سيفيك مع جيتا وفانتزيا وبيمر 318

[abo samra]

أهل السيفيك تتفوق كركوبه وكسياره وكجوده تصنيع وتقفيل وخامات وثبات على السيارات المذكوره
بصراحه انا لما بركب اى سياره لها صلة بالمانيا كصناعه مش بعرف اركب اى سياره اسيويه ابدا وده مجرد راىء شخصى !!!!!!!


ولفت نظرى بشده اثناء تصفحى لقسم المقارنات رد
HONDAWY_2008 بيقول


بص أنا ركبت بي ام 318 و أقسم بالله العظيم السيفيك أحسن منها و أريح منها في السواقة يمين حيحسبني عليه ربنا مش أنت
وايضا قال

صحيح السيفيك أتبت من الجيتا و الأوكتفيا بمراحل و لا يماثلها في فئتها الا السوبارو اليابانية بردو :)


Semesm kane قال


وبالنسبة للثبات اللى الخرافى للجيتا والاكتافيا والله انا لسة جاى حالا كنت بشد مع فانتازيا والله بهدلتها فى الملفات على كدة لو الفانتازيا ثابتة الثبات او الاوكتافيا يبقى الهوندا ثبات فوق العادة

وايضا احد الاعضاء (hlmnz ) كان بيقول اثناء موضوع مقارنه بين الجيتا والاوكتافيا والسيفيك
قال اركب الجيتا او الاوكتافيا طالما السيفيك دخلت فى مقارنه مع شويه عربيات تافهه عمل اسمها الشعب المصرى !!!!!


وايضا فاكر رد احد الاعضاء قبل كدا كان اسمه Horsepower
كان بيقول ان عفشه السيفيك احسن لان البيمر عفشتها وحشه بسبب runflat وقال ان السيفيك vti اثبت من البيمر 316 2010 لان فيها VSA !!!!!!!!!!
الهدف من الموضوع ده هو رد اللى جرب السيارات المذكوره اهل الكلام ده فعلا صحيح والهوندا فعلا فظيعه للدرجه دى وافضل من البيمر كمان!!!!!!!!!
وياريت اللى ليه تجارب مع اى من السيارات الالمانى بعد الاسيوي او العكس يقول تجاربه
تحياتى

[ahmedsadek82]

أهل السيفيك تتفوق كركوبه وكسياره وكجوده تصنيع وتقفيل وخامات وثبات على السيارات المذكوره
بصراحه انا لما بركب اى سياره لها صلة بالمانيا كصناعه مش بعرف اركب اى سياره اسيويه ابدا وده مجرد راىء شخصى !!!!!!!


ولفت نظرى بشده اثناء تصفحى لقسم المقارنات رد
HONDAWY_2008 بيقول


بص أنا ركبت بي ام 318 و أقسم بالله العظيم السيفيك أحسن منها و أريح منها في السواقة يمين حيحسبني عليه ربنا مش أنت
وايضا قال

صحيح السيفيك أتبت من الجيتا و الأوكتفيا بمراحل و لا يماثلها في فئتها الا السوبارو اليابانية بردو :)


Semesm kane قال


وبالنسبة للثبات اللى الخرافى للجيتا والاكتافيا والله انا لسة جاى حالا كنت بشد مع فانتازيا والله بهدلتها فى الملفات على كدة لو الفانتازيا ثابتة الثبات او الاوكتافيا يبقى الهوندا ثبات فوق العادة

وايضا احد الاعضاء (hlmnz ) كان بيقول اثناء موضوع مقارنه بين الجيتا والاوكتافيا والسيفيك
قال اركب الجيتا او الاوكتافيا طالما السيفيك دخلت فى مقارنه مع شويه عربيات تافهه عمل اسمها الشعب المصرى !!!!!


وايضا فاكر رد احد الاعضاء قبل كدا كان اسمه Horsepower
كان بيقول ان عفشه السيفيك احسن لان البيمر عفشتها وحشه بسبب runflat وقال ان السيفيك vti اثبت من البيمر 316 2010 لان فيها VSA !!!!!!!!!!
الهدف من الموضوع ده هو رد اللى جرب السيارات المذكوره اهل الكلام ده فعلا صحيح والهوندا فعلا فظيعه للدرجه دى وافضل من البيمر كمان!!!!!!!!!
وياريت اللى ليه تجارب مع اى من السيارات الالمانى بعد الاسيوي او العكس يقول تجاربه
تحياتى

للأسف الكلام ده لا يمت للواقع بصلة و ان السيفيك حتة صفيحة خاماتها في منتهى الفقر و لا تقارن غير بتويوتا و مازدا على اقصى تقدير !!! .....طبعا انا مش بتكلم من دماغي لأن والدي معاه سيفيك .. للأسف في ناس التعصب عميها عن حقائق ازلية لا جدال فيها !!!! مافيش حد في العالم فكر يقارن سيفيك بbmw !!!!! ..

[islamaboelnaga]

انا شايف ان الكلام دا تعصب للسيارات الاسيوى :) و فعلا اللى مركبش المانى مركبش عربيات .....فى فرق فى المستوى كبيييير بين اليابانى و الالمانى....انا اعرف واحد كان معاه جيتا و عمل بيها حادثه و باعها و راكب دلوقتى سيفيك ...بس مش مرتاح خااااالص فى ثبات السيفيك و لا العفشه بتاعتها و بيقول انها لا تقارن بالجيتا و ان السيفيك تتفوق ان طلعتها اقوى من الجيتا فقط غير كدا الجيتا تتفوق فى كل حاجه و بمراحل....

[ahmedsadek82]

انا شايف ان الكلام دا تعصب للسيارات الاسيوى :) و فعلا اللى مركبش المانى مركبش عربيات .....فى فرق فى المستوى كبيييير بين اليابانى و الالمانى....انا اعرف واحد كان معاه جيتا و عمل بيها حادثه و باعها و راكب دلوقتى سيفيك ...بس مش مرتاح خااااالص فى ثبات السيفيك و لا العفشه بتاعتها و بيقول انها لا تقارن بالجيتا و ان السيفيك تتفوق ان طلعتها اقوى من الجيتا فقط غير كدا الجيتا تتفوق فى كل حاجه و بمراحل....

كلام سليم , انت لو فتحت باب العربية السيفيك او الشنطة و قفلتها حتعرف انها صفيحة او كرتون مقوى

[abo samra]

انا شايف ان الكلام دا تعصب للسيارات الاسيوى :) و فعلا اللى مركبش المانى مركبش عربيات .....فى فرق فى المستوى كبيييير بين اليابانى و الالمانى....انا اعرف واحد كان معاه جيتا و عمل بيها حادثه و باعها و راكب دلوقتى سيفيك ...بس مش مرتاح خااااالص فى ثبات السيفيك و لا العفشه بتاعتها و بيقول انها لا تقارن بالجيتا و ان السيفيك تتفوق ان طلعتها اقوى من الجيتا فقط غير كدا الجيتا تتفوق فى كل حاجه و بمراحل....

فعلا كلام مظبوط جدا ومش عارف مين اللى يدفع فى السيفيك 190 الف ويسيب الجيتا!!!!!!!

[abo samra]

كلام سليم , انت لو فتحت باب العربية السيفيك او الشنطة و قفلتها حتعرف انها صفيحة او كرتون مقوى

+10000000 وكمان التويوتا

[toptraction]

sorry for asking ,the room for driver in jetta is smaller or bigger than what in 320i

[Elsarrawy]

انا رأيي ان كل واحد مقتع بوجهة نظره هو حر فيها

بس انا ليا سؤال للزملاء الي بيقارنوا الياباني بالالماني

لو معاك 500 الف جنيه هاتركب هوندا اكورد ولا مرسيدس او بي ام؟؟؟؟

والف شكر

[tito_1980]

بص أنا ركبت بي ام 318 و أقسم بالله العظيم السيفيك أحسن منها و أريح منها في السواقة يمين حيحسبني عليه ربنا مش أنت

ممكن دي اراء و راحه نفسيه

صحيح السيفيك أتبت من الجيتا و الأوكتفيا بمراحل و لا يماثلها في فئتها الا السوبارو اليابانية بردو :)

لا الحته دي اوفر

وبالنسبة للثبات اللى الخرافى للجيتا والاكتافيا والله انا لسة جاى حالا كنت بشد مع فانتازيا والله بهدلتها فى الملفات على كدة لو الفانتازيا ثابتة الثبات او الاوكتافيا يبقى الهوندا ثبات فوق العادة

ممكن يكون سواق الاوكتافيا ملوش في السواقه اوي بس برضه ثبات الاوكتافيا افضل

قال اركب الجيتا او الاوكتافيا طالما السيفيك دخلت فى مقارنه مع شويه عربيات تافهه عمل اسمها الشعب المصرى !!!!!

عيب التسفيه في عربيات ممتازه زي الاوكتافيا

كان بيقول ان عفشه السيفيك احسن لان البيمر عفشتها وحشه بسبب runflat وقال ان السيفيك vti اثبت من البيمر 316 2010 لان فيها VSA !!!!!!!!!!

هو ايه ال runflat ده اصلا ؟و ايه هو ال VSA ده كمان ؟

عموما انا شايف ان السيفيك ليست عربيه خرافيه و لا حاجه و اخرها تتقارن بميثلاتها اليابانيه و طبعا الالماني لا يقارن بالياباني علي الاطلاق

[M!SHO]

هو أيه الهدف من الموضوع

لو الهدف المناقشه فعلاً كان ممكن حضرتك تناقش الكلام ده داخل الموضوع الأساسى

ومش معنى ان حضرتك مبتحبش السيفيك يبقى الجيتا أو الفانتازيا تكسب

That's why there are a lot of different cars that offer different things to different people

[i_Am_Legend]

صدقونى أنا مش بهاجم حد ولا ليا مصلحة_السيفيك تمنها غالى جدا عليها_المفروض سعرها لا يزيد عن 140 الف لأعلى فئة_والكورولا_غالية جدا جدا_ولا تصنف_كسيارة يابانية فارهة_اقسم بالله العظيم انا ركبتها_ناشفة جدا_واى مطب تحس بيه_وأقسم بالله_حسيت انى راكب فيرنا_الجيتا عربية محترمة_وبردة سعرها زايد حبتين_يعنى لو اقل 20 ألف_الفانتزيا تعتبر_زى الجيتا_لانها أصلا فولكس_البى ام ما لهاش دعوة_بدول كلهم_يعنى برستيجك وانت نازل من بى أماية ولا سيفيك_ولا جيتا_ولا فانتازيا حتى_

[islamaboelnaga]

هيا السيفيك وصلت 190 الف ؟؟؟؟؟!!!! و لسه فيه حد بيشتريها ؟؟؟ على فكره انا بحب السيفيك جدا بس شايف ان السيفيك بعد الالمانى و بشويه محترمين كمان :)

[medo_2060]

انا مش فاهم بصراحه الهدف من الموضوع هل هو امتداد لموضوع مقارنه السيفيك بالجيتا والفانتازيا ولا الموضوع خاص بمقارنه السيفيك والبى ام....
لو الموضوع بيتكلم عن السيفيك مقارنه بالجيتا والفانتازيا.. ايه المشكله لما يقارنوا ببعض وايه المشكله لما حد يقول السيفيك افضل مش عايزين كلمه المانى تعمينا ومندخلش فى مقارنات بسببها.. انا معاكم ان الالمانى الافضل بس دا ما يمنعش ان عربيه يابانى تكسب فى مقارنه عادى جدا....
ولو الموضوع عن السيفيك والبى ام انا شايف انه غرضه تريقه على السيفيك ومينفعش يتقارنوا ببعض اصلا ... وعايز اوضح حته مهمه جدا هنا فى رأى الشخصى طبعا السيفيك value for money يعنى عربيه يتديك الى مدفوع فيها وزياده يعنى محدش يقول خامات وغيره بالنسبه للبى ام لانك دافع فيها 150 الف زياده فدا الطبيعى انها تكون تقفيل وخامات افضل مش شطاره شركه يعنى.

[EgyptianTune]

انا شايف ان الكلام دا تعصب للسيارات الاسيوى :) و فعلا اللى مركبش المانى مركبش عربيات .....فى فرق فى المستوى كبيييير بين اليابانى و الالمانى....انا اعرف واحد كان معاه جيتا و عمل بيها حادثه و باعها و راكب دلوقتى سيفيك ...بس مش مرتاح خااااالص فى ثبات السيفيك و لا العفشه بتاعتها و بيقول انها لا تقارن بالجيتا و ان السيفيك تتفوق ان طلعتها اقوى من الجيتا فقط غير كدا الجيتا تتفوق فى كل حاجه و بمراحل....

+111111111111 كلام 100% وانا واحد من الناس اللى عمرى ما إشتريت ومش ممكن حتى أفكر أشترى أى عربية يابانى (مش تقليل من قيمتها ده زوقى وإختيارى) لأنى بأركب اوروبى بقالى أكتر من 20 سنة (أودى ، بى إم ، بيجو ، فيات ، فولكس ، ألفا روميو ) لإعتبارات ذكرها أغلبية الأعضاء ومع ذلك ما بحبش المرسيدس .

ووجهة نظرى اللى أنا حر فيها ومن خبرة مع أغلبية السيارات الأوروبية :

اللى ما ركبش أوروبى ما ركبش عربيات بمعنى الكلمة
واللى ما ركبش ألمانى ما ركبش أوروبى بمعنى الكلمة
واللى ما ركبش أودى ما ركبش ألمانى بمعنى الكلمة

[i_Am_Legend]

واللى ماركبش الفاروميو_اللى اصلا الست والدتها المحترمة فيات_يبقى ماركبش عربيات_نهائى ولا خد غرز ميتة ولا جرب طعم الثبات_وملمس الدركسيون الملئ بالقوة والتحكم والثقة بالنفس.