اي 10 ولا ساجا

[ezzatfox]

المواصفات اللى حضرتك عايزها تنطبق على ال i10 و للاسف من خلال متابعتى للساجا على المنتدى لقيت اعضاء كتير اشتكت من الاستهلاك العالى للبنزين و الحاجة التانية اللى حضرتك طالبها جودة التقفيل و دة بردة مش موجود فى الساجا و دى مشكلة عامة فى بروتون
طلبت كمان اعتمادية عالية و بردة دى اكيد هتبقى اعلى فى ال i 10 .
و اخيرا اعادة البيع و قطع الغيار بلا شك لصالح i10 .

صحيح ال i10 سعتها اللترية اقل و تمنها اعلى بس الفرق دة هتاخد بية جودة اعلى و مشاكل اقل .

كان ممكن ارشحلك الساجا لو اولوياتك غير اللى انت محددها يعنى لو اهم حاجة عندك الوسع او الثبات و ممكن تتغاضى عن عيوبها كنت هرشحالك .

[powerofhelll]

الساجا طبعا لعده اسباب
1 الشنطه واسعه جدا جدا جدا بالمقارنه بالفئه دي
2 استهلاك البنزين معقول جدا جدا بعد 5000 كم الاولي
3 عزم الموتور قوي و التسارع ممتاز في جميع الحالات حتي وانت محمل العربيه 5 افراد و الشنطه مليانه و مشغل التكيف كمان
4 مريحه جدا و واسعه
5 التوكيل محترم جدا عن تجربه (فرع الاسكندريه)
6 كمليات اكتر من i 10

[mido_soliman]

المواصفات اللى حضرتك عايزها تنطبق على ال i10 و للاسف من خلال متابعتى للساجا على المنتدى لقيت اعضاء كتير اشتكت من الاستهلاك العالى للبنزين (فتايـــــين ) ادخل تانى حتلاقى توبيك بيتكلم عن استهلاك الساجا وادعاء الناس انها بتاكل البنزين و الحاجة التانية اللى حضرتك طالبها جودة التقفيل و دة بردة مش موجود فى الساجا و دى مشكلة عامة فى بروتون (حضرتك شوفت العربية وحكمت ولا من سمع بردة انا شايف ان العربية بالنسبة لسعرها وامكانياتها وشكلها احسن مليون مرة من اللوجان والام 11 والفيرنا والانوس من حيث التقفيل والكماليات ولا انا غلطان ؟؟؟؟)
طلبت كمان اعتمادية عالية و بردة دى اكيد هتبقى اعلى فى ال i 10 .
و اخيرا اعادة البيع و قطع الغيار بلا شك لصالح i10 .

صحيح ال i10 سعتها اللترية اقل و تمنها اعلى بس الفرق دة هتاخد بية جودة اعلى و مشاكل اقل .
طب ولية ماخدش موتور 1300 98 حصان اوتوماتك واركب 4 معايا بدل ما اخد عربية اركب واحد جنبى واشغل التكييف ابقى عايز اتنين يزوقوهالى من ورا
كان ممكن ارشحلك الساجا لو اولوياتك غير اللى انت محددها يعنى لو اهم حاجة عندك الوسع او الثبات و ممكن تتغاضى عن عيوبها كنت هرشحالك .

بيتهيالى عمرك ما كنت حترشحها :)
تحياتى ليك اوعى تزعل انا بنكشك بس :)

[Memo_Lancer]

من رايي ساجا اكيد
بس اكيد اللي راكب يفيدك اكتر

[m10_10]

خلاص يا جدعان صلو عالنبي

انا خلاص استخرت ربنا والامور اتيسرت للساجا

انا فعلا متشكر جدا لتعاونكم

اختيارات الساجا لعدة عوامل
الوسع طبعا رقم واحد وقوة الموتور عشان مش قادر اقتنع اني ادفع اكتر فعربية 1100 انا جربت البيكانتو ولما كنت بشغل التكييف كنت بكرة حياتي ..

غير الشنطة اللي يادوب احط فيها شنطة اللاب توب

[Memo_Lancer]

عليه الصلاه و افضل السلام
علي بركه الله
هاتها بيضاء او حمرا
ربنا يكرمك يا بوب

[amr1973]

اختيارك للساجا اختيار موفق باذن الله و اتمنى من الله ان تنول رضاك التام و تحوز اعجابك كما حازت اعجاب جميع من اقتنوها بما فيهم انا