ما هى مميزات وعيوب فيات ( 128 --- 127 ---- ريتمو ) ؟؟؟

[abdalah_hashem]

يا جماعة اية هى مميزات وعيوب العربيات دية ؟؟
وانهى واحدة افضل فيهم ؟؟؟
واسعار كل واحدة دلوقتى كام ؟؟؟؟
وافضل موديل فيهم موديل سنة كام ؟؟؟؟؟

الفيات 128
الفيات 127
الفيات ريتمو

[abdalah_hashem]

فين الكلام الجامد

[abdalah_hashem]

هو مفيش حد هنا ولا اية

[kempel]

بص يا سيدى ال128 مميزاتها عربية عائلية صغيرة سهلة الصيانة رخيصة التكاليف
عيوبها ضعيفة كبودى على علب يعنى مافيهاش شاسيه علبها بتفتح وتقفل فى المطبات على كيفك كل شوية عند بتاع الزوايا
والله ساعات بشوفها ماشية بالعرض
ال127 نفس مميزات ال128 بس أقوى منها شوية فى البودى ومابتعطلشى كتير
الريتمو نفس مميزات الاتنين بس أسرع منهم مواتيرها قوية على جسمها بس اوسع من الاتنين بس عفشتها ساعات بتبوظ بسرعة والبودى بتاعها زى الاتنين مش جامد أوى عموما العربيات ال3 لازم تاخد بالك منهم فى المطبات علشان البودى بتاعهم مش جامد وعلبهم بتتأثر بسهولة بالمطبات يعنى عايزين استعمال بحرص وهم بالترتيب فى اختيارهم وقرار شرائهم
1- ريتمو
2- 127
3- 128

ولو حضرتك عايز عربية 2 باب انصحك بالفولكس البيتلز قطع غيارها مش غالية زى مالناس متصورة وأقوى عربية صغيرة تم صناعتها حتى الان يعنى فى التاريخ
وتقييمى ده عن خبرة كان معايا 127و128وفولكس بيتلز أحسنهم كانت البيتلز وامتعهم فى القيادة مع انها كانت أقدمهم

وربنا يوفقك فى أختيارك

[cheetos_892005]

العيوب ان ال 3 بيسخنوا جامد .....
كل يوم بتصلحها .....
قطع غيا ر علي قد رخصها و توافرها الا انها مضروبه كلهااااااااااااا
من الاخر اللي هتدفعه في تصليحها هتلاقيه اكتر من قسط عربيه جديده
وربنا يعينك ....
((الكلام ده عن تجربه و احد انا و اهلي كلهم ملسوعين في الفيات القديم ))
اهربببببببببب

[tareksakr]

نصيحة بلاش أعطالهم كتير وبيسخنو وهتلاقيك بتصرف تمن قسط عربية صغيرة ممكن تجيب بيتلز بحالة نضيفة أ, بيجو 305 بحالة كويسة هيكونوا أفضل

[abdalah_hashem]

طب هى اية شكلها البيجو 305 دية واية هى مميزاتها وعيوبها ؟ وسعرها يبقى فىحدود كام دلوقتى ؟
سيبونا من البيتلز دية عشان السخونية
طيب اسعار العربيات اللى 128 -- 127 --- ريتمو كام فى الوقت الخالى ؟؟؟؟

[cheetos_892005]

بيجو 305

[thegoodhacker]

انا جربت ال127 كويسة و صغيرة و قطع غيارها رخيصة ومتوفرة .... بس طبعا بتعطل كتير و بتصرف كتير لانها عربية بقت قديمة ....
ال128 برضه كويسة وميزتها انها اكبر شوية من ال127 و ليها شنطة حجمها معقول و قطع غيار الصاج ارخص من ال127 .... كبوت ال127 سمعت ان تمنه بقي غالي اوي ممكن يوصل ل1000 جنيه بس باقي الصاج رخيص ....
بس عيب ال128 ان حوضها بيفتح و بيحتاج زرجينة كتير و ظبط زوايا فلازم تكون العفشة الامامية بحالة ممتازة علشان الشاسيه ما يتبهدلش ...
الريتمو ما جربتهاش بصراحة و ما اعرفش حد شاريها فمش حاقدر افتي فيها ....
النصيحة تشتري 128 بس حالتها تكون كويسة علشان ما تقرفكش او انك تشتري ماروتي برضه عربية ممتازة اوي و قطع غيارها رخيصة مش غالية و حتبقي ميزتها انها لسة ما قدمتش اوي و اكيد حالتها حتبقي احسن من العربيات الفيات القديمة ...

[Mostafa.Mahran]

والله العظيم عمر العربية ما سخنت منى خالص

[aaa333]

ربنا يوفقك فى الشراء انا عن نفسى افضل ال127 عربية صغيرة وشكلها بيبقى شيك لو انت نضفتها وخليت باللك منها ومش ديقة من جوة