مازدا 3 ولا امبريزا !!!!!!!!!!!!!!!!!!!

[dr.amr]

ايه رأيكوا

العربيتين مميزين جدا بصراحه

الدفع الرباعي والموتور البوكسر والثبات الوهمي

ولا التسارع الافضل والمقصوره الاجمل والثبات الجيد برضو

مقارنه محيره

بس عربيتين جامدين جدا

[cOrn]

subaru طبعا , احسن فى كل حاجة , و متسمعش كلام حد يقولك ان قطع غيارها غالية . غير ان المازدا اغلى قطع غيار فى اليابانى كله

[Frozen_Pain]

subaru طبعا , احسن فى كل حاجة , و متسمعش كلام حد يقولك ان قطع غيارها غالية . غير ان المازدا اغلى قطع غيار فى اليابانى كله

صباح الفل يا باشا

السوبارو طبعا جامدة جدا انا شخصيا كان نفسى اشتريها ،، بس هى مشكلتها فعلا فى قطع غيارها واعادة البيع

ابوغالى عامل جدول الصيانة بتاعتها على النت حاجة جميلة جدا ،، انا معرفش اسعار قطع الغيار ايه

بس حضرتك ادخل بص على اسعار قطع غيار المازدا هتلاقيها مناسبة جدا فهى مثلا مش اغلى من قطع غيار الشارك او الباجيرو ( على اساس انك قولت اغلى قطع غيار اليابانى)

دى حاجة الحاجة التانية قطع غيار زى ايه اللى حضرتك بتتكلم عليها يعنى مثلا انا اكتر حاجة بغيرها تيل الفرامل لانى من النوع اللى بيجرى وده مثلا بيكون كل 4 شهور والتيل برة التوكيل بحاولى 450 جنيه وده طبيعى فى اى تيل اصلى ،، الفلاتر بتتغير مرة كل 40 الف كيلو سير الدينامو مرة كل 80 او 100 الف ايه تانى؟؟

خش بئا على قطع غيار الخاصة بالحوادث زى الكشافات الاكصدامات الرفارف اكيد طبعا لازم تكون غالية مش رخيصة

وشكرا ليك يا باشا

[cOrn]

فى احسن من كدة ؟

[dr.amr]

اكبر مشكله للامبريزا اعادة البيع

مشكله كبيره

[Frozen_Pain]

فى احسن من كدة ؟ :oc_sun1[1]:

ماهو ياباشا كلامك زى الفل وطبعا فى أحسن من كده

بس انا عاوزك تدخل على القسم بتاع مازدا وتراجع الاسعار اصل ياباشا مش كل الكلام اللى يتكتب فى الورق يبقى صح

حاجة تانى الاسعار اللى انا بقولك عليها اسعار فعلية من التوكيل مش كلام على ورق

مثلا البوجيهات انا مغيرها فى سمارت ب 90 جنيه بالتركيب
التيل فى سمارت بحوالى 450 الامامى
سير الدينامو اللى بيتغير مرة واحدة كل 3 سنين بحوالى 320 جنيه
فلتر زيت انا جايبه ب 45 جنيه
هى الشكلة فى المصنعية مش اكتر

انا هبقى اعملك سكان لامر الشغل اللى عملته فى سمارت اللى هو المنافس الوحيد لغبور وهتشوف الاسعار

[cOrn]

مهما كانت برده مازدا اغلى قطع غيار فى اليابانى و دة اللى انا اقصده , و من اللى انا شايفه ان الامبريزا حتى ارخص من اللانسر فى قطع الغيار

[Ayman_A1]

طيب أخبار أسعار قطع الغيار ايه فى غبور ؟
هل فعلا الفانوس الأمامى بـ 3500 جنيه.. والتيل بـ 900 جنيه؟

[Frozen_Pain]

مهما كانت برده مازدا اغلى قطع غيار فى اليابانى و دة اللى انا اقصده , و من اللى انا شايفه ان الامبريزا حتى ارخص من اللانسر فى قطع الغيار

ياباشا اللى انتى شايفه حاجة والواقع حاجة تانى،،، مش معنى ان حضرتك معاك ورقة مكتوب فيها المقارنات بالاسعار واللى فيها اسعار قطع غيار المازدا غلط يبقى كلامك صح ،،، انا معرفش اسعار قطع غيار العربيات التانية الصراحة،، بس اللى انا بقولهولك ان الاسعار اللى انا جايبها دى من التوكيل ولحضرتك حرية الاقتناع او لا

طيب أخبار أسعار قطع الغيار ايه فى غبور ؟
هل فعلا الفانوس الأمامى بـ 3500 جنيه.. والتيل بـ 900 جنيه؟

بصى ياسيدى انا اول مرة رحت غبور كانوا عاملين حملة فحص مجانى سالته على تيل الفرامل قالى ب 1100 جنيه قولتله ليه يعنى قالى دى اسعار احنا حاطينها لانهم كانوا لسه واخدين التوكيل من اسبوع
حاليا التيل بحوالى 450 جنيه تقريبا

[ahmedsadek82]

طيب أخبار أسعار قطع الغيار ايه فى غبور ؟
هل فعلا الفانوس الأمامى بـ 3500 جنيه.. والتيل بـ 900 جنيه؟

دا البي إم رخيصة على كدة ؟؟؟؟؟!!!!!!!!!!

[Formula]

المازدا 3 عربية ممتازة و جراية و Style و كل حاجة
بس بصراحة انا لو مكانك هختار الأمبريزا (او اروح بقى لحاجة اوروبى: ليون, برافو)

الأمبريزا عربية Handling, Fast Cornering, Stability على الرغم من تحفظ البعض على موتورها المفروض كان يبقى اقوى شوية لكن برده جامدة

واللى بيشترى عربية زى دى مايفكرش فى قطع غيار و سعر اعادة بيع...!!!!!

[simon659]

امبريزا رهيبه مع ان خالي معاه مازدا لا السوبارو دي شركه عمرها ما صنعت عربيه في شئ مش قيم مع تجربتي لكل موديلات السوبارو وطبعا الاسبيشيل اوفر وسوبارو لاجيسي انما المازدا دي بكرهها لابعد الحدود

[AHMEDJEEP]

بقولك أيه ياكبير المنطقه
بلاش وجع دماغ أركب عربيه تمتعك وتكيفك وتفرفشك
الواحد هيركب عربيه تخنقه ويحس انه هيتنقط وهو سايقها؟؟؟؟

بص ياكبير طبعا واللي هيقول غير كده هتخانق معاه أن السوبارو عربيه مبيتنافسش معاها حد
هينافس ايه ؟؟؟؟؟؟؟ دي متوحشه يابرنس
مكنه وثبات وبوكسر و4wd
وشغل مش موجود وقطع غيارها في المعقول زي الهوندا السيفيك
بالنسبه لاعاده البيع فالعربيه بتتباع بسهوله وممكن تبيعها لابوغالي نفسه ودخالها في واحده جديده

نصيحه هات الهاتش باك جامده جدا جدا جدا جدا جدا جدا وشويه ترويق البشر اللي حواليك ممكن يتعبطوا

[mohamedkandel]

subaru طبعا , احسن فى كل حاجة , و متسمعش كلام حد يقولك ان قطع غيارها غالية . غير ان المازدا اغلى قطع غيار فى اليابانى كله

+11111111111111111111

[Frozen_Pain]

امبريزا رهيبه مع ان خالي معاه مازدا لا السوبارو دي شركه عمرها ما صنعت عربيه في شئ مش قيم مع تجربتي لكل موديلات السوبارو وطبعا الاسبيشيل اوفر وسوبارو لاجيسي انما المازدا دي بكرهها لابعد الحدود

ياباشا العربية وحشة لابعد الحدود عربية واقعة جدا وقطع غيارها غالية وقول عليها كل حاجة

المهم انت متزعلش نفسك