مقارنه بين الجولف4 والماتسوبيشي بوما

[simon659]

مسا الخير يا احلي منتدي
طبعا دي مقارنه محسومه للجولف طبعا بس انا كنت عاوز اعرف الفرق بين الاتنين واتمني لو حد يعرف دنيتا الجولف ايه
كنت محتاج شويه معلومات عن العربيه دي من ناحيت كام سي سي واستهلاك البنزين واسعار قطع الغيار والثبات بتاعها علي الطريق والشغل فيها بيحتاج ميكانيكي دكتور ولا لازم توكيل .اسعارها في السوق ايه اذا كانت بره وجوه تتكلم في كام .
انا عاوز اشتري العربيه دي ومحتاج اعرف عنها كل المعلومات وامكانيتها ايه ولو في حاجه انا ناسيها يعني يا ريت تزودو وشكرا ليكو جدا

[simon659]

بفرض ان الجولف موديل 2002 وان الماتسوبيشي 2009

[alarabiya11]

بفرض ان الجولف موديل 2002 وان الماتسوبيشي 2009

نسبة الاستهلاك اقل يبقى محسزمه لموديل الاعلى

[free5800]

شوف يا باشا الجولف فيها عيب واحد هو ايه .
قطع غيارها فقط اما نار او موجوده بس فى توكيلها وكده تبقى نارين .
اما اى سوءال تانى فى الجولف اى سوءال يخطر فى بالك اسأله انت ورد على نفسك بنعم ايجابيا طبعا . وارجع واقولك الالمانى لا يضاهى بشىء اه فى عيب معكننى اوى مفتاح الانوار فى الطابلوه مش عارف الناس دى بتفكر ازاى حتى فى موديلاتهم 2012 برده عاملين مفتاح النور فى الطابلوه ما تعرفش ايه الفكره من كده وربنا يوفقك فى اختيارك يا باشا وكل الاحترام

[free5800]

الميتسوبيشى 2009 مش وحشه انما الجولف حلوه

[ahmedamr]

مفتاح النور معمول فى الطابلوة فى المرسيدس والبي ام والفولكس عشان النور اكتر حاجة بتستخدمها وانت سايق وممكن تتعصب ولا حاجة ع الدراع ينعم منك او يتكسر لكن فى الطابلوة يستحمل اكتر وتقدر تدغير فية من غير ما تحسس علية زي الدراع

[M.Nasr]

انا معايا بوما 2007 ومقتنع ان الجولف 4 احسن منها بمراحل لأنى اولا عاشق الصناعة الالمانية وثانيا الجولف 4 بعزها جدا ورغم كل ده هافضل باللانسر البوما طول مانا فى مصر.