس اما اشد بللانوس قدامك قولتلة تعالى انا ماجيبتش غير الثالث بس
وببص فى المرايا لقيتة وقف رجعتلة لقيت مؤشر الحرارة قبل الhigh والعربية على فكرة انت لسة ماكملتش 30000 الف كيلو وكورى

طب تعال أشد معاك باللانوس موديل 99 عاملة 100 ألف كيلو و نشوف , باجيب بيها 150 و ما جربتش ازود , و اكتر من مرة و انا باشد جبت 110 بالتالت , ولا حصل اي حاجة, و ليا صديق جايب 180 بموديل 2008 , و فيه زميل هنا في المنتدى مصورها و هي جايبة 180 برده (لانوس 2008 )

معلش ياباشا بس عايز اقول لحضرتك حاجة جوز كبالن الدايو من التوكيل ب240 جنية تقريبا جوز كبالن الهوندا ب5000 جنية من التوكيل وب1000 جنية استيراد
ازاى يعنى هتكون معمرة اة بس مش زى اليابانى وفرق كبير اوى كمان

هي معروفة ان قطع غيار الدايو ارخص قطع غيار تقريبا , انا ما اعرفش الأسعار اللي بتقولها صح ولا غلط لأني ما غيرت كبالن , بس عموما هي دي اسعار الكوري القديم , و أظن اسعار الأكسنت القديم زيها زي اللانوس , ولا ايه ؟
:)

ماشى تفسر باية انى اكون راكب دايو واركبلها رشاشات بى ام او هيونداى
طب ما عربية زي الجين2 بتركب عليها قطع غيار من اللانسر , ماحدش قال انها عربية واقعة يعني
:) , أحد الاخوة هنا كان ركب موتور طلمبة بنزين بتاع لانوس في فيات باليو , هل الفيات عربيات واقعة هي كمان ؟
, ثم زي ما باقول لك كده , ده كان قبل موديل 2003 بس


اصحابى معاهم العربية اسرع حاجة بتجيبهم وخصوصا الفتيس ومش لوحدك الكورى كلة دة
لو تقصد على الفتيس الأتوماتيك فانا متفق معاك , الكوري في أوله كان أفشل حاجة فيها الفتيس الأتوماتيك

انا شايف ماتريكس 2009 منزلة الفتيس بيتصلح , والنترا 2006 , اوبترا 2008 , نوبيرا اتوماتيك بع اول 3 شهور والتوكيل قالة 8000 جنية راح عملها برة ب2500 جنية وباعها
انا بصراحة مندهش من الموديلات الحديثة بس مش هافتي فيها لأن ما عنديش علم , انا مش متابع الهيونداي ولا الشيفروليه , و النوبيرا انا عارف ان فتيسها الأتوماتيك سمعته وحشة

وفى الاخر احب اقولك اللانوس عموما مش وحشة وانا عن نفسى بفضلها عن الفيرنا , من حيث كل حاجة ماعدا التكييف والسحب بس غير كدة اللانوس تكسب وفعلا عربية عائلية بس مش بتاعة بهدلة واثبتت كفاءة وكل حاجة على قد سعرها , وربنا يباركلك فيها ويحفظهالك

يا باشا هو الموضوع مش تحيز لعربيتي ولا تحيز للكوري , الموضوع و ما فيه ان الحاجة فيها مميزات و عيوب , لكن احقاقا للحق ما ينفعش يتنسب لها عيوب مش فيها
و انا مش من اللي بيقولوا ان الكوري احسن من الياباني و الأوروبي و الكلام ده , انا مقتنع انه اقل منهم , بالذات القديم
و ربنا يكرمك على دعائك
:)

هو الموضوع ده مش عن الصني و السيراتو ؟
مين جاب سيرة اللانوس ؟
:))))))))))

[SAMEH_FOUAD]

هو الموضوع ده مش عن الصني و السيراتو ؟
مين جاب سيرة اللانوس ؟
:))))))))))

حضرتك ممكن تشوف المشاركات السابقة وتعرف اية اللى دخل اللانوس فى الموضوع

[hema1975]

على فكرة صاحبى معروض علية سيارة لانوس 2 على 32 الف جنية حالة كويسة جدا

واحد صاحبى معاة لانوس فقالى تعالى بس اما اشد بللانوس قدامك قولتلة تعالى انا ماجيبتش غير الثالث بس

وببص فى المرايا لقيتة وقف رجعتلة لقيت مؤشر الحرارة قبل الhigh والعربية على فكرة انت لسة ماكملتش 30000 الف كيلو وكورى

معلش ياباشا بس عايز اقول لحضرتك حاجة جوز كبالن الدايو من التوكيل ب240 جنية تقريبا جوز كبالن الهوندا ب5000 جنية من التوكيل وب1000 جنية استيراد
ازاى يعنى هتكون معمرة اة بس مش زى اليابانى وفرق كبير اوى كمان

ماشى تفسر باية انى اكون راكب دايو واركبلها رشاشات بى ام او هيونداى

اصحابى معاهم العربية اسرع حاجة بتجيبهم وخصوصا الفتيس ومش لوحدك الكورى كلة دة

انا شايف ماتريكس 2009 منزلة الفتيس بيتصلح , والنترا 2006 , اوبترا 2008 , نوبيرا اتوماتيك بع اول 3 شهور والتوكيل قالة 8000 جنية راح عملها برة ب2500 جنية وباعها

وفى الاخر احب اقولك اللانوس عموما مش وحشة وانا عن نفسى بفضلها عن الفيرنا , من حيث كل حاجة ماعدا التكييف والسحب بس غير كدة اللانوس تكسب وفعلا عربية عائلية بس مش بتاعة بهدلة واثبتت كفاءة وكل حاجة على قد سعرها , وربنا يباركلك فيها ويحفظهالك

ماتريكس منزله فتيس بيتصلح

طيب عرفت ايه العيب ايه السبب؟؟؟؟

مجرد شوفت

يمكن عيب صناعه و حاله فريده

[SAMEH_FOUAD]

ماتريكس منزله فتيس بيتصلح

طيب عرفت ايه العيب ايه السبب؟؟؟؟

مجرد شوفت

يمكن عيب صناعه و حاله فريده

والله ياباشا دة اللى شوفتة , وكان صاحبها راجل كبير مش شاب يعنى

دة غير ان عندنا فية فى المنطقة ميكانيكى بيعمل عمرة لماتور اوبترا 2008 ووريتها انهاردة لصديقنا هنا فى المنتدى لو محدش مصدق

عموما مش موضعنا ياريت نرجع لهدف الموضوع الاساسى عشان مانتهوش الراجل

وعشان ماخرجش عن سياق الموضوع انا مش هرد على اى اسئلة تانى بخصوص الكورى فى الموضوع دة

[medo111]

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية
مشرف 12 ب

[simon659]

سيراتو للابد سيررررراتو للابد فرامل ثبات سحب متانه جمال عمر افتراضي اقتصاديه سيراتو

[ahmad--ezzat]

سيراتو للابد سيررررراتو للابد فرامل ثبات سحب متانه جمال عمر افتراضي اقتصاديه سيراتو

هيا بى ام ولا ايه

[تامر.محمد]

حضرتك ممكن تشوف المشاركات السابقة وتعرف اية اللى دخل اللانوس فى الموضوع

تعليقي السابق هزار مش اكتر و الله بأمارة الضحك اللي بعده حتى و باتمنى بجد انك ما تكونش زعلت
:)