اريد حلاااااااااا

[dodda]

انا عاوزة اجيب عربية اوتوماتيك هاتشباك تكون شبابية وفى نفس الوقت على درجة عالية من الامان بسعر مابين 100-130 وقدامي كذا اختيار بس عاوزة اشوف رايكم لانى فعلا محتارة
فيات ايفو او جراند بونتو:جميلة ومتينة واخر ستابيلتي وقطع غيار متوفرة وللسوق برضو بس عاوزة اعرف اخبارها من جوة ايه للي معاهم العربية دى وايه مشاكلها لانى سمعت ان شكلها من جوة وحش
فولكس بولو:طبعا الفولكس الالمانى مش محتاج كلام بس الخوف منها انها مش منتشرة اوى وبالتالى قطع الغيار نادرة وغالية بس كفاية المتانة
اوبل كورسا:دى انا متشجعة ليها اوى بس الاوتوماتيك ب 130 فهي غالية شوية عليها ولا ايه رايكم؟؟
سيات ابيزا:معرفش كتير عنها فياريت تفيدونى
سكودا فابيا ميني:حلوة كتير بس مش عربية للسوق مفيش ناس كتير مشجعاها معرفش ليه
ياريت بقى تقولولى رايكم وان كان في حاجة احسن ياريت تقولولى وشكررررررررررا جزيلااااا

[yoko]

لانى سمعت ان شكلها من جوة وحش

الإيوف شكلها وحش!!!!! يا ريت تروحي تشوفيها بنفسك

[dodda]

الإيوف شكلها وحش!!!!! يا ريت تروحي تشوفيها بنفسك

انا مقصدش الشكل الخارجى بالعكس طبعا شكلها جميل من برة بس في ناس بتقول انا الجراند بونتو التابلوه بتاعها شكله وحش فهل ده صحيح لانى بصراحة مشفتهاش من جوة

[yoko]

انا مقصدش الشكل الخارجى بالعكس طبعا شكلها جميل من برة بس في ناس بتقول انا الجراند بونتو التابلوه بتاعها شكله وحش فهل ده صحيح لانى بصراحة مشفتهاش من جوة

الجراند عاديه من جوه (نفس عربيتي) الإيفو تحفة من جوه أحلى من البرافو

[yoko]

الجراند

الإيفو

[M.almaghraby]

الايفو رهيبة من جوا و جذابة جدا ...


انا ارشحلك الفورد فيستا :)

[dodda]

الجراند عاديه من جوه (نفس عربيتي) الإيفو تحفة من جوه أحلى من البرافو

فعلا حلوة شكرا جدا ع المشاركة والصور

[John_Samy_1]

لو حضرتك من سكان القاهرة روحي شارع جامعة الدول جنب التابعي معرض Seat . شوفي الIbiza الاوتوماتيك. حضرتك مش هتمشي غير وانتي حاجزها D: وخصوصا لو حضرتك جيبتي لون حلو عليها.
المواصفات اللي حضرتك قلتيها تنطبق علي الIbiza لو يهمك السحب والأداء. بس لو مش فارق معاكي الأداء الEvo حلوة. الباقي غاليين على امكانيتهم بس احلاهم الFiesta.

ده تقرير عن الIbiza

http://www.nilemotors.net/Nile/119447-2010.html

وفالتوقيع بتاعي تجربتي مع الصيانة

[dodda]

الايفو رهيبة من جوا و جذابة جدا ...


انا ارشحلك الفورد فيستا :)

شكرا جدا بس ممكن تقولي معلومات اكتر عن الفورد فيستا لانى معرفش كتير عنها وهل قطع غيارها متوفرة ولا هتدوخني :)

[yoko]

صورة الإيفو

[dodda]

لو حضرتك من سكان القاهرة روحي شارع جامعة الدول جنب التابعي معرض seat . شوفي الibiza الاوتوماتيك. حضرتك مش هتمشي غير وانتي حاجزها d: وخصوصا لو حضرتك جيبتي لون حلو عليها.
المواصفات اللي حضرتك قلتيها تنطبق علي الibiza لو يهمك السحب والأداء. بس لو مش فارق معاكي الأداء الevo حلوة. الباقي غاليين على امكانيتهم بس احلاهم الfiesta.

ده تقرير عن الibiza

http://www.nilemotors.net/nile/119447-2010.html

وفالتوقيع بتاعي تجربتي مع الصيانة

انا مش من القاهرة بس انا اتفرجت ع الابيزا وعجبتنى وسعرها كويس برضو بس ربنا يسها ادينا بنتفرج وبناخد رايكم وشكرا ع المشاركة

[damasry]

الابيزا من بره شكلها حلو اووووى وعاجبنى جدا لكن الانتريور من جوه مش قد كده خالص وكان فيه عضو هنا قال جملة عجبتنى اوى " تحس ان اللى قائمين على تصميم الابيزا الجديدة نفدت افكارهم او اموالهم على الشكل الخارجى فقط"

[damasry]

الايفو بقى بصراحة عربية ممتازة كشكل خارجى وداخلى واما موضوع الموتور فحضرتك ما اتعقدتش ها تكونى بتحبى الجرى والشد والكلام ده بس طالما الميزانية واصلة معاكى لحد 130 ممكن تخلى التوكيل يجيبلك الايفو المالتى اير سبيشال اوردر وهى كده كده ها تنزل اول السنة ان شاء الله

[damasry]

اوبل حرام بجد يندفع فيها 130 الف جنيه بجد كتييييير اوى وبعدين منصور وما ادراكى ما منصور

خدمة سيئة لاقصى درجة وعدم اعتراف بالضمان بجانب انهم مش بيفهموا فى مشاكل العربية

ياريت طلة كده على قسم اوبل وشوفى الناس هناك بتشتكى من التوكيل ازاى

[tito_1980]

فيات ايفو او جراند بونتو

اختيارين ممتازين بس المشكله عدم الانتشار فهيبقي سعر اعاده البيع ضعيف و طبعا قطع الغيار هتبقي مش متوافره بره التوكيل

فولكس بولو

نفس مشكله الفيات ده غير ان سعرها مبالغ فيه اوي

اوبل كورسا

توكيل من اسوأ التوكيلات في مصر ده غير ان الاوبل كله مشاكل ( تجربه شخصيه )

سيات ابيزا

عربيه ممتازه بس برضه نفس مشكله الفيات

سكودا فابيا ميني

اختيار ممتاز برضه و اعتقد انها منتشره بشكل معقول بس اسألي علي توافر و اسعار قطع الغيار خارج التوكيل