(استعمال)شارك اول فئه ولا هيونداى الانترا ؟؟؟ ارجو الافاده السريعه

[hossamsmsm]

ياريت ياجماعه تفيدونى انا معايا 75 وقدامى شارك اول فئه من واحد معرفه
ولا اجيب الانترا برضه فى نفس الرينج
ايه احسن من حيث كل حاجه ؟؟؟
ولو مقارنه بسيطه بين الاتنين يبقى زى الفل

[hossamsmsm]

ياريت حد يقدر يفيدنى

[Dawns_Mist]

ناس كتير أوي هتقولك إلنترا ... و هتقولك علشان عيوب في الشارك و كلام كتير من ده ..
بصراحه .. عيب أوي لما تقارن شارك بإلنترا يا راجل يا طيب ...
أنا معاك إن صاج الشارك خصوصا أول فئة منها مش بنفس مستوى العربية .. و التابلوه فقير في الأوبشنز ..
بس عيب أوي تقارن عربية فيها أنظمة أمان ( آي بي إس + آي بي دي ) و جنط عريض و موتور وحش والله العظيم عديت بيه الـ 80 على الثاني و عربية ياباني ... و تقارنها بعربية كوري مافيهاش ولا أي أوبشن زيادة غير الشكل اللي الناس بتشوفه شيك و العفشة الطرية و فيه ناس بتعتبرها بتسحب كويس ....
عندك مشكلة كبيرة ... قطع الغيار فرق شاسع بين الكوري و الشارك .. و الشارك تحديدا كمان ... يمكن ده أكبر عيب فعلا ، و سعر إعادة البيع للشارك كمان مش كويس .. بس انت كده كده شاريها مستعمله يعني مش هتخسر كتير .

رأيي الشخصي ..
لو الشارك حالتها حلوة و فل أوبشنز أو حتى نص فل ... و انت من الناس اللي بتعرف تحافظ على العربية كويس شد فيها و توكل على الله.
لو هيفرق معاك موضوع قطع الغيار .. يبقى الإلنترا.

ربنا يوفقك يا باشا

[refoo]

مع كامل أحترامي للألنترا اللي بحبها جدااااااا
بس الشارك بحس أنها ركوبه أحلي وبرستيج أكتر
متنساش صلاه الأستخاره قبل الشراء

[bero0o0o0]

لو مكانك اخد الشارك
بس ده طبعا لسبب شخصي لاني بحب العربية دي
لكن بالنسبة للشكل التنين حلوين
بالنسبة للعفشة الالنترا طرية شوية و مريحة
بالنسبة للموتور الاتنين حلوين مع تفوق طفيف للالنترا في التسارع
بالنسبة للثبات الشارك تكسب
بالنسبة لعوامل الامان الشارك تكسب
بالنسبة للصيانة و قطع الغيار و اعادة البيع الالنترا تكسب
بس ارجع و اقول
لو مكانك اجيب الشارك عشان انا بحبها ;)

[SAMEH_FOUAD]

الشارك ليه عيوب ومميزات بس للاسف عيوبها اكتر من مميزاتها

يعنى لو قولنا عيوبها باختصار : عفشة ناشفة - قطع غيار غالية - سعر اعادة البيع فى النازل - ماتور ضعيف - صاج ضعيف جدا - خامات فقيرة - عيوب صناعة - لا تتميز بالنعومة كاشقاءها اليابانيين

مميزاتها : ثابتة عن الكورى - وسائل امان قياسية abs-air bag - صالون مناسب

بالنسبة للانترا :

مميزاتها : سعر اعادة البيع - ماتور سريع مقارنة بباقى الفئات - خامات متوسطة ( احسن من سيارات كتير اغلى منها ) - صوت ماتور منخفض - سهولة ايجاد قطع الغيار ورخص جزء كبير منها

عيوبها : ككل الكورى افتقادة لوسائل الامان مع انة فى اشد الحاجة الية - ثبات ضعيف - سعرها كتير عليها - عدم الاعتمادية ( قطع الغيار مش معمرة زى اليابانى - طلمبة الباور مش بتفصل بعد ال100 ودة خطر جدا حتى فى الموديلات الحالية

من رأى انا ماركبش كورى واهم الاسباب ضعف حاد فى الثبات والسعر المبالغ فية وعدم الاعتمادية

وماركبش الشارك للاسباب اللى انا ذكرتها فوق

من رائى اركب لانسر بومة سوبر اكشن خليجى 2008 تعتبر ليها افضلية عن السيارات دية بالنسبالى

[mohamedkandel]

مع كامل أحترامي للألنترا اللي بحبها جدااااااا
بس الشارك بحس أنها ركوبه أحلي وبرستيج أكتر
متنساش صلاه الأستخاره قبل الشراء

+1111111111111

[Formulator]

الشارك ليه عيوب ومميزات بس للاسف عيوبها اكتر من مميزاتها
يعنى لو قولنا عيوبها باختصار : عفشة ناشفة - قطع غيار غالية - سعر اعادة البيع فى النازل - ماتور ضعيف - صاج ضعيف جدا - خامات فقيرة - عيوب صناعة - لا تتميز بالنعومة كاشقاءها اليابانيين
مميزاتها : ثابتة عن الكورى - وسائل امان قياسية abs-air bag - صالون مناسب
بالنسبة للانترا :
مميزاتها : سعر اعادة البيع - ماتور سريع مقارنة بباقى الفئات - خامات متوسطة ( احسن من سيارات كتير اغلى منها ) - صوت ماتور منخفض - سهولة ايجاد قطع الغيار ورخص جزء كبير منها
عيوبها : ككل الكورى افتقادة لوسائل الامان مع انة فى اشد الحاجة الية - ثبات ضعيف - سعرها كتير عليها - عدم الاعتمادية ( قطع الغيار مش معمرة زى اليابانى - طلمبة الباور مش بتفصل بعد ال100 ودة خطر جدا حتى فى الموديلات الحالية
من رأى انا ماركبش كورى واهم الاسباب ضعف حاد فى الثبات والسعر المبالغ فية وعدم الاعتمادية
وماركبش الشارك للاسباب اللى انا ذكرتها فوق
من رائى اركب لانسر بومة سوبر اكشن خليجى 2008 تعتبر ليها افضلية عن السيارات دية بالنسبالى

متفق معاك فـ كتير من اللى قولته... بس مختلف معاك فـ بعض الأجزاء.
يعنى عفشة الشارك مش ناشفة أوى كده... ونعومة العربية كـ handling برضه معقولة..؟؟؟!!
وبصرف النظر عن تفوق الشارك فـ الثبات والأمان والـABS+EBD
هى كـ ركوبة.. أعلى كتير من الألنترا, قد يعيبها أن الموتور أقل سيكا.. بس برضه العربية ككل أجمد..!

[M.Alaa92]

يا جماعة الموتور المايفيك مش ضعيف على الشارك خالص و من رايى الشارك احسن بس من ناحية اعادة البيع الانترا تكسب بس محدش ينسى ان التوكيل الجديد نازل و ان شاء الله حيرجع للشارك مكانتها الحقيقية

[hossamsmsm]

متابع بأهتمام بس ياترى هلاقى شارك فى رينج 75000 ولا هتبقى صعبه ؟؟؟

[tarekmomo]

طيب ماتشوف لانسر بومة

[dr_radioooooo]

مع انى راكب باسات بس كل ما اشوف الشارك بيبقى نفسى ابيع الباسات و اجيبها شكلها جامد جدا

[hossamsmsm]

طيب ماتشوف لانسر بومة

بصراحه مش بحبها مع انى عارف ان هى عربيه ناجحه جداااا عن الشارك بس بالنسبه ليا انا برجع الالنترا عنها .. انما الشارك حاجه تانيه خاااااااااااالص

مع انى راكب باسات بس كل ما اشوف الشارك بيبقى نفسى ابيع الباسات و اجيبها شكلها جامد جدا

ياباشا العربيه تتحب لله فى لله