corsa vs gen2

[engmostafa]

السلام عليكم
اولا احب اشكر كل القائمين على المنتدى ده علشان يظهر فى هذه الصورة المشرفة

نيجى يا للموضوع التانى
انا عاوز اجيب عربية وهتكون اول عربية ليا وانا مش عاوز حاجة تخنانى بعد ما اشتريها
دلوقتى انا من خلال تصفحى للنت وصلت لاختبارين
opel corsa 1.6 model 2004 - 2006
proton gen 2 1.6 model 2004 - 2006

1- عاوز اعرف الاثنين سعرهم فى حدود كام بحيث تكون حالتهم كويسة علشان انا بشوف اسعار غريبة على النت ومتفاوته جدا
2- قطع الغيار (اسعارها - العمر الافتراضى - متوفره بره التوكيل ولا لا )
3- استهلاك البنزين
4- سعر اعاده البيت
5- لو فى عيوب مشهوره بيها اى واحده من الاثنين دول
وشكرا

[Mohab.Nabil]

opel corsa 1.6 model 2004 - 2006

proton gen 2 1.6 model 2004 - 2006

انا هقدر افيد حضرتك فى الجين 2 بحكم امتلاكى ليها و ان شاء الله بقية الاعضاء يفيدوك فى الكورسا

و اعتقد ما فيش جين 2 موديل 2004 اول موديل ليها فى مصر 2006

1- عاوز اعرف الاثنين سعرهم فى حدود كام بحيث تكون حالتهم كويسة علشان انا بشوف اسعار غريبة على النت ومتفاوته جدا

اعتقد جين 2 فى حالة جيدة موديل 2006 تتراوح ما بين 50 الى 60 الف و مش متأكد اوى من النقطة ديه

2- قطع الغيار (اسعارها - العمر الافتراضى - متوفره بره التوكيل ولا لا )

قطع الغيار متعتبرش رخيصة نسبيا فى الفئة ديه .. التوكيل قطع غياره غالية .. العمر الافتراضى جيد الى حد ما

متوفرة برة التوكيل اه و فى بعض المحلات المذكورة فى موضوع فى قسم بروتون

3- استهلاك البنزين

استهلاك البنزين يعتبر متوسط انا عربيتى موديل 2010 اوتوماتيك و الاستهلاك جيد الى حدا ما

4- سعر اعاده البيت

سعر اعادة البيع اعتقد هيبقى جيد بالنظر ان حضرتك هتشتريها مستعملة فمش هتخسر الخسارة الكبيرة

5- لو فى عيوب مشهوره بيها اى واحده من الاثنين دول

بعض عيوب التقفيل البسيطة و اللى التوكيل بيكون قادر على حلها فى الصيانات الدورية


انا رأيى ان لو حضرتك مش من معجبى العربيتين دول يا ريت تفكر فى حاجة منتشرة اكثر زى اللانوس او الفيرنا هيبقوا افضل كثير فى موضوع قطع الغيار و سعر اعادة البيع او لو حضرتك تقدر تزود شوية و تجيب حاجة زيرو هيبقى افضل كثير زى اللوجان مثلا

[engmostafa]

مشكور على الرد
بس اللانوس والفيرنا انا بصراحة مش بحسهم عربيات محترمة العربيتين دول لو ركب فيهم 3 تحس ان العربية هتسحف
بعدين انا واحد بحب انى اركب ماركة الناس تقدرها علشان كده انا بحب الاوبل عامتا باى موديل والى يناسبنى فى الاوبل هو الكورسا
بالنسبة للوجان وبما ان ده هتكون اول عربية انا مش محبز فكره الزيرو علشان اكيد العربية هتتبهدل وهتتخبط وكده فحرام اجيب عربية زيرو ولما اجى ابعها تبا برخص التراب
وبالنسبة لقطع الغيار حضرتك بتقول انها غالية نسبيا يعنى اغلى من الاوبل بصفة عامه وهتعمل زى الاوبل الالمانى ؟؟
وفى سؤال تانى انا قريت فى موضوع ما ان فى ناس بتشتكى من الموتور 1600 سى سى وبيقولوا ان العربية برده تقيلة عليه هل المعلومة ده صحيحه يعنى اداة العربية بالنسبة للماتور بتاعها كويس ؟
وشكرا مره تانية

[Mohab.Nabil]

مشكور على الرد
بس اللانوس والفيرنا انا بصراحة مش بحسهم عربيات محترمة العربيتين دول لو ركب فيهم 3 تحس ان العربية هتسحف
بعدين انا واحد بحب انى اركب ماركة الناس تقدرها علشان كده انا بحب الاوبل عامتا باى موديل والى يناسبنى فى الاوبل هو الكورسا
بالنسبة للوجان وبما ان ده هتكون اول عربية انا مش محبز فكره الزيرو علشان اكيد العربية هتتبهدل وهتتخبط وكده فحرام اجيب عربية زيرو ولما اجى ابعها تبا برخص التراب
وبالنسبة لقطع الغيار حضرتك بتقول انها غالية نسبيا يعنى اغلى من الاوبل بصفة عامه وهتعمل زى الاوبل الالمانى ؟؟
وفى سؤال تانى انا قريت فى موضوع ما ان فى ناس بتشتكى من الموتور 1600 سى سى وبيقولوا ان العربية برده تقيلة عليه هل المعلومة ده صحيحه يعنى اداة العربية بالنسبة للماتور بتاعها كويس ؟
وشكرا مره تانية

العفو

و اكيد محترم رأى حضرتك فى موضوع العربيات المنتشرة او العربيات الزيرو

بس هو الموضوع معادلة يعنى انت هتركب عربية زى اللانوس او الفيرنا مش هتحس بمتعة القيادة اوى معاك بس فى نفس الوقت انت فى راحة بال من ان قطع الغيار متوفرة و رخيصة و فى كل حتة

قطع الغيار معرفش و الله فى الاوبل عشان مفتيش بس هى تعتبر مش رخيصة بس مش غالية اوى بس اعتقد انها ارخص من الاوبل بالذات ان الكورسا مش منتشرة اوى

لأ شكوى من الموتور ديه انا اول مرة اسمع الموضوع ده .. العربية ماشاء الله وحش على الطريق .. و الموتور حلو جدا عليها مع العلم ان عربيتى اوتوماتيك يعنى المانيوال سحب احسن كمان فمتقلقش من الموضوع ده و لو حضرتك قلقان فيه تيست درايف فى عز العرب ممكن تجرب الجين 2 .. اداء العربية مش كويس .. ادائها ممتاز

[bero0o0o0]

بص هو بصراحة الاسترا اصعب شوية في صيانتها
و من ناحية الشد و السحب و واضح انك مهتم بيها الاتنين بصراحة احسن من بعض و ماقدرش اقولك دي تطلع من دي او العكس
لان موتور الاسترا ايكوتك و ده معروف انه قوي و بيقفل العداد نط و موتور الجين 2 كامبرو و ده انا مسمعتش حد قال عنه كلمة وحشة
و الثبات برده متساوي تقريبا و الامان كذلك
بس مع اعتذاري الشديد للاخ rs12 انا سمعت ان خامات و تقفيل ال جين2 سيئة و مادام العربية هتبقى موديل 2006 يعني خاماتها مش حلوة و كمان قديمة مش عارف بصراحة يبقى وضعها ايه
انا لو مكانك اخد الكورسا عشان الخامات فقط مع العلم بان شكلها من برة مش بيعجبني

[Mohab.Nabil]

بص هو بصراحة الاسترا اصعب شوية في صيانتها
و من ناحية الشد و السحب و واضح انك مهتم بيها الاتنين بصراحة احسن من بعض و ماقدرش اقولك دي تطلع من دي او العكس
لان موتور الاسترا ايكوتك و ده معروف انه قوي و بيقفل العداد نط و موتور الجين 2 كامبرو و ده انا مسمعتش حد قال عنه كلمة وحشة
و الثبات برده متساوي تقريبا و الامان كذلك
بس مع اعتذاري الشديد للاخ rs12 انا سمعت ان خامات و تقفيل ال جين2 سيئة و مادام العربية هتبقى موديل 2006 يعني خاماتها مش حلوة و كمان قديمة مش عارف بصراحة يبقى وضعها ايه
انا لو مكانك اخد الكورسا عشان الخامات فقط مع العلم بان شكلها من برة مش بيعجبني

مفيش داعى للأعتذار يا اخى .. مش انا اللى عامل العربية يعنى .. انا مالك ليها بس

هو صاحب الموضوع بيتكلم على الكورسا موديل 2006 الشكل السيدان اعتقد اللى نزل من فترة مع الاسترا السيدان برضه

الموتور فعلا بتاع الجين 2 حلو زى ما حضرتك فلت


هى العربية الجين 2 فيها بعض عيوب التقفيل بس بسيطة و غير مؤثرة و التوكيل بيقدر يحلها الحمد لله و دا طبعا انا مقدرش انكروا

و الخامات بتاعت الجين 2 لو اتقارنت بالأسترا اكيد الاسترا تكسب لأن الاسترا فئة مختلفة خالص عن الجين 2 يعنى اعتقد الجين 2 بالنسبة للفئة بتاعتها فتعتبر خامات مش سيئة خالص .. انا لما كنت بشترى كانت الجين 2 اوتوماتيك بـ 91 الف و الاسترا كانت بتبدأ من 135 مع اختلاف الموديلات ما بين 2006 و 2010 بس الاسترا فئة اعلى من الجين 2

مش عارف حضرتك كتبت كورسا فى الاخر .. هل الكورسا و الاسترا 2006 مشتركين فى نفس الموتور و التابلوه و الخامات و لالا .. انا بصراحة معرفش !

[bero0o0o0]

مفيش داعى للأعتذار يا اخى .. مش انا اللى عامل العربية يعنى .. انا مالك ليها بس

هو صاحب الموضوع بيتكلم على الكورسا موديل 2006 الشكل السيدان اعتقد اللى نزل من فترة مع الاسترا السيدان برضه

الموتور فعلا بتاع الجين 2 حلو زى ما حضرتك فلت


هى العربية الجين 2 فيها بعض عيوب التقفيل بس بسيطة و غير مؤثرة و التوكيل بيقدر يحلها الحمد لله و دا طبعا انا مقدرش انكروا

و الخامات بتاعت الجين 2 لو اتقارنت بالأسترا اكيد الاسترا تكسب لأن الاسترا فئة مختلفة خالص عن الجين 2 يعنى اعتقد الجين 2 بالنسبة للفئة بتاعتها فتعتبر خامات مش سيئة خالص .. انا لما كنت بشترى كانت الجين 2 اوتوماتيك بـ 91 الف و الاسترا كانت بتبدأ من 135 مع اختلاف الموديلات ما بين 2006 و 2010 بس الاسترا فئة اعلى من الجين 2

مش عارف حضرتك كتبت كورسا فى الاخر .. هل الكورسا و الاسترا 2006 مشتركين فى نفس الموتور و التابلوه و الخامات و لالا .. انا بصراحة معرفش !

لا يا باشا هو نفس الموتور ال 1600 بتاع الاتنين زي بعض عشان كدا انا بس اتلخبط
لكن انا كلامي كان كله على الكورسا و اعتذر عن اللخبطة اللي حصلت دي

[Mohab.Nabil]

لا يا باشا هو نفس الموتور ال 1600 بتاع الاتنين زي بعض عشان كدا انا بس اتلخبط
لكن انا كلامي كان كله على الكورسا و اعتذر عن اللخبطة اللي حصلت دي

لا عادى يا باشا و لا يهمك

و شكرا على المعلومة اللى فعلا مكانتش عندى

كده المقارنة محيرة فعلا

[engmostafa]

لا يا باشا هو نفس الموتور ال 1600 بتاع الاتنين زي بعض عشان كدا انا بس اتلخبط
لكن انا كلامي كان كله على الكورسا و اعتذر عن اللخبطة اللي حصلت دي

انت متاكد من المعلومة ده ؟؟