kia Rio 2011 or Gen2 (both manual) ???

[heartbreaker]

mesh 3aref a5tar eh.....Gen2 walla Rio ....both zero model 2011 tab3an

eh ra2yokom

[abdalah_hashem]

والله العربيتين اللى انت قولتهم احلى من بعض :) الواحد يحتار بينهم فعلا

بس الريو 1400 سى سى والجين 1600 سى سى
انا عن نفسى بفضل الريو كشكل والجين كقوة

[Dawns_Mist]

اليرو :
شكل شيك وشبابي في نفس الوقت ، تقفيل كويس ، موتور موفر نسبيا للبنزين ، وكيل كويس ، قطع غيار سعرها مناسب ، سعر إعادة بيع أفضل.
عفشة قديمة التكنولوجيا .. ناشفه نسبيا لكن بتعيش
موتور ضعيف نسبيا ، سحبها مش زي اللي انت متوقعه من عربية شبابي
المساحة الداخلية مش مناسبة لعربية عائلية
واطيه نسبيا على الأرض
فقيرة جدا في الأوبشنز بكل أنوعها ( رفاهية ، ميكانيكيه ) لكن بالنسبة لسعرها مقابل أي عربية كوري هتلاقيه في العادي( مش عارف ليه الكوريين طالعين في العالي كده على الفاضي ) !!!

الجين 2 :
شكل شبابي جدا
عالية نسبيا عن الأرض مقارنة بالريو
موتور قوي جدا مقارنة بالريو بالتالي فرق كبير في السحب
المساحة الداخلية أوسع
عفشة متطورة جدا ( مالتي لينك ) بالتالي تساعد أكثر على الثبات.
أوبشنزر ممتازة ( رفاهية ) جنوط ، سينسورز ، فوج ، سماعات و كاسيت ممتازين
أوبشنز عالية جدا ميكانيكا .. آي بي إس + إي بي دي = ثبات و أمان ممتاز ، نظام موتور كامبرو أكثر تطورا من الريو
على الناحية السلبيه .... وكيل مش منتشر ، أسعار قطع غيار غالية مقارنة بالكوري ، عيوب تقفيل بسيطة و غير مؤثره ، سعر إعادة بيع قليل.


أعتقد كده .. لو انت هتعرف تحافظ على العربية و مش هتبيعها قريب .. يبقى الجين أكيد بدون نقاش .. أما لو عايز حاجة تخبط فيها و تلعب بيها يبقى أعتقد تدور على الريو أو حاجة تانية كوري

[heartbreaker]

alf shokr ya shabab....bas feh 7aga kaman kont seme3tha en el Rio el sedan heytwe2f entagha we tenzel wa7da hatch back instead ....hoa dah sa7 ??

[Formulator]

اليرو :
شكل شيك وشبابي في نفس الوقت ، تقفيل كويس ، موتور موفر نسبيا للبنزين ، وكيل كويس ، قطع غيار سعرها مناسب ، سعر إعادة بيع أفضل.
عفشة قديمة التكنولوجيا .. ناشفه نسبيا لكن بتعيش
موتور ضعيف نسبيا ، سحبها مش زي اللي انت متوقعه من عربية شبابي
المساحة الداخلية مش مناسبة لعربية عائلية
واطيه نسبيا على الأرض
فقيرة جدا في الأوبشنز بكل أنوعها ( رفاهية ، ميكانيكيه ) لكن بالنسبة لسعرها مقابل أي عربية كوري هتلاقيه في العادي( مش عارف ليه الكوريين طالعين في العالي كده على الفاضي ) !!!

الجين 2 :
شكل شبابي جدا
عالية نسبيا عن الأرض مقارنة بالريو
موتور قوي جدا مقارنة بالريو بالتالي فرق كبير في السحب
المساحة الداخلية أوسع
عفشة متطورة جدا ( مالتي لينك ) بالتالي تساعد أكثر على الثبات.
أوبشنزر ممتازة ( رفاهية ) جنوط ، سينسورز ، فوج ، سماعات و كاسيت ممتازين
أوبشنز عالية جدا ميكانيكا .. آي بي إس + إي بي دي = ثبات و أمان ممتاز ، نظام موتور كامبرو أكثر تطورا من الريو
على الناحية السلبيه .... وكيل مش منتشر ، أسعار قطع غيار غالية مقارنة بالكوري ، عيوب تقفيل بسيطة و غير مؤثره ، سعر إعادة بيع قليل.


أعتقد كده .. لو انت هتعرف تحافظ على العربية و مش هتبيعها قريب .. يبقى الجين أكيد بدون نقاش .. أما لو عايز حاجة تخبط فيها و تلعب بيها يبقى أعتقد تدور على الريو أو حاجة تانية كوري

+111
مفيش كلام تانى...
أنا بس عندى كومنت صغير ... بعد أذنك..!
عفشة الـGen2 مش Multi-link زى بتاع الجولف 4-links أو الهوندا 5-links ...!!
هى independent آه.. بس Double-Wishbone مش ملتى-ليتك, وده نظام التعليق المشتق من Lotus .. ومعتمد فى كثير من السيارات الرياضية.

وده لا يقلل من العربية أبدا.. وبالنسبة للمقارنة: رأيى الشخصى أن الـGen2 تتفوق كموتور وعفشة وفرامل وأداء.. للى عايز يركب عربية محترمة..!!!

والـRio عربية inferior بكتير عنها.. موتور أقل.. تعليق خلفى سىء.. وكورى.!!!

[heartbreaker]

u know according to this link, the rio after service sounds better than the gen2

[heartbreaker]

http://www.nilemotors.net/Nile/192533-2011.html

[mido_soliman]

http://www.nilemotors.net/nile/192533-2011.html

شوفت اللينك وملقتش اى حاجة تخلى الريو تتفوق على الجين2
من رائى جين 2 طبعا

[Ahmed.Ali]

انا شايف ان الجين2 احسن في الريو كمان في اعاده البيع و سعر قطع الغيار لان العربيه منتشره اكتر بكتيييييير من الريو و خصوصا الريو الجديده انا بدأت اشتري قطع غيار من بره و الاسعار عاديه جدا و ساعات بتبقي رخيصه كمان

[omar-saad]

جن 2 افضل

[hamadafawzy]

مش ملاحظين يا جماعه انكم متحاملين شويه علي الريو انا بتناقش عادي يعني محدش يمسك فيا ثم لو نراجع كده العربيات اللي مع الناس اللي ردت مش هنلاقي ولاواحد معاه ريو طيب هوه ا تقييمه ده منين من السمع بس مشبناء علي تجربه؟
ثم الناس اللي بتتكلم علي ان اسعار قطع غيار البروتون في المتناول يدخل علي اللينك ده وهيلاقي ان كل الناس بتشتكي من غلو الاسعار

http://www.nilemotors.net/Nile/203182-a.html

فياريت نبقي محيادين يا جماعه وعلي الاقل يوم ما حد يتكلم علي عربيه علي الاقل يكون معاه واحده زيها مش لمجرد انه مع نوع تاني ينحاز ليه من غير سبب مقنع ثم كلنا عارفين ان سوق البيع بيبع اكتر الكوري اكتر من الماليزي زي البروتون
ولصاحب الموضوع ربنا يرشدك للي فيه الخير وتوصل للاختيار اللي يريحك بعد كده

[Dawns_Mist]

+111
مفيش كلام تانى...
أنا بس عندى كومنت صغير ... بعد أذنك..!
عفشة الـgen2 مش multi-link زى بتاع الجولف 4-links أو الهوندا 5-links ...!!
هى independent آه.. بس double-wishbone مش ملتى-ليتك, وده نظام التعليق المشتق من lotus .. ومعتمد فى كثير من السيارات الرياضية. :s_thum1[1]:

وده لا يقلل من العربية أبدا.. وبالنسبة للمقارنة: رأيى الشخصى أن الـgen2 تتفوق كموتور وعفشة وفرامل وأداء.. للى عايز يركب عربية محترمة..!!!

والـrio عربية inferior بكتير عنها.. موتور أقل.. تعليق خلفى سىء.. وكورى.!!!

تسلم إيدك و ألف شكر يا باشا ...
طبعا أنا ماكنتش عايز أدخل في تفاصيل شرح الميكانيكية بتاعت العفشة لإني كنت بدي تعليق سريع .. لكن انت كلامك صح و أنا فاهم كلامك كويس .. المالتي لينك بتاع الجين مش زي بتاع الجولف ولا الهوندا لإنه معتمد فقط على وصلتين مش 4 ولا 5 و ده يسمى الإنديبيندنت و ، لكن أنا كنت أقصد بس الإشارة إن عفشة الجين متطورة أكتر و أفضل كمان بكتير من الريو .... لكن مافيش كلام إن شرحك ده تمام التمام .

بصراحه أنا عندي كلمة هتزعل ناس كتير ... أنا سوقت تقريبا كل الكوري اللي موجود في مصر ، و بصراحه ( ولا عربية كوري لاقيت ثمنها فيها ) دايما بتكون أغلى من إمكانياتها ... لكن كل الناس بتحبها علشان أسعار قطع الغيار و الانتشار و الميكنة البسيطة اللي أي واحد ممكن يشتغل فيها بسهولة ... لكن فعلا لو هتعرف تحافظ لى عربيتك و مش هتلعب فيها كتير و انت راجل عملي مش بيفرق معاك المنظر ولا بتحب التنطيط ولا ناوي تغير عربيتك كل سنة و نص يبقى فكك من أي كوري و صيني .

[eng.m7md.ali]

الميزة الوحيدة للكيا ريو انها ناعمة عن الجين2 غير كدة الباقي للجين2

[Dawns_Mist]

مش ملاحظين يا جماعه انكم متحاملين شويه علي الريو انا بتناقش عادي يعني محدش يمسك فيا ثم لو نراجع كده العربيات اللي مع الناس اللي ردت مش هنلاقي ولاواحد معاه ريو طيب هوه ا تقييمه ده منين من السمع بس مشبناء علي تجربه؟:u_thin1[1]:
ثم الناس اللي بتتكلم علي ان اسعار قطع غيار البروتون في المتناول يدخل علي اللينك ده وهيلاقي ان كل الناس بتشتكي من غلو الاسعار

http://www.nilemotors.net/nile/203182-a.html

فياريت نبقي محيادين يا جماعه وعلي الاقل يوم ما حد يتكلم علي عربيه علي الاقل يكون معاه واحده زيها مش لمجرد انه مع نوع تاني ينحاز ليه من غير سبب مقنع ثم كلنا عارفين ان سوق البيع بيبع اكتر الكوري اكتر من الماليزي زي البروتون
ولصاحب الموضوع ربنا يرشدك للي فيه الخير وتوصل للاختيار اللي يريحك بعد كده

والله يا حبيب قلبي لا أنا ولا غيري بيحاول يتحير لعربيته ... و على فكره كل واحد فينا قبل مايكون معاه عربية من دي كان سأل قبلها و جرب و شاف لحد ماقتنع بيها .. ولو فيه حد كان متحيز فأنا بعتذر لحضرتك و أنا نفسي أرفض حاجة زي كده ...

لو بصيت لردي الأول خالص و اللي هو كان أول تعليق على استشارة صاحب الموضوع .. هتلاقيني اتكلمت عن الريو الأول .. و أول ماتكلمت ذكرت مميزاتها بكل حياديه .. و كمان قولت إن فيها مميزات عن الجين فيه بعض الحاجات من ضمنها ( قطع الغيار ، التوكيل ، سعر إعادة البيع ، استهلاك البنزين ، التقفيل الجميل ، و كمان أنا عن نفسي بحب شكل الريو جدا ) .... و قولت برضه عيوب تانية في الجين قبل ماقول مميزاتها .... و في النهاية ماقولتش لصاحب الموضوع ( سيبك من الريو دي خالص و لازم تشتري جين ) لا أبدا .. قولتله والله لو انت بتفكر في كذا يبقى كذا ولو كذا يبقى كذا ... بكل حيادية .. و على فكره أنا لسه ماشتريتش الجين تو لحد النهارده أنا صحيح روحت و سوقتها و بصيت عليها و خلاص مقرر أشتريها من بدري علشان كده كتبتها كعربية تانية ليا لكن هستلمها بإذن الله قريب جدا لإني بعد ما روحت دفعت مقدم ليها رجعت في كلامي و قولت هشتريها كاش و علشان كده كنت منتظر شوية لحد ماجمع كاشها من فلوسي .

* للعلم ... أنا سوقت الريو ، ولو ماكنتش سوقتها كنت هقول قبل ماعلق إني ماسوقتهاش

ماتزعلش مني ولا من أي حد .. الموضوع بسيط جدا و كلنا هدفنا واحد .. نتكلم بصراحه و ندي معلوماتنا و خبراتنا لصاحب الموضوع و نفيده علشان نساعده في قراره ، و نساعد اي حد تاني محتار زيه .

[heartbreaker]

mashy ya shabab bas ana basma3 7agat keteer mesh kuwaisa 3an tawkeel Gen2 fel syana wel daman we keda !