ارجوكم ساعدوني في الاختيار logan or fsv

[midh91]

بسم الله الرحمن الرحيم
انا هتجنن خلاص
كل واحد ليه رأي
اجيب لوجان فول اوبشن ولا FSV GL
انا بقالي اكتر من اسبوع مش بفارق النت بقارن بين العربيتين
بصراحة ال fsv اشيك بكتيررررر من جوه ومن برة بس قطع غيار مبالغ فيها وطبعا اكبر قلق هو انها صيني مع ان كل اللي معاهم بيشكروا فيها

اللوجان اكيد تبع رينو ودي نقطة رائعة بس تقفيلها مغربي ومش عاجبني فيه حاجات كتير منها
( مفاتيح الزجاج الكهربائي علي اليمين كأني مركبها عند صنايعي تعبان - الكلاكس دراع زي فيات 1300 - في ناس بتقول ان صوت المتور عالي والدركسيون فيه رجة )

انا نفسي حد بجد يقولي اشتري انهي فيهم

[nour_nrc]

والله بدون تحيز

لوجان صفقة رابحة بكل المقايس

[Egyzizo]

متشتريش لوجان طالما مش عاجباك ..

وبرضه ما تشتريش صينى .. ههههههه

ما تشوف حاجة تانية؟ :)

[midh91]

متشتريش لوجان طالما مش عاجباك ..

وبرضه ما تشتريش صينى .. ههههههه

ما تشوف حاجة تانية؟ :)

دي فزورة عروستي ؟؟؟؟؟؟؟؟؟؟

[midh91]

يا جماعة شكرا جزيلا لردودكم
انا عملت الموضوع في قسم اللوجان لأني عايز اسألكم هل العيوب المذكورة (صوت المحرك - الاتزان السئ بعد 120 - رجة الدركسيون ) موجودة فعلا ؟؟؟ وهل في عيوب تانية ؟؟؟؟
وهل السيارة ممكن الاعتماد عليها في مشاوير طويلة 6 اكتوبر حوالي 4 مرات اسبوعيا

عايز اعرف انطباعكم الكامل عن اللوجان وكمان توكيلها

[SHEHABON]

هل بحثت يا أخي في المنتدى؟ أشك.

[midh91]

هل بحثت يا أخي في المنتدى؟ أشك.

أكيد بحثت في المنتدي
بس اكيد مش هشوف كل المواضيع يعني شفت المواضيع المثبتة الخاصة باللوجان ولاحظت العيوب اللي انا كاتبها فوق موجودة ببعض المواضيع لأني ما ركبتش اللوجان قبل كده اصلا

[babanesma]

مشكلة الصينى انه بالحظ يعنى ممكن عتلاقى كل واحد معاه عربية عنده عيب غير التانى
و ممكن تلاقى عربية مفيهاش ولا عيب

[i_Am_Legend]

فيات بونتو كلاسيك ومات الكلام_روح بص عليها وصدقنى مش هاتعرف تنام من التفكير

[mxz911]

بصراحه اللوجان حلوه جدا وانا ركبتها وسقتها كتير جدا جدا .. بس هيه فارقه عن العربيات التانيه مثلا بحس ان الدبرياش غريب شويه تحسه لزج كده ولازم دايما عشان تنقل تدوسه للاخر .. الدركسيون مش بحسه Full power فهو اتقل شويه .. كل ما اركب فيها بحس انى عالى اوى عن باقى العربيات العاديه اللى جنبى ..الثبات من رأى غايت 100 حلو بس متعديش ال 100 عشان متزعلش من ثباتها ..

الفتيس بتاعه بحسه بتاعه شاهين مثلا بس اخف شويه ...

باقى الاوبشن زى زرار الكلاكس بصراحه مكانه غلس اوى ومكان برضه زراير الازاز بس هيه مسأله تعود

لكن بص لباقى الاوبشن ووظائف الكمبيوتر والوسع الداخلى ( ده بقى رهيييييييييييييب ) ووسع الشنطه وارتفاع العربيه عن الارض لتفادى المطبات ...وفوق كل ده عربيه اوربى

بالنسبه للشكل اذواق لكن رأى تصميم اللوجان سئ للغايه ..وتصميم ال FSV احسن واشيك جدا

وانا معرفش حاجه عموما عن fsv بس بأمانه واللى ملاحظه انها بتنتشر بسرعه غريبه .

ربنا يوفقك

[midh91]

بصراحه اللوجان حلوه جدا وانا ركبتها وسقتها كتير جدا جدا .. بس هيه فارقه عن العربيات التانيه مثلا بحس ان الدبرياش غريب شويه تحسه لزج كده ولازم دايما عشان تنقل تدوسه للاخر .. الدركسيون مش بحسه Full power فهو اتقل شويه .. كل ما اركب فيها بحس انى عالى اوى عن باقى العربيات العاديه اللى جنبى ..الثبات من رأى غايت 100 حلو بس متعديش ال 100 عشان متزعلش من ثباتها ..

الفتيس بتاعه بحسه بتاعه شاهين مثلا بس اخف شويه ...

باقى الاوبشن زى زرار الكلاكس بصراحه مكانه غلس اوى ومكان برضه زراير الازاز بس هيه مسأله تعود

لكن بص لباقى الاوبشن ووظائف الكمبيوتر والوسع الداخلى ( ده بقى رهيييييييييييييب ) ووسع الشنطه وارتفاع العربيه عن الارض لتفادى المطبات ...وفوق كل ده عربيه اوربى

بالنسبه للشكل اذواق لكن رأى تصميم اللوجان سئ للغايه ..وتصميم ال FSV احسن واشيك جدا بس قطع غيارها غالية جداااااااا وغير كده موضوع انها صناعة صيني ده ...... امممممممممم.......

وانا معرفش حاجه عموما عن fsv بس بأمانه واللى ملاحظه انها بتنتشر بسرعه غريبه .

ربنا يوفقك

كلامك جميل بس انا لسة حيران لأنك بتؤكدلي العيوب اللي انا قريتها في حين دخلت قسم البريليانس لقيت كلام رائع عن ثباتها وطبعا شكلها رائع ولما بشوفها في الشارع بتجنن
بس كمان البريليانس قطع غيارها غالية جدااااااااا تخيلوا فانوس امامي 1300 جنيه

الاخ i_Am_Legend انا شفت البونتو كلاسيك الجديدة في الشركة المصرية للسيارات وللاسف الموديل الاخير ده ليس بجودة موديل 2009 ابدا وروح وشوفها تقفيلها سئ بجد وسمعت انا صربي (موديل 2010 ) وممكن تقولي كماليتها لأني علي ما اتذكر اللي شوفتها كانت زجاج بكر (من اللي بيلف ده هههه )
انا بعشق اساسا شركة فيات بس العربية البونتو كلاسيك لما دخلتها كانت ملاحظاتي ( خامات رخيصة وملقتش كماليات والناس بتعيب في توكيلها وضيقة جدااااا ) ياه لو كانت السيينا لسة موجودة ؟؟؟؟

عموما شكرا لردودكم اللي زودتني حيرة
( عموما انا شكلي هتوكل علي الله واجيب fsv وربنا يستر بقي )

[mohamed1979]

نقطه الثبات للوجان
العربيه بعمل بيها الى انا عايزه سرعات زى ما انت عايز و الكلام الى بيقول بعد ال 100 مش ثابته كلام مش صح
العربيه لغايه ال 160 زى الفل
رجه الدريكسيون مفبش اى حد اتكلم عليها فى المنتدى قبل كده
صوت الموتور عالى بره العربيه فقط انما لما تقفل العربيه انسى انك تسمع حاجه عزل محترم جدا
اقتصاديه فى البنزين جدا بالمقارنه بعربيات 1300 cc فى نفس الفئه السعريه
قطع غيار معمره
توكيل محترم مبيتهربش من العربيه
عايز تريح دماغك من اى مشكله ممكن تواجها زى مساعد ضرب ، علبه دريكسون تبوظ ، عفشه بتخبط ،اسطوانه و دسك بتخرف
يبقى مفيش غير اللوجان فقط احسن عربيه فى الفئه السعريه دى

[ossamayk]

بص يا ريس
لو المقارنة منحصرة بين العربيتين دول بس
أقول لك رأيي الشخصي بكل قوة وصراحة لا تشتري أي سبارة صيني

[تامر.محمد]

ياه لو كانت السيينا لسة موجودة ؟؟؟؟

اسمع ان عندهم موديل منزلينه حاليا اسمه البيا شكل السيينا بالظبط
بس اسمع ان كمالياته قليلة

ممكن تسأل في قسم فيات هايقولوا لك اكتر

[mxz911]

نقطه الثبات للوجان
العربيه بعمل بيها الى انا عايزه سرعات زى ما انت عايز و الكلام الى بيقول بعد ال 100 مش ثابته كلام مش صح
العربيه لغايه ال 160 زى الفل
رجه الدريكسيون مفبش اى حد اتكلم عليها فى المنتدى قبل كده
صوت الموتور عالى بره العربيه فقط انما لما تقفل العربيه انسى انك تسمع حاجه عزل محترم جدا
اقتصاديه فى البنزين جدا بالمقارنه بعربيات 1300 cc فى نفس الفئه السعريه
قطع غيار معمره
توكيل محترم مبيتهربش من العربيه
عايز تريح دماغك من اى مشكله ممكن تواجها زى مساعد ضرب ، علبه دريكسون تبوظ ، عفشه بتخبط ،اسطوانه و دسك بتخرف
يبقى مفيش غير اللوجان فقط احسن عربيه فى الفئه السعريه دى

حضرتك انا تقدر تقول انى بسوق اللوجان من 4 شهور وسقتها لمسافات كبيره جدا وعلى سرعات كبيره وبمشى بيها على كوبرى اكتوبر الساعه 4 الفجر وعارف الثبات عامل ايه كويس
وصاحب العربيه نفسه اللى هوه صاحبى الانتيم برضه بيقولى نفس المشكله وهو بيخاف يعدى بيها ال 80 اصلا لكن انا بمشى بيها 120 وحتى فى ملفات الكوبرى وبحاول اظبط الثبات وبتعدى بستر ربنا بتعدى حمد لله .. والله العظيم العربيه بتبقى عامله زى المرجحيه .. انا مش هقولك جرب بنفسك عشان ميحصلش حاجه لا قدر الله لكن امشى ف طريق عادى على 120 ولفه الدركسيون لفه صغيره كأنك هتاخد ملف على الواسع وهتحس باللى بقولك عليه

بس اكيد لو ماشى فى خط مستقيم ب عربيه ماروتى على 140 !! يعنى احنا مشينا طريق الرحاب ( طريق السويس) باللوجان على 140 والطريق شبه خط مستقيم ومحسيناش بحاجه لانه على طول مفهوش ملفات تتلاحظ !!

وبرضه سقت الفيرنا فتره كبيره وفيها نفس العيب جدا !!

والنوبيرا برضه اللى هيه العربيه الحاليه معايه بسوقها وفيها نفس العيب ده بس بعد 150 كم-س


ومعلش متزعلش منى هو مش عيب ان العربيه متكونش ثابته ب 100 كده كده اصلا مين هيمشى 100 كم فى القاهره !! غير لمده دقائق محدوده !!


واستهلاك البنزين زى ما انت قلت فعلا تحس انها ماشيه بالشم !!

وانا مش معترض ان اللوجان احسن عربيه ف الفئه السعريه بس انا حبيت اوضح حاجات فيها والحاجات دى انا متأكد منها 100% وصاحب العربيه برضه متأكد منه 100%