عربيتين ملهومش دعوة ببعض .. بس عايز رأيكم

[engineer_Amr]

السلام عليكم ورحمة الله وبركاتة

دلوقتى انا بفكر اشترى عربية من الاتنين دول وياريت تقولولى ارائكم اية
اول عربية هى اللوجان فول اوبشن
عربية حلوة قوى ومشاكلها قليلة واحسن توكيل فى مصر
وانتشارها معقول واعتماديتها عالية وسعرها مناسب ليها
68.500 جنية

الاختيار التانى بقى اسبيرانزا a113
مش عايز ضرب وواحدة واحدة بس
اللى خلانى احطها فى مقارنة مع اللوجان هو سعرها
50.000 جنية
انا شايف العربية منتشرة ولما بسأل اى حد عليها بيشكر فيها قوى
دة غير كماليتها المذهلة فعلا
فى مشاكل فردية بلاقيها فى عربيات اه وعربيات لا
لكن كل الناس بتقول انها ممتازة على سعرها
ومعظم الناس اجمعت ان الصينى زى البطيخة يا اما يبقى تمام معاك يا اما يبقى فى مشاكل
وفى ناس بتشتكى من التوكيل شوية

بالنسبالى ال 18.500 جنية هيفرقوا طبعا
لو مكانوش هيفرقوا كنت اخترت اللوجان من غير كلام
علشان كدة انا بسأل لو الفرق يستاهل فعلا يبقى هتصرف واجيب اللوجان
لو الفرق مش مستاهل يبقى هجيب ال a 113

اهم حاجة عندى الاعتمادية - الامان - سهولة الصيانة وتوافرها وتوافر قطع الغيار باسعار معقولة

طبعا العربيتين مش نفس الفئة ولا نفس السعر ولا اى حاجة
اللى خلانى اقارن ما بينهم انى عايز احسن ارخص حاجة

هل الاسبيرانزا ممكن تقعد 10 سنين كويسة ومتحصلش مشاكل فيها ؟
ولا اريح دماغى وهى اللوجان ؟

اية رأيكم ؟؟

[MISS_MONA]

طيب متفكر يا عمرو فى السبارك امكانيتها كويسة وسعرها كمان

[engineer_Amr]

طيب متفكر يا عمرو فى السبارك امكانيتها كويسة وسعرها كمان

السبارك 1000 سى سى بس يا منى وانا عايز حاجة اكبر من كدة على الاقل 1300 سى سى
دة غير انى بحس ان شكلها بناتى قوى هى وال qq

وتسلمى على مشاركتك

[MISS_MONA]

او بيكانتو اواى 10
ولا انت مش عايز الحجم الصغير

[engineer_Amr]

او بيكانتو اواى 10
ولا انت مش عايز الحجم الصغير

ماهو البيكانتو وال i10 نفس الفئة بتاعة ال a 113
بس نفس سعر اللوجان
من وجهة نظرى ان سعرهم مبالغ فية جدا
وبرضة هما عربيتين 1100 سى سى وصغيرين
انا مقتنع جدا باللوجان بس لما بشوف كماليات وسعر الاسبيرانزا بلاقى نفسى بفكر تانى
لو اضمن ان الاسبيرانزا هتعيش معايا بتاع 10 سنين من غير مشاكل ومش هلاقى عيوب فيها والكلام اللى بنسمعة عن الصينى دة هجيبها من غير تفكير
وانا اولى بال 18.500 جنية الفرق دول

[MISS_MONA]

بصراحة انا منصحكش بالصينى خالص
احسنلك ابعد عنه

[engineer_Amr]

بصراحة انا منصحكش بالصينى خالص
احسنلك ابعد عنه

يبقى ادى اول رد للوجان
بس انت لية بتقولى ابعد عن الصينى يا منى ؟
تجارب ليكى ولا تجارب ناس تعرفيهم ولا من السمع ولا اية ؟؟

[MISS_MONA]

بصراحة يا عمرو معرفش حد جابها عشان محدش عنده جرأة يخاطر ب50 الف
وكمان لما سألت على سعر اعادة البيع لقيته مفيييييش
يعنى الاقبال عليها مش اد كدة
اصلى كنت محتارة من فترة كدة زيك

[mohamedkandel]

بصراحة انا منصحكش بالصينى خالص
احسنلك ابعد عنه

الصيني اخر حاجة تفكر فيها

[engineer_Amr]

بصراحة يا عمرو معرفش حد جابها عشان محدش عنده جرأة يخاطر ب50 الف
وكمان لما سألت على سعر اعادة البيع لقيته مفيييييش
يعنى الاقبال عليها مش اد كدة
اصلى كنت محتارة من فترة كدة زيك

ماهو سعر اعادة البيع لكل العربيات الصينى واقع على الاخر
ودى مش فارقة معايا لانى مبفكرش ابيع قريب خالص
بس حتة الاقبال اللى مش قد كدة دى انا بشوف العربية دى كتير جدااااااا فى شوارع القاهرة كلها
ومش القاهرة وبس لا والمحافظات كمان
فبقول لنفسى طب يا ترى كل الناس دى غلطت ؟؟ مع انى لما بسأل اى حد بيقوللى العربية حلوة وكويسة وتمام قوى على قد فلوسها
مع وجود بعض العيوب اللى زى ما قلت مش عند كل الناس

انت وصلتى لاية بعد الحيرة بتاعتك بقى ؟

[engineer_Amr]

الصيني اخر حاجة تفكر فيها

وادى تانى صوت للوجان

بس يا باشا الكلام دة عن تجربة شخصية ولا عن تجارب ناس تعرفهم ولا عن سمع ؟؟

[kar!m]

بص أنا عن نفسى بكره جدا العربيات اللى تقفيلها فيه مشاكل .. باب بيخبط .. لمبه مش شغاله .. عشان كده صعب جدا انى أجيب عربية صينى.
لو انت بتقارن بين الاتنين دول بس و عاوز عربية لفترة طويلة .. يبقى اللوجان طبعا .. لأن حتى لو السبرانزا اعتمادية .. فانت فى الفترة دى ممكن احتياجاتك تتغير و تحتاج عربية كبيرة و بشنظة .. وواضح انك عاوز عربية تقتنيها .. فخليك فى الحاجه اللى تفى بالغرض دلوقتى و بعدين.

[engineer_Amr]

بص أنا عن نفسى بكره جدا العربيات اللى تقفيلها فيه مشاكل .. باب بيخبط .. لمبه مش شغاله .. عشان كده صعب جدا انى أجيب عربية صينى.
لو انت بتقارن بين الاتنين دول بس و عاوز عربية لفترة طويلة .. يبقى اللوجان طبعا .. لأن حتى لو السبرانزا اعتمادية .. فانت فى الفترة دى ممكن احتياجاتك تتغير و تحتاج عربية كبيرة و بشنظة .. وواضح انك عاوز عربية تقتنيها .. فخليك فى الحاجه اللى تفى بالغرض دلوقتى و بعدين.

رأى فى منتهى العقل بجد
فعلا انا مش من هواة التغيير كتير وبدور على عربية تقعد معايا فترة طويلة على ما افكر اغيرها
شكرا جزيلا على ردك

[M.Elgergawy]

لوجان

[engineer_Amr]

لوجان

رابع صوت للوجان
وشكرا جزيلا على ردك