بيكانتو ولا هيونداى اى 10

[MISS_MONA]

السلام عليكم
يا جماعة الموضوع دة نبع تخفيضات وخصومات اللى فى الساحة المؤقتة
يا ريت نكمل النقاش هنا
طبعا انتم عارفين انى كنت محتارة بين اى 10 وسبارك بس دماغى دلوقتى بعد نصايحكم رايحة للبيكانتو
وكنت عايزة اصحاب بيكانتو واى 10 يقولو تجربتهم مع العربيتين عشان اقرر
وببلاش حد يزهق
اعمل الخير وارمية البحر

[A.Saad]

منى
جهزى السمك

الاتنين نفس الشاسيه والمحرك
فرق القوة بسيط
تقريبا واحد حصان

قطع الغيار انتشار واسعار ........ بيكانتو
توكيل ........ بيكانتو
انتشار السيارة ...بيكانتو
شكل داخلى ......... هيونداى
كماليات ......... هيونداى

المهم
انزلى جربى الاتنين
اقعدى فيهم
وشوفى الاسعار
الهيونداى فيه منها هاف وفل اوبشن
وكذلك البيكانتو


تجاربى مع البيكانتو
مشكلة الفرامل اللى اتقال عليها
بش مش معنى كدة ان العربية مش تقف او تخافى منها
الكورى اعتقد اغليه كدا
لان انا حساس فى الموضوع ده بالذات
وبحب الفرامل اللى على الشعرة
اول مالمسها تكلبش فى الارض


غير كدة
مش شايف مشاكل جوهرية

[MISS_MONA]

بس انا يا احمد لسة جديدة فى السواقة وموضوع الفرامل دة ممكن يخوفنى جدا والاى 10 مع ناس صحابى مشتكوش من الموضوع دة خالص

[MISS_MONA]

انا عايزة اعرف فين صحاب اى 10 وبيكانتو
بصراحة صحاب سبارك لما كنت بسألهم كانو بيردو عليا بس الى مخوفنى توكلهم

[SunSet]

هو انا مش سألتلك واحدة صاحبتي معاها بيكانتو وشكرت فيها جدا جدا

استخيري واديكي بتستشيري

باقولك انت مين علمك السواقة؟

[MISS_MONA]

طيب بس موضوع الفرامل دة حكايته اية

انا لسة بتعلم

انتى فين النهاردة مش باينة

[i_Am_Legend]

جيلى باندا_أوتوماتيك_أحسن شكلا_وموتور اقوى_وهاتوفرى ب10000 جنيه أقل واجب طبعا_وضمانها 5 سنين ومائة الف___انا بشتغل فى فودافون على فكرة مش بعمل دعاية يعنى!

[nonetta]

يا منى ما تحيريش نفسك
الناس اللي معاها البيكانتو بيقولولك متخافيش
واللي معاهم الi10 بيقولولك قطع الغيار غالية جدا
بصي الموضوعين بتوعي اللي عملتهم من شهرين

http://www.nilemotors.net/Nile/184978-i10.html

http://www.nilemotors.net/Nile/183536-i10.html

[nonetta]

ماهوجالك اللي عندهم البيكانتو ردوا عليكي محيرة نفسك ليه
مفيش غير دونزي اللي كانت معاها الi10 وهادور لك عليها اجيبهالك بنفسها ترد عليكي

[A.Saad]

منى
اما اتناقشنا فى الموضوع ده مع بتوع البيكانتو اللى مختفيين
اتوصلنا ان الموضوع
فيه تسريب بيخلى الهوا يدخل الزيت
احنا شاكين فى كدة
الموضوع حله بسيط
تاخدى هوا من الفرامل
كل 7 ولا 8 شهور وخلاص

وبعدين مش الموضوع اللى تيجى تفرملة ماتلاقيش فرامل

كمان
انتى متعلمة على ايه
غالبا 128

فرامل البيكانتو احسن

[A.Saad]

وعلى فكرة
مش معنى ان احنا اشكينا
ان حد تانى بيشتكى
انا نفسى مركزتش فى الموضوع ده الا لما اتناقش فى المنتدى

[SunSet]

بتتعلمي فين ومع مين ؟

[ecybrarian]

ايه دا؟؟ هو حضرتك لسة ماشترتيش :-))))) ربنا يوفقك في الشراء

[Donzi]

ماهوجالك اللي عندهم البيكانتو ردوا عليكي محيرة نفسك ليه
مفيش غير دونزي اللي كانت معاها الi10 وهادور لك عليها اجيبهالك بنفسها ترد عليكي

انا جيت اهو

بصي يا منى الاي 10 في الاستخدام ممتازة جدا جدا و موفرة في البنزين جدااااااا و صالونها من جوة اريح من البيكانتو و شنطتها كمان اكبر شوية

لكن مشكلتها الفظيعة اسعار قطع الغيار المبالغ فيها جدا ، لان اللي بيشتري عربية صغيرة 1100 cc بيبقى هدفه الاساسي التوفير و للاسف في قطع الغيار هي مش بتحقق الهدف دا

دا غير ان قطع الغيار مش متوفرة اوي حتى في التوكيل انا كزا مرة اضطريت استنى اكتر من 3 اسابيع على ما الحاجة اللي ناقصة تيجي ، الكلام دا كان من سنة او اكتر لكن دلوقتي معرفش الوضع ايه

ممكن يكون التوكيل اتحسن او اسعار قطع الغيار انخفضت شوية مع الانتشار و ممكن لأ ، افضل انك تسالي في التوكيل او عند بعض الموزعين على اسعار كام قطعة كدة عشان تعرفي لسة عالية ولا نزلت شوية

مع العلم انك لو هتأمني على العربية تامين شامل مش هايفرق معاكي اسعار قطع الغيار لانك مش هاتدفعي حاجة بس ممكن تستني كتييير و تتعطلي على ما القطعة تيجي

البيكانتو منتشرة اكتر بكتير و بقالها كزا سنة في السوق المصري و الكل بيشكر فيها فيما عدا مشكلة الفرامل دي و اللي اصلا مش حاجة عامة في كل العربيات و كمان ممكن تتظبط و مش خطيرة للدرجة اللي انتي متخيلها لانك هاتلاقي فرامل بس كل الحكاية فيها سنة هوا او مشوارها بعيد سنة

البيكانتو متجربة بقالها اكتر من 5 سنين و ماشية كويس مع الناس لكن الاي 10 لسة ماثبتتش كفاءة على المدى الطويل

البيكانتو هاتخدي ضمان 5 سنين او 100 الف كيلو و دا طبعا اكتر من هيونداي
البيكانتو وكيلها افضل من غبور بشويتين تلاتة
البيكانتو سعر اعادة بيعها اعلى عشان قطع غيارها ارخص و منتشرة اكتر

والله انا كنت خلاص هاجيب بيكانتو بس ربنا كرم و جبت اختها الكبيرة الريو السبت اللي فات
انا حاولت افيدك على قد ما قدرت اعملي استخارة و اركبي العربيتين و ربنا يقدملك الخير ان شاء الله

[elmkaneeki]

جمدجى قلبك شوية يا فندم
العربيتين زى الفل
خدى قرار بقى محدش يقولك لا فرامل ولا الكلام دة
يلا افرحى بعربية جديدة وفرحينا معاكى