City Vs. Sirion Vs. Lanos

[eng_maged]

السلام عليكم
طلب مني احد الاعضاء اني اعمل مقارنه بين الهوندا سيتي والدايهاتسو سيريون لانه كان بيفكر يبيع السيريون ويجيب الهوندا سيتي. المقارنه ده مهداه خصيصا ليه.

طبعا العربيتين مش في فئه واحده خالص بس عشان انا الحمدالله معايا العربيتين فعشان كده هو سالني. فقلت اعمل المقارنه ما بين الاتنين. وكان معايا قبلهم لانوس كمان فقلت ادخلها في المقارنه كمان.

انا هرتب العربيات من الافضل للاسواء من نواحي مختلفه مع مراعاه ان
السيتي موديل 2009 وموتور 1.5 اتوماتيك
سيريون 2010 موتور 1.3 اتوماتيك
لانوس 1999 وموتور 1.5 مانوال




التسارع من 0 الى 40 او اقصد طلعة العربيه من الصفر
سيريون
سيتي
لانوس

التسارع من 0 الى 100
سيتي 12 ثانية تقريبا
سيريون 12.5 ثانية تقريبا
لانوس 13 ثانية تقريبا

التسارع بعد ال 100
سيتي
لانوس
سيريون

السرعه القصوى
سيتي اقصى سرعه جبتها في طريق مستقيم 205
لانوس اقصى سرعه جبتها في طريق مستقيم 190
سيريون اقصى سرعه جبتها في طريق مستقيم 170

المساحة الداخلية
سيتي
سيريون
لانوس

كراسي السياره مريحه في السواقه لفترات طويله
سيريون
سيتي
لانوس (كانت بتبهدلي ظهري)

مساحة الشنطه
سيتي 506 لتر
لانوس 322 لتر
سيريون 225 لتر

ارتفاع العربية عن الارض
سيريون
لانوس
سيتي

تحمل اوزان الركاب بدون هبوط السياره من الخلف
سيريون
سيتي
لانوس

استهلاك البنزين
سيتي (استهلاكها قليل جدا)
سيريون
لانوس (تعتبر وحش بنزين)

هدوء صوت الموتور
سيتي
سيريون
لانوس

عزل المقصوره عن الاصوات الخارجيه
سيتي (اعلى من غيرها بمرااااااحل)
سيريون
لانوس

الثبات في المنحنيات
سيتي
سيريون
لانوس

عفشة السياره
سيتي
سيريون
لانوس

قوة التكييف
سيريون
سيتي
لانوس

نعومة الباور ستيرنج
سيتي
سيريون
لانوس

توزيع الاضاءه الامامية على الطريق في الضلمه
سيريون
سيتي
لانوس

عدم تأثير التكييف على السحب
سيتي لايوجد تأثير
لانوس لايوجد تأثير
سيريون يقل السحب مع التكييف في مطالع الكباري فقط

قوة الفرامل
سيتي abs
سيريون abs
لانوس

ثبات دهان السيارة على الصاج
سيريون (اعلى من غيرها بمراااااحل)
سيتي
لانوس

قوة صاج العربية
السيريون كويسه جدا واللانوس زي الزفت والسيتي صراحه مش عارف ربنا يسترها معانا

هدوء صوت مروحة الرادياتير
لانوس
سيريون
سيتي

جودة التقفيل
سيتي
سيريون
لانوس

مساحات التخزين الداخلية (جيوب - كبايات - ادراج)
سيريون
سيتي
لانوس

صوت الكاسيت الاصلي
سيتي (مع ان فيها 2 سماعه بس لكن صوتها افضل)
سيريون (4 سماعات في الابواب)
لانوس

اسعار قطع الغيار رخيصة
لانوس (ارخص اسعار)
سيريون
سيتي (غالية جدا)

العزم قوي على عدد لفات موتور قليل (يعني بتسحب كويس وصوت الموتور واطي)
سيتي (معظم سواقتي على 2 rpm )
لانوس (معظم سواقتي على 3-4 rpm )
سيريون (معظم سواقتي على 3-4.5 rpm )

حجم خزان البنزين
لانوس 48
سيتي 42
سيريون 40

[kar!m]

تقييم جامد جدا.. أعتقد ناس كتير هتستفيد منه.

[kamalsalem]

مجهود جميل.. تسلم ايدك.. بالنسبة للاسعار؟

[askoda]

Gameedddddddddddddddddddddddd gedaaaaaaaaaaaaaaaaaaaaaaaan
Really Thanks
Very Professional way of comparison
I agree with you in almost all the points

[eng_maged]

مجهود جميل.. تسلم ايدك.. بالنسبة للاسعار؟

السيريون الاتوماتيك ال 1.3 سي سي الموديل الاساسي ب 85 الف والفول اوبتشن ب 90 الف
السيتي الاوتوماتيك 1.5 الموديل الاساسي 120 الف والهاي لاين ب 130 الف

[eng_maged]

gameedddddddddddddddddddddddd gedaaaaaaaaaaaaaaaaaaaaaaaan
really thanks
very professional way of comparison
i agree with you in almost all the points

المقارنه ده عشان خاطرك يا باشا وانا تحت امرك في اي استفسار

[تامر.محمد]

سلام عليكم , هو انا مش عارف بصراحة ايه يدخل اللانوس في مقارنة مع العربيتين دول خصوصا مع فرق السعر الواضح بينهم
( 129 ألف للسيتي فول أوبشن مقابل 71 ألف للانوس فول أوبشن يعني تقريبا لو حطينا 10 بواكي كمان السيتي تتفك باتنين لانوس )

لكن انا متفق مع حضرتك في اغلب النقط (كما أتوقع لأني ما ركبتش لا السيتي ولا السيريون ) , و عندي كام تعليق بساط اوي

الثبات في المنحنيات
سيتي
سيريون
لانوس

زي ما قلت , انا ما ركبتش السيريون , بس مش مقتنع ان ثباتها اعلى من ثبات اللانوس لسببين
أولا اللانوس ثباتها مش سيء ( مبنية على شاسيه أوبل أسترا تسعينات) , و السيريون ارتفاع سقفها بيوحي ان ثباتها مش هايبقى عالي , أرجع و اقول الكلام ده مش مبني على تجربة برده

عدم تأثير التكييف على السحب
سيتي لايوجد تأثير
لانوس لايوجد تأثير
سيريون يقل السحب مع التكييف في مطالع الكباري فقط

بيقل السحب مع التكييف في اللانوس بنسبة بسيطة لو العربية صيانتها مظبوطة

[eng_maged]

زي ما قلت , انا ما ركبتش السيريون , بس مش مقتنع ان ثباتها اعلى من ثبات اللانوس لسببين
أولا اللانوس ثباتها مش سيء ( مبنية على شاسيه أوبل أسترا تسعينات) , و السيريون ارتفاع سقفها بيوحي ان ثباتها مش هايبقى عالي , أرجع و اقول الكلام ده مش مبني على تجربة برده

السيريون عربية تخدع كل الناس من بره - انا اول مره اركبها كنت بتريق عليها عشان صغيره وعاليه ولما دخلتها اكتشفت اد ايه هي واسعه ومكنتش مصدق - شويه ولقيت سحبها تحفه - شويه ولقيت ثباتها تحفه

بجد العربيه ده مينفعش تتكلم عنها من غير متركبها وتجربها - بس موضوع الثبات ده انا متاكد منه هي بس العربيه بتميل جامد في المنحنيات عشان عاليه بس مكلبشه في الارض جدا

اللانوس معقوله بس انا ليا معاها تجارب وحشه لفت مني مره 3 لفات عشان كنت واخد كرف متوسط على 50 كيلو وكان في شويه رمل في الارض . بس عموما ثباتها بعتبره احسن من عربيات تانيه كتير

بيقل السحب مع التكييف في اللانوس بنسبة بسيطة لو العربية صيانتها مظبوطة

انا عربيتي الانوس صراحه مكنتش بحس معاها بكده خالص

[shaddadfalcon1]

اضم صوتي لصوت tlrsiap ان وجود اللانوس في المقارنه غير عادل بالمره بس انا عندي تعليق علي استهلاك البنزين
حضرتك بتقول وحش بنزين
اللانوس بتمشي حوالي 10 كيلو للتر داخل البلد و من 14 الي 16 او اكتر في الطوالي
ممكن اعرف العربيتين التانيين استهلاكهم ايه؟

[eng_maged]

اضم صوتي لصوت tlrsiap ان وجود اللانوس في المقارنه غير عادل بالمره بس انا عندي تعليق علي استهلاك البنزين
حضرتك بتقول وحش بنزين
اللانوس بتمشي حوالي 10 كيلو للتر داخل البلد و من 14 الي 16 او اكتر في الطوالي
ممكن اعرف العربيتين التانيين استهلاكهم ايه؟

انا دخلت اللانوس في المقارنه عشان هما دول ال 3 عربيات اللي انا امتلكهم وبالتالي اقدر احكم عليهم حكم عن تجربه

استهلاك البنزين على حسب ما عداد الاستهلاك بيقول مبنيه على سواقتي اللي هيا نصها سفر ونصها جوه البلد وساعات بمشي بالراحه وساعات بحرق وبطير كالاتي :

السيتي 7 لتر لكل 100 كلم
السيريون 7.5 الى 8 لكل 100 كلم
الانوس مفهاش عداد استهلاك بنزين بس تقريبا بالشبه كده حوالي 10 او 11 لتر لكل 100 كيلو

[shaddadfalcon1]

انا دخلت اللانوس في المقارنه عشان هما دول ال 3 عربيات اللي انا امتلكهم وبالتالي اقدر احكم عليهم حكم عن تجربه

استهلاك البنزين على حسب ما عداد الاستهلاك بيقول مبنيه على سواقتي اللي هيا نصها سفر ونصها جوه البلد وساعات بمشي بالراحه وساعات بحرق وبطير كالاتي :

السيتي 7 لتر لكل 100 كلم
السيريون 7.5 الى 8 لكل 100 كلم
الانوس مفهاش عداد استهلاك بنزين بس تقريبا بالشبه كده حوالي 10 او 11 لتر لكل 100 كيلو

متشكر لرد حضرتك
يعني الأرقام دي جوه البلد بس ولا طوالي ولا من ده علي ده لان المفروض تبقي كل حاجه لوحدها عشان المقارنه

[bmya]

موضوع جميل بس مش منطقي شويه لان كل عربيه مش نوع وشكل ولون
يعني هاتش بالك على سيدان على مانوال على اتوماتيك
طبعا كل ده بيأثر في الثبات واستهلاك البنزين والراحه وكل حاجه

بس عموما شكرا لحضرتك

[ashouhdy]

سيتى او كروز او شارك مين افضل ؟؟

[eng_maged]

متشكر لرد حضرتك
يعني الأرقام دي جوه البلد بس ولا طوالي ولا من ده علي ده لان المفروض تبقي كل حاجه لوحدها عشان المقارنه

من ده على ده

[eng_maged]

موضوع جميل بس مش منطقي شويه لان كل عربيه مش نوع وشكل ولون
يعني هاتش بالك على سيدان على مانوال على اتوماتيك
طبعا كل ده بيأثر في الثبات واستهلاك البنزين والراحه وكل حاجه

بس عموما شكرا لحضرتك

زي ماقلت برضه انا دخلت اللانوس في المقارنه عشان هما دول ال 3 عربيات اللي انا امتلكهم وبالتالي اقدر احكم عليهم حكم عن تجربه