النترا مستعمل ولا اوبترا مستعمل ولا نيو اكسنت جديد

[yassien]

السلام عليكم جميعاً
في البداية اتوجه بالشكر لكل اعضاء المنتدي والقائمين علي العمل بالمنتدي
ارجو من الجميع المشاركة وابداء اسباب الاختيار لكل من نيو النترا مستعمل او اوبترا او نيو اكسنت جديدة
طبعا انا قرايت كلام من الاخوة الاعضاء عن كل سيارة بس الحيرة وحشة فعلاً
النيو النترا عربية جميلة وشيك وفخمة بس مشكلة علبة الدركسيون انها كهرباء وانها بتبصم علي كل مطب تمشي عليه لما يكون حد راكب علي الكنبة الخلفية
الاوبترا سعر اعادة بيع وحش جدا دا غير ان فيها مشاكل عفشة وعلبة دركسيون ومفيهاش تكنولوجيا
النيو اكسنت ودي غالبا الي ممكن اجيبها جديدة لان تمنها في متناول ايدي بس هخسر وسع الصالون والشنطة وغالبا قطع غيارها اغلي من الاوبترا والالنترا

ملحوظة: انا عمري ماركبت اي عربية من دول والعربية الي كانت معايا 128 وبعتها يعني اي مشكلة من الي قولت عليها دي من كلام الاعضاء مش كلامي ومحدش يقول انها عيوب فردية لان الكلام دا شبة متكرر

ولكم جزيل الشكر والتقدير

[mohamedkandel]

النترا مستعمل

[ramy01011]

النيو اكسنت شكلها اتغير يعني اللي موجوده موش هيبقي ليها ريحة اللزمة
الاانترا تحفة طبعا
الاوبترا اقتصادية بمعني انها عربية و هي حلوة ثبات و ووسع و قطع غيارها رخيصة و زي ما انت بتقول سعرها واقع في المستعمل يعني ممكن تجيب واحدة استعمال خفيف بسعر كويس

[simon659]

بص يا باشا بدام بتبص في المستعمل يبقي خليك في المستعمل انما نصيحه بلاش مستعمل خالص صدقني هتندم وعلي فكره لو العربيه لعيله صغيره يعني 4 اشخاص بجد هات النيو اكسنت عربيه رهيبه وجميله في كل شئ وبره في السعوديه والدول المحطرمه زي الامرات النيو اكسنت بتتقارن بلهوندا سيتي عربيه علي الجد العربيه دي فعلن رهيبه فرامل وثبات وسحب وتكييف وماتور دي عربيه باشا بس نصيحه قبل ما تجيب اي عربيه ابقي اجرها وجربها مش تشتري عمياني ولو هتشتري عربيه خدها من واحد معرفه بلاش سوق الجمعه

[mememsaid]

بلاش مستعمل
الزيرو زيرو واللي بيبيع عربيته لازم بيبعها عشان فيها حاجه ان شالله تكون حاجه عبيطه
انا من راي الاكسنت