برجاء المساعده في اختيار نيو اكسنت او كيا ريو 2011

[hamadafawzy]

من فضلكم يا جماعه ياريت لو تقدروا تساعدوني علي اختيار عربيه من العربيات دي
كيا ريو 2011 او هيونداي نيو اكسنت
وبرجاء اللي عنده اي منهم لو يقدر يساعدني بمميزيات وعيوب اللي صادفها باستخدامه العربيه
ومتشكر جدا لسعه صدركم ولاهتمامكم

[SonaSteel]

طيب هو حضرتك حصرت الاختيار بين العربيتين دول ليه؟؟

[Most_H]

كاشكل، الريو (رأى شخصى)

كا أنتشار الأكسنت

الاتنين تقريبا واحد، الفرق فى الأسم والشكل بس

[hamadafawzy]

طيب هو حضرتك حصرت الاختيار بين العربيتين دول ليه؟؟

ناس كتير نصحوني بيها م حيث جوده مراكز صيانه كيا وجوده العربيه ولان فيه موديل 1400 سي سي وبالتالي هيكون فيه توفير في استهلاك البنزين وملقتش الصراحه حاجه قريبه منها واقدر اقارنها بيها الا النيو اكسنت لو حضرتك عندك اقتراحات هكون سعيد جدا بسماعها ومتشكر لاهتمامك وردك

كاشكل، الريو (رأى شخصى)

كا أنتشار الأكسنت

الاتنين تقريبا واحد، الفرق فى الأسم والشكل بس

حضرتك تقصد ايه بالانتشار اني لما افكر ابيعها بعدين هبيع الاكسنت بسهوله عن الريو؟؟ ومتشكر جدا لردك

[Most_H]

ناس كتير نصحوني بيها م حيث جوده مراكز صيانه كيا وجوده العربيه ولان فيه موديل 1400 سي سي وبالتالي هيكون فيه توفير في استهلاك البنزين وملقتش الصراحه حاجه قريبه منها واقدر اقارنها بيها الا النيو اكسنت لو حضرتك عندك اقتراحات هكون سعيد جدا بسماعها ومتشكر لاهتمامك وردك


حضرتك تقصد ايه بالانتشار اني لما افكر ابيعها بعدين هبيع الاكسنت بسهوله عن الريو؟؟ ومتشكر جدا لردك

الموديل النازل 2011 1600 مش 1400 ، دة بالنسبة للريو

والاكسنت اخف فى البيع عن الريو

العفو، على اية بس

[hamadafawzy]

الموديل النازل 2011 1600 مش 1400 ، دة بالنسبة للريو

والاكسنت اخف فى البيع عن الريو

العفو، على اية بس

انا لقيت في كونتاكت كارز ان فيه موديل 1400 ده بالنسبه للمانيوال اصلي عندي 128 والصراحه مش هقدر احس اني بسوق الا لو سوقت مانيوال وكمان عشان الفلوس فرق 5000 جنيه ما بينه وبين الاوتوماتيك

طيب انته في رايك العربيه دي عفشتها حلوه وتتحمل يعني ولا مفيش فرق ما بينها وبين مثيلاتها في السوق وبجد سعيد اني بتواصل معاك

[ezzatfox]

من ناحية الاداء و التحمل و الجودة الاتنين واحد تقريبا لو بنتكلم على 1600 فى الاتنين
كشكل الريو افضل
اعادة البيع للاكسنت
قطع الغيار واحد بالنسبة للميكانيكا و الكهرباء انما اى حاجة تانية زى الفوانيس و الصاج و خلافة هتبقى لصالح الاكسنت من ناحية الاسعار او الانتشار

[kdosoki]

انا معايا الريو ال 1600 اتوماتيك
عربية ممتازة
ومفيش مانع تبص على الصنى هى كمان بنفس السعر

[hamadafawzy]

انا معايا الريو ال 1600 اتوماتيك
عربية ممتازة
ومفيش مانع تبص على الصنى هى كمان بنفس السعر

انا فعلا فكرت في الصني بس ناس قالولي ان فيه مشكله في ضفيره العربيه وبتحتاج تتغير ده غير استهلاكها العالي للبنزين

انا كنت بفكر في حاجه 1400 عشان استهلاك البنيزن عمتا مش بتفرق برضه ولا اللي فهموني فهموني غلط وشكرا يا جماعه بجدا ما كل ما مدي بتساعدوني اختار الصح

[SonaSteel]

انا فعلا فكرت في الصني بس ناس قالولي ان فيه مشكله في ضفيره العربيه وبتحتاج تتغير ده غير استهلاكها العالي للبنزين

انا كنت بفكر في حاجه 1400 عشان استهلاك البنيزن عمتا مش بتفرق برضه ولا اللي فهموني فهموني غلط وشكرا يا جماعه بجدا ما كل ما مدي بتساعدوني اختار الصح

ربنا ييسرلك الحال
مشكلة الضفيرة ديه كانت في الموديلات القديمة والشركة غيرتها من ساعتها (تقريبا من موديلات 2005)
واستهلاكها للبنزين عاااادي اوي زي اي عربية 1600 .... وممكن تسأل عليه (انا لسه بصراحة مش قادر احكم عليها قبل ال5000 كيلو) ان شاء الله
وعامة 1400 مش فارقة كتير عن ال1600 وخصوصا لو عايز تشغل تكييف ومعاك ناس في العربية
انصحك ان شاء الله بالاتي:
1-تنزل معرض وتشوف الثلاث عربيات علي الطبيعة وتركبهم وتشوف اي واحده هاتلبي رغباتك (اكسنت-ريو-صني)
2-تنزل تلف لفة صغنونة كده علي محلات قطع الغيار وتشوف اخبارها ايه لكل ماركة (بفرض انك من هاتعمل الصيانة بالتوكيل)
3-تسأل عن توكيلات كل ماركة برده من حيث حسن الاستقبال وسرعة الاستجابة و سمعة كل واحد فيهم

واخيرا متنساش .. الاستخارة ثم الاستخارة ثم الاستخارة ..... وفي كل حاجة (العربية ولونها ونوع الغيار ومكان الشراء ) كل حاجة وربنا ييسرلك الحال ولو عوزت اي حاجة محدش هايتأخر عنك ان شاء الله

[hamadafawzy]

ربنا ييسرلك الحال
مشكلة الضفيرة ديه كانت في الموديلات القديمة والشركة غيرتها من ساعتها (تقريبا من موديلات 2005)
واستهلاكها للبنزين عاااادي اوي زي اي عربية 1600 .... وممكن تسأل عليه (انا لسه بصراحة مش قادر احكم عليها قبل ال5000 كيلو) ان شاء الله
وعامة 1400 مش فارقة كتير عن ال1600 وخصوصا لو عايز تشغل تكييف ومعاك ناس في العربية
انصحك ان شاء الله بالاتي:
1-تنزل معرض وتشوف الثلاث عربيات علي الطبيعة وتركبهم وتشوف اي واحده هاتلبي رغباتك (اكسنت-ريو-صني)
2-تنزل تلف لفة صغنونة كده علي محلات قطع الغيار وتشوف اخبارها ايه لكل ماركة (بفرض انك من هاتعمل الصيانة بالتوكيل)
3-تسأل عن توكيلات كل ماركة برده من حيث حسن الاستقبال وسرعة الاستجابة و سمعة كل واحد فيهم

واخيرا متنساش .. الاستخارة ثم الاستخارة ثم الاستخارة ..... وفي كل حاجة (العربية ولونها ونوع الغيار ومكان الشراء ) كل حاجة وربنا ييسرلك الحال ولو عوزت اي حاجة محدش هايتأخر عنك ان شاء الله

ربنا يباركلك ويديك الخير زي ما بتتمناه للناس يارب وحاضر انا هحاول اعمل زي ما قولتلي بس مش عارف الصراحه معرض لحد دلوقت وانا ميال اكتر للمانيوال خصوصا فرق السعر كبير ما بيه وبين الاتوماتيك وكمان عشا لو العربيه عطلت في الاوتوماتيك لازم تتشال فايه رايك وتنصحني بايه وانته لحد دلوقت استهلاك البنزين اد اي يعني بتفول بيعمل معاك كام كيلو؟

[mohamedgamall]

انا معايا الريو ال 1600 اتوماتيك
عربية ممتازة
ومفيش مانع تبص على الصنى هى كمان بنفس السعر

يارايت حضرتك تعمل تقرير عن الريو علشان بجد العربية دية محدش بيتكلم عليها خالص

[tarekmomo]

هما الاتنين زى بعض بس اعادة بيع الاكسنت اكتر الريو الطلب عليها قليل

[SonaSteel]

ربنا يباركلك ويديك الخير زي ما بتتمناه للناس يارب وحاضر انا هحاول اعمل زي ما قولتلي بس مش عارف الصراحه معرض لحد دلوقت وانا ميال اكتر للمانيوال خصوصا فرق السعر كبير ما بيه وبين الاتوماتيك وكمان عشا لو العربيه عطلت في الاوتوماتيك لازم تتشال فايه رايك وتنصحني بايه وانته لحد دلوقت استهلاك البنزين اد اي يعني بتفول بيعمل معاك كام كيلو؟

الله يباك في عمرك وييسرلك كل خير وتستلم علي خير ان شاء الله
وبعدين ملقتش الا انا وتسألني علي المانويل ولا اتوماتيك .......... هههههههههههههه
انا اتحديت الدنيا كلها علشان اجيبها مانويل .... وكان كل يوم ككورس ربع ساعه من ناس زمايلي علشان
يخلوني اجيبها اتوماتيك ويقنعوووووني بيها ووالدتي يابني تقولي اتوماتيك برده حتي ا/احمد مصطفي (منسق نيسان نفسه نصحني والله بالاوتوماتيك .. وناس كتير )
السبب بقي اني جيبت مانويل
1-ماشاء الله بحب السواقة اوي ... وسواقة يعني مانويل بصراحة (شد وجري وتغريز وعلي الطوالي كده كده بتدوس علي البنزين بس)
2-قالولي في المعرض ان الاستهلاك بين الاتنين زي بعض بس تجميع المانويل اسرع من الاتوماتيك وده اللي بيخليها تستهلك بنزين اكتر
3-الفلوس برده ... يعني فرق بينهم 5000 هما كانوا فارقين معايا بصراحة في كل حاجة (القسط والتأمين ويادوبك اللي معايا قضي)
4-اخيرا ديه معرفتهاش الا بعد ما جيبتها ان ماشاء الله الدبرياج بتاعها خفيف اوي ومشلازم تتدوس عليخ\ه للاخر
وتغيرات الفتيس سهله ماشاء الله
يعني من الاخر العذاب الوحييييد اللي هاتحس بيه في المانويل (الزحمة) بس .... وربنا يعنا عليها
البنزين لسه مش عارف احكم عليه علشان قالولي الاستهلاك الطبيعي بيكون بعد 5000 كيلو ... ان شاء الله
وطبعا لو عايز تجربها مفيش مشكلة .... ولو عايز تجرب الاتوماتيك ممكن اي حد من اعضاء نيسان يساعدوك
بصراحة كلهم متأخروش عني خالص ووالله (ا/امير) قالي لو عايز تيجي تجربها دلوقتي تعالي مفيش مشكلة
ولو (الصني) بتلعب في دماغك ممكن تدخل المنتدي وتقرا المواضيع بتاعتها وربنا يسهل ... ان شاء الله
انا ان شاء الله لو هاخترلك تجيب عربية ................ ارشحلك الصني ABS EX
(اتوماتيك ولا مانويل) ديه بقي تصليلها استخارة وتشوف انت ميال لايه)
وانا تحت امرك في اي حاجة تعوزها .......... ان شاء الله

[kdosoki]

يارايت حضرتك تعمل تقرير عن الريو علشان بجد العربية دية محدش بيتكلم عليها خالص

http://www.nilemotors.net/Nile/189047-1400cc-2011-a.html

اللينك ده فى معلومات عن الريو