عربية على ادى ( بيتلز ولا 128 و لا 127 )

[mohamed_mesho2]

السلام عليكم
انا معايا حوالى 15 الف جنيه و اخيارى رسى على حاجة من التلاتة دول بيتلز او فيورا او 28 .. ايهما افضل من منطلق الخبرة
ياريت تساعدونى

[SeaShark]

أهم حاجة هي انك تجيب حاجة حالتها كويسة و مش محتاجة مصاريف.

أنا كان معايا بيتلز موديل 1971 و كانت بتروح للميكانيكي مرة في السنة

ربنا يوفقك ان شاء الله

[mohamed_mesho2]

أهم حاجة هي انك تجيب حاجة حالتها كويسة و مش محتاجة مصاريف.

أنا كان معايا بيتلز موديل 1971 و كانت بتروح للميكانيكي مرة في السنة

ربنا يوفقك ان شاء الله

'طيب يا باشا بالنسبة للسخونة هل بتسخن فى المشاوير الكتير اصلى شاب و هاهلكها مشاويير

[SeaShark]

لا مش بتخسن في المشاوير ولا في السفر طالما ان العربية مظبوطة

[tito_1980]

البيتلز افضل بس ده في حاله انك اتلاقيت واحده واقفه علي رجليها
غير كده خليك في الفيات مش هتفرق كتير 127 عن 128
بس هي البيتلز دي بكام ؟ و موديلات سنه كام ؟ و هل قطع غيارها متوفره ؟

[solghof]

انا كان معايا بيتلز برازيلي وكنت بروح واجي بيها من المطرية للمقطم لمدة 3 سنين ونص وزي الفل معايا ( الجامعة بتاعتي )
مابالك بقي لو كانت الماني كمان
ومكنتش بحط فيها غير بنزين واغير زيت وكنت بنسي شكل الميكانيكي تماما ( وهيا برازيلي واكيد الالماني افضل بكيتير طبعا )
وانصحك لو انتا شاب هاتروح بيها كليتك ومش عايز يوم الصبح تتعطل يبقي هاتها وانتا مغمض
بس دور علي 1303 الالماني هيا نادرة شوية بس ممتازة
لو هاتحتاج عربية ليها شنطة كويسة يبقي هات 128 بس لازم تكون الايطالي مش النصر التعبانة
وتعتبر ال 128 عائلية اكتر بس نوعا ما صديقة الميكانيكية الاولي
بس لو استعمالك متوسط وبيركب معاك اكتر من 2 راكب يبقي هات 128 علشان ال 4 ابواب والشنطة
لو استعمال طالب بيروح جامعته وبيجري بالعربية ولو حتي هايروح بيها الصين تبقي بيتلز بلا منازع
بس خد بالك قطع الغيار غالية شوية بتاعة البيتلز
بس القطعة اللي بتركبها بتنساها كذا سنة حتي لو قطع غيارها مستعملة استيراد
ال 127 معنديش علم عنها اوي بس لو الموتور 900 سي سي يبقي بلاش منها
انا بقول رأيي بكل حيادية
مش معني اني كان عندي بيتلز اني متحيز ليها
بس بقولك خبرتي فيها
وعلي فكرة كانت اللي معايا مكتوب في الرخصة انها 1597 سي سي انما الميكانيكي قالي انها كانت 1200 او 1300 سي سي ليس اكثر وكانت كويسة جدااااا ( كسيارة طالب مهمتها الاولي الذهاب والاياب من الكلية لمسافة تزيد عن 60 كم رايح جاي يوميا )
(اعطال قل

[mohamed_mesho2]

شكرا على النصايح الممتازة و المشاركة الفعالة دى

[SeaShark]

انا كان معايا بيتلز برازيلي وكنت بروح واجي بيها من المطرية للمقطم لمدة 3 سنين ونص وزي الفل معايا ( الجامعة بتاعتي )
مابالك بقي لو كانت الماني كمان
ومكنتش بحط فيها غير بنزين واغير زيت وكنت بنسي شكل الميكانيكي تماما ( وهيا برازيلي واكيد الالماني افضل بكيتير طبعا )
وانصحك لو انتا شاب هاتروح بيها كليتك ومش عايز يوم الصبح تتعطل يبقي هاتها وانتا مغمض
بس دور علي 1303 الالماني هيا نادرة شوية بس ممتازة
لو هاتحتاج عربية ليها شنطة كويسة يبقي هات 128 بس لازم تكون الايطالي مش النصر التعبانة
وتعتبر ال 128 عائلية اكتر بس نوعا ما صديقة الميكانيكية الاولي
بس لو استعمالك متوسط وبيركب معاك اكتر من 2 راكب يبقي هات 128 علشان ال 4 ابواب والشنطة
لو استعمال طالب بيروح جامعته وبيجري بالعربية ولو حتي هايروح بيها الصين تبقي بيتلز بلا منازع
بس خد بالك قطع الغيار غالية شوية بتاعة البيتلز
بس القطعة اللي بتركبها بتنساها كذا سنة حتي لو قطع غيارها مستعملة استيراد
ال 127 معنديش علم عنها اوي بس لو الموتور 900 سي سي يبقي بلاش منها
انا بقول رأيي بكل حيادية
مش معني اني كان عندي بيتلز اني متحيز ليها
بس بقولك خبرتي فيها

متفق معاك تماما في رأيك +1

[solghof]

انا كان معايا بيتلز برازيلي وكنت بروح واجي بيها من المطرية للمقطم لمدة 3 سنين ونص وزي الفل معايا ( الجامعة بتاعتي )
مابالك بقي لو كانت الماني كمان
ومكنتش بحط فيها غير بنزين واغير زيت وكنت بنسي شكل الميكانيكي تماما ( وهيا برازيلي واكيد الالماني افضل بكيتير طبعا )
وانصحك لو انتا شاب هاتروح بيها كليتك ومش عايز يوم الصبح تتعطل يبقي هاتها وانتا مغمض
بس دور علي 1303 الالماني هيا نادرة شوية بس ممتازة
لو هاتحتاج عربية ليها شنطة كويسة يبقي هات 128 بس لازم تكون الايطالي مش النصر التعبانة
وتعتبر ال 128 عائلية اكتر بس نوعا ما صديقة الميكانيكية الاولي
بس لو استعمالك متوسط وبيركب معاك اكتر من 2 راكب يبقي هات 128 علشان ال 4 ابواب والشنطة
لو استعمال طالب بيروح جامعته وبيجري بالعربية ولو حتي هايروح بيها الصين تبقي بيتلز بلا منازع
بس خد بالك قطع الغيار غالية شوية بتاعة البيتلز
بس القطعة اللي بتركبها بتنساها كذا سنة حتي لو قطع غيارها مستعملة استيراد
ال 127 معنديش علم عنها اوي بس لو الموتور 900 سي سي يبقي بلاش منها
انا بقول رأيي بكل حيادية
مش معني اني كان عندي بيتلز اني متحيز ليها
بس بقولك خبرتي فيها
وعلي فكرة كانت اللي معايا مكتوب في الرخصة انها 1597 سي سي انما الميكانيكي قالي انها كانت 1200 او 1300 سي سي ليس اكثر وكانت كويسة جدااااا ( كسيارة طالب مهمتها الاولي الذهاب والاياب من الكلية لمسافة تزيد عن 60 كم رايح جاي يوميا )
(اعطال أقل ( وكل فين وفين تنظيف كاربيراتير ولا تغير بوجيهات ) اقل من ال 128 اللي كانت مع صاحبي ( اللي كان اسبوعيا عند الميكانيكية ) بس ده برضو يرجع لحالة العربية )

[solghof]

آسف للتكرار عدلت المشاركة اكثر من مرة لبعض الاخطاء الكتابية
فاتعملت كده

[mohamed_mesho2]

كويسة جدااااا ( كسيارة طالب مهمتها الاولي الذهاب والاياب من الكلية لمسافة تزيد عن 60 كم رايح جاي يوميا )
(اعطال أقل ( وكل فين وفين تنظيف كاربيراتير ولا تغير بوجيهات ) اقل من ال 128 اللي كانت مع صاحبي ( اللي كان اسبوعيا عند الميكانيكية ) بس ده برضو يرجع لحالة العربية )

طيب بالنسبة للحجم من جوا يعنى كام واحد يقعدوا فى الكنبة و هل صالونها اوسع ولا صالون ال 127 ؟

[solghof]

طيب بالنسبة للحجم من جوا يعنى كام واحد يقعدوا فى الكنبة و هل صالونها اوسع ولا صالون ال 127 ؟

بص هيا ابعاد العربية اوسع من ال 127
بس في ناس بتعتبر ان ال 127 اكبر علشان 4 ابواب فبتسهل الدخول والخروج من السيارة اكتر من البتلز
طيب والله انا افتريت علي عربيتي كتير انا كان العيال بتتانح عليا وتورح معايا وكنت بطلع طلعة المقطم وانا معايا 3 علي الكنبة
و2 قاعدين علي حجر بعض علي الكرسي الامامي وسبحان الله كانت بتمشي وتطلع المطالع والكبارة معرفش ازاي
والموضوع ده عملته يجي 20 مرة مع نفس العيال وكان كلنا ستة افراد منهم 3 اوزان ثقيلة فوق ال 90 كيلو !!!
بس يعيب البتلز بصفة عامة انها ضيقة من ورا حبتين تلاتة اربعة
يعني لو انتا طويل شوية وبترجع ضهر الكرسي لورا
محدش هايعرف يقعد وراك الا لو عيل صغير بس
وفوق كده وكده ان حتي لو العربية اللي هاتجيبها برازيلي فكل قطع الغيار اجباري الماني
لأنها نفس العربية تقريبا في كل شئ مع اختلاف البلد المصنع لها
بالاضافة ان موتورها اقوي من ال 127 واضعف قليلا من ال 128 بس ( البرازيلي فقط هيا الي اضعف انما الالماني 1303 اقوي من ال 128 )
وفرامل البيتلز وحشة شوية سواء الماني او برازيلي
ومالهاش تابلوه ده اللي كان معقدني
انما ال 1303 ليها
وهيا حمارة شغل بمعني اصح والالماني منها بيجري جري السنين بس المشكلة في الفرامل بتاعتها
فرامل تروسكل هههههههههههه
بس مع التعود مش هاتعاني منها
وزي ماقولتلك انا معرفش انتا طالب ولا شاب خريج وداخل علي جواز
لو طالب وهاتروح بيها جامعتك
او خريج جديد وهاتروح بيها شغلك
يعني كلها مشاوير انتا لوحدك اللي راكب في العربية
يبقي توكل علي الله وهات البيتلز ====> الالماني بس ال 1303 ممكن تعمل في حدود 18 الف فأكثر حسب حالتها
والعادي التعبان يبدأ من 5 الاف جنيه
وممكن ب 10 تجيب واحدة ممتازة الماني بس موديل قديم شوية
وبصف عامة ماتجيبش موديل قبل سنة 1970

[solghof]

تسيت اقولك اي موديل بعد سنة 1976 بيبقي برازيلي
وفي موديلات ثمانينات وتسعينا مكسيسكي

[mohamed_mesho2]

تسيت اقولك اي موديل بعد سنة 1976 بيبقي برازيلي
وفي موديلات ثمانينات وتسعينا مكسيسكي

ازاى بقى انا ليا صاحب معاه واحدة 78 المانى و قاللى دا اخر الالمانى هى الله اكبر كويسة و جرايية بس فراملها زفت شوية عشان العربية تقيلة اوى .. انا طالب جامعى و والدى عنده اوبترا 2010 بس انا جاييلى العربية على اساس قضاء مشاوير اختى البنوتة و والدتى وكده فبالتالى مش هبقى لوحدى فى اغلبية الوقت و مع الاسف انا طويل و برجع الكرسى لورا :(
ايه الحل بقى يا معلم ؟

[solghof]

ازاى بقى انا ليا صاحب معاه واحدة 78 المانى و قاللى دا اخر الالمانى هى الله اكبر كويسة و جرايية بس فراملها زفت شوية عشان العربية تقيلة اوى .. انا طالب جامعى و والدى عنده اوبترا 2010 بس انا جاييلى العربية على اساس قضاء مشاوير اختى البنوتة و والدتى وكده فبالتالى مش هبقى لوحدى فى اغلبية الوقت و مع الاسف انا طويل و برجع الكرسى لورا :(
ايه الحل بقى يا معلم ؟

موضوع سنة 1978 جايز انا الذاكرة خانتني وقولت تقريبا 1976
بس لو معظم الوقت معاك ناس
يبقي هات 128 وتوكل علي الله
لانها زي ماقولت عائلية اكثر
وليست فردية مثل البيتلز