فليشيا و لا مازدا 323

[koko2002]

دخان أسود من الشكمان

أسف على التأخير في الرد لأن الموقع مكانش بيفتح أصلا ومش عارف إيه السبب
بالنسبة للنقطة 1 انت فعلا معاك حق والموضوع ده اتعمل معايا في أول عربية اشرتها وكانت 128 كانت الماكنية خفيفة واللي باعها كان مزود زيت وأنا مبصتش على الشكمان ولبستها وبعديها بيوم رجعتها وخسرت الشرط الجزائي وكان وقتها 500 جنيه وربنا يعوض
بالنسبة للنقطة الثانية وهي الدخان الأسود من الشكمان فده دليل على أن هناك مشكلة في حرق البنزين في الكاربرتير ودي مشكلة مش كبيرة قوي وآخرها حتروح لبتاع الكاربرتير يظبتهولك أما لو كانت بتطلع دخان أبيض فده معناه إن الزيت بيتبخر لأن الماكينة خفيفة وده على المدى الطويل بينقص معاك الزيت لدرجة كبيرة ولو أنت مبتقس مقاس الزيت ممكن الماكينة تقفش والعربية تقف في مكانها وما تتحركش سنيمتر واحد إلا بعد خرط الكرنك وعمل عمرة شنبر وبساتم وهوسة يعني ما الآخر مشكلة كبيرة ، ده غير وقف الحال ، والمصاريف, وده حصل معايا في عربية 127 توب اللي قبل الفيليشيا وكانت مآساة أهم حاجة تكون العربية مكنتها سليمة وبعد كده كل شيء يتظبط على مهللك وعلى قد فلوسك واحدة واحدة وخليك فاهم أن مفيش حد بيشتري عربية مستعملة ومبيصرفش عليها لكن على قد متقدر خلي المصروف ده على قدر احتمالك وربنا معاك

[MEDO84EG]

أسف على التأخير في الرد لأن الموقع مكانش بيفتح أصلا ومش عارف إيه السبب
بالنسبة للنقطة 1 انت فعلا معاك حق والموضوع ده اتعمل معايا في أول عربية اشرتها وكانت 128 كانت الماكنية خفيفة واللي باعها كان مزود زيت وأنا مبصتش على الشكمان ولبستها وبعديها بيوم رجعتها وخسرت الشرط الجزائي وكان وقتها 500 جنيه وربنا يعوض
بالنسبة للنقطة الثانية وهي الدخان الأسود من الشكمان فده دليل على أن هناك مشكلة في حرق البنزين في الكاربرتير ودي مشكلة مش كبيرة قوي وآخرها حتروح لبتاع الكاربرتير يظبتهولك أما لو كانت بتطلع دخان أبيض فده معناه إن الزيت بيتبخر لأن الماكينة خفيفة وده على المدى الطويل بينقص معاك الزيت لدرجة كبيرة ولو أنت مبتقس مقاس الزيت ممكن الماكينة تقفش والعربية تقف في مكانها وما تتحركش سنيمتر واحد إلا بعد خرط الكرنك وعمل عمرة شنبر وبساتم وهوسة يعني ما الآخر مشكلة كبيرة ، ده غير وقف الحال ، والمصاريف, وده حصل معايا في عربية 127 توب اللي قبل الفيليشيا وكانت مآساة أهم حاجة تكون العربية مكنتها سليمة وبعد كده كل شيء يتظبط على مهللك وعلى قد فلوسك واحدة واحدة وخليك فاهم أن مفيش حد بيشتري عربية مستعملة ومبيصرفش عليها لكن على قد متقدر خلي المصروف ده على قدر احتمالك وربنا معاك

ربنا يبارك فيك
طب ايه رأيك في جولف 2
او جيلي فروته 2005
او الفيليشيا تفتكر ايهم افضل

[bisoolover]

الجوولف بتاكل بنزززززززززززززين
جيلى صيني
فلشيا اوفرهم واحلاهم
واشيكهم

[dado_256]

توكل على الله فى فيليشيا بس هات عربيه نضيفه مش اى كلام ولازم تعمل كل الحاجات اللى قلناها هنا عشان تتاكد من حاله العربيه وعايزك تاخد معاك حد يكون معاه فليشيا وفاهم فيها كوييس وخلى بالك من البارومه من عند الرفارف اللى قدام واللى من ورا ومن عند الشنطه تحت الازاز وبرضو من الرفارف اللى قدام فوق فوانيس الاشاره اللى فى الجنب وبرضو شوف حاله الموتور كويس اوى وربنا يوفقك وتجيب عروسه ونفرح بيها كلنا وتنضم لينا وللفليشياويه

[MEDO84EG]

الجوولف بتاكل بنزززززززززززززين
جيلى صيني
فلشيا اوفرهم واحلاهم
واشيكهم

جيلي صيني بس في ناس كتير بتشكر فيها و سعرها رخيص و قطع غيار ياباني شغال عليها

الفليشيا الماني بس خايف اجيب حاجه اتعك فيها
اهو الصيني موديلات حديثه و لو حاله نظيفه هتبقي روعه
الفيليشيا بردو الماني صناعه رهيبه و ركوبه حلوه و شكلها جميل
انا بجد محتار
طب ايه الفرق بين سكودا فيليشيا و الفيليشيا كومبي
الفرق في الحجم بس؟

[koko2002]

الجولف2 أحسن

على فكرة أن باختلف مع الإخوة اللي قالوا إن الفيليشيا أحسن من الجولف ، على الأقل الجولف ألماني صرف مش تشيكي بتكنولوجيا الماني ، وكمان عمرنا مسمعنا منها أي شكوى من الجولف، وحتى نكون واقعيين الفيليشيا بها عيب أساسي يشكو منه معظم مقتنيها وهو السخونة وبيتم التغلب عليه بشكل أو بآخر إنما الجولف حاجة ثانية ، وحتى نكون واقعيين أكثر الجولف عاوزة واحد غني علشان يقدر يصد على سعر قطع الغيار لأنها غاليا جدا زيها زي أي عربية ألماني ، ولكن في المقابل قطع الغيار معمرة وبتعيش
على فكرة اللي أنا قصدي عليه هو جولف أواخر التسعينات ودي مش حتكون بـ 25 الف أبدً أكيد أكثر إنما الثمانينات فأكيد حتكون قديمة ومشاكلها كتير

[MEDO84EG]

معاك حق و في واحد كان بيشتكي منها و انه مصدق باعها و كان بيلاقي فيها مشاكل
طب ايه رأيكم في سوزوكي سويفت

[amir]

25 الف جنيه يجيبوا عربية حالتها متوسطة يعني بدون أي كماليات وحيكون موديل 1995 أو 1996 ، لكن لو عاوز حاجة أحسن ممكن يكون في متوسط من 30 : 35 الف جنيه 30 ألف لو انت بتتكلم على فيليشيا 97 سنتر وكاسيت بس ولو فيه تكييف حتزيد الفين جنيه والتكييف اللي فيها غالبا حيكون تركيب مش أصلي وبيسخن العربية قوي ، لكن لو عاوز تحس بالفرق وتركب المعوج خليك في فيليشا وش أوكتافيا ودي موديلها من 1998 لغاية 2001 وبيكون فيها انجكشن مش كاربرتير وكمان تكييف أصلي وزجاج كهرباء وإير باج وكماليات حلوة قوي والميزة إن قطع الغيار هي بتاعة الفليشيا 1995 يعني انت حتركب المعوج وقطع الغيار بتاعة الغلابة ، بس المهم هو ميزانيتك أنت وظروفك لو مش معالك إلا 25 الف اتوكل على الله وهات فيليشيا 1995 برضه شغال

انا كان معايا فيليشيا وش اوكتافيا 98

فعلا في فرق ما بينها و ما بين الشكل القديم

السخزنه عيب في الشكل القديم لان غالبا فتحه الرادياتير هي اللي عامله المشكله لانها ضيقه جدا في القديمه اما الشكل الجديد فاوسع بكتير

من جوه التابلوه و الدريكسيون مختلف لصالح وش الاوكتافيا

بينزل منها كاربيراتير و انجكشن و غاليا الانجكشن موديلات 99 2000 2001

نصيحه حاول توقع واحده انجكشن فرق السما عن الارض في السحب بجد

العربيه في الاول هتصلح اللي محتاج يتصلح و قطعه الغيار لو كويسه بتنسي اصلا انك غيرتها

قطع الغيار متوفره و مش شاحه يعني من السوق

جنب التوكيل في دير الملاك في محل اسمه نبيل
و في التوكيل نفسه في منفذ بيع لقطع الغيار
و شارع دمشق مليان من اول حناوي لغايه اخر الشارع

و الحرفيين طبعا

حاول بس تنقي العربيه و لو التكييف موجود و قالك محتاج بوسه بس عليه علشان يشتغل يبقي بيفتي و يكدب و التكييف مش شغال خد بالك من النقطه دي قوي علشان دي اشتغاله و في كمان موضوع ان العربيه مفيهاش لكن متجهزه لتركيب التكييف ساعتها بصله من فوق لتحت و انت و ذوقك

افحص العربيه كويس و اوعي ترمي ودنك للي واقف مع العربيه (بالذات لو في سوق السيارات في العاشر) انا لما جيت ابيع عربيتي كنت حافظ العربيات الفيليشيا اللي واقفه و كنت بشوفهم كل اسبوع

بالمناسبه بيعه الفيليشيا مش سهله و ليها زبون خاص فدي نقطه حطها في بالك

و اي استفسار انا في الخدمه و اسف اني مكملتش قرايه الموضوع كله

[ahmed_mazda323]

هات المازدا 323 وعلي ضمانتي ...وعندي مليون سبب

[ahmed_mazda323]

الياباني ياباني حتى لو عضم في قفة ...وانا بختلف مع الاعضاء اللي بيقولوا ان مفيش وجة مقارنه بين مو 82 و 98
وعايز اعرفك ان اي عربية مستعملة بيحكمك فيها الحاااااالة وليست الموديل انا معايا مازدا ...و صاحبي اقنعتة بيها ونزل واشترها
حالتها فوق الممتازه كان صحبها مهتم بيها مجدد كل حاجة فيها وفيها تكيف وازاز كهرباء وسنتر يعني لا تختلف كثير عن اي عربية حديثة من حيث الرفاهيه ...وكفايه ان اقول لك انها ثابته علي الارض في السرعات العالية وبتجيب 140 و 150 بسهولة والله وعن تجربة ..وقطع غيارها متوفره جدااااا وأرخص قطع غيار ياباني ومش مضروبة مثل الفيات او أي عربية اخري ..ولا يوجد بيها غموض أعطال ...وأي ميكانيكي بيفهم فيها ...وبتعمل معايا في 100 كيلو 7 ليتر بنزين (((ومش مظبط الكربيراتير ))) ..كفاية ان اقول لك ان موتورها +فتيس+مارش+دينمو+اكسيلاتير الكتروني +كمبروسور تكييف +كاربيراتير = 2000 الي 2500 بالتجربة وبيديلك ضمان شهر أو 1000 كيلو ....ومميزات كثير يا اخي العزيز هتندم لو مجبتهاش ....

[MEDO84EG]

الف شكر ليكم و كده بجد المقارنه بقت مشعلله

[koko2002]

ولا مشعللة ولا حاجة الجميع اتفق على أن حالة العربية هي الفيصل يعني ممكن تكون عربية 2010 وحالتها زبالة ، وبالنسبة للمازدا اللي بيقول عليها الأخ أعتقد أن دي حالة شاذة ونادرة الوجود علشان معظم العربيات من هذا الموديل حيكون طالع عين أبوها 28 سنة أشغال شاقة يبقى حتيجب الحالة الجيدة منين إلا بقى لو لقيت واحد أخناتوني من اللي بيحافظوا على العربيات ومش بيطلعوها من ركنتها يعني يدوب يدورها كل يوم ويمسحها ويغطيها تاني وده لو لاقيته حيكون متمسك بيها زي عيل من عياله ويمكن يتجن ويقولك 50 الف جنيه أو أي حاجة من الهبل ده

[ahmed_mazda323]

ولا مشعلله ولا حاجة الجميع اتفق على أن حالة العربية هي الفيصل يعني ممكن تكون عربية 2010 وحالتها زبالة ، وبالنسبة للمازدا اللي بيقول عليها الأخ أعتقد أن دي حالة شاذة ونادرة الوجود علشان معظم العربيات من هذا الموديل حيكون طالع عين أبوها 28 سنة أشغال شاقة يبقى حتيجب الحالة الجيدة منين إلا بقى لو لقيت واحد أخناتوني من اللي بيحافظوا على العربيات ومش بيطلعوها من ركنتها يعني يدوب يدورها كل يوم ويمسحها ويغطيها تاني وده لو لاقيته حيكون متمسك بيها زي عيل من عياله ويمكن يتجن ويقولك 50 الف جنيه أو أي حاجة من الهبل ده

50الف ليه يا عم ؟؟؟ لا طبعا كثير أوي هي أخرها ...أخرها أخرها وقت ما تكون مفهاش غلطة من 18 الي 25 الف .....
وأنا لو بنصح العضو اللي بيسأل بقول له عن عربية ياباني انتجت في ازهى فتره في الصناعات اليابانية فترة الثمانينات ...
وأوعي تفتكر ان أي بلد هتعمل عربية تعيش معالك زي عربيات الثمانينات ب 20 و 40 سنه ...
وعلي فكرة فيه منها فبريكة كااااااملة وأنزل السوق بنفسك وهتشوفها ...يعني مطلع عين ابوها ولا حاجة
.. وبعدين الاخ بيسأل فليشيا ولا المازدا الميري

[koko2002]

المازدا الميري

[50الف ليه يا عم ؟؟؟ لا طبعا كثير أوي هي أخرها ...أخرها أخرها وقت ما تكون مفهاش غلطة من 18 الي 25 الف .....
وأنا لو بنصح العضو اللي بيسأل بقول له عن عربية ياباني انتجت في ازهى فتره في الصناعات اليابانية فترة الثمانينات ...
وأوعي تفتكر ان أي بلد هتعمل عربية تعيش معالك زي عربيات الثمانينات ب 20 و 40 سنه ...
وعلي فكرة فيه منها فبريكة كااااااملة وأنزل السوق بنفسك وهتشوفها ...يعني مطلع عين ابوها ولا حاجة
.. وبعدين الاخ بيسأل فليشيا ولا المازدا الميري
[/quote]

-----------------------------------------------------------------------------------------------------------------------
أديك قولت بنفسكي "الميـــــــــــري" حد بالذمة يشتري عربية ميري !!!!؟؟؟

[mohamedkandel]

بشكل محايد جدا الفيليشيا طبعا أحسن بكتير لعدة أسباب وهي كالتالي :
1- الفيليشيا مصنوعة سنة 1997 والمازدا 1982 يعني معدل الإهلاك في السياراتين مفيش مقارنة
2- كمان أكيد تكنولوجيا السيارات تطورت كثيرا في حقبة التسعينات عن حقبة الثمانينات
3- قطع غيار الفيليشيا مرطرطة وممكن تلاقيها في السوبر ماركت ، وحتلاقي أصلي واستعمال وصيني وتركي وبأسعار متفاوتة على حسب قدرتك وميزانيتك
4- معلومة لا تخفي على أحد أن قطع الغيار الياباني نار , ده بشكل عام ، وبالنسبة للمازدا 323 مفيش خط إنتاج حاليا لقطع الغيار وكمان مسمعناش عن وجود صيني لها يعني انت يامعلم حتكون بين نارين إما انك تشتري أصلي بأرقام خيالية أو استعمال ودوخيني يالمونة لحد متلاقي الحاجة اللي ناقصاك
5- في نظرية في شراء السيارات وهي أنك لازم تكون مع الناس يعني تشوف العربية اللي منتشرة أكثر وتخليك معاها علشان تعرف تبيعها لما تحب تخرج منها ، وأنت لو وقفت في الشارع وقلت عاوز ابيع فليشيا حتلاقي 30 مشتري ومش حتخسر كتير في سعر إعادة البيع ولكن في المازدا الوضع مختلف وعلى فكرة هو ده سبب انتشار اللانوس واللادا والعربيات الشعبية الثانية
باقي مميزات الفيليشيا معروفة ومش محتاج أن أكلمك على قوة الصاج والسحب والسرعة والعفشة والحاجات التانية علشان انت أكيد عند فكرة عنها ، وفي الأخير ربنا يوفقك للاختيار الصحيح

+111111111111111111111111111111111