مقارنة ما بين نيسان التيما وهوندا اكورد وتويوتا كاميرى . 2010

[mohraga2y]

اعزائى اعضاء نايل موتورز يرجى ابداء المقارنة بين ثلانة سيارات مختلفين .

1_ هوندا اكورد 201

2_ نيسان التيما 2010.

3_ تويوتا كاميرى 2010.

منحيث كل شيئ ولكم منى جزيل الشكر والتقدير .



كل عام وانتم بخير

[medo2o1o]

هيونداى فرنا وش

معتقدش حد يقدر يساعدك لان العربيات دى بالنسبة لينا احلام

[mohraga2y]

مستنى الردود يا جماعه انا عارف اكيد مفيش حاجه هتصعب عليكو انا واثق فى انكم اكيد متابعين السيارات الموجوده خارج مصر ساعدونى قبل الشراء .

[ahmedsadek82]

هم زي ما انت مرتبهم كده , الكامري اقلهم لانها من جوه وحشة جدا , لكن الالتيما والاكورد ميتخيروش , و بعدين في الخليج مواصفاتهم و سعرهم اعلى من الكامري

[m_elkhishin]

الاكورد والالتيما متقاربين جدا في كل شيء من حيث الفخامة والتجهيزات وحتى قوة المواتير. الكامري أقل منهم بكتييير في كل شيء حتى في القوة

الاكورد اغلى نسبيا من الالتيما وسعر اعادة البيع لها اكبر نسبيا من الالتيما.
الكامري أفضل بكتييييييييير في سعر اعادة البيع

لو عاوز حاجة نفس فخامة الاكورد واعادة بيع الكامري ، بس طبعا أغلى من الاكورد يبقى فكر في تويوتا أوريون

طبعا الكلام ده في السوق السعودي، انما الدول التانية معرفش ايه معايير السوق فيها.

[mmffor]

كامري و اكورد و التيما! ربنا يسامحك.. :( *رايح اقعد جنب الحيط و بعيط بحرقه من قلبي*

[elrasy]

اكورد طبعا
كنت فى نفس حيرتك واخترت الاكورد ذهبى

شوف الاتنين جنب بعض وانت هتختار الاكورد على طول

طبعا انا بقارن بين الالتيما 2.5 والاكورد 2.4
لكن اللالتيما 3.5 اكيد احسن
طبعا انا مجبتش سيرة الكامرى لانها اقل كتير من الاتنين

[blazer]

المنافسه بين الاكورد والالتيما
وممكن
تفكر فى الاوريون
بس اعتقد انها اغلى منهم حبه حلوين

[zsecsqxsw]

تسمحلى اقول وجهة نظري ... عن تجارب

الكامري : عملية اكتر وسعر اعادة بيع كويس جداااااا لكن قوة فتعتبر الاقل ( عربية للكرف : يعني تعمل فيها اي حاجة وتطلع عنيها ومش هتقول لا )

الاكورد : ( على رأي السعوديين : كشخة ) يعني منظر ووضع وكده يعني وطبعا مش اقوي من الالتيما ولكن تعتبر في نفس فخامة الالتيما الى حد ما وممكن تكون الاكورد افخم شوية وسعر اعادة بيع كويس مش وحش اطلاقا

الالتيما : اقواهم سواء اربعة سلندر او ستة سلندر ومريحة جداااااااااااااا .. عن تجربه
وخامات مقارنة بالاثنين الاخريين جااااااااااااااامدة جدا وسعر اعادة بيعها متوسط بس ليها ناسها وكتيييييير على فكرة
ومش بينزل سعرها ذي ما حضرتك هتتوقع .

عموما انا لو منك : التييييييييييييييييييييييييييييييييييييييييييييما
ارشحهالك بنسبة 100%

لانها تعتبر احسنهم ( اركب الثلاثة وهتحس بالجلوس فيها بوضع تاني .. وسحب جامد .. وفخامة )

ومش تنسي طبعا الاستخارة

ولك منى جزيل الشكر وكل سنة وانتوا طيبين

[mohraga2y]

يا جماعه انا بشكركم جدااا وبخص بالشكر ......
أ\ medo 2010
أ\ahmedsadek82
أ\m_elkhishin
أ\mmffor
أ\elazer
أ\zsecsqxsw
وانتمنى انى اكون منستش حد وكمان بشكر كل عضو دخل الموضوع وماعطاش راى بشكركم جميعا وربنا يخللنا نايل موتورز ويعلى ويعلى على ايدينا ان شاء الله . رمضااان كريم

[ahmedsadek82]

يا جماعه انا بشكركم جدااا وبخص بالشكر ......
أ\ medo 2010
أ\ahmedsadek82
أ\m_elkhishin
أ\mmffor
أ\elazer
أ\zsecsqxsw
وانتمنى انى اكون منستش حد وكمان بشكر كل عضو دخل الموضوع وماعطاش راى بشكركم جميعا وربنا يخللنا نايل موتورز ويعلى ويعلى على ايدينا ان شاء الله . رمضااان كريم

العفو يا ريس , و ربنا يوفقك