احسن عربية ب 40000 جنية او اقل

[obay10]

السلام عليكم انا عايز اجيب عربية لا تزيد عن 40000 جنية فيا تري اية من الاتي

الشاهين , كيا برايد , فيات تمبرا ,

اللي يعرف انواع تانية احسن ياريت يفيدني مع العلم اني لسة جديد في السواقة وبطلع رخصة لسة اليومين دول ونفسي في عربية تكون مريحة واعرف ابيعها لاني ناوي اتعلم فيها وبعدين ربنا يسهل واجيب حاجة جديدة

الرجاء الافادة

[ahmed elsherif]

ممكن حضرتك تفكر في هيونداي اكسيل عربيه كويسه والمبلغ ده يجبلك واحده حالتها محترمه وممكن شاهين انا معايا والعربيه كويسه الحمد لله بس عيبها ناشفه عن الهيونداي كتير بس شغاله ومش بتقول لا

[mohamedkandel]

لانوس واكسنت حسب الحالة

[elfashn]

كيا سيفيا 99 مانيوال اشد من الاكسيل والاكسنت والشاهين فيها كل حاجة تكييف تلاجة عفشة ناعمة موتور شديد قوى قطع غيارها متوفرة جديدة واستيراد بس هى اغلى حاجة بسيطة من الهيونداى والدايو بس فرق القيادة كبير على فكرة العربية دى واسعة اوى من جوة وخاصة الكنبة الخلفية سرير تشيل 4 مستريح وانا برشحلك ال99 علشان كورى مش تقفيل مصرى زى الموديلات الى نزلت بعدها+ ان العربية دى برستيج اوى وعليها ثبات وهمى ان كنت بجيب بيها 170 ولا كأنها ماشية وربنا بوفقك فى سيارة كويسة

[ahmed88hassan]

لانوس 1

[motoxp]

ممكن تشوف فيات سيينا برضه ممتازة

[aly10]

لانوس 1

متهيالى دى احسن حاجة

[Memo_Lancer]

لانوس1
و متفكرش يا باشا

[mohamed_mesho2]

لانوس واحد او اكسنت

[mody100]

ممكن تشوف فيات سيينا برضه ممتازة

بلاش احسن العربية خفيفة شوية هى سعرها حلو و كماليات كويس بس هو لو بيحب الشد يبقى العربية دى مش حاتنفع معاه

[hossamkoshy]

متابع للاهمية
ممكن نضيف الاستروين اكسارا 2001-2002
واحب اعرف الاراء في العربية دي