فيات بونتو ولا لوجان كاملة

[gehad79]

السلام عليكم يا أحلى منتدى في الدنيا

محتار بين لوجان كاملة ولا فيات بونتو

الاتنين نفس السعر
بس أنا محتار بينهم من حيث قطع الغيار و إعادة البيع و الثبات على الطريق

يا ريت تفيدوني بسرعة جداً

شكراً

[dedoes6]

قطع الغيار الاتنين قطع غيارهم غاليه حالياً لكن توكيل لوجان سمعته افضل من توكيل فيات فى مصر
اعاده البيع للوجان غير معلومه لان محدش فكر يبيعها لكن التجارب الفرديه بعضها جاب سعر اعاده بيع زى باقى العربيات المنتشره
الفيات الجديد تقيله فى البيع و بتنزل كتير
الثبات مقدرش افيدك فيه لانى مسوقتش غير واحده فيهم بس و مقدرش احكملك على التانيه
لو هتجيب زيرو ومش هيفرق معاك موضوع قطع الغيار و سعر اعاده البيع شوف انهى واحده تناسب ظروفك
الفيات بونتو على ما اظن موتور 1300 سى سى موفر جدا للبنزين داخل المدينه
اللوجان موتور 1600 سى سى تنفع للشد و السفر مسافات كبيره يومياً مثلاً و استهلاك بنزين معقول بالنسبه للسعه لكن اكتر من البونتو
يميز اللوجان ان شنطتها اكبر و انها اوسع من جوه للى قاعدين ورا وده عامل يحكمك لو عندك عيله كبيره
التقفيل فى الاتنين متوسط
و اخيرا لو ناوى تشترى عربيه عشان قطع غيار رخيصه و تقدر تبيعها ارشحلك الفيرنا او اللانوس و الاتنين عربيتين اثبتو نفسهم فى السوق و سعر اعاده بيعهم معروف و قطع الغيار و الصيانه متوفره باى سعر و اى جوده انت عايزها

[mohmdomar]

قطع الغيار الاتنين قطع غيارهم غاليه حالياً لكن توكيل لوجان سمعته افضل من توكيل فيات فى مصر
اعاده البيع للوجان غير معلومه لان محدش فكر يبيعها لكن التجارب الفرديه بعضها جاب سعر اعاده بيع زى باقى العربيات المنتشره
الفيات الجديد تقيله فى البيع و بتنزل كتير
الثبات مقدرش افيدك فيه لانى مسوقتش غير واحده فيهم بس و مقدرش احكملك على التانيه
لو هتجيب زيرو ومش هيفرق معاك موضوع قطع الغيار و سعر اعاده البيع شوف انهى واحده تناسب ظروفك
الفيات بونتو على ما اظن موتور 1300 سى سى موفر جدا للبنزين داخل المدينه
اللوجان موتور 1600 سى سى تنفع للشد و السفر مسافات كبيره يومياً مثلاً و استهلاك بنزين معقول بالنسبه للسعه لكن اكتر من البونتو
يميز اللوجان ان شنطتها اكبر و انها اوسع من جوه للى قاعدين ورا وده عامل يحكمك لو عندك عيله كبيره
التقفيل فى الاتنين متوسط
و اخيرا لو ناوى تشترى عربيه عشان قطع غيار رخيصه و تقدر تبيعها ارشحلك الفيرنا او اللانوس و الاتنين عربيتين اثبتو نفسهم فى السوق و سعر اعاده بيعهم معروف و قطع الغيار و الصيانه متوفره باى سعر و اى جوده انت عايزها

كلام مظبوط ماعدا التقفيل
البونتو تقفيلها عالي جدا
الللوجان تقفيلها مش قد كدا وفي رأيي سئ

[elmkaneeki]

بونتو يا معلم

[zezmograby]

بونتو ياحاج

[gehad79]

أنا بشكركم جداً على ردودكم كلها و ربنا يكرمكم
بس ليا استفسار من اللي رشح البونتو ؟ عاوز أعرف رشحها ليه؟؟

و أشكركم مرة تانية

[elmkaneeki]

أنا بشكركم جداً على ردودكم كلها و ربنا يكرمكم
بس ليا استفسار من اللي رشح البونتو ؟ عاوز أعرف رشحها ليه؟؟

و أشكركم مرة تانية

أنا عن نفسي مجرد رأي شخصي
أنا بحب البونتو فميال ليها

[zkralla]

اللوجان افضل من وجهه نظرى

[ayman1204]

خليك فى اللوجان
العربية سمعتها سبقتها من زمان وفعلا عربية ممتازة وانتشارها السريع يدل على تميزها الواضح

[amrseba]

على فكره بص انت مش هتخلص و هتزيد حييرتك اكتر الى معاه لوجان هيقولك لوجان و الى معاه بونتو هيقول بونتو و بصراحه الاتنين كويسين ان كان البونتو افضل شويه تقفيل البونتو افضل من تقفيل االلوجان
الثبات الاتنين زى بعض تقريبا معرفش
الصاج بتاع البونتو افضل بتاع اللوجان ورررررررررق
قطع الغيار ان كان توكيل الرينو افضل الفيات بونتو الوحيده فى مجموعه فيات مصر الى معظم قطع غيارها موجوده بره التوكيل و فيه ميكانيكيه بيشتغلوا فيه و ممكن متعتمدش على التوكيل اصلا
الانتشار البونتو منتشره عن لوجان و موجوده من مده من 2001 فا هتلاقى ميكانيكيه و قطع غيار
الوسع اللوجان و البونتو واسعه برضه
غير كده انت بتشترى حاجه ايطالى و اسمها فيات برده
امال اللوجان ديه اصلا مش رينو ديه داتشيا الرومانى و صناعه رومانى عشان تبع رينو بس امال لو كانت نزلت بأسم داتشيا مكنش الى بيقول لوجان فوق كان فكر يشتريها اصلا بس احنا بنتخدع عشان عليها علامه رينو و مع انها مش رينو بس و مش فرنساوى
بس و ده رأى

[cyborg_ift]

البونتو افضل