عربية من 8 الى 12 الف ايه راى الوحوش

[keko]

السلام عليكم
انا ليا واحد صاحبى عايز يشترى عربية فى حدود 8000 لحد 12000 ومحتار انا قولتله سبلى نفسك انا عندى وحوش فى المنتدى اسالهم وارد عليك
هوا عايز العربية علشان يوزع بضاعة يعنى عربية اكل عيش مش فسح فطبعا 128 و 127 والكلام ده ماينفعش معاه اتفق الكلام عايزين عربية تكون حمارة شغل من الدبابات بتوع زمان والنقطة الاهم تكون قطع غيارها فى السالك جدا يعنى انا معايا مثلا 125 و بلاقى قطع غيارها بس مش بسهولة انما انا عايز اخدمه
انا عن نفسى اقترحت 124 - 125 - لادا ام فانوسين مدور او ام 4 مدورين - 2105 قديم - بولونيز
فى رايكم انهى افضل ؟؟؟

[cOrn]

لو فيه بولونيز بالسعر دة يبقى 100 100 انا مركبتهاش بس كل الناس بتتكلم عن انها قوية و حمارة شغل فعلا و اسأل برده

[engaass]

125 افضل عشان السوست اللى ورا زى العربيات النقل ودى هتريحة جدا فى الحمولة اللى عايز يحطها فى الشنطة وبعدين موتور قوى 1500

[modo88]

في رأي يبقا 125 شكلها اظرف الي حد ما وتستحمل فعلا بسبب السوست

[keko]

هوا موضوع السست فعلا مهم لذلك كل الاختيارات اللى حطيتها من ورا سست وبالنسبة لل 125 انا معايا 125 وهى عربية جميلة بس انا خايف يكون فاكرنى بلزقهاله وفى نفس الوقت قطع غيارها غالية شوية بالنسبة للاستيراد يعنى انا سالت على التابلوه مثلا بنفس سعر تابلوه اللانوس !

[mohamedkandel]

في رأي يبقا 125 شكلها اظرف الي حد ما وتستحمل فعلا بسبب السوست

+1111111111111111111

[mohmdy]

الادا يابرنس وانسي 1500 بس مش عارف السعر دا ممكن ولا لأ