جـولـيـت ولا ابـيـزا 2002

[bmw323]

جميـــل أوى ,, انـقـسـام فى الآراء , والـحـيـرة فـى ازديـاد .

طـيـب قولولى ,, ماذا لو كانت الإبيزا 2002 1400 cc .. هل تصبح افضل من الجوليت ؟

وبالنسبة للتسقيط ؟

يعنى 1400 مكان 1000 .. هل ده عادى

ولا العربية بماتورها الاصلي احسن ؟

من ناحية التسقيط فى الأبيزا متقلقش تماما لأن كل مواتير الجولف تقريبا بتركب فيها ومعاك لحد vr6 2.8 وكان متسقط فى أبيزا بس الشكل ألى قبل 2002

[tame_y]

يعنى اتوكل على الله وادور على ابيزا 1400 سى سى وانفض للجوليت ولا لا ؟

وانا اسف بجد لكل اللى تعبتة معايا

وربنا يجزيكم خير على النصيحة المفيدة

[Hossam_Zaky]

مع احترامي لأصحاب الرأي اللي تداخلو في الموضوع و تحول لنوع من المنافسة بين الكوري و الأوروبي ( اسبانيا )
الأختلاف في الرأي لا يفسد للود قضية

و برضه رأيي الشخصي و عن تجاربي في العربيات
مشكلة الأوروبي في مصر انه مالوش نصيب و ده مالوش دعوة بالجودة لكن بتكلفة صيانة و قطع غيار لأن أي عربية قديمة لها مصاريف و اكيد مش كل الناس بتشتغل في الأوروبي مثلا الستروين AX عربية زي الفل و اللي ركبها يعرف قيمتها و كنت بجيب بها اكتر من 150 كم علي الصحراوي مستريح مش قلقان و مشغل تكييف و مع ذلك تمنها تمن عربية 128 مافيهاش امكانياتها لأن صيانة الستروين متعبة و مكلفة بالنسبة لسعرها

يا جماعة احنا بنتكلم عن عربيات مستعملة و مجبرين نتعايش مع ظروف بلدنا و أعراف سوق السيارات فيها و لازم أي عربية مستعملة يكون لها مصروف كل ما يكون محدود يكون أفضل و لما تحب تبيعها ما تتعبش

من الأخر حضرتك عاوز تركب عربية سبور في الشكل يبقي الأبيزا ( مع تحفظي علي أمكانيات محركات الـ1000 سي سي و الـ1400 سيي سي ) بس مش حيكون ادائها عالي اوي برضه لأنها بالمفاهيم العالمية عربية اقتصادية موتورها موفر و اكيد التكييف حيتأثر بحجم الموتور ( متطلبش منها اكتر ما هي ) و مقابل انك جبت العربية اللي قلبك عاوزها و أوروبي و ثبات اكبر علي الطريق ! تتحمل شوية مصروف زيادة مقابل صيانتها و شوية تعب بسيطة عشان تلاقي ميكانيكي فاهم في الموديل يتعامل معاها

أو حضرتك عاوز تركب عربية ماشية في السوق و بياعة و مصروفها معقول تبقي الجولييت و برضه تقفيلها معقول و كل الكماليات و موتورها 1500 سي سي( برضه موتور مش كبير بس مناسب لحجم العربية ) تأثير التكييف عليه محدود و أداء التكييف عالي جدا عن تجربة في لانوس و شكلها حلو برضه و إن كانت أذواق و علي فكرة شاسيه الجوليت من جنرال موتورز و العربية علي الطريق معقولة و مشاكل الدايو بوجه عام الموديلات دي قليلة مقارنة بسعرها

و برضه احب أفكرك بأهمية الشنطة الخلفية للعربية عن تجربة لو تحب تغير و تبص علي لانوس

و رد بس علي مقولة انها متشال منها الشنطة الخلفية , العربية اساسا بدايتها اواخر التسعينات نزلت من المصنع هاتشباك 2 باب أو 4 باب لأوروبا و بعد كده نزل السيدان للدول النامية اللي زينا




مش وحشة أوي يعني بس المهم تلاقي واحدة حالتها حلوة مش متهانة

[minicooper20]

عايز "عربية بجد" تتركب وثبات وهاندلينج وأمان وأعتمادية.. وجرى وتسارع (لو 1400) أكييييييييييد الأبيزا طبعا... مفيش مقارنة أساسا..!!! :copy of majd(4):
فيه فرق جااااااااامد ما بين عربية معمولة على شاسيه بولو, وبحرفية شديدة جدا.. هاتشباك على أبوها (مش على مامتها).. :pointiy2[2]:
وبين "شبه" عربية سيدان (اللى هى اللانوس) وقطعوا الشنطة بتاعتها.. وأعتبروها هاتش
طبعا قطع الغيار فـ مصلحة اللانوس.. بس برضه قطع غيار الأبيزا مش بالمأساة اللى الناس بتكلم فيها دى.. طبيعى انها تبقى غالية عن اللانوس شوية (عشان أوروبى) مش صينى ولا كورى...!!!

استاذذذذذذذذذذذذذذذذذذذذذذذذذذذذذذذ ورئيس قسم الركب الابيزا 2002 و ركب الجوليت يعرف الفرق
نص اوبشن السيراتو 2010 موجود فى البيزا 2002 مع احترامى للسيراتو

[Hossam_Zaky]

ملاحظة مهمة جدا

الأخوة الأفاضل المؤيدين للسيات الأبيزا بالصدفة و أنا أقرأ تعليقاتهم لفت أنتباهي موديلات العربيات الخاصة بهم بي ام دبليو 325 و الفاروميو 156 2000 سي سي سلسبيد و فيات برافو تربو

العربيات دي كلها أوروبي و راكب العربية الأوروبي مستحيل تقنعه بعربية كوري أو ياباني و عشان حضرتك تعرف مين بيخاطبك دي شوية معلومات بسيطة

بي أم دبليو 325 موتورها 2500 سي سي و أي كان موديلها تكلفة صينتها عالية و اللي بيركبها هاوي ميفرقش معاه مصروف

الفارميو 2000 سي سي سلسبيد موتوها 2000 سي سي ( نادرة في مصر ) بيركبها هاوي مش أي حد و ده مش عشان تكلفة صيانتها عالية بس لكن لأن أماكن محدودة اللي ممكن تعملك صيانة بالأضافة لندرة قطع الغيار خاصة مع الموتور 2000 سي سي لأنه منزلش من الموديل ده كتير و معظم الموجود 1600 سي سي مانيوال و نادر برضه أصلا و بالنسبة لكلمة سلسبيد دي تسمية فيتيس العربية لأنه كان من أجيال الستبترونيك الأولي و مشابه للنظام المستعمل في عربيات الفيراري بس بتكلفة أقل طبعا
مع ملاحظة انسحاب الفاروميو الكامل من مصر منذ فترة كبيرة

و طبعا البرافو التوربو غنية عن التعريف و ده مع احترامي لوكيل فيات الحالي اللي شايفه مش مدي فيات حقها برضه و معظم اللي مستورده مش ايطالي فيما عدا عربية ولا اتنين البرافو تربو واحدة منهم و احب افكر الجميع بان البرافو الموديلات القديمة لم تحقق أي انتشار و قطع غيارها مقتصرة علي كام مكان و سعرها اقل من الدايو مش لقلة جودتها لكن لقلة الفاهمين لجودتها

من الأخر كلامي ده لا يحمل أي قدر من الأساءة ( لاقدر الله ) لأصحاب العربيات دي لأني شخصيا اعشق تلك الموديلات لكني لست مقتنع بتكلفة ركوبها في مصر ( رأيي الشخصي ) مع ملاحظة امتلاك اسرتي لعربية جيتا 2008 خليجي و عربيتين نيسان صني 2009 و رينو لوجان 2009 ( روماني و ليس مغربي ) و دايو نوبيرا 2001 و بيجو 504 ( و كمان 505 بعتها و جبت النوبيرا 2001 ) و كان مع قريبي فولكس بوينتر 1000 سي سي قرفتنا كلنا في عيشتنا ( لا اداء من موتور و لا تكييف و لا توافر لقطع غيار )

لكن لأني عاوز افرق بين راكب العربية الهاوي اللي عنده استعداد يصرف علي عربيته ( المميزة ) حتي لو كان تفرده بموديل نادر يقابله تكلفة صيانة مرتفعة

و بين راكب العربية العادي ( انا منهم ) و اللي بيشوف تكاليف ركوب السيارة كجزء مستقطع من دخله و يمكن عنده حاجة اهم من العربية يصرف عليها ما دام راكب عربية بتحقق الحد الأدني لتطلباته ( اعتمادية , كماليات ) عربيتي الشخصية صني 2009 زي الفل

و تحفظي الكامل علي موضوع تسقيط المواتير اللي انت مش عارف اللي عمله عمل ايه في الضفيرة ولا خرب ايه عشان يركبه و كمان البي ام دبليو مثلا 316 موتورها 1600 سي سي مينفعش اسقط فيها موتور 325 2500 سي سي لأن فيه تكلفة للشاسيه و عفشة العربية و نظام الفرامل و التبريد بتزيد بزيادة حجم الموتور و بالتالي العربية بتنزل مجهزة بعفشة و شاسيه و نظام فرامل يتحمل الموتور اللي فيها مش اكبر ( مثلا ديسكات الفرامل بتاعة العربية 1600 اقل في الحجم من بتاعة 2000 ) و واحد من اللي سقطو موتور غلط كان نتيجته من كام سنة عربية بي ام دبليو عملت حادث مروع بسبب تغيير الموتور من 1600 لموتور 2800 سي سي ( فيه ناس غاوية و عارفين بيعملو ايه و حيغيرو ايه القصة مش الموتور بس )
و زي البولو ال1000 سي سي الي بيسقطو فيها 1400 سي سي اتوماتيك

هات العربية زي ما خرجت من مصنعها الأصلي
و هات الجوليت لأن تكلفة تشغيلها مش مبالغ فيها و سهلة و كمان تتباع وقت ما تحب

اسف للاطالة و ياريت محدش يتضايق من كلامي

[Hossam_Zaky]

نفسي نكون علي مستوي المناقشة و محدش يتتريق علي عربيات حد تاني لأن مستوي النقاش بيتحدد من خلال المشاركين
و معتقدش صاحب الموضوع كان عامله عشان اللي عتده ابيزا يطلع لسانه للي عنده جوليت

اللي يحب يشارك يكتب رأيه الفني أو عن تجربة شخصية مش ( لامؤاخذة ) يتمسح في كلمة أوروبي و يفتكر انه اضاف جديد و الأخ اللي قال في الأول كلمة ألماني سيات أسباني مش ألماني ( هي ضمن مجموعة فولكس اللي بتتكون من بنتلي و بوجاتي و كوزورث و أودي و فولكس فاجن و سيات و سكودا و مؤخرا بورش ) و لما تكون حضرتك مقتنع بالابيزا الاسباني متقولش انها الماني عشان تحليها في عين الناس لأن السيات في فئة سعرية تحت الفولكس في اوروبا

و مثلا عفشة الجيتا ( الأوروبي متصنعة في المكسيك ) و اللي هي بتاعة الجولف و الأوكتافيا و التوليدو و الأودي 3 و اللي المفروض انها جامدة موت و ستابيلتي اخر حاجة كانت سبب في ان عربية جيتا تتكهن بدون خدش واحد علي جسم العربية لكن دخلت في رصيف طلعت عفشتها كلها الومنيوم عشان الوزن يقل و كمان التعليق متعدد الوصلات تحول من متعة الي نقمة لما كل دراع تمنه 3000 ل 4000 جنيه و ده اكتر من واحد لكل عجلة و قنطرة شايلة الموتور و الفتيس الومنيوم تمنها 8000 جنيه فيها حساس الأيرباج يتفتح مع خبطة رصيف ( ماهي اوروبي و ركوبة تحفة ) تكلفة عفشتها بعد الحادثة كانت 50000 الف جنيه + فتيس تمنه 76 الف جنيه فالعرية اتكهنت بدون خدش علي جسمها الخارجي

الباراتي و البوينتر صناعة البرازيل و هي كانت الفولكس جول اللي فشلت في مصر

معظم الفيات اللي في مصر يا تركي يا صيني

فتيس الجيتا ال7 نقلات الجديد فيه تخوف من وجود مشاكل فيه

مرسيدس ( مفيش بعد كده ) فيها مشاكل و بتستدعي عربياتها و الوكيل في مصر بيكبر دماغه و طلع دافع رشاوي عشان يبيع
و المرسيدس الشبح ام 2 مليون سنة 91 بتتباع دلوقت ب150 الف عشان كتر المشاكل الألكترونية اللي فيها

الأوروبي لا يبيع في امريكا بصورة مرضية امام الياباني لتفوق جودة الياباني و الجولف في امريكا بيتتريقو علي اللي يركبها و اخويا ركبها زيرو هناك و رجعها للتوكيل لوجود عيوب في مكن الزجاج و الانذار و سعر اعادة البيع للفولكس سيء جدا مقارنة بالياباني

يا جماعة اللي عاوز يتداخل في موضوع ياريت يكون علي مستوي الكلام لو حنبتدي نعيب علي بعض متمثل في عربياتنا يبقي كده غلط
مفيش حاجة اسمها عربية اوروبي تبقي كويسة او ياباني تبقي كويسة لو عندك معلومة فعلية حطها يا اما متتداخلش في الموضوع و يمكن يكون فيه معلومة جديدة نتعلمها من بعض

انا عشان كده بكره التداخل في المقارنات

[tame_y]

مليون شكر لكل اللى شارك بجد وخاصة الاخ حسام ذكى اللى بذل مجهود كبير فى الكتابة ,

واحب اسألك ياباشا .. فى خاجة تانية غير الاتنين دول ؟ ههههههههه

تكون فى حدود الـ40 الف بس وماتكونش طولية زى النوبيرة مثلا لانى مش بحب العربيات الكبيرة خالص :)

[tame_y]

ايه رأيكوا طيب فى بيجو 206 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[wael ahmed]

مينفعش تزود شويه المبلغ وتشوف هوندا :)

[KoDaK_Gti]

انا كنت فى حيرتك فى نفس العربيتين بالظبط
وجبت بونتو 2001

[tame_y]

مينفعش تزود شويه المبلغ وتشوف هوندا :)

انا عايز هاتشباك

انا كنت فى حيرتك فى نفس العربيتين بالظبط
وجبت بونتو 2001

طيب قطع غيارها ايه نظامها ؟

وياريت يا جماعة تدونى رايكم فى البيجو 206

[MMamdouh]

برضه ياهندسة... أحنا مالنا ومال الكوردوبا..؟؟؟!!

مش انت دخلت اللانوس فى الجوليت؟

الأبيزا 1000cc 16v كان بيطلع 70 حصان

و الابيزا اللى فى مصر نازلة بالمكنة دى؟

والأبيزا 1400cc بيطلع 75-85 حصان (والأتنين موتور البولو)..!

سيات عندها 3 مواتير 1400 بيطلعوا 60 و 75 و 101... اللى نزل مصر المكنة اللى بتطلع 60 حصان

والصراحة أول مرة أعرف أن Giogiaro بيهرج كده...!

الشكل دة اذواق... انت شايف انة بيهرج... غيرك شايف انة استاذ

MMamdouh

[MMamdouh]

نفسي نكون علي مستوي المناقشة و محدش يتتريق علي عربيات حد تاني لأن مستوي النقاش بيتحدد من خلال المشاركين
و معتقدش صاحب الموضوع كان عامله عشان اللي عتده ابيزا يطلع لسانه للي عنده جوليت

اللي يحب يشارك يكتب رأيه الفني أو عن تجربة شخصية مش ( لامؤاخذة ) يتمسح في كلمة أوروبي و يفتكر انه اضاف جديد و الأخ اللي قال في الأول كلمة ألماني سيات أسباني مش ألماني ( هي ضمن مجموعة فولكس اللي بتتكون من بنتلي و بوجاتي و كوزورث و أودي و فولكس فاجن و سيات و سكودا و مؤخرا بورش ) و لما تكون حضرتك مقتنع بالابيزا الاسباني متقولش انها الماني عشان تحليها في عين الناس لأن السيات في فئة سعرية تحت الفولكس في اوروبا

و مثلا عفشة الجيتا ( الأوروبي متصنعة في المكسيك ) و اللي هي بتاعة الجولف و الأوكتافيا و التوليدو و الأودي 3 و اللي المفروض انها جامدة موت و ستابيلتي اخر حاجة كانت سبب في ان عربية جيتا تتكهن بدون خدش واحد علي جسم العربية لكن دخلت في رصيف طلعت عفشتها كلها الومنيوم عشان الوزن يقل و كمان التعليق متعدد الوصلات تحول من متعة الي نقمة لما كل دراع تمنه 3000 ل 4000 جنيه و ده اكتر من واحد لكل عجلة و قنطرة شايلة الموتور و الفتيس الومنيوم تمنها 8000 جنيه فيها حساس الأيرباج يتفتح مع خبطة رصيف ( ماهي اوروبي و ركوبة تحفة ) تكلفة عفشتها بعد الحادثة كانت 50000 الف جنيه + فتيس تمنه 76 الف جنيه فالعرية اتكهنت بدون خدش علي جسمها الخارجي

الباراتي و البوينتر صناعة البرازيل و هي كانت الفولكس جول اللي فشلت في مصر

معظم الفيات اللي في مصر يا تركي يا صيني

فتيس الجيتا ال7 نقلات الجديد فيه تخوف من وجود مشاكل فيه

مرسيدس ( مفيش بعد كده ) فيها مشاكل و بتستدعي عربياتها و الوكيل في مصر بيكبر دماغه و طلع دافع رشاوي عشان يبيع
و المرسيدس الشبح ام 2 مليون سنة 91 بتتباع دلوقت ب150 الف عشان كتر المشاكل الألكترونية اللي فيها

الأوروبي لا يبيع في امريكا بصورة مرضية امام الياباني لتفوق جودة الياباني و الجولف في امريكا بيتتريقو علي اللي يركبها و اخويا ركبها زيرو هناك و رجعها للتوكيل لوجود عيوب في مكن الزجاج و الانذار و سعر اعادة البيع للفولكس سيء جدا مقارنة بالياباني

يا جماعة اللي عاوز يتداخل في موضوع ياريت يكون علي مستوي الكلام لو حنبتدي نعيب علي بعض متمثل في عربياتنا يبقي كده غلط
مفيش حاجة اسمها عربية اوروبي تبقي كويسة او ياباني تبقي كويسة لو عندك معلومة فعلية حطها يا اما متتداخلش في الموضوع و يمكن يكون فيه معلومة جديدة نتعلمها من بعض

انا عشان كده بكره التداخل في المقارنات

انا قولت الكلام دة مليون مرة قبل كدة بس محدش بيسمع

اى مقارنة تلاقى ناس داخلة تهلل للعربية اللى بتحبها او تتريق على العربية اللى بتكرها و فى الاخر الخاسر الاكبر هو صاحب الموضوع

MMamdouh

[tame_y]

طيب فى حد حايفيد صاحب الموضوع ويقولى رأيه فى البيجو 206 والبونتو 2002 ولا لا ؟

ولا اخيلينى فى الجوليت والإبيزا ؟

[cheetos_892005]

بالنسبه للابيزا والجوليت

شكل : ازواق طبعا
صاج : الابيزا

موتور : جوليت (الابيزا ال 1000 و 1400 ) مواتير ممله

استهلاك بنزين : الابيزا اقل

تكيف : جوليت

صاج وامان : الابيزا

تقفيل: الابيزا

اعاده بيع : الابيزا سوقها تقيل زي كل الاوروبي

اعتماديه : ابيزا

عفشه و ثبات : الابيزا

صيانه و قطع غيار : الجوليت طبعا ((الابيزا حاجتها نااااااار و مش كتير ))

شوف حضرتك عايز ايه بقى