عاوزة أعرف مانيوال واللا أوتوماتيك بليز

[bestname]

المنتدى ده أكتر من رائع
وأتمنى انكم تفيدوني
أنا هشتري عربية وبفكر في الهاتش باك شكلا بيعجبني أوي
بس بتكون اول تجربة لي مع السواقة لسه هأروح اتعلم وأطلع رخصة ان شاء الله
مش عارفة أجيب أوتوماتيك واللا مانيوال
الناس بيقولوا الاوتوماتيك أسهل بكتييير
طيب هوه المانيوال صعب أوي يعني
فيه صعوبة اني ألاقي عربية هاتش باك أوتوماتيك محترمة ....مش عارفة أجيب ايه
واللا اصرف نظر عن الهاتش باك واجيب أكسنت اوتوماتيك نضيفة وايه عيوبها؟
المانيوال متواجد بكثرة
وأنا أقصد المستعمل ميزانية لحد 50000جنيه ....استعمال نضيف
نفسي اجيب العربية واتعلم السواقة عليها خلال فترة تدريبي في مدرسة القيادة
أفيدوني

[elrasy]

انا سوقت المانيوال والاتوماتيك , فرق كبير جدا من حيث الراحة والسهولة لصالح الاتوماتيك,,
بس انصحك لو اتوماتيك تجيبى صناعة محترمة زى اليابانى مثلا وبلاش كورى,,,
لو مفيش استطاعة فى اليابانى يبقى هاتى مانيوال ومع الوقت هتاخدى علية.

[OlaOsman]

هاتي السيريون اوتوماتيك.. اللي معاهم العربية دي طايرين بيها طيران :)

[fahd_628]

طيب هية الميزانية كام ؟ 50 الف ؟ كدة مش حتجيب حاجة جديدة ولا الميزانية اكتر ؟

[mohamed ibiza]

لو عايزة اوتوماتيك هاتي ياباني او الماني و علي الاقل ماليزي لو عايزة مانيوال هاتي اي حاجة بس لة كوري بلاش قرص و عموما الاوتوماتيك عايز طرق ممهدة مش مدغدغة زي شوارعنا و السحب عمره ما بيكون زي المانيوال تحسي انها مخنوقة كده شوفي احتياجاتك ايه و العربية الهاتش باك لو جديدة يبقي يا اما ابيزا او فابيا و في الفئة الاقل سعرا سيريون انا رأيي ان دول ممتازين و لو مستعمل انا رأيي ابيزا 2001 او بولو او جولف 3










Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzzaaaaaaaaaaaaaaaaaa For Ever

[SEATLOVER]

بالنسبالك طبعاً اتوماتيك رأى الهواة و المحترفين اغلبة بيفضل مانيوال ..
انتى بالاتوماتيك بتشترى راحتك شوية بفلوس هاتدفع فية و فى صيانتة و فى عربيات حلوة اوى بالسعر اللى معاكى اتوماتيك بس تخليكى فى (اليابانى ) و كمان الالمانى بس عشان السعر دة هايبقى يابانى فقط ذى
(الشاريد تسعينات -الميرا فوق ال 2000 -تريوس 2000- لانسر بطة -كرولات تسعينات )

وهيبقى معاكى باقى كمان تروشى على العربية و صيانتها
ربنا يوفقك .

[bestname]

ميرسي جدا لكل اللي اهتموا وردوا عليا واستفدت منكم

طيب انا كان قدامي ميرا 2000 وسيريون 1999 الاتنين كانوا اوتوماتيك
بس فيه ناس قالولي ان السيريون والميرا قطع غيار غالية اوي ومش بياعة
هل دا صحيح؟
وبما ان ميزانيتي 50000 يبقى المستعمل تفتكروا لازم يكون فيه مشاكل في الاوتوماتيك المستعمل؟
قدامي برضه تويوتا ايكو مانيوال هاتش باك حالة كالزيرو ...ايه رايكم عربية محترمة؟
علما بان سبب ترددي انها مانيوال

[Ahmed Anwer]

بصي الشعب المصري بيعز الفتي زي عينيه ،،

مش شرط الأتوماتيك مشاكله كتيره ،،

دي من اكبر الإفتكاسات في السوق المصري ،،

كأن الأتوماتيك ده اختراع من اربع اشهر ،،

عموما من فترة المدام كانت بتدور علي عربية اتوماتيك ،،

و في الآخر ربنا كرمنا بسويفت هاتشباك 900 سي سي ،، موديل 92

و لا حسينا في اي مشكلة في الأتوماتيك ،، لحد ما بعناها

و كذلك نوبيرا اتوماتيك ،، و حاليا فيرنا اتوماتيك ،،

و مفيش حكايات الخل الوفي دي ،،

و بالعكس كان عندي 127 مانيوال و فتيسها كان بايز ،، و لحد مبيعتها كان بايز و معرفتش اصلحه

عموما المهم تكشفي عليها كويس ،، و حالة الأتوماتيك بتيان بسهولة جدا

مع اي ميكانيكي ليهم حاجة معينة كده بيعملوها يعرفوا حالته ايه

بس انا مش عارفها ،،

يأما تضغطي علي نفسك ،، و تتعلمي مانيوال ،،

مش عشان الهجص بتاع مشاكل الأتوماتيك ،،

عشان دائرة الإختيار تتسع معاكي ،،، لأن اهم حاجة في المستعمل الحالة ثم الحالة و توفر قطع الغيار،،

كان فيه برده من الحاجات الأتوماتيك المعروضة كيا برايد سيدان ،، موديل 2000 و 2001

دي ارخص من الرينج بتاعك ،، في حدود 40 الف

و طبعا النجمة ،، ميتسوبيشي كريستاله اعتقد ممكن تلاقيها في رينجك و دي تبقي افضل حاجة ،،

[Noha.M]

المانيوال دة مافيش الذ منه والله

و بجد مافيش حاجة اسمها مانيوال صعب

اه طبعا الاوتوماتيك سهل بس صيانته اصعب و اغلى و هيقرفك لو حصله مشكلة و لو انتى من اللى هيضطرو يركنو صف تانى انسى الاوتوماتيك

بجد هي كام حصة هتطلعى فيها و الباقى بقا ممارسة و تنزلى مع نفسك

انا اتعلمت السواقة في 4 حصص بظبط مع سواق كان عندنا و بعدين بقيت بلطش مفتاح العربية و انزل مع نفسي

بعدين انا بحس انه لازم تتعلمى على مانيوال و بعدين تبقي تركبي اوتو لو عاوزة بس بجد لازم تبقي عارفة مانيوال عشان يبقي عندك sense ال نقل و السرعات

[OlaOsman]

و لو انتى من اللى هيضطرو يركنو صف تانى انسى الاوتوماتيك

ليه يا اونا؟

[Xpert]

همم .. بصي .. الاتوماتيك فعلاً مش بيعمر ... (يا عم احمد ده عن تجربه و مش اختراع ولا حاجه انا البي ام بتاعتي كنت باغيرلها كل سنه فتيس .. ده سادس فتيس يركب عندي و لو مش مصدق تعالي اورهملك مرصوصين جنب بعض مونسين بعض و عاملين منظر و حبشتكانات .. اللي يشوفني كده بقي يقول داخل ورشه ميكانيكا ... ما علينا .. المهم ...
فتيس الزد اف الالماني ال 3 اتش بي و ال 4 اتش بي معروف بعيب فيه اسمه ال A pack failure ... و ال اي باك ده اللي هوه المجموعه بتاع اللقطات بتاعه قدام ... و ده لو باظ .. شيل فتيسك و ارميه .. انا فتيس كان عادد علي عربيته الاصليه 50 الف ركب عندي و في خلال سنه خلص الفتيس ... (مش فتاوي و لا انا ابن امبارح في السوق...) هوه فتيس مش مناسب لاجوائنا ..و الاجانب نفسهم اللي بيسوقوا علي الاوتوبان عارفين الكلام ده ... (الحكايه دي بتظهر في البي ام علشان المواتير الكبيره بقي 3500 سيسي و بتاع .. و عزم المكنه بيخليها تاكل فتايس ...) ... بس برضه ... صيانته مش قد كده و لو لا قدر الله اتفك و اتصلح فيه حاجه ... يبقي انت كده خسران خسران .. لاءن طقم العمره فيه تمنها 1600 جنيه و جبتها مره قعدت 100 كم و راحت تاني في خبر كان... (ممكن برضه علشان الموتور عندي كبير و عزمه شديد ..) .. المهم في الاخر انا قلبتها مانوال و اشتريت دماغي ...
بالنسبه لموضوع الاخت بيست نيم .. اولاً .. لو تعرفي تسوقي المانوال .. المانوال هايبقي احسن .. لسبب واحد ..احنا في مصر .. و مطلوب مننا نقف كل 5 دقايق و ندوس فرامل و ساعات كمان ندوس البني ادمين مافيش مشكله ... الفتيس لو اوتوماتيك لما الواحد بيدوس فرامل بيكون واخد غيار و واخد لقطه و انتي بتدوسي فرامل "بتجبريه انه يقف" و هوه شغال من جوه .. و ده السبب نمره واحد اللي بيقصر عمره الافتراضي ... (اهه سبب تاني يا عم احمد .. بدج انا فكيت فتيس من اللي عندي دول عمرته و ماشتغلش .. و طبعاُ و انا فاككه اتفرجت علي المنظر من جوه و شفته و عارفه .. الفتيس شغال علي تيل راكب علي حلقات دائريه .. و سمك التيل ده لا يتعدي سمك جلده كشكول .. و اذا اتكلت .. باي باي يا فتيس .. ) ... اما بالنسبه للمانوال .. عندك دبرياج تفصل بيه الحركه من جوه .. ده غير انه تروس من جوه (مابيجرلوش حاجه الا في حاله الشديد القوي..) ...
بالنسبه للعربيات بقي اللي انا ارشحها .. فولكسفاجن : بولو و جولف ... بيجو : 205 .. فيات : اونو ... تويوتا : ستارلت بس حاجتها شحيحه شويه في السوق بس موجوده ..
تعليقاُ علي كلام الاخت اونا : صح برضه .. علشان الاتوماتيك ليه ميكانيكيه متتخصصين فيه و ياريتهم فاهمين فيه .. تاني حاجه الصف التاني علشان الونش ... (الحمد لله انا مش من القاهره) ..
تالت حاجه لازم تتعلموا المانوال ده اساسيات .. خليكي مثلاً اتضررتي تركبي عربيه الوالدو كانت مانوال .. مهم انك تتعلمي الاساسيات ...
و كان معكم من ارض الوطن
بيشوي ..

[a3reda]

لو عايزه نصيحه اخويه


انتى تشترى عربيه 127 مانيوال تشتريها فى حدود 15 الف جنيه العربيه صغيره

وكويسه هتتعلمى عليها السواقه او تشترى اى عربيه صغيره من نفس الفئه وخلال ست اشهر لما تتمكنى من سواقة العربيه


تعرضيها للبيع وموش مشكله تخسرى فيها الف جنيه وبعدها


تشترى اى عربيه كويسه اتوماتك بشرط ان يكون يابانى


ولا انصحك انك تدفعى 50000 فى عربيه تتعلمى السواقه عليها

[SEATLOVER]

طيب انا كان قدامي ميرا 2000 وسيريون 1999 الاتنين كانوا اوتوماتيك
بس فيه ناس قالولي ان السيريون والميرا قطع غيار غالية اوي ومش بياعة
هل دا صحيح؟
وبما ان ميزانيتي 50000 يبقى المستعمل تفتكروا لازم يكون فيه مشاكل في الاوتوماتيك المستعمل؟
قدامي برضه تويوتا ايكو

1-ميرا
2-شاريد
3-سريون
4-لانسر... بس هاتبقى بحالة كويسة فوق ال 57 على الاقل
---ايكو-- لأ
حاجات الميرا مش غالية اوى ولا حاجة ..بالعكس متناسبة مع عمرها الافتراضى و بتعيش ..و العربية مطلوبة و الناس بتدور عليها .

بالنسبة للآتوماتيك المستعمل ..اهم حاجة تكشفى على العربية كويس .

[Ahmed Anwer]

همم .. بصي .. الاتوماتيك فعلاً مش بيعمر ... (يا عم احمد ده عن تجربه و مش اختراع ولا حاجه انا البي ام بتاعتي كنت باغيرلها كل سنه فتيس .. ده سادس فتيس يركب عندي و لو مش مصدق تعالي اورهملك مرصوصين جنب بعض مونسين بعض و عاملين منظر و حبشتكانات .. اللي يشوفني كده بقي يقول داخل ورشه ميكانيكا ... ما علينا .. المهم ...
فتيس الزد اف الالماني ال 3 اتش بي و ال 4 اتش بي معروف بعيب فيه اسمه ال A pack failure ... و ال اي باك ده اللي هوه المجموعه بتاع اللقطات بتاعه قدام ... و ده لو باظ .. شيل فتيسك و ارميه .. انا فتيس كان عادد علي عربيته الاصليه 50 الف ركب عندي و في خلال سنه خلص الفتيس ... (مش فتاوي و لا انا ابن امبارح في السوق...) هوه فتيس مش مناسب لاجوائنا ..و الاجانب نفسهم اللي بيسوقوا علي الاوتوبان عارفين الكلام ده ... (الحكايه دي بتظهر في البي ام علشان المواتير الكبيره بقي 3500 سيسي و بتاع .. و عزم المكنه بيخليها تاكل فتايس ...) ... بس برضه ... صيانته مش قد كده و لو لا قدر الله اتفك و اتصلح فيه حاجه ... يبقي انت كده خسران خسران .. لاءن طقم العمره فيه تمنها 1600 جنيه و جبتها مره قعدت 100 كم و راحت تاني في خبر كان... (ممكن برضه علشان الموتور عندي كبير و عزمه شديد ..) .. المهم في الاخر انا قلبتها مانوال و اشتريت دماغي ...
بالنسبه لموضوع الاخت بيست نيم .. اولاً .. لو تعرفي تسوقي المانوال .. المانوال هايبقي احسن .. لسبب واحد ..احنا في مصر .. و مطلوب مننا نقف كل 5 دقايق و ندوس فرامل و ساعات كمان ندوس البني ادمين مافيش مشكله ... الفتيس لو اوتوماتيك لما الواحد بيدوس فرامل بيكون واخد غيار و واخد لقطه و انتي بتدوسي فرامل "بتجبريه انه يقف" و هوه شغال من جوه .. و ده السبب نمره واحد اللي بيقصر عمره الافتراضي ... (اهه سبب تاني يا عم احمد .. بدج انا فكيت فتيس من اللي عندي دول عمرته و ماشتغلش .. و طبعاُ و انا فاككه اتفرجت علي المنظر من جوه و شفته و عارفه .. الفتيس شغال علي تيل راكب علي حلقات دائريه .. و سمك التيل ده لا يتعدي سمك جلده كشكول .. و اذا اتكلت .. باي باي يا فتيس .. ) ... اما بالنسبه للمانوال .. عندك دبرياج تفصل بيه الحركه من جوه .. ده غير انه تروس من جوه (مابيجرلوش حاجه الا في حاله الشديد القوي..) ...
.

باشا ،،،،،

طيب بجد انا قلتلك تجاربي مع كذا عربية ،،

و كلهم ماركات عادية جدا ، سوزوكي و دايوو و هيونداي ،،

و محصليش مشاكل اساسا ،،

انا ليا اصاحبي حصلهم طبعا مشاكل مع الفتيس الأتوماتيك و في عربيات جامدة كمان

بس دي زي اي حاجة في العربية معرضة انها تبوز

يعني عشان المواتير لما بتستخدمها بطريقة وحشة و تقرص عليها بتفوت يبيق منجيبش عربيات بمواتير ؟؟؟

اصل انا وجهة نظري في الحاجات دي زي ما كانوا بيقولنا متجيبش لاب توب هات كمبيوتر عادي ،، بيبوز و مالهوش صيانة ،،

متجيبش بوكيت بي سي ، هات موبايل عادي ،،

و في الآخر نكتشف انها اختراعات ظريفة معمولة لتيسير الحياة و جعلها اظرف ،،


وجهات نظر ،،

[Xpert]

بص .. انا احب تكون الحاجه متعارف عليها نسبياً و يكون فيه اكتر من واحد يفهم فيها ...و في نفس الوقت تكون استثنائيه و توب اوف ذالاين ... و الحاله اثتسنائيه (ماتقولش مفيش ... فيه بس غالي ..)