انهى الافضل يا جماعة من العربيات دى

[EngMiiido]

السلام عليكم ورحمة الله وبركاته

انهى الافضل يا جماعة من العربيات دى

الافضل كشكل و كهيكل سيارة و كمكنة فى حدود الامكانيات و كتكيف و الكلام ده

لان التكيف مهم جدا فى الصيف

اكسنت موديل 98
سكودا فليشيا 99
بونتو 97
فورد فيستا 99
ابيزا موديل 97
لانوس 98
لانسر 92
الفا روميو 146 موديل 96


و ايضا لو سعر تقريبى لكل سيارة من السيارات دى فى الوضع الحالى

و ياريت ايضا لو مقارنة بينهم هل كل سيارة سعرها فى الايام القادمة هل ممكن يتغير سعرها لاعلى او لاسفل ام لا؟

منتظر الردود

ملحوظة : انا لقيت الفورد الفيستا موديل 99 بحوالى 28 الف جنيه
هل هى سيارة كويسة سواء فى قطع غيارها او مكنتها او كده ولا ايه؟
و هل سعرها ده مناسب ام لا؟

[alhourriah]

اكسنت أو لاتسر

[mizohyatt]

لانوس

[EngMiiido]

متشكر يا جماعة عالردود و فى انتظار باقى الردود و الاراء
لكن بالنسبة للفورد فيستا و الالفا روميو؟

[bero0o0o0]

الاكسنت احسن واحدة في الاختيارات
و خليك بعيد عن المتاهات
خليك في العربية اللي يصلحهالك اي حد و قطع غيارها موجودة
و بالنسبة لسعر الاكسنت هي من 35 الى 40 لما تبقى حالتها ممتازة اوي
و خليك طبعا في ال 1500 injection

[eldell]

الاكسنت او اللانوس

[engaass]

لانوس أو اكسنت

[MISS_MONA]

اكسنت

[ali.mahmoud]

لانوس

[ahmdmagdy]

التلاته دول معقولين حسب الترتيب لانوس او تمبرا او اكسنت

[Dawns_Mist]

سبحان الله .... بقى كل الناس مقتنعين إن اللانوس و الأكسينت ( اللي هما أقل فئة في الكوري ) أحسن من الانسر ( الياباني ) و أحسن من الألفا روميو 146 و البونتو ( الإيطالي ) و أحسن من الإيبيزا ( الأسباني بتكنولوجيا ألماني ) و أحسن من السكودا ( التشيكي بتكنولوجيا ألماني ) و أحسن من الفورد ( الأمريكي ) ؟؟؟؟؟

أنا حاسس إني في كوكب نيبتون !!!!!

ماعلينا ... أنا هنسى اللي بيحصل ده و هقول رأيي الشخصي ...

أكيد ألفا روميو 146 لا يعول فوق صوتها ولا أي حاجة من الحاجات دي .. يجي بعدها الإيبيزا طبعا ، و قريب منها اللانسر .. تحتهم و في مكانه متشابكه الفيستا ثم الفليشيا ثم الأكسينت ثم اللانوس ثم البونتو ( ممكن أكون اتلخبطت في الترتيب الأخير ده شوية لإنهم كلهم قريبين من بعض )

طبعا الترتيب اللي فات ده كموديلات حتى لو هيكون فيه فرق سنتين ولا حاجة في سنة التصنيع ...

المشكلة عندك في السوق المصري ( اللي هو فعلا قريب من كوكب نيبتون ) أولا .. قطع الغيار .. ثانيا .. هل هتعرف تجيب حالة نضيفه و كويسه للعربيات دي مستعمله ؟؟؟
و من هنا بنبدأ نخرج ألفا روميو في مرتبه بعيده شوية لكنها مرتبة عاليه فوق دماغنا لإن قطع غيارها هتكون غاليا جدا بالنسبة للباقيين إلا لو انت هتعرف تحافظ عليها و تجيبها بحاله كويسه ...

المنافسه شرسة بين الإيبيزا و اللانسر في رأيي .. لإنهم الاتنين أقويا جدا و قطع غيارهم توفرة حتى لو كانت أغلى شوية صغيرين من الباقيين .

على عيني و راسي الفيستا و الفليشيا و على فكره عربيات محترمه جدا .. لكن صعب تلاقيهم بحاله كويسه دلوقتي .

الأكسينت و اللانوس أجمل حاجة فيهم قطع غيارهم اللي بتلاقيها في أي محل بقاله و ممكن البقال يديهالك هديه فوق كل صفيحة جبنه اسطنبولي ، و كمان بكل سهولة تلاقيهم مستعملين بحالة حلوة و بسعر ممتاز كمان .

حرام تظلم البونتو الأمورة خصوصا القديم منها دلوقتي .. ده لو عرفت تلاقي منها حاله حلوة لإنها برضه مش منتشره أوي كده .

( سهلها على نفسك و ابدأ دور على لانسر أو إيبيزا بحاله كويسه )