محتار بين بروتون جين تو و فيات بونتو ايفو ضروووووورى

[gemii90]

انا دلوقت بفكر اشترى عربيه يا احلى منتدى و محتار بين فيات بونتو ايفو كامله مانيول و لا جين تو كامله اوتو ة محتاج نصيحتكم و خايف من الجين ف عيوب التقفيل الكتيره اوى و من فيات من الموتور ال 77 حصان دا و مش عارف دا هيبقى تمام ولا لا و للعلم انا مش بتاع جرى اوى بس احب تكون العربيه بردو جرايه لو حبتين و ياريت لو اعرف مقارنه بينهم الاتنين ف كل حاجه و خصوصا انهم ف فئه سعريه واحده و اظن ف ناس كتيره بردو محتاره بين الاتنين..... ولكم جزيل الشكر

[opelawy]

رائي الجين احسن بمراحل علي الاقل التوكيل مش وحش اوي زي اوماترا

[yoko]

رائي الجين احسن بمراحل علي الاقل التوكيل مش وحش اوي زي اوماترا

ردا على جزئيه التوكيل الي طالع عليه إشاعات ويا ريت تقرأ المشاركات أهم من الإستطلاع نفسة

http://www.nilemotors.net/Nile/191325-a.html

وتوكيل عز العرب برده بيقولوا سئ بس مجربتوش فمينفعش أحكم عليه


والعربيتين دول إتقارنوا كتير قوي
عايز موتور قوي وقطع غيار في العموم أرخص شويه مع إحتمال وجود بعض عيوب التقفيل وخامات أقل شويه يبقى جين 2
عايز موتور موفر وبتاع مدينة وملكش في الشد وعايز كماليات بالهبل وأمان 5 من 5 مع قطع غيار أغلى سنة يبقى إيفو

[gemii90]

شكرا ع ردودكم يا جماعه و انا مش فارقه معايا قطع الغيار و كدا عشان اقدر الحمد لله اجيبها من اى حته بسهوله المهم عندى العربيه تكون متينه و ثابته وقطعها معمره فا ع اساس الحاجات دى انتو شايفين اى واحده احسن عشان انا مش بفهم اوى ف العربيات وياريت يا يوكو باشا لو تجيبلى روابط المقارنات الى فيها العربيتين دول هنا ف المنتدى لو تقدر و معلش لو هتعبك معايا

[yoko]

شكرا ع ردودكم يا جماعه و انا مش فاؤقه معايا قطع الغيار و كدا عشان اقدر الحمد لله اجيبها من اى حته بسهوله المهم عندى العربيه تكون متينه و ثابته وقطعها معمره فا ع اساسا الحاجات داى انتو شايفين اى واحده احسن عشان انا مش بفهم اوى ف العربيات

الإتنين ثابتين وقطع الغيار أعتقد فيات معمرة أكتر وبدام ملكش في العربيات قوي يبقى مش بتاع جري فمش هتفرق الموتور يبقى إدلع بكماليات الإيفو شوف الموضوع المثبت في قسم فيات عنها

[gemii90]

الف شكر يوكو باشا ع ردك و اان بالنسبالى معايا لانوس و مش بعدى بيها ال 100 اساسا حتى لو الطريق فاضى يعنى مش بجرى بس كنت عاوز اعرف ارتفاعها ف مطبات بلدنا اللذيذه و سؤال عبيط معلش لو قارنت تسارعها بالنسبه لللانوس يبقى عامل ازاى؟؟

[eng.m7md.ali]

الفيات ايفو تكنولوجيا اعلى من الجين2

[yoko]

الف شكر يوكو باشا ع ردك و اان بالنسبالى معايا لانوس و مش بعدى بيها ال 100 اساسا حتى لو الطريق فاضى يعنى مش بجرى بس كنت عاوز اعرف ارتفاعها ف مطبات بلدنا اللذيذه و سؤال عبيط معلش لو قارنت تسارعها بالنسبه لللانوس يبقى عامل ازاى؟؟

بالنسبة للإرتفاع محدش إشتكى منها شوف أخر كام مشاركة في الموضوع المثبت أما سحبها غالبا أقل من اللانوس شويه بس ثبات أعلى بكتير يعني غرز على 140 و150 عادي
أنا fاللينيا أختها الكبيرة (نفسها بس بشنطة) ومتور أقوي شويتين 3 باكل غرز على 180 و190

[gemii90]

الللانوس اساسا عمرى ما حسيت انها ثابته باى شكل من الاشكال بحس نها ورق ممكن تطير انا ميال اكتر للفيات و كمان شكاوى بتاعتها قليله جدا ع حد ما شوفت من مشاركات الاعضاء اما الجين تو ف ماشوفتش عضو واحد الا لازم يكون عندو مشكله سواء فرامل او تقفيل بس كله بيشكر ف ثباتها و ماتورها ةماشاء االله عليك يا يوكو ربنا يحميك بس خد بالك من نفسك من الغرز دى وشكرا لكل الى ردو ع الموضوع ولاهتمامكم يا اجدع شباب

[gemii90]

و بعدين انا لو عديت ال 150 دى تصلا انا مش عارف هيحصلى اى من الخضه ممكن اغمض عينى و استنى قدرى بقا

[wael17]

انا دلوقت بفكر اشترى عربيه يا احلى منتدى و محتار بين فيات بونتو ايفو كامله مانيول و لا جين تو كامله اوتو ة محتاج نصيحتكم

ده تقرير شامل عن البونتو ايفو كاملة مانيوال

http://www.nilemotors.net/Nile/189478-pk2.html

معلش لو قارنت تسارعها بالنسبه لللانوس يبقى عامل ازاى؟؟

الايفو سحبها احسن من لانوس 99 و كيا ريو 2001 و سبيرانزا 516 2007 ودي العربيات الي امتلكتها قبل الايفو

[loodaa]

الجبن 2 تتفوق في الموتور فقط
اي حاجة تانيه الايفو احسن بس انا شايف انك تزود عشرة كمان و تجيب الايفو اوتوماتيك و الفرق يستاهل

[mohamedkandel]

الفيات ايفو تكنولوجيا اعلى من الجين2

+1111111111111111111

[Ahmed.Ali]

انا ركبت العربيتين و اقدر اتحيز للجين2 كمالك
جوده الخامات 100% في صالح الايفو
روعه القياده 100% لصالح الجين2
الاوبشن الاتنين قريبين من بعض
الجين2 شنطتها اكبر و تتميز عن الايفو في اهم حاجه الـ Support جين2 ليها اكبر نادي محبي سيارات في العالم و الكلام دا من بق الماليزيين نفسهم و فعلا اكتف جدا و كمان قطع الغيار متداوله اكتر و لو دخلت علي منتدي البروتون هتفهم قصدي

في النهايه الايفو جميله اخر حاجه و بس في نظري جين2 تكسب

[yoko]

انا ركبت العربيتين و اقدر اتحيز للجين2 كمالك
جوده الخامات 100% في صالح الايفو
روعه القياده 100% لصالح الجين2
الاوبشن الاتنين قريبين من بعض
الجين2 شنطتها اكبر و تتميز عن الايفو في اهم حاجه الـ support جين2 ليها اكبر نادي محبي سيارات في العالم و الكلام دا من بق الماليزيين نفسهم و فعلا اكتف جدا و كمان قطع الغيار متداوله اكتر و لو دخلت علي منتدي البروتون هتفهم قصدي

في النهايه الايفو جميله اخر حاجه و بس في نظري جين2 تكسب

حضرتك أكيد بتقارن الجين2 الفول أوبشن بال إيفو الفاضيه لإن الفرق في الكماليات كبييييييييييييييير