بونتو 2003 وجوليت 2000

[batros]

السلام عليكم :

بعد اذن الجميع كنت عايز اخد رايكم فى البونتو ال 2003 والجوليت 2000 يا ترى ايهما افضل من حيث الثبات وقطع الغيار وتوفير البنزين وهكذا ......

ارجو انى مكنتش ضايقتكم وياريت الاقى رد

[omar-saad]

وعليكم السلام ورحمة الله وبركاته
البونتو عربية كويسة جدا
اثبت من الجولييت -بتوفر بنزيين عنها بكتير -قطع غيارها اغلى من الجولييت بس فى المعقول
وفيها السيتى باور ودة تحفة فى الركنات والزحمة
الجولييت قطع غيارها اكثر انتشارا -جراية وبتحب السرعة وتجميعها احلى من البونتو
وتعرف تبيعها بسهولة
ونصيحتى خليك فى البونتو او حاول تشوف بيجو 206
تحفة

[fouady]

عن تجربة العربيتين البونتو ك مجمل أحسن ب كتير بس الجوليت فوق المية سحبها أحسن شوية من البونتو و قطع غيرها ارخص من البونتو شوية وأي حاجة تانية البونتو أحسن

[Formulator]

عن تجربة العربيتين البونتو ك مجمل أحسن ب كتير بس الجوليت فوق المية سحبها أحسن شوية من البونتو و قطع غيرها ارخص من البونتو شوية وأي حاجة تانية البونتو أحسن

+111
غير ان موتور الجولييت 1500 والبونتو 1300 مفيش مقارنة اصلا... البونتو تتفوق فى كل حاجة
وعلى فكرة: باعتبار العمر الأفتراضى الأطول فى الفيات وكمان فرق 3 سنين فى الموديل... يبقى كده فرق الموتور يتلاشى..!!!!!
يكفى ان دى عربية هاتشباك مبنية على شاسيه مخصوص بتاعها..
مش "شبه عربية" اللى هى اللانوس وقطعوا شنطتها واعتبروها هاتش..؟؟؟!!! اى كلام فى اى كلام...!!!

[M.Osman]

يكفى ان دى عربية هاتشباك مبنية على شاسيه مخصوص بتاعها..
مش :pointiy2[2]: "شبه عربية" اللى هى اللانوس وقطعوا شنطتها واعتبروها هاتش..؟؟؟!!! اى كلام فى اى كلام...!!!

معلومة جديدة عليا بصراحة
يا ريت تفيدني اكتر عن العربيات السيدان اللي في منها هاتش على نفس الشاسيه عشان ابقى عارف برضه ..
انا كنت بفكر في بيكانتو...
يا ترى ظروفها اية ؟؟؟؟
و شاسية انهي عربية ؟ و لا شاسيه مخصوص بتاعها ؟

[tutankhamoun]

العربيتين ممتازين

و الناس اللي بتقول الفيات أحسن .......
في المقارنة ........... الفيات مش أحسن
أنا شايف أن الأثنين كويسين جدا .
الدايو كفاءة و بتعيش ....... زي البونتو و يمكن فيها مميزات عن البونتو
موتور أقوى ...... أوسع ....... قطع غيارها منتشرة أكتر لأشتراكها في قطع غيار اللانوس .
الثبات زي بعض ................ البونتو عربية عادية لغاية 110 ثباتها كويس أو معقول زيها زي اللانوس .

في الحالة الخاصة بمقارنة حضرتك

الأفضل حالة هو اللي تشتريه .

[tutankhamoun]

معلومة جديدة عليا بصراحة
يا ريت تفيدني اكتر عن العربيات السيدان اللي في منها هاتش على نفس الشاسيه عشان ابقى عارف برضه ..
انا كنت بفكر في بيكانتو...
يا ترى ظروفها اية ؟؟؟؟
و شاسية انهي عربية ؟ و لا شاسيه مخصوص بتاعها ؟

أستاذ محمد
و أنا بشارك حضرتك في السؤال

و أحب أضيف

هي مش اللينيا الجديدة هي هي نفس شاسيه الجراند بونتو ؟؟؟ هي فيات بقت بتعمل اي كلام في اي كلام و لا أيه ؟

و مش برده الابيزا و القرطبة نفس الشاسيه ؟؟؟؟؟

[zezmograby]

انا بقول جوليت عشان اوسع وماتورها اقوي قطع غيارها رخيصة وبالهبل
بعدين المواتير الصغيرة مع الوقت بتتهلك جامد وكل شوية طلعلك مشكلة
خليك في الجوليت اضمن

[Formulator]

يا ريت تفيدني اكتر عن العربيات السيدان اللي في منها هاتش على نفس الشاسيه عشان ابقى عارف برضه ..

هى العكس على فكرة...: بيبقى شاسيه هاتش ويتبنى عليه سيدان...!

انا كنت بفكر في بيكانتو...
يا ترى ظروفها اية ؟؟؟؟
و شاسية انهي عربية ؟ و لا شاسيه مخصوص بتاعها ؟

هفترض انك بتسأل عادى...
البيكانتو مبنية على شاسيه الجيتز (مش i10) علشان كده stability+handling احسن من i10 ... مع انى مبحبش الكورى بس العربية دى عجبتنى لما سوقتها..
btw ده مش احترافية من كيا-هيونداى...؟؟؟؟ لأن الجيتز اكبر...!!!
الصنعة انك تعدل شاسيه عربية صغيرة ليناسب عربية اكبر وليس العكس.. وتحافظ على نفس الثبات والهاندلينج...كعادة الصناع الأوروبيين

الدايو كفاءة و بتعيش ....... زي البونتو و يمكن فيها مميزات عن البونتو
موتور أقوى ...... أوسع ....... قطع غيارها منتشرة أكتر لأشتراكها في قطع غيار اللانوس .
الثبات زي بعض ................ البونتو عربية عادية لغاية 110 ثباتها كويس أو معقول زيها زي اللانوس

فرق الموتور مش هيبقى كبير لفرق الموديل+ارتفاع اعتمادية موتور الفيات مقارنة باللانوس
ياباشا ده موتور الأفيو (اعتقد هو هو 1.5 sohc) بيكركر وهو زيرو...!!! كفاءة فين بقى فى عربية كورى عمرها 10 سنين

هي مش اللينيا الجديدة هي هي نفس شاسيه الجراند بونتو ؟؟؟ هي فيات بقت بتعمل اي كلام في اي كلام و لا أيه ؟

طبعا فيات مبتعملش اى كلام... ولا عمرها... ههههههههههه..
ال platform بيبقى modular فى تصميمه من الأساس..
وفيه حاجة فى الصناعة اسمها know how, ازاى تعمل stretched form من الشاسيه... علشان كده بقولك مش اى حد...!!
واقولك عربيات كتير اتعملت على Fiat-GM platform بتاع الجراند:
كورسا,ميريفيا, كومبو (من اوبل) ولينيا, فيورينو, ميتو, كوبو, دوبلو (من فيات والفا)
بص العربيات دى فئاتها واشكالها واحجامها واستخداماتها مختلفة اد ايه... وانت تعرف الأبداع فين.... مش ف كوريا طبعا)

و مش برده الابيزا و القرطبة نفس الشاسيه ؟؟؟؟؟

وهتروح بعيد ليه... كل العربيات دى على شاسيه الجولف:
A3, ليون, Eos, اوكتافيا, جيتا (ده غير نسخ الأستيت والكومبى والبلس..ووو. للصبح
والباسات لحد قريب بردو وبعدين غيرت لشاسيه A6 تقريبا...؟؟

هو ده ال Modular Chassis مش بتاع اللانوس...!!!!

[M.Osman]

بغض النظر عن باقي المعلومات اللي تشكر عليها و اللي انا شخصياً مش شايف فيها احترافية او غيره...

هفترض انك بتسأل عادى...

انا عايز افهم المقصود بالجملة دي ..

[yoko]

الجوليت تتميز في الموتور وقطع الغيار أرخص شويه مش كتير
البونتو تتميز في الأمان والخامات الداخليه وفرق ال3 سنين
الثبات قريبين من بعض بس الي هيفرق حالة العربيه عشان مستخدمين

أما حكايه اللينيا هي فعلا مبنيه على نفس الشاسيه بس الشاسيه مختلف اللينيا أطول ب13 سم بحالهم وسوست العربيه مختلفة (موضوع السوست ده لسه عارفة قريب)

[Formulator]

بغض النظر عن باقي المعلومات اللي تشكر عليها

وليه "بغض النظر"..؟؟! مش انت اللى طلبت تعرف الفرق بين الشاسيهات الأوروبية المتقدمة والصناعة الكورية المتواضعة..؟؟؟؟ عموما العفو.. وأى خدمة..!

و اللي انا شخصياً مش شايف فيها احترافية او غيره...

ماينفعش تنكر استثمارات الR&D والمصانع المنفصلة للشركات دى علشان تعدل الشاسيهات لتناسب فئات مختلفة من السيارات مع الحفاظ على معايير الجودة والأمان
وده اللى مش بنشوفو فى سيارات هيونداى-كيا للأسف
فين الأمان في الفيرنا والماتريكس والألنترا وووو... تعديلات الشاسيه minor ولا تفى بالغرض...!!!
حتى Daewoo محل النقاش... عمرها ماعملت شاسيهات reliable الا لما GM جابتلهم شاسيه الأسترا علشان يبنوا عليه Lacetti/Cruz ...مثلا

انا عايز افهم المقصود بالجملة دي ..

يعنى انت مكنتش تعرف ان شاسيه البيكانتو هو شاسيه الجيتز...؟؟؟؟
يعنى حتى لما عملوا عربية ثباتها معقول.. طلعت معمولة على شاسيه عربية اكبر منها...هههههههههههه.. مش ممكن الناس اللى بعينين ضيقة دول...!!!

[M.Osman]

يعنى انت مكنتش تعرف ان شاسيه البيكانتو هو شاسيه الجيتز...؟؟؟؟
يعنى حتى لما عملوا عربية ثباتها معقول.. طلعت معمولة على شاسيه عربية اكبر منها...هههههههههههه.. مش ممكن الناس اللى بعينين ضيقة دول...!!!

يعني انت شايف اني كنت عارف و داخل اهرج ؟