محتار مابين الهوندا سيتي 2010 فول أوبشن أو المازدا 3 البيسك

[abc2]

أنا محتاج مساعدة أنا محتاج أشتري عربية بس أنا محتار مابين الهوندا سيتي فول أوبشن موديل 2010 ولا ألحق العرض بتاع غبور و أجيب المازدا 3 البيسك موديل 2010 . هما الاتنين بنفس التمن بالظبط. لكن مش عارف أنهي أحسن من نحيه الوكيل ، الصيانة ، قطع الغير ، الاعتمادية ، قلة المشاكل، الأمان،جودة التصنيع، القيمة مقابل السعر.

[dr.amr]

المازدا روعه بصراحه

في فرق بين العربيتين في الاداء

ده علي حسب كلام المبيعات في المصريه وسمير ريان

اجمعوا ان المازدا افضل بكتير

[zezmograby]

المازداااا الحقها بعرضها
السيتي مش يباني بالكامل وصوت ماتورها عالي وتقفيل بولندي
مفيش مقارنه بينها وبين المازدا
المازدا افضل بكتير بس مشكلة انها هتبقي مانيوال
لو عادي بالنسبالك فهي افضل

[marwa_wso]

أنا جوزى جاب السيتى 2010 وما شاء الله عليها

[tarekmomo]

المازدا عربية ممتازة وبص بردة على الامبريزا

[abd_el_7amid]

أنا محتاج مساعدة أنا محتاج أشتري عربية بس أنا محتار مابين الهوندا سيتي فول أوبشن موديل 2010 ولا ألحق العرض بتاع غبور و أجيب المازدا 3 البيسك موديل 2010 . هما الاتنين بنفس التمن بالظبط. لكن مش عارف أنهي أحسن من نحيه الوكيل ، الصيانة ، قطع الغير ، الاعتمادية ، قلة المشاكل، الأمان،جودة التصنيع، القيمة مقابل السعر.

الوكيل و الصيانة: الفطيم كويس وبصراحة معرفش غبور ايه نظامه 8/10
قطع الغيار : سيتى متوفرة فى اماكن كتيرة بره التوكيل ولكن مازدا مقرفة شوية فى الموضوع دا
الاعتمادية : اعتقد للمازدا افضل
قلة المشاكل: الاتنين كويسين
الامان وجودة التصنيع: الهوندا اعلى فى موضوع الامان وتقفيلها كويس مع انه مش يابانى
الملخص : بصراحة انا شايف ان المازدا تتقارن بالسيفك مش ب السيتى لاختلاف الفئة السعرية
وشايف ان عرض غبور كويس لو موضوع المنيوال دا مش فارق معاك
ودا راى المتواضع.. وانتظر باقى الاعضاء

[TarekGaafar000]

الملخص : بصراحة انا شايف ان المازدا تتقارن بالسيفك مش ب السيتى لاختلاف الفئة السعرية

وشايف ان عرض غبور كويس لو موضوع المنيوال دا مش فارق معاك
ودا راى المتواضع.. وانتظر باقى الاعضاء

[/quote
المازدا البيزك لاين اللى عليها عرض 129000 دى اتوماتيك مش مانيوال

[amr_elrashidy]

السيتي مش يباني بالكامل وصوت ماتورها عالي وتقفيل بولندي

اعتقد انها ماليزى او تايلاندى مش بولندى

[bedo13]

مازدا تتفوق في كل حاجة...
شكل, اوبشن, ثبات, اعادة بيع...
قطع الغيار 2 زي بعض في التوكيل.. بس المازدا موجودة استيراد اعتقد السيتي لأ..
الموتور ماجربتش السيتي الجديدة, ال2005 موتورها تحفة بالفتيس ال7سرعات افضل من المازدا الاوتو كموتور وفتيس,بس المازدا المانيوال جباارة ووزن اتقل...
الاتساع الداخلي:
المازدا ممتازة للركاب المامين بس لو طوال شوية هيدايقو الناس اللي ورا..
السيتي مش مريحة خااالص قدام (بردو 2005)

مشكلة المازدا واطية عالارض شوية...


رأيي مازدا مانيوال...