ايه الحيرة ديه.......ادينا عقلك

[maxpayne2010]

يا جماعة انا بقيت فى حيرة كبيرة اوى وخصوصا مع اختلاف الاراء ما بين مؤيد ومعارض لكل عربية
وكل ما استقر على عريبة اقرأ شوية من اراء الناس فى المنتدى فاصرف نظر عنها
والان حان وقت الحسم

فى الموضوع ده سوف نعمل مقارنات بين مجموعة موديلات ويا ريت اللى يرد ويقول رايه فى عريبة ويكون من ماليكها مش سمع من وعن او ركب مع واحد او جاره قاله
يكون من ماليكيها او على الاقل ساقها اكتر من مرة
ومش هطول عليكم
1-هيونداى اكسنت (مانوال/اوتوماتيك)
2-نيسان صنى (مانوال /اوتوماتيك)
3-هيوانداى ماتريكس(مانوال/اوتوماتيك)
4-هيونداى النترا (مانوال)
5- هيونداى i30 (مانوال)
6-شيفوليه اوبترا (مانوال /اوتوماتيك)
7-كيا سيراتو (مانوال)
8- شيفوليه افيو (مانوال /اوتوماتيك)

ملحوظة : ما لم يتم وضع منه غير مانوال لان تمنه اوتوماتيك يرتفع عن التمن المحدد ولكن يمكن لاصحابه اوتوماتيك ابداء رايهم فيه عااااادى
انا عارف ان العربيات ديه فئات مختلفة ولكن هى فى النهاية عربيات بتمشى فى الشارع وبيدفع فيها فلوس زى بعض وهتستعمل فى نفس الحاجات هتروح بيها الشغل وتسافر مرتين تلاتة فى السنة وهيتباعوا بعد كده عند نفس السمسار فانا عايز العربية الخلاصة اللى امكانياتها حلوة وصيانتها كويسة وتمن بيعها مستعمله معقول وصاجها يستحمل
شكرا مقدما وفى انتظار الاراء المسئوله

وليا طلب حد يعرف يجيبلى صورة نيسان صنى 2011 هتبقى شكلها ايه وهل نزلت ولا لسة لان الدول العربية عندهم شكل 2010 غير اللى عندنا فانا عايز اعرف 2011 ايه نظامه تطوير ال2010 ولا الشكل الجديد

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون ويرجى مراجعة قوانين المنتدى
مشرف 12 ب

[aly_hosny]

نيسان صني نفس الشكل وفي اعضاء هنا معاهم العربية
الشكل الجديد موجود هنا في مصر خليجي وموجود تبع رينو اسمه رينو سكالا
والاختيارات ال انت عاملها مش فئة واحدة وفي حاجات متناقضة
يعني طالما في اوبترا يبقى الاكسنت والافيو برة المقارنة لان الاوبترا اعلى من الاتنين
انت حاطت عربيات هاتش باك وسيدانا
شوف انت احتياجاتك ايه وعايز العربية عاملة ازاي
بس من وجهة نظري الافضل في المقارنة الالنترا والسيراتو ويعبهم قلة الكماليات والاوبترا تتميز عنهم في الموضوع دا

[maxpayne2010]

شكرا aly_hosny على ردك ما انا كاتب انهم من فئات مختلفة وبررت الموضوع بان كلهم عربيات فمثلا فى بعض الاقاويل بتقول ان االاكسنت موتورها احسن من الاوبترا وان الاوبترا صاجها ضعيف وحاجات كده
وشكرا على ردك فى انتظار بقية الاراء

[engaass]

نصيحة شوف الاول انت امكانياتك ايه ومحتاج ايه من العربية وبعدين شوف اراء الناس وخليها استرشادية لان لو تساوت الاذواق لبارت السلع ومش هتلاقى حاجة فى الدنيا الناس كلها تجتمع عليها ولا تنسى الاستخارة وربنا يوفقك لما فيه الخير

[kamalsalem]

ايه فرق الاسعار المهول ده... وبعدين في حاجات تلغي حاجات.. يعني ال i30 تلغي الإلانترا والماتريكس - والاوبترا تلغي الافيو

انت معاك كام... وعايز ايه من العربية اللي تشتريها؟ لأن انا ف رأيي الاوتو يلغي المانوال

[أشرف العدوي]

انا معايا افيو 2008 مانيوال
ما انصحش حد انه يشتريها
لكثرة عيوبها و لسوء توكيلها
و دول لينكين لأستطلاعين راي كنت عاملهم و بيأدوا كلامي

http://www.nilemotors.net/Nile/176139-a.html

http://www.nilemotors.net/Nile/154755-a.html

[maxpayne2010]

ايه فرق الاسعار المهول ده... وبعدين في حاجات تلغي حاجات.. يعني ال i30 تلغي الإلانترا والماتريكس - والاوبترا تلغي الافيو

انت معاك كام... وعايز ايه من العربية اللي تشتريها؟ لأن انا ف رأيي الاوتو يلغي المانوال

بص حضرتك الميزانية تحت ال100 علشان كده فى عربيات مش هينفع اجيب منها الاوتو انا الحمد لله بسوق مانوال واوتو ماتيك
انا عايز العربية اللى اشتريها تكون مش محتاجة صيانة كتير ويكون صاجها محترم كده مش كل ما حد يسند عليها الاقى الصاج اطبق
ويكون الموتور كويس ومشاكلها قليلة علشان تعمر معايا انا عايز عربية تعيش

[newuser2009]

ما تحيرش نفسك
معاك فلوس هات سيراتو
معاك قليل هات اوبترا
معاك اقل هات افيو

[kamalsalem]

بص حضرتك الميزانية تحت ال100 علشان كده فى عربيات مش هينفع اجيب منها الاوتو انا الحمد لله بسوق مانوال واوتو ماتيك
انا عايز العربية اللى اشتريها تكون مش محتاجة صيانة كتير ويكون صاجها محترم كده مش كل ما حد يسند عليها الاقى الصاج اطبق
ويكون الموتور كويس ومشاكلها قليلة علشان تعمر معايا انا عايز عربية تعيش

بصراحة اللي انت بتقوله ده يخليني ارشحلك عربيتين عشان يعيشوا معاك عمر من غير ما تفكر تغيرهم... ماتريكس - اكسنت - صني... بنفس الترتيب

[maxpayne2010]

شكرا على الترشيحات
كده سيراتو وماتريكس كل واحدة منهم ليها صوت
فى انتظار باقى الاراء ويا ريت ما ليكى السيارات يقولوا رايهم وتجربتهم للسيارات
اهتم بالعيوب اكتر من المميزات

[engaass]

ماتريكس بس فى ماتريكس جديدة لسه هاتنزل

[maxpayne2010]

ماتريكس بس فى ماتريكس جديدة لسه هاتنزل

هتبقى موديل 2011 شكل جديد ولا حضرتك بتتكلم عن 2012

[PoweRPassioN]

امكانياتها حلوة وصيانتها كويسة وتمن بيعها مستعمله معقول وصاجها يستحمل

نيسان صني

[engaass]

هتبقى موديل 2011 شكل جديد ولا حضرتك بتتكلم عن 2012

الحقيقة مش عارف بس انا سمعت ان فى ماتريكس جديدة نازلة عشان تنافس الكارينز وملاحظ ان مفيش ماتريكس الشكل الجديد فى المعارض

[maxpayne2010]

الحقيقة مش عارف بس انا سمعت ان فى ماتريكس جديدة نازلة عشان تنافس الكارينز وملاحظ ان مفيش ماتريكس الشكل الجديد فى المعارض

شكرا على ردك وعلى موقع هيونداى العالمى مفيش شكل جديد ولا للماتريكس ولا لالنترا