الكروز ام السيراتو ايهما تتفوق

[hitman99]

+100000000000000000000
يا ريت تدخل التوكيل في الحسبان علشان دي عربية زيرو و لا قدر الله ممكن تحتاج الضمان في شئ
فياريت تقارن بينهم من حيث كفاءة التوكيل لان ده مهم جداً جداً جداً
و ربنا يوفقك للي فيه الخير باذن الله

بص هو اكيد لما ادخل التوكيل في الحسبان حاجة تانية بس انا مثلا لو نويت اجيب السيراتو هاجيبها خليجي يعني من غير ضمان و معظم البلد ماشية خليجي اما لو كروز فابقى تبع منصور وده اسوا توكيل سيارات في العالم هو اتحسن عن زمان لكن في نظري مازال الاسوا برضوا من غير ماحد يزعل وكلنا عارفين ليه واللي بيعمله مع العملاء بتوعه ومن والاخر لو انا جبت من منصور اكني جبت خليجي بالظبط لا ضمان ولانيلة واقولك على حاجة مش منصور بس معظم كل التوكيلات لو حاجة حصلت للعربية وجيت ترجعها يعد يماطل عليك ويقولك سوء استخدام هاموت وافهم الكلمة ديه ازاي يعني ده اللي بيجيب عربية جديدة بيبقى خايف عليها من ذرة تراب والود ودة يشيل العربية ويمشي بيها علشان ميحصلهاش حاجة وده في الاخر يقولك كده وفي الاخر بعد مماطلة طويلة يقولك هايغيرك الجزء البايظ امال انت على اي اساس بتعلي في سعر العربية علشان تدينا ضمان وانت مش بتعمل بيه اصلا والله حاجة بقت تحرق الدم
شكرا على ردك واهتمامك واسف على الاطالة

لو تحب تاخد برأيي

هات دايو لاسيتي (مش كروز)

ان ماكانش متاح يبقى السيراتو علطول

لانه حرام سعر الكروز دا على عربية بالموتور دا وبكره هافكرك سعرها هاينزل تاني كتيييييييير لو مانزلتش بموتور الدايو لاسيتي

بالذات لما الالنترا الجديدة تنزل فاحتمال كبير تخسر فيها مبلغ مش قليل

والله يا استاذي رأيك على عيني و راسي من فوق وانا عن نفسي هاموت و اجيب لاسيتي وعارف انها احسن من الكروز بمراحل بس المشكلة ان العربية ملهاش سوق عندنا خالص يمكن لو كان ليها توكيل كان هايبقى ليها وضع تاني غير دلوقتي يعني انا شايف اللي بيجيب اللاسيتي زي اللي اشترى الميجان والفلوانس وفيات لينيا او برافو او الليون العربيات دي كلها خرافة بمعنى الكلمة ومتتقرنش نهائي بأي عربية كوري بس فين سوقهم في مصر مافيش من الاخر اللي بيجيب العربيات دول بيبقى عاوز يركب حاجة نظيفة ومريحة ومش فارق معاه سعر البيع

[kempel]

أنا كنت هاأقول لك هات رينو فلوانس بس شايف ان حضرتك مهتم بسعر البيع أنا عن نفسى هاأجيب الفلوانس ولو مانيوال وأنا عندى احساس ان اعادة بيع العربيات الرينو هايتغير مش هايبقى زى زمان وخاصة انى اسمع من اللى راكبينها ان مافيش مشاكل زى الميجان وانا واحد صاحبى معاه الكروز الاوتوماتيك جايبها ب129000 وبيبكى بدل الدموع صلصه وقدم فى الوكيل شكوى لجهاز حماية المستهلك لان التكييف بتاعها طلع عينه وغيروله حاجات كتير فيها وماأعرفشى الفتيس الاوتوماتيك فى صوت ايه وانا سقتها عربية حلوة كصالون بس كراسيها ناشفة وسحبها ضعيف بطة يعنى مع انى كنت نصحته قبل مايشترى بأن ال1600 يفضل ركوبه مانيوال وربنا يوفقك فى اختيارك

[kempel]

يعنى من رأيى تجيب فليوانس وبعدها التيدا وهم دول أحسن اختيار فى الفئة السعرية

[M.Radwan]

متهيألي فكر فى الفلوانس الأول
وبعدين السيراتو،

[bishoy02010]

بصراحة انا مش عايز ققلك اخيارات اكتر بس بصراحة مش هاين عليا اختار لا دى ولا دى ...

[mohamed_rhem]

نقطه مهمه جدا

ان كل عربيات شيفورليه ضمان 3 سنوات او 100.000 كم

الا الكروز ضمانها 60.000 كم

انا شحصيا اشك في ان منصور عنده ثقه فيها

1- لقله الكيلومتر اللي علي الضمان
2- كثرة اللاعلانات الترويجية وكثرة العروض عليها

[amrseba]

بص انا شايف الكروز غاليه فى تمنها و فى فئتها تجيب عربيات احسن منها بكتير
بس لو هنقول مقارنه انا ارشح السيراتو
قطع غيار و انتشار وتوكيل جيد فى حكايه قطع الغيار و كده ماتور كويس و العربيه شيك و القعده مريحه بس العفشه نشفه وواسعه و شنطه واسعه و اوبشن اعلى كتيير و هيحسسك بالعربيه اكتر
امال الكرو اولا فى الفئه الى بتمن السيراتو تعتبر فاضيه س لو حبيت مثلا تجيب فئه اعلى هتلاقى اختيارات كتير افضل من الكروز
اولهم رينو فلوينس و نيسان تيدا او بلوبيرد او فورد فوكاس او تيوتا كورولا او المازدا 3 او لانسر شارك كل دول بصراحه يتفوقوا على الكروز من رأى بس هى كعربيه كويسه بس سحبها و الطلعه تقيله العربيه ثابته الماتور مش قوى و اكتر حاجه غايظنى فى العربيه ديه القماش الى حطينه فى التابلوه ده بس لو بتفكر فى الكروز شوف الدايو لاستى احسن من الكروز هيا الكروز بس دايو احسن منها بس هتزود الفلوس

[أشرف العدوي]

لو بتفكر فى الكروز شوف الدايو لاستى احسن من الكروز هيا الكروز بس دايو احسن منها بس هتزود الفلوس

انا معاك لو ان شاء الله استقر على الكروز يبقى يجيب الاسيتي افضل
بس اعتقد ان الاسيتي ارخص من الكروز التوب لاين ( أعلى فئة )
كنت شوفت اعلان ليها بـ 147000 عند ناشيونال موتوزر و فيها فتحة سقف و سخانات في الكراسي و الشاشة العريضة الي فيه الكونسول ( مش شاشة سطر واحد زي الكروز )
يعني لو هتشتري ضمكان من تكنو وان تقريباً بـ 3000 تبقى صفقة ان شاء الله رابحة

[hitman99]

اولا انا عاوز اشكر جميع الناس على اهتمامهم و ارائهم
بالنسبة للفلوانيس بجد عربية اكتر من رائعة ومينفعش تتقارن نهائي بالعربيات دي مع احترامي لجميع ملاكها
و انا ركبتها وجربتها مع واحد صحبي العربية ماشاء الله شكل رائع وماتور جيدا جدا وكماليات وعربية محترمة جدا وفي الحقيقة انا متفجأتش لما ركبتها لأن ده المتوقع من رينو وتكنولوجيا عالية فوق الوصف وربنا يباركلوا فيها ولجميع ملالكها بس يعيبها 3 حاجات بس اولا قطع غيرها غاليه جدا وهو ده مشكلة الفرنساوي سواء هى او البيجو ثانيا صيانتها في التوكيل فقط لان العربية زي ماقولت تكنولوجيا بتاعتها عاليه جدا ومش اي جد بيفهم فيها اخر حاجة بقى وهى سعر اعادة بيعها واقع بطريقة ملحوظة وده المتوقع
العربية دي من الصعب انها تنشتر علشان الاسباب اللي انا قولت عليها على الرغم انها لو انتشرت فعلا هاتحل مشكلتين من دول وده في رأي الشخصي واللي هما سعر البيع هايعلى بالتأكيد وتاني حاجة هتلاقي صيانتها متوفرة في مكان وده على الانتشار بس هاتبقى مشكلة قطع الغيار
الشعب المصري معظمه مش هاقولك كله يعني بالنسبة 90% لما يجي يشتري عربية جديدة يبيص على شوية حاجات كده اولا يكون شكلها حلو وماتور كويس وكماليات عالية وقطع رخيصة ومتوفرة ومن الاخر الحاجات ديه كلها موجدة في سيراتو وعلشان كده هى منتشرة ومش عارف ليه هما بقوا يبصوا للموضوع من الناحية ديه على الرغم مثلا لو بصيت للانسر بومة الشكل قبل الشارك هتلاقي العربية عادية من ناحية الكماليات وعلى رغم كده انتشرت بشكل ملحوظ جدا
بالنسبة للاستي انا قولت في الموضوع ده انها عربية رائعة واحسن من الكروز بكتير وكلنا عارفين كده ولكن تبقى مشكلة ملهاش سوق عدنا وده علشان ملهاش وكيل يعني اعادة بيعها مش هايبقى كويس على رغم ان سعر اعادة البيع ده ماكنش في حسباني خالص والله وانا اصلا قبل ما احتار مابين العربيتين دول كنت نازل اجيب السيراتو كوبيه ولكن والدي ربنا يكرمه قالي صلي استخارة ولو ربنا يسرهالك انزل جيبها على الرغم ان كل الناس حذرتي من اعادة بيعها واقع واقع واقع جدا وعربية ملهاش زبون وسعرها بيتخسف في الارض وكنت منشف دماغي برضوا وقلت هاجيبها برضوا بص المهم صليت استخارة وربنا بعدني عن العربية دي والحمد لله وبعد كده قولت اختار عربية ليها سوق احسن علشان لما اجي اجدد العربية قدام ابقى مرتاح ومخسرتش كتير

التيدا كفاية طبعا انها ياباني بس انا نسيان كلها مش نزلالي من زور ومع احترامي طبعا لكل ملاكها ولكن دي مسألة اذواق
وفي الاخر احب اشكر تاني كل الناس اللي شاركوا برايئهم معايا وياريت محدش يزعل من كلامي لو كنت تطاولت
واسف على الاطالة

[hitman99]

نقطه مهمه جدا

ان كل عربيات شيفورليه ضمان 3 سنوات او 100.000 كم

الا الكروز ضمانها 60.000 كم

انا شحصيا اشك في ان منصور عنده ثقه فيها

1- لقله الكيلومتر اللي علي الضمان
2- كثرة اللاعلانات الترويجية وكثرة العروض عليها

حضرتك نبعتني لنقطة مهمة فعلا انا كنت فاكر ان كل العربيات ضمان 3 سنين او 60 الف كيلو بس
بس الغريب هنا بقى اشماعنا مخلي الكروز 60000 بس ممكن زي ما بتقول لعدم ثقتة فيها بس علشان هو لاعب في العربية انا متغاظ جدا وشايط بسبب الموضوع ده هو ليه يشيل ماتور العربية ما يسبها زي بقيت مخاليق ربنا نفسي اعرف الماتور بتاعها حراقو في بالظبط منك لله يامنصور بوظت العربية وضيعت سوقها
لما نزلت قبل كده سوق الجمعة بتفرج على الدنيا ماشية ازاي هناك لقيت والله تقريبا 4 عربيات او 5 كروز واصاحبهم معروضين للبيع وكل ما اسأل حد يقولي ماتورها مش اد كده وايه كمان العربيات عامله 1000 كيلو واللي عامل 1500 يعني من الاخر بعد فترة التليين اكتشفوا العربية على حقيقتها

[kempel]

طيب ايه رأى حضرتك فى الكرولا ال1600 مانيوال اول الكورولا فى السعر وحتة الفتيس ال mmt l هاتبقى بعدت عنها والله الموفق

[mohfud]

بناء على كلام الزملاء الكروز تتفوق

[salam100100]

بحب قوى الاستطلاعات دى

الاستطلاع دا من سنه 2010
يعنى بقاله 6 سنين

النسبه 50% لصالح الاثنين تقريبا

الواقع والشارع المصرى بيقول السيراتو تكسب باكتساح

حد عنده تحليل او تعقيب؟

[Colin Chapman]

السيراتو

السيراتو

[borio1704]

بحب قوى الاستطلاعات دى

الاستطلاع دا من سنه 2010
يعنى بقاله 6 سنين

النسبه 50% لصالح الاثنين تقريبا

الواقع والشارع المصرى بيقول السيراتو تكسب باكتساح

حد عنده تحليل او تعقيب؟

يمكن السيراتو انتشرت علشان كانت تعتبر صفقة رابحة من ناحية المواصفات والشكل والسعر..

ده ساهم إلى حد كبير في تواجد قطع غيارها بسهولة في السوق... بالإضافة لتوكيل محترم إلى حد كبير.

دلوقتي كمان السيراتو بتثبت نجاحها بسبب الاعتمادية العالية أو قلة المشاكل نسبيا بالمقارنة مع الكروز ... وده تحديدا اللي بيحدد سعر إعادة البيع.


...