ساعدونى فى الأختيار عاوز عربية زيرو فى حدود 70 ألف ؟؟

[hih1975]

السلام عليكم ورحمة الله وبركاتة

أزيكم يا أحلى منتدى
من فضلكم ساعدونى عاوز عربية فى حدود 70 ألف وتكون عائلية سيدان مش هاتش باك
وتكون زيرو - مانيوال - أقتصادية فى البنزين - وكيل محترم

أرجوكم ساعدونى رأيكم مهم

[mohamed1979]

اللوجان فيها كل الى انت عايزه

[hih1975]

1000 شكرا يا أستاذ محمد على ردك السريع
بس كان ليا كذا أستفسار

هل العربية رينو فرنساوى ولا داتشيا رومانى ؟؟
ما سعر السيارة لكل الفئات ؟؟
أنا شايف أنك معاك العربية دى أيه هى درجة الأعتمادية على هذة السيارة ؟؟

والف شكر ليك مقدماً ياباشا

[Hmatchy]

انا أرشحلك fsv لو قلبك جامد و مش هتخاف انها صينى اتكل على الله عربية جميلة وشوف رأى اللى اشترى العربية و فيها كل اللى انت عايزو
لكن لو هتسمع كلام الناس وتقول صينى يبقى بلاش لأن لو الكاوتش نام منك فى يوم هتقول ااااااااااااه اصلها صينى

[tarek_wahba]

اللوجان فيها كل الى انت عايزه

مواق بنسبة 100%

[mohamedkandel]

ارشحلك الفيرنا

[hih1975]

والله أنا متشكر على الأستجابة الهايلة
ولكن معلش الFSV صينى يا أستاذ Hmatchy أنا خايف شوية من الصينى عشان سعر أعادة البيع لو أضطرتنى الظروف .
وكمان الفيرنا يا أستاذ محمد قنديل واطية شوية على الأرض
والفرامل والثبات على السرعات العالية فى الضياع رغم أن موتورها رهيب .

[hih1975]

أتمنى المزيد من الترشيحات من اللأخوة أعضاء منتادنا الجميل

[srm]

لانوس

[falcon44]

انا لو مكانك هجيب الساجا عربيه بتعجبنى جدا مع انى مجربتهاش بس انا بتعجبنى شكلها وعشان بردو اسمها بروتون واعتقد ان البروتون اثبتت كفائتها فى مصر ده اللى انا شايفه من كلام ملاكها والكماليات اللى الناس بتقول عليها وموجوده فى العربيه

[HOSSAM99]

السلام عليكم ورحمة الله وبركاته
الرينو اللوجان

[rzk]

بتعجبني اووي بعض التعليقات زي مثلا عربيه جميله هايله بس انا ما ركبتهاش ولا سوقتها _
فف

[rzk]

عندك الفيرنا الانوس الاسبرانزا _ اللوجان _ساجا وانت ورحتك وانا ارشحلك الاسبرانزا

[ramy01011]

بص يا سيدي لو حكاية اعادة البيع تهمك يبقي هات بالترتيب : لانوس لوجان و فيه عربية صيني بس اثبتت كفائة و هي byd f3
بس انا لو مكانك اروح اجيب ب 70 الف دول عربية مستعملة استعمال نظيف زي الاوبترا او ماتريكس او لانسر 2006

[elmkaneeki]

ساجا واسال زمايلنا هنا في منتدى بروتون