دايو نوبيرا ولا جين 2 مستعمل؟

[mohamedcool]

السلام عليكم ورحمة الله وبركاته
انابشتغل مندوب مبيعات فى احدى الشركات وتم تغيير طريقة العمل الى نظام مندوب order taker
وهى انى يكون معايا عربية انزل الف بيها على العملاء واسلم الاوردرات تانى يوم فى الشركة والشركة تقوم بتنفيذ التسليم للعميل
ومطلوب مني انى اجيب عربية زيرو او مستعمل المهم ميكونش مر على انتاجها اكثر من عشر سنوات يعنى لو العربية 2006 لازم اغيرها فى سنة 2016
المبلغ اللى معايا من 50000 الى 60000 استقريت على دايو نوبيرا او جين 2 مستعمل من 2007 وطالع
انا كنت عايز رأى الاخوة الاعضاء فى العربيتين ولاو فى حاجة احسن ماشى
ولكم جزيل الشكر

[mangere90]

السلام عليكم ورحمة الله وبركاته
لأ لو سمحت ماتهنش جيجي معاك دي عربيه ركوبه فقط (ههههههه)
لأ طبعا انا بهزر معاك بس انا رأيي تجيب نوبيرا لعدة اسباب
وهي الثمن رخيص وقطع الغيار ببلاش عكس الجين 2 وكمان استهلاك
البنزين بتاع النوبيرا موفره جدا وكمان تانك البنزين بتاعها كبير يعني هينفع معاك في اللف وياريت لو تشتري لانوس 2 لأن
النوبيرا فيها عيب واحد وهي جلب المقصات كل 6 , 7 شهور كده علي حسب الأستخدام
عايزه تتغير لاكن الانوس فيها كل الموصفات ديه ومفيهاش اي عيب واخرها 45000 الف 2008 يارب اكون افدت حضرتك ............

[mohamedcool]

استاذ mangere90 انا نتشكر اوى على الافادة
بس انا جربت الانوس وجربت النوبيرا النوبيرا احسن من الانوس فى الثبات وفى التحمل ولو على الجلب هينة
انا بصراحة بحب البروتون اوى من اللى سمعتو عنها وكنت بفكر فى الساجا زيرو اوى الجين مستعمل بس زى مانت قولت قطع الغيار ناااااااااااار

[mangere90]

استاذ mangere90 انا نتشكر اوى على الافادة
بس انا جربت الانوس وجربت النوبيرا النوبيرا احسن من الانوس فى الثبات وفى التحمل ولو على الجلب هينة
انا بصراحة بحب البروتون اوى من اللى سمعتو عنها وكنت بفكر فى الساجا زيرو اوى الجين مستعمل بس زى مانت قولت قطع الغيار ناااااااااااار

السلام عليكم ورحمة الله وبركاته

والله حضرتك هي قطع غيارها مش غاليه ولا حاجه هي زيها زي الانسر في اسعار قطع الغيار
بل ارخص شويه كمان متصدقش حد يقولك قطع غيرها غاليه بالشكل المبالغ فيه ده
يعني مثلا عندك قطع الغيار المستهلكه زي :-

التيل بيبدأ من اول 80 جنيه : 350 جنيه
البوجيهات : 50 جنيه
السيور : سير كاتينه بحوالي 130 جنيه وده طبعا كل 60000 الف
فانوس امامي 350 جنيه لو ابيض لغاية موديل 2008 ولو اسود من اول موديل 2009 يبقي 450 جنيه
اكصدام امامي 350 : 500 الأول تيواني واللي ب 500 ماليزي
دي طبعا اسعار خارج التوكيل وحضرتك بتقول هشتري مستعمل يبقي التوكيل مالوش لازمه معاك

اما بقي لو بصيت لمستوي اسعار قطع غيار النوبيرا طبعا فرق شاسع مابينها وبين الجين2

انا معرفش اسعار قطع غيارها اوي بس علي ما اتذكر تيل امامي 45 جنيه خلفي 80 جنيه
فانوسين امامي بحوالي 400 جنيه سير كاتينه ب 80 جنيه تقريبا يعني طبعا قطع الغيار
اسعارها جميله جدا

وربنا يوفقق ان شاء الله

[abdalah_hashem]

انا رايى تخليك فى اللانوس
بس طالما انت النوبيرا ريحتك عنها توكل على الله

[bero0o0o0]

يا باشا مادام العربية عايزها للشغل و الهري يبقى خليك في النوبيرا
او ممكن حضرتك تفكر في اكسنت 1500 موديل 2006 بردو بتستحمل اوي و في البنزين ارحم شوية من النوبيرا
و ربنا يوفقك

[tito_1980]

طبعا البروتون و ابعد عن النوبيرا